إسماعيلي إس سي - i s m a i l y S C - انا وانت ودولة حسن حمدي ورقصني ياجدع

انا وانت ودولة حسن حمدي ورقصني ياجدع

حجم الخط Decrease font Enlarge font
image

علي واحدة ونص ؟؟؟؟؟ سقوط مبارك و رحيل مرسي وبقاء حسن حمدي هأأأؤؤؤ ع الحلاوه... صحي وزير الرياضة، طاهر أبو زيد،

  وفضل قاعد في السرير
تحت اللحاف بيستمتع بالدفا وهو بيبحلق في السقف وبيفكر في القرار اللي كان عايز ياخده بقاله كام يوم. بعد كام دقيقة بص على الكومودينو جنب السرير وشاف علبة حبوب الشجاعة اللي كان اشتراها في سفرية من السفريات وقعد يشاور عقله شوية وسمع حد في عقله الباطني بيقوله “اعمل الصح يا طاهر!!! اعمل الصح ومتخافش”
قام الوزير وفتح علبة حبوب الشجاعة وخد حبايتين وقام يلبس ويستعد لليوم الحاسم.
بعد ما وصل الوزير للشغل، كلم مستشاره مصطفي عبدالله وقاله يجيله على مكتبه. بعد دقيقتين وصل المستشار وهو مستغرب من مكالمة الصبح دي.
المستشار: صباح الخير يا معالي الوزير
الوزير: صباح الخير يا مصطفى. اقعد. فيه حاجة مهمة عايزك فيها.
قعد المستشار وقال: خير يا معالي الوزير.
الوزير رجع بضهره في كرسيه وقال: بص يا مصطفى. أنا قررت أحل مجلس إدارة النادي الأهلي النهارده وأعين مجلس تاني.
المستشار عينيه برقت وقال: ليه كده يا معالي الوزير؟ ايه اللي حصل؟
الوزير: أبدا. لقينا مخالفات مالية وادارية وأنا ما يعجبنيش كده. إحنا في عصر الثورة ولازم ننضف الدنيا.
المستشار: هو إحنا ينفع أصلا نحل مجلس إدارة النادي الأهلي؟ أنا قريت في كتاب “دليل المبتدئين لإدارة وزارة الرياضة في مصر” اللي إنت اديتهولي لما استلمت الوزارة وكان مكتوب إننا ما نقربش من النادي الأهلي. إحنا كده بنلعب مع الأسد.
الوزير قام اتنفض وهو متنرفز وقام خبط ايده على المكتب وزعق وقال: يعني ايه بنلعب مع الأسد؟ دانا التنين قصدي الوزير. أعمل اللي أنا عايزه.
كش المستشار في كرسيه وقال: خلاص. أنا ما قصديش حاجة يا معالي الوزير. أنا قلقان بس من رد فعل النادي الأهلي وجماهيره والأولتراس وإحنا داخلين على ذكرى 25 يناير.
الوزير رد بصرامة: أنا خدت قراري خلاص. هو كده. لازم يعرفوا إن محدش فوق المسائلة.
وفعلا أصدر الوزير القرار وكان رد الفعل عند النادي الأهلي عنيف.
حسن حمدي، رئيس مجلس ادارة النادي الأهلي: هو فاكر نفسه مين؟ يعني ايه يحل المجلس؟ أنا هفهمه غلطه.
وقام مطلع موبايله ومتصل ب140 دليل علشان يجيب رقم حازم الببلاوي، رئيس الوزراء واتصل بيه:
حسن حمدي: صباح الخير يا حازم بيه. معاك حسن حمدي.
حازم الببلاوي: إزيك يا حسن. أخبارك ايه؟
حسن حمدي: تمام. بص يا باشا. أنا كنت ناوي أطلع العين السخنة الويك أند اللي جاي علشان احتفل أنا والعيلة ب25 يناير هناك مع الشمس والبحر بس اتعكننت النهارده من وزيرك. فيا ريت تكلمه وتضبطه علشام ممكن ما يحصلش كويس.
حازم الببلاوي رد وهو متوتر: لأ يا حسن إحنا ما نقدرش نزعلك ونعكنن عليك ولا نضيع عليك أجازتك. هو طاهر كده ساعات بيندفع بس ما قصدوش حاجة. معلش جت فيك المرة دي.
حسن حمدي: لأ، مفيش معلش. لموا الدور أحسن.
حازم الببلاوي: خلاص. خلاص. اعتبر الموضوع انتهى. أنا هتصرف.
وقفل حازم الببلاوي السكة وقعد يفكر في حل للموضوع.
حازم الببلاوي وهو بيكلم نفسه: كده ورطتني يا طاهر؟ مانا كنت قاعد مستريح الصبح. لازم العكننة؟ طب ايه الحل؟
وقعد يفكر شوية وقرر يوقف قرار حل المجلس علشان يتراجع قانونيا.
حازم الببلاوي: هو بصراحة حل بلدي ومفقوس بس نعمل ايه؟ أهو مش أسوأ من موضوع أبلة فاهيتا.
ونزل القرار ولما عرف طاهر أبو زيد كان هيشيط.
طاهر أبو زيد: يعني ايه يوقف قراري؟ دانا كده منظري زي الزفت.
المستشار: معلش يا معالي الوزير، انت عارف اعداء النجاح.
طاهر أبو زيد: لأ أنا مش هاسكت. أنا ممكن أوقف النشاط الرياضي كله في البلد وأقفل الأندية كلها. دانا الوزير مش أي حد.
المستشار: طبعا طبعا بس الموضوع مش مستحمل رد من معاليك. كلها يومين ومجلس الإدارة هيتحل ويقولوا عليك بطل قومي لإنك واجهت الفساد.
فكر طاهر أبو زيد شوية وقال: بس أنا كده برستيجي اتهز. متهيألي في المواقف دي الواحد لازم يستقيل ولا تفتكر أقعد أحسن؟
المستشار: تستقيل ايه بس يا معالي الوزير؟ ده حضرتك أنسب واحد للكرسي ده.
طاهر أبو زيد: بس أنا مش هقدر أكمل كده بالوضع ده.
وقام جاب وردة من فازة محطوطة على المكتب وابتدى يقطف ورقها: استقيل…مستقيلش…استقيل…مستقيلش…استقيل…مستقيلش. طالما بختي بيقوللي ماستقيلش يبقى هاقعد وأحارب الفساد وأثبت إننا لازم كلنا نشتغل صح وما نستغلش نفوذنا ونمشي عدل علشان مصر تتقدم بقى.
وبعد كام يوم، اتحكم على طاهر أبو زيد بالحبس سنة واتعزل عن منصبه. ما كنت تمشي جنب الحيط…يا طاهر أبو زيد
منقول بتصرف من سيد الخمار

 

 

جديد إس سي
image

فييرا يعلن عن تشكيل الدراويش في مواجهة المقاولون

كتب ميدو حسين .. أعلن البرازيلى يوسف فييرا، تشكيل الدراويش لمواجهة المقاولون العرب فى الدور 16 من بطولة كأس مصر، على استاد السلام بالقاهرة.
image

الإسماعيلي بالصحف والمواقع 23/ 10/ 2018

اشراف الاستاذ رامى فتحى حماد .... متابعة يومية متجددة لكل اخبار النادى الإسماعيلى فى الصحف والمواقع الرياضية
image

جورفان فييرا يتحدي المقاولون

يدخل البرازيلي جورفان فييرا في تحدي جديد ببطولة كاس مصر و بعد الفوز بثنائية نظيفة علي فريق بيرميدز .. فهل يفعلها فييرا ويجعل فريق المقاولون .. فريق المقاولون
image

قائمة الدراويش في مواجهة ذئاب الجبل

كتب مؤمن مجدي .. اعلن البرازيلي جورفان فييرا عن قائمة الفريق لمواجهة المقاولون العرب في دور ال 16 من بطولة كاس مصر و تضم 18 لاعب فقط و القائمة ضم كل من
image

احصائية لقاءات الاسماعيلى والمقاولون فى مسابقة كأس مصر

كتب : محمد حنيدق .. بمناسبة إقامة مباراة الاسماعيلي و المقاولون العرب ضمن منافسات دور الـ16 موسم 2018/2019 غدا الثلاثاء الموافق الثالث والعشرون من اكتوبر
image

مراقبة الرجاء المغربي عن طريق مواجهة انيمبا

كتب مؤمن مجدي ... طلب الجهاز الفني للفريق الاسماعيلى بقيادة البرازيلى جورفان فييرا من الجهاز الادارى للفريق الاول لكرة القدم بالنادي الاسماعيلي
image

ثلاثى الدراويش يغيبوا عن مواجهة المقاولون

كتب مؤمن مجدي ... اكد الدكتور صالح الشامى رئيس الجهاز الطبى  بالنادى الاسماعيلى عن غياب ثلاثى الدراويش عمر الوحش و ريتشارد بافور و اوكيكى افولابى
image

الإسماعيلي بالصحف والمواقع 22/ 10/ 2018

اشراف الاستاذ رامى فتحى حماد .... متابعة يومية متجددة لكل اخبار النادى الإسماعيلى فى الصحف والمواقع الرياضية
image

حوار - فييرا: فضلت الإسماعيلي بسبب "المكتوب"

ووجدت الفريق منهارا.. ولم أمانع تدريب الأهلي
Powered by Vivvo CMS v4.1.5.1