إسماعيلي إس سي - i s m a i l y S C - و يخرب بيتك اللي يزعلك يا قماش

و يخرب بيتك اللي يزعلك يا قماش

حجم الخط Decrease font Enlarge font
image

كلام خارج المقرر ..خلونا نتكلم بصراحة ..كام واحد مننا كان منتظر الاسماعيلي يكسب الزمالك ... و كام واحد مننا كان منتظر بعد

 ما نفوز علي الزمالك ..نفوز علي طلائع الجيش في المباراة التالية ...  و لايسقط الاسماعيلي في احد فصوله الباردة 

و الاجابة الامينة و الصحيحة و الصريحة ....  و لا واحد مننا

!!!!!!
 وكمان سؤال لو سمحتم ... الفريق يمر بمشاكل  ( تهد حيل ) فريق ريال مدريد.. مشاكل الدراويش لا تنتهي و هيكل الفريق ( مضروب ) لا بدائل و لا دكة الاحتياط و لا نفسيات لاعبين  الا و تحت الارض
 فاكرين يا اسماعلاوية ابراهيم حسن صاحب الهدف الثاني اليوم في طلائع الجيش ... عقده ينتهي امتي ..ينتهي اخر الموسم  الجاري .. حد من الاسماعيلي و مجلس المغارة .. اتكلم معاه
و يتكلموا مجلس المغارة ليه – موظف الموقع الرسمي مش فاضي !!!! و لو اتكلم سعادته مع ابراهيم حسن .. و جدد .. حيلاقوا منين مقدم التعاقد .. و الا يلاقوا نسبة الـ 3% للتوثيق ايضا
انا ضربت مثال فقط بتعاقد ابراهيم حسن ... لا حاجيب سيرة شوقي السعيد الموقوف و لا محمد فتحي المسرق و لا تعاقدات الوحش و متولي و لا محمود عبد العزيز المنسيين .. و لا أي حاجة

 
خلونا نفرح اليوم
يا كابتن خالد القماش .. يخرب بيت اللي يزعلك او يفكر يزعلك
انت عملت ايه في الفريق
 احمد سمير العار من الزمالك .. عملت منه لاعب و كان مع الكابتن ميدو كان جاء الاساعيلي يتمنظر بحلاقة الشعر زي ( ديك البرابر ) او ( عٌرف الببغاء القبيح )  ... و شكله  كان يسد النفس
اسلام جمال .. برضه يا قماش عملت منه مدافع فدائي و هو كان بيمشي علي سطر و يجيب سطر
حتي شعر عمر الوحش اللي كان عامل زي ( الزعافة )  - عدلته و خليته يفهم ان الرجولة في الاداء مش في الجيل و المرقعة
محمد صبحي عاد وحش منطقة الجزاء و تركت من يكره حارس الاسماعيلي التاريخي – ياخد جنب شوية

اللي يتدلع يطلع- جبرين اللي بيلف و يدور زي النحلة و الا الوحش ابو الانذار
و كل الفريق ... اصبحوا حاجة تاني و حتي بهاء مجدي بقي  مجدي للفريق و بيلعب بفدائية و روعة  
منه لله بقي اللي اضاع من الاسماعيلي نقاط و نقاط – بسبب حب التونسي النابي و نظام ( الفني ) من اهل الفتاوي في وقت صعب كالعادة 
احسبوها .. لو كان الاستقرار اللي جاء مع القماش – بفضل الله تعالي و توفيقه – كان ترتيب الفريق ايه
ماعلينا
هو الاسماعيلي و مجالس اداراته .. عادته .. و الا حيشتريها
كل موسم ..يكون في كل خرابة عفريت
لكن في خرابة الموسمين اللي فاتوا - كانوا .. الف الف عفريت و عفريت
و بمجرد العفاريت اختفوا شوية ... ربنا بيكرمنا شوية شوية
المهم فزنا علي طلائع الجيش في الدوري و عقبال فوزنا عليه يوم الاربعاء القادم في الكاس

و عجبني جدا جدا تصريح للكابتن خالد القماش قال فيه ... المهم اننا نفوز .. و مش مهم الترتيب في جدول المسابقة  

ازاي يا عم قماش ... ما هو الفوز بيجيب ترتيب كويس

لكن القماش تربية الكابتن محمد حازم امبراطور الدراويش ... مكسوف يقول المربع الذهبي ا المربع الفضي

عيب ان تلميد حازم - رحمة الله عليه - يقول الاسماعيلي بقي في المركز الرابع

 فاكرين لما رئيس الاسماعيلي - المبجل رهيب الركن - قال اتفقت مع الكابتن ميدو علي المربع الذهبي

و فاكرين كمان رئيس النادي لما قال مع اسلام الشاطر : اصل عقد القماش 6 اشهر و لكنه يجدد بموافقة الطرفين

لا و النبي يا شيخ .. فسرت الماء بالماء

تقدر تنكر ان الارباب و الاقرباء و المحبين .. كلموا مديرين فنيين لبداية الموسم الجديد .. و انت عارف و موافق  يا سيادة رئيس النادي  

الله لا تعود تلك الايام و لا تستمر !!!! .... يا  قادر يا كريم

القماش جعل اللاعبين في المستطيل الاخضر .. غير اللاعبين خارج  المستطيل الاخضر  و هو ده تلميذ محمد حازم  امبراطور تاريخ الدراويش

الهدف الثاني لابراهيم حسن بالدقيقة د 65  هي نسخة محفوظه و  ترجمة للهجمة المرتدة الاسماعلاوية  من ايام رضا و شحتة و العربي .. و من ايام اسامة خليل و علي ابو جريشة و دابو ....  و من ايام محمد فكري و العجوز و بشير عبد الصمد

ثلاثة اواثنين مهاجمين بيتحركوا مع الكرة و  يمنحوا الفرصة للتمرير للافضل و الاجهز للتسديد و التسجيل 

الهدف الاول ايضا لمروان محسن بالدقيقة 17  كان نسخة من اللعب علي الزاوية القريبة و يترك المهاجم يذهب الي الكرة لسباق المدافعين و يحرك راسه لدقة التصويب - من ايام هندي و ابو جريشة و بازوكا   - من ايام بركات و اوتاكا و الشاطر - من ايام حمادة المصري و ياسر عزت 

الهجمة المرتدة الاسماعلاوية تكررت في 51 و 69 و 62 و 80 لولا براعة الحارس عماد السيد  حارس مرمي طلائع الجيش

القماش عرف اللاعبين ان اللعب برجولة و هو من يرفع اسهم اللاعب و النادي و ترتيب الفريق و شكل الفريق و ليس المنظرة بالاسماء مثل الدولي و العالمي و  غيرها من الاسماء التي تؤلف علي صفحات النت و الاعلام و كلها بلا دليل الا الحظ و التلميع

فكرة استغلال اندفاع طلائع الجيش في الشوط الثاني  الحصول علي 4 انفرادات ...  لا يفعلها الا القماش الجناح السريع الرهيب  

محمد صبحي اليوم كان وحش منطقة الجزاء و انقذ عرضيات في منتهي الروعة  و حاز علي ثقة لا يحوز  عليها الا ابن التل الكبير  و ذلك لحصوله علي حقه كلاعب و حارس مرمي قدير و انقذ صاروخ من فرانك ستيفن  بخبرة السنين د 72

و يفوز الاسماعيلي رايح جاي علي طلائع الجيش كما فاز علي الزمالك رايح جاي 

و هو كسر للقاعدة للاسماعيلي الازلية من افتقاد المنافسة في الدور لثاني ... لكن عملها ابن القماش

و في المركز الثالث .. و لو بشكل مؤقت              

 

عزيزي كابتن خالد القماش - تلميذ محمد حازم

يخرب بيت اللي يزعلك

و الف الف مبروك للدراويش  

جديد إس سي
image

فييرا يرحل عن الاسماعيلي - رسميا

كتب ميدو حسين ... اعلن البرازيلي جورفان فييرا رحيله رسميا عن تدريب الفريقالاول بالنادي الاسماعيلي بانتهاء مباراة الفريق مع فريق الرجاء المغربي و علي اثر الخروج من البطولة العربية بضربات الجزاء الترجيحية
image

فريق بلا هداف و لا حريف ..عايز تكسب ازاي و ليه

اتمني من جماهير الدراويش ان تحاول تسترجع احداث مباراة اليوم بين الرجاء و الاسماعيلي و مباراة الذهاب في الاسماعيلية .. بالله عليك هل شاهدت فريق يفوز و هو لا يملك هداف او صانع العاب و في مواجهة فريق متكامل هو فريق الرجاء المغربي
image

الخروح بدء من الاسماعيلية ... و درجات اللاعبين

بقلم د.اكرم نسيم .... الاسماعيلي لعب علي قدر الامكانيات و تاليف برازيلي في التشكيل ... و تعالوا نشوف درجات اللاعبين
image

بضربات الجزاء الترجيحية الاسماعيلى يودع البطولة العربية

بقلم د. اكرام نسيم ... فى مباراة اضاعة الفرص السهلة وتألق خططى وتكتيكى من فيرا واداء بروح عالية لكل اللاعبين حتى الفاشلين منهم .
image

تشكيل الاسماعيلي امام الرجاء المغربي

اعلن البرازيلى جورفان فييرا المدير الفنى للفريق الاسماعيلى تشكيل الاسماعيلى امام الرجاء المغربي محمد فوزى حارس مرمى خط الدفاع: محمود متولى و طارق طة و باهر المحمدى
image

ولنا من المحيط إلى الخليج .. صولات وجولات

بقلم عبد الحميد عاطف ... في كل انحاء الوطن العربي ..كان لنا حكايات ... بدأناها في عام 70 تحديدا في الخرطوم وخطفنا التعادل من الزعيم الهلالي ,, ثم في 72 بدأنا الرحلة للمغرب العربي ,,, تحديدا من ليبيا ضد اهلي طرابلس وفوزنا بثنائية
image

الإسماعيلي بالأمل طمعان في الرجاء المغربي

يشهد استاد محمد الخامس بالمغرب اليوم في تمام التاسعة مساءا لقاء الاياب بين الرجاء البيضاوي المغربي في اطار كأس زايد للاندية الابطال التي ينظمها الاتحاد العربي لكرة القدم في نسختها الجديدة.
image

الساعات الاخيرة في قصة مؤيد اللافي

      كان اللاعب مؤيد اللافي و شقيقه رياض اللافي قد اكدوا السفر الي مصر من مطار تونس صباح اليوم ..و في طائرة مصر للطيران حسب ما
image

اخر الاستعدادت لمواجهة الرجاء المغربي غدأ الثلاثاء.

ميدو حسين.... اختتم الفريق الاول بالنادي الاسماعيلي تدريباتة تحت إشراف الجهاز الفني بقيادة البرازيلي "فييرا" استعدادا لملاقاة الرجاء المغربي غدا الثلاثاء في تمام الساعة التاسعة مساء علي استاد محمد الخامس بالدار البيضاء
image

متولى : جاهزون لمواجهة الضغط الجماهيرى

أكد محمود متولى مدافع الإسماعيلى، أن هناك اختلاف كبير بين البطولة العربية عن المشاركة فى المسابقات الأفريقية.
Powered by Vivvo CMS v4.1.5.1