إسماعيلي إس سي - i s m a i l y S C - احمد سمير و جمال وحنفي تنزل المرة دي

احمد سمير و جمال وحنفي تنزل المرة دي

حجم الخط Decrease font Enlarge font
image

قبل اي كلام خارج المقرر .. هو سؤال مهم جدا جدا.. هو احمد سمير محمد ..كان في تشكيل الـ 18 لاعب ازاي .. و لما نزل في الدقيقة 51 من

المباراة ... ازاي يلعب و الراجل مديون للاسماعيلي فوق تعاقده بــ 150 الف جنيه

و كيف تراجع الريس حنفي القبطان في كلامه مع زوجته الست حميدة سيدة البحار .. هل تراجع رئيسنا الهمام عن الغرامات و العقوبات و البلح الامهات و اعاد شارة الكابتن  الي الكابتن فعلا ...  عبد ربه

 

سؤال تاني لو سمحت عزيزي القارئ ..هل ممكن فريق يمكن ان يفلح و في تشكيله وزن احمد سمير فرج و قلة خبرة عبد الرحمن حسان و قلة لياقة كريم بامبو و احمد سمير الخفي  و هو يلعب 10 افراد و حتي ان احمد سمير فرج حاول ان يقدم افضل ما لديه بالنصف الثاني من الشوط الثاني و لكن اللياقة و زيادة الوزن لم تسعفه

  

سؤال ثالث لو سمحت .. هل شاهدت الشاب الجميل الرائع  احمد جمال .. من صناعة الكابتن عيد فرج ... مش احسن من الكوارث التي ابتلي بها الاسماعيلي طوال 3 مواسم علي ايدي السماسرة و اصحاب المصالح .. الناشئ احمد جمال بيقول لكم حرام اللي عملتوه في الاسماعيلي ... و مشاركته من الدقيقة 70 مكان قتال القوتلاه  بناهيني  اخو كينيث و اخو انوبا .. اللي كانوا حيغيروا  معالم الكرةالمصرية علي راي المعلم حنفي  رئيسنا الهمام

احتفال ابراهيم حسن بالهدف الذي احرزه بالدقيقة 7 من بداية المباراة كانت للاحتفال و التذكير بشهداء الطائرة المصرية التي غرقت فجر يوم الخميس و هي قادمة من العاصمة الفرنسية باريس و كانت لقطة جميلة عندما رفع ابراهيم يديه في إشارة إلى عدم الاحتفال بالهدف.

 

  و هل شاهدتم الفرصة الذهبية التي صنعها ابراهيم حسن الي راس بناهيني بالدقيقة 21 و لكن قتال القوتلاه ينطح او يرفس الكرة الي خارج المرمي - مش حرام بناهيني يلهف 2.5 مليون جنيه من خزينة الاسماعيلي ..مش حرام ده

و للامانة احداث المباراة و مع الاصابات و التغييرات كانت كلها ضد القماش ... محمد عواد و اسلام جمال و محمود متولى(  كريم بامبو  د 67) و احمد سمير فرج و عبد الرحمن حسان و محمد فتحى (طرد د 70)  و عماد حمدى و حسنى عبد ربه و ابراهيم حسن ( احمد سمير د 55 ) و الغاني بناهينى ( احمد جمال د 70 )  و مروان محسن

قلنا قبل الماتش يا رب نكسب علشان الجماهير فقط  و لكن الله كان رحيما اننا لم نهزم ,, و خاصة بالدقيقة الاولي تعملق محمد عواد علي طريقة الحارس الروسي ياشين و انقذ هدف اكيد  من راسية احمد رؤوف ... و لو كان هدف.. لتغير سيناريو المباراة 180 درجة

و عرضة خطرة كان عواد حيغلط و تدخل الشباك و يقلد عواد , النجم اسماعيل ياشين !!! بالدقيقة 3 و لكن ربنا ستر   

التحكيم من هشام عبد الحميد ( مين ده ) ظلم الاسماعيلي في ضربة جزاء لصالح حسني عبد ربه  في الدقيقة 18 و الحكم من الدقيقة الاولي مهزوز بدرجة امتياز  و انذار لمحمد فتحي و طرد سعفان الصغير كالعادة و طرد محمد فتحي بالدقيقة 67 لمخالفة لا تستحق انذار و من بعدها اصبح التعادل عند الاسماعيلي مكسب

و البدلاء كان اقل من ما يعتمد عليهم من بامبو و احمد سمير قبله و لم يظهر الا احمد جمال كخامة طيبة .. و دائما ولاد يا اسماعيلي

خط وسط الاسماعيلي بلا لون  لا رائحة - رغم محاولات ابراهيم حسن - افضل لاعبي الاسماعيلي حتي اصابته د 55 - و حسني عبد ربه ضبط ايقاع الفريق رغم عدم جاهزيته و يفضل عبد ربه القائد المحترم  و رائحة الاسماعيلي  فيك يا عبد ربه

لكن خط الاسماعيلي ضاع بعد عمالقة زمان , لما كان سرالدراويش في خط وسطه ,, من ايام رضا و شحتة و العربي و محمد حازم و حمادة الرومي و طارق الصاوي و علي يونس ... مفيش صناعة العاب علي الاطلاق

وبمناسبة الرائحة ... ايه اخبار الفدائي  مروان محسن ... مروان تايهه يا ولاد الحلال

هل شاهدتم الدقيقة 88 و التي شهدت حركة فكاهية من مروان محسن عندما شاط الهواء بسبب كرة مشتركة مع لاعب المصري و وقع رمضان محسن علي الارض .. حد يفسر لي الحركة دي  لوسمحتم

نسبة الاستحواز كانت 52% لصالح المصري - رغم ان الاسماعيلي بيلعب عشرة لاعبين من الدقيقة 67  و المصري تواجد اكثر في وسط الاسماعيلي معظم نصف الشوط الثاني و حصل علي 4 ركنيات  و حتي  الثلاث دقائق الوقت بدل الضائع من الحكم الجهبز هشام عبد الحميد بطل غرام الافاعي  و  حصل المصري علي ضربة ركنية  هدد مرمي عواد د 92 و ده بسبب رقابة المنطقة من القماش الذي خاف ان يهزم و خاف ان يفوز و التعادل  احسن و قام  بعمل استزراع  بوسط الملعب حتي خط الجزاء  في مواجهة لاعبين كثيرين بالمصري يجيدون الاسيست و المساعدة والاختراق  و خاصة احمد كابوريا و سعد مراد  ... وتفوق الدفاع الاسماعلاوي و استطاع الحفاظ علي التعادل و النقطة

و نقطة احسن من مفيش و التعادل زي بودرة التلك - تهدئ الهرش و الحكة ... و لكن لا تعالجه

      

و يبدو ان لافتة المقاعد التي  قام بتنفيذها الجماهير الرائعة  و كتبت

will Be Back

ستحتاج اللافتة الانجليزية ,,, بعض الوقت  و نهاية اغسطس قريبة ان شاء الله تعالي     

و يا رب قرب البعيد .. و اغسطس جاي جاي أكيد

 

 

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1