إسماعيلي إس سي - i s m a i l y S C - بقلم الأستاذ سيد الخمار

بقلم الأستاذ سيد الخمار

حجم الخط Decrease font Enlarge font
image

دعبس والبسبس وإعلام الهلبوقا ......إذا كان قرار دعبس أفندي صاحب فرن مودرن- الفضائي- للعيش البلدي والفينو صحيح


 فما حدش يزعل خصوصا أخويا علاء وحيد وصاحبي سيد حسن ونجم الدارويش العظيم الفاكهة صلاح ابو جريشة؟
قولولي ليه ؟ قولتوا ليه
ماشي اللافندي دعبس مش أول مرة يعملها ومش آخر مرة ببساطة دة سلوك الباشمهندسين المستثمرين في زمن أحمد عز والحزب الوطني القابض والحاكم والعاكم علي كل شئ ودعبس من النوعيات التي صعدت مع بروز وداربزين وشباك وبلكونة رجال الأعمال الرأسمالية والرقصمالية مفيش مانع
وطبعا دعبوس لما قرر يعمل بطل قرر يضرب الدراويش في مقتل ليه بقي لأنه عارف كويس يقدر يجيب إعلانات للبرنامج ووليد دعبس بالتحديد يعرف العفريت مخبي بنته العورة فين وانا أعرفه شخصيا وقابلته في مكتبه الذي يشبه بيت السلاحف في مصر الجديدة وكان بيننا مشروع لبرامج واخوكم خلع بلا قلة قيمة يا راجل واحد متصور نفسة ابو العريف وفاهم كل حاجة في الاعلام واتكلم معايا علي اساس اني منجد بلدي او افرنجي في احسن الاحوال وكان هذا في مثل ذلك اليوم في رمضان الماضي وقعدت مع مسئول اخر في المحطة كان اسمه عمر علي ما اظن وبعض الظن اسم وفعل وحرف
ما علينا ساعتها عرفت ان الرجل لا هدف له سوي الربح المالي بمنطق صاحب الفرن البلدي الذي يريد المكسب وهذا حقه فلوسه وفلوس والده هو حر فيها ومن حكم في ماله ما ظلم
اما الحقيقة الجلية ان بهوات الاعلانات وعزبة الابعد حسن زبادي قررت حرب جديدة علي الدراويش وقطع لسانهم الوحيد علي الفضائيات وكان يمكن حل ازمة الاعلانات لو كانت صحيحة فعلا لكن الازمة الحقيقة حتي ارتهان الاعلام المصري في يد مجموعة تلعب بالبيضة والحجر والكتكوت وتفقس بيض ممشش واللي مش عاجبة يغور في ستين داهية وااللي حرنان علي الدراويش يولع بجاز وسخ من بنزينة الجزيرة او جبلاية القرود للتوليع والكبريت الاحمر
والسؤال الذي يطرح ويجمع ويضرب ويقسم نفسه هل كان الباشمهندس دعبس يتجرأ علي الاسياد ويفكر ولو بينه وبين نفسه او حتي مع سكرتيرته في إلغاء برنامج اهلاوي اتحداه ان يقول الحقيقة ومستعد لمواجهته علي الهواء مباشرة رغم ان برنامج اسمعلاوي هو الافضل بلا منازع وصاحب المركز الاول في نسبة المشاهدة رغم وجود بعض التحفظات وقلتها للسيد حسن وعلاء وحيد من قبل ومع ذلك فضربة قفل البرنامج بالضبة والمفتاح الاحمر المصنوع في وكالة البلح - الاحمر برضوا- الاهرام سابقا-
والان ماذا انتم فاعلون اولا للعلم فالسيد حسن معد ناجح ولديه عروض للبرنامج من محطات اخري وسوف يعود البرنامج بشكل جديد علي محطة اخري وربنا يستر من اللهو الخفي اللي سكن في شارع الجلاء
ومطلوب فورا مقاطعة فرن دعبس الفضائي لانه ببساطة لم يحترم قيمة الدراويش ولم يكن يعرف اننا الذين كنا نعطي محطته قيمة وسيما وهو اللي باع وبكرة يعرف ان خسر ناس صحيح مش اغنياء لكنهم يا دعبس افندي هؤلاء الدراويش الذين طردتهم من فرنك هم الذين حملوا مشعل المجهود الحربي لمصر وجمعوا الملايين لكي تشتري مصر السلاح لنحارب الصهاينة الكلاب الانجاس ووقتها سيادتك كنت بالكتير بتلعب بالشورت كورة شراب او لعبة الحجلة او ضربونا بونا وسلام مربع للاعلام موديل فلسعة وهلابوقة وخد في الهايفة وانا احبك يا فننس علي رأي خفيف الظل محمود عبد العزيز في فيلم الكيف

كلام سم بدن

محور 26 يوليو
طبعا تصاعد دور مصر المحوري في العالم العربي لانه دلوقتي مرتبط بمحور 26يوليو


نظيف والطيور
هل الباشمهندس نظيف تخلص من انفلونزا الطيور فعلا الواضح يا حضرات انه مسكين اتلخبط واتخلص من الطيور ذات نفسها و كملها كمان بانف- لونزا الخنازير والمشاهير ولسه ولسة ولسة

دعبس والاحرار
لا اعرف لماذا تذكرت الان احد رؤساء تحرير جريدة الاحرارالاسبوعية الذي قرر ذات مرة ان يعطينا بقيمه المرتب جرايد ويومها دخلت ع المرحوم الخمار الكبير ومعايا شيلة جرايد وقال اية دة قلت دة مرتبي اصل مفيش فلوس في الجرنال

الخمار الكبير والصحافة
رد والدي ونده علي ام سيد وقال قومي عشي ابنك الصحفي بلا خيبة وقلة قيمة يا ابني الجعانين ومحدثي النعمة والنعمة الشريفة ما يعرفوا يعملوا صحافة دي سخافة يا ولدي انت كتبت شادرالسمك ونجح كمل في السيناريو وسيبك من الهبابة المدعوقة الصحافة اللة يرحمك يا بويا تقول ايه في الداء المهبب اللي اتمكن مني وخلاني جورنالجي

حسن شحاتة
حركة وحشة قوي دي اللي عملتها مع صلاح ابوجريشة واحرجته واهنت تاريخك يا ابو كريم وانا مش مسامحك حتي تعتذر يا كبير

نقيب الصحفيين
اخونا الجورنالجية وقعوا في حيص بيص دلوقتي ومش لاقيين حد عليه الطلي يترشح لمنصب النقيب بدلا من مكرم محمد احمد اللي ماشاء الله عليه جاب ضرف النقابة ولو لم تتعقل حكومة لجنة السياسات سيأتي نقيب يخلص القديم والجديد من الحكومة خصوصا اخونا يوسف بطرس عالي اللي خلاها خل خف شوية ياجو ومتبقاش السبب في الحريقة الي حتبقي علي سلم النقابة علي رأي واحد صحفي لاسع

 

 

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1