إسماعيلي إس سي - i s m a i l y S C - و اقعد علي القهوة براحتك يا خضر

و اقعد علي القهوة براحتك يا خضر

حجم الخط Decrease font Enlarge font
image

انتشرت علي مواقع ( الهري ) الاجتماعي صورة للكابتن اشرف خضر المدير الفني للنادي الاسماعيلي و هو يرتدي ( الشبشب )

و بياخد ( الاصطباحة ) و في صباح اليوم و الفريق في المعسكر و يستعد لمباراة الزمالك الهامة و المرتقبة

و نحن لا نعلم ان كانت الصورة اليوم او  في يوم سابق  و لا يهمنا ان نعلم ... المهم ان كل من ( شير ) الصورة  , هات يا تريقة و هري ,, علشان يقول ( مش قلت لكم )  و شوية من دول
و لاول مرة من ايام محمد حازم – رحمة الله عليه .. نري الدراويش في الدقائق 2 و 7 و 19 و 23 و 35 و 38 و 54 و 56 و 59 و 83 و 85   لعب ايجابي في نصف ملعب الخصم  و محاولات شرسة علي مرمي المنافس و رغبة في التهديف بشتي الطرق و الكباري و التشميس.. ده حتي توريك لعب راسية و هو مغمض في فرصة رائعة من تمريرة عادل جمعة د  85 و كان نفسي توريك يجيب جول بالعند في بناهيني الاسرائيلي

و لاول مرة نري حسني عبد ربه بيلعب كل شئ - محاولات و تسديدات و تمريرات حريرية و حرفية بنسبة صحيحة 90% و بشكل مبهج و رائع  
و لاول مرة و خلال اول 35 دقيقة نري الزمالك منكمش في نصف ملعبه و لولا تالق حارس الزمالك الرائع احمد الشناوي - لكان كل من ( شير ) صورة ( قهوة اشرف خضر ) جاله اكتئاب و ضغط و سكر ابو 12 جنيه

و لاول مرة نري توريك جبرين او جبرين توريك بيلعب بايجابية بعيدا عن نظرية ( الفرقع لوزس )  و قدم استخلاص في كور رائعة و عمل كل اللي عايزه في الكورة

و مع توريك كان  بوشا المزعج و لكن البنزين خلص بدري بدري يا بوشا و بصراحة انت اكتشاف يا بوشا

و لكن مش اول مرة نعرف ان ابراهيم حسن (عاشق المناظر ) لانه لعب اليوم كانه لم يلعب من قبل لان المباراة جماهيرية و اعلامية و فلاشية  و لدرجة انه اخد انذار  د 74 و للاعتراض و كان الحكم محمد فاروق عنده حق و لكن الانذار كان لضرب الكرة بالارض  و ليس للاعتراض و لازم تلعب كل مباراة قادمة مثلما لعبت امام الزمالك  يا ابراهيم ,,, و الا نلبس طنطا ابيض في ابيض

و بصراحة و بمنتهي الشجاعة نعترف ان محمد عادل جمعة  لعب مباراة عمره و تفوق علي شيكابلا لما مال عليه في الجانب  و كان جمعة  يريد للزمالك .. بيتسيبوني ليه

و بصراحة ايضا ... اخر خمسة دقائق في المباراة مع الوقت الضائع .. تفوق الزمالك و كاد يخطف  هدفا قاتلا  عن طريق ستانلي  و لكن ربنا ستر و تعادل الدراويش ... علشان زبائن قهوة الاسطي اشرف خضر

و مازال محمد عواد يقدم مستوي بيفكرنا بايام العظيم الراحل حسن مختار - رحمة الله عليه و تالق في  كرات كثيرة و خاصة تسدية شيكابالا د  و من ستانلي د 86 و ينقص عواد فقط قلبي دفاع و لكن نعمل ايه  

الشئ المزعج هو ان شريف حازم و سامح عبد الفضيل د 47 و 78.. اترقصوا بالتليفون من ستانلي و  لك الله يا اسماعيلي من قلب الدفاع اللي يوجع القلب

هناك صاروخ جميل و  رائع اسمه  باهر المحمدي .. جرئ و جدع و شجاع .. و بيفكرنا بلعب  الصخرة حسن درويش - الله يرحمه - لياقة و مرونة و رشاقة .. الله يرحمك يا ابو علي ...   و كمان شكري نجيب ابدع علي قدر ما وصلت اليه الفرص و لكن اخد انذار بلا داع  د 71و يجب ان يتم عقابه علي الانذار

علي فكرة عموري ( نزل يا شباب)  بالدقيقة 75 .. و لا تعليق علي من كان يستعجل ذلك .. ارحموا الواد و لا تحملوه اكثر من طاقته و لا تصنعوا منه (زيكا ) جديد

لقطة المباراة كانت راسية من شكري نجيب د 68  و لعبها ( غلط ) و لكن رايناه بيلوم نفسه و يقول كان لازم العبها كده و بيعلم نفسه

في الاخر بقي .. تصدقوا انا و انتم خايفين من مباراة طنطا ... و الدراويش كده و كده

 

 و اقعد علي القهوة براحتك يا عم خضر ... بس بلاش (الشبشب ) .. اصل شكله ( بيئة ) قوي.. و اطلب ( اديداس )... يا كوتش من ابراهيم بك .. و طالما متمسك بيك .. مش حيرفض لك طلب  

و كل الناس تقول ... يارب

https://www.youtube.com/watch?v=ungMyg_R0Cg&feature=youtu.be

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1