إسماعيلي إس سي - i s m a i l y S C - بس يا بت ….. لو لم يكن الدراويش

بس يا بت ….. لو لم يكن الدراويش

حجم الخط Decrease font Enlarge font
image

د.عاطف درويش - اغسطس 2005 .. في احدي الليالي البطيئة التي تمر مرور الجبال الرواسي انتظارا لمباراة دارويشة في الإسماعيلية

 

 , و بعد أكلة  محترمة من آكلة شعبية غير  محتشمة في التأثير علي القولون الغير ملتزم أخلاقيا من الأصل  لم يجدي نفعا قرصين اسبازمو كانيولاز و الذي منه.

.........................................................

و بعد قيلولة  غير مستقرة .. وجدت (  نفسي ) العكروتة   تسألني : الدنيا تبقي ايه… لو لم يكن الدراويش .

.......................

 بصراحة فوجئت بذلك السؤال منها

 و من ثم  تمطعت و رقعتها قلم من اللي قلبكم لا يحبونهم

 

 و قلت لها: بس يا بت ..تسألي سؤال زي ده

ده سؤال  من نوع أسئلة  البنت الطفلة العكروتة لما تسأل مامتها : أنا جيت منين يا ماما .. فيحمر وجه الماما خجلا لأنها تعلم  و يقينا ان العكروتة جاءت  منين و ليه و أمتي

 و لماذا  و كويس انها  لم تسأل لماذا و بكرة تكبر و تعرف منين و لماذا أيضا.

............................................................

و لان نفسي غالية عليه زي ما بيقول فريد الأطرش ,

 و جدتها أخذت ركن بعيد هادئ و جلست و هي تبرطم و تتمتم بكلمات مفهومة طبعا من أثر القلم المكن اللي أخذته و عاشت دور أنغام.

..............................

 

و و جدت السؤال العكروتي يتردد زي الافلام العربي : الدنيا تبقي إيه … لو لم يكن الدراويش

الدنيا تبقي إيه … لو لم يكن الدراويش

 .......................................................

سؤال غريب جدا

الدنيا تبقي إيه … لو لم يكن الدراويش

سؤال وجيهة  جدا

الدنيا تبقي إيه … لو لم يكن الدراويش

 

...............................................

لو لم يكن الدراويش.

.الدنيا مش حتبقي لها طعم و لا لون و لا رائحة مثل طبق فول بالزيت الحار و الشطة بس المعلم إسماعيل الضبع نسي ان يضع و لو ذرة ملح واحدة.

.......................................

لو لم يكن الدراويش .

. كرة القدم كانت حتبقي زي لعبة الهوكي .مش عارف أصلا بيلعبوها ليه و تاعبين نفسهم بعصاية و عكاز و وجع قلب .

.............................................

يا نهار اسود …دنيا ما فيهاش دراويش و فيها الأهلي و الزمالك فقط ..عارفين ده معناه ايه ..انك ممكن تكون و استغفر الله ..استغفر الله … استغفر الله . انك ممكن تكون اهلاوي و انتم تعلمون مدي تأثير ذلك علي العقل و الإحساس و الشعور و الشكل العام الذي ينحاز إلى نظرية غير المأسوف عليه دارون, و نبقي دول عالم رابع مش تالت.

................................................

يا خفي الالطاف نجنا مما نخاف .

. دنيا مفيهاش دارويش ..

 يعني مفيهاش علي ابو جريشة  ربنا يديله الصحة و هو الذي كان و مازال  الفاكهة الوحيدة بالكرة المصرية و كانت الكرة المصرية كلها أصبحت  بصل احمر و لفت ابيض و قرع و كوسة و كرنب.

 

اللهم عفوك و رضاك .. دنيا مفيهاش دارويش …

 يعني ما كناش شوفنا  الراحل حازم و لا الراحل حمادة الرومي  و لا الراحل علي اغا و لا الراحل الكبير رضا و الراحل  شحته و غيرهم كتير و كتير.

 

يارب لك الحمد و الشكر …. انا لا يمكن أتصور أن الدنيا دي من غير الدارويش ..يعني مفيهاش بشير عبد الصمد و العجوز و محمود حسن و العيسوي  و سعفان و عماد سليمان و الصغير و الكبير و لا او او او اوتاكا و و لا محمد محسن العسل  و لا حسني الملك  و لا  احمد فتحي المخلص  و فتحي ايوب و عمورة الاصيل و ..مستحيل ميكونش فيها معوض و صبحي  ومعتصم  الهمام و الجمل و حمص و حلاوة .

................................................

 

الدنيا من غير دارويش يعني ماعرفناش المعلم عثمان الله يرحمه و امتداده  الدكتور العظيم إسماعيل و فلتة الاخلاص و العشق إبراهيم بوند اللي خللي الدنيا كلها سمعت صوتنا و  قدرت موقفنا . و أنستنا رحيل و مش رحيل .

 

مستحيل..مستحيل

مستحيل..مستحيل

 

 ان تكون الدنيا بدون الدارويش. و نصف صحفيين مصر المحروسة و كل الإعلام كان حيبقي من غير شغل و الصحافة تفضي و الجرائد الرياضية تتباع ناصعة البياض و  الحمار . نظرا لعدم وجود فريق يهاجمونه و يهاجمون جمهوره .

 

دنيا مفيهاش دارويش كان زمان رقم اربعة قد فقد رونقه و جماله و  اصبح لا يمثل عقدة لجماهير نادي قرن الخروب.

 

كان يا تري عمل اية شوبير و شلبي زمانه و كان حيلاقي منين يلقي عليه التهم و كانت دريم أتعملت ليه من اصله و كانوا حيلاقوا مين السبب في محنة نادي القرن و الأربعات إياهم.

 

 دنيا مفيهاش دارويش …

 تبقي دنيا  مالهاش طعم و مفيهاش موقع إسماعيلي اون لاين و لا كنت عرفت الاخوة  : لطفي و احمد عزت و لا هاني حمدان و محمد فاروق و لا المشاغب عمرو سيف و العاقل احمد شلبي و الاستاذ محمد و عبدو و عثمان  و لا عادل المناكف  و اهداف محمد ابراهيم و منوصة و محمد ابو طالب و المؤدب البرنس  و لا ابو شادي و لا هوش الهوشا رئيس العصابة الدرويشية  و امجد زعيم العشق الاسما علاوي  و احمد حسن ولعه و لا  رحمة الحبيب و .. و ...  و كل الاخوة جميعا و لا مستر إسماعيلي و مستر دراويش و دارويش و دارويشي و دارويشينج و دراويشنا و دارويشكم و درويشنا كلنا.

 

معقولة دنيا مفيهاش دارويش  و اتحاد الكرة كان يلاقي مين ينغص عليه عيشته و ينقل نصف مباريات الموسم خارج الإسماعيلية و بدون جمهور.

……………………………………………………………

……………………………………………………………

و فجأة

و علي زغدة قوية من المدام و قالت لي بصوت جميل غصب عني

… إيه أنت نمت و إلا  إيه ..قوم هات لنا عيش علشان نأكل بواقي الغداء في العشاء .

..............................

...............................

و بعيون مدغششة ...  تلفت حولي ابحث عن نفسي و اتاكد من انها سألت :  السؤال

الدنيا تبقي ايه… لو لم يكن الدراويش .

لقيت نفسي العكروتة تبتسم لي ابتسامة ذات مغزي و معني و متحزمة بشال اصفر

 و هات يا رقص و دلع  و بتقول بدلع شديد  نانسي عجرمي جميل

بيب …بيب…. داراااوووويش.

جديد إس سي
image

فخر الدين يشكو الاسماعيلي و عقوبة المستقبل بخصم 6 نقاط

تقدم اللاعب الونسي فخرالدين بن يوسف الي لجنة شئون اللاعبين بالفيفا ضد النادي الاسماعيلي بدعوي عدم الحصول علي مستحقاته خلال فترة تعاقده لمدة ستة اشهر
image

المران الرئيسى .. تقسيمة مطولة وفقرة على التسديدات

خاض لاعبو الفريق الأول لكرة القدم بالإسماعيلى المران الرئيسى منذ قليل ، ضمن برنامج الاعداد لمواجهة الزمالك يوم الأثنين المقبل باستاد القاهرة فى الجولة الأخيرة بمسابقة الدورى المحلى.
image

ريكاردو: الإسماعيلي سيدفع بالناشئين أمام الزمالك

أكد البرازيلى هيرون ريكاردو المدير الفنى لفريق الكرة الأول بالإسماعيلى أن الفريق يستعد بكل جدية لمواجهة الزمالك رغم ضيق الوقت. ويلتقى الإسماعيلى مع الزمالك فى مواجهة
image

مران الدراويش .. الارتداد السريع والتسديدات وتعليمات ريكاردو

واصل فريق الكرة الأول بالإسماعيلى الاستعداد لمواجهة الزمالك يوم الأثنين المقبل ،فى إطار الجولة الختامية من عمر مسابقة الدورى المحلى.
image

الاسماعيلى (ما بين الاستثمار والاستغلال) ... الجزء الرابع

- بقلم ا. نهاد حجاج ..بداية قبل قراءة الجزء الرابع يجب الاطلاع جيداً علي الأجزاء الثلاثة السابق عرضهم علي صفحتي الرسمية كي يتبلور المشروع لدى
image

الاسماعيلي يعود للمران لمواجهة الزمالك 26 اكتوبر

بدأ فريق الإسماعيلى الاستعداد لمواجهة الزمالك في الأسبوع الــ34 و الاخير من الموسم الحالي 2019/2020
image

الإسماعيلى فى اجتماع مع الزمالك لتحديد موعد المواجهة

توجه طارق أبوالليل المدير الإدارى لفريق الكرة الأول بالإسماعيلى اليوم لمقر اتحاد الكرة لحضور الاجتماع ممثلا عن النادى بجانب ممثل عن نادى الزمالك إضافة لمحمد
image

إنجاز جديد .. فرسان الدراويش يحصدون برونزية الصالات

حصد لاعبو الإسماعيلى لكرة الصالات المركز الثالث ببطولة دورى الصالات ، بعد الفوز على الإعلاميين بضربات الجزاء الترجيحية بنتيجة 6 ركلات مقابل 5.
image

الإسماعيلى يحصل على توقيع أحمد مصطفى

وقع اللاعب  أحمد مصطفى على عقد مدته 4 مواسم مقبلة مع النادي الاسماعيلي حسب الاتفاق المالي و التعاقدي مع مسئولي لجنة التعاقدات   والتى تضم الرباعى خالد
Powered by Vivvo CMS v4.1.5.1