إسماعيلي إس سي - i s m a i l y S C - و لك عين تتكلم يا بتاع محمد عادل جمعة

و لك عين تتكلم يا بتاع محمد عادل جمعة

حجم الخط Decrease font Enlarge font
image

من مساء امس ... تم الكشف عن سر الاسرار و قدس الاقداس .. ان مجلس ادارة الاسماعيلي الحالي ( مش السابق) تعاقد مع ناشئ الزمالك

 علي حسين  علي  سبيل الاعارة

و هاجت و قامت الدنيا و لم تقعد ... لان مجلس المهندس ابراهيم عثمان ..تعاقد بالاعارة مع لاعب .. و المجلس الحالي زيه زي مجلس ابو السعود بتاع الاستعارة من الزمالك

يعني معظم المعترضين علي الاعارة من الزمالك للناشئ علي حسين .. بيؤكدوا  ان مجلس المغارة كان غلطان في مبدأ الاعارة ... طيب ما سمعناش منكم اعتراض علي كده ليه ايام ابو السعود .. ياحلوين يا طعمين.. و الا كان مع اعارة شيكابالا و اسلام جمال و احمد سمير ..كنتم واكلين ( سد الحنك ) و راضين و مؤيدين و مصقفين  

انا قلت معظم المعترضين.. لاني من المعترضين و بشدة ..... علي مبدأ الاعارة  و خاصة من الاهلي و الزمالك و حتي اعارض التعاقد - فعلا - مع رديف الاهلي  و الزمالك ...  و لا ننسي ان لو احد الناديين شاور (بصباع رجله الصغير ) لاي رديف من الاهلي والزمالك .. حيسيب و يرحل من الاسماعيلي و افتكروا معايا .. محمد فضل و احمد صديق و شيكابالا و اسلام جمال .. و المواقف للاحرار لا تتغير علي الاطلاق

طيب يا معظم المعترضين الاعزاء .. كنتم معترضين علي  تجميد المدافع محمد عادل جمعة  و مفاوضته , حتي يخفض تعاقده من 1.77 مليون جنيه و بتقولوا ( العقد شريعة المتعاقدين ) و طالما حقه .. يبقي لازم ياخده

يعني لم تعترضوا علي  تعاقد بقيمة 1.77 مليون جنيه .. و احلفك بالله تعالي يا عزيزي المعترض... لوسالت الكابتن محمد حسام ميدو المدير الفني لوادي دجلة .. ايه احسن ( باص ) او تصليحة لمهاجمه محمد هلال .. ضروري يقول لك .. تصليحة محمد عادل جمعة لمحمد هلال و التي احرز منها هدف وادي دجلة بالدقيقة 17 من الشوط الاول 

راجع انجازات محمد عادل جمعة مع الدراويش و كام تسبب في التعادل و ضربات الجزاء و ضياع النقاط ... و لسه لك عين تعترض يا بتاع محمد عادل جمعة الي كان تعاقده 1.77 مليون جنيه 

قبل ما نخلص موضوع الاعارة بتاع علي حسين الناشئ  .. و انا معترض عليه و اتمني الغاء الصفقة ... لكن نقول ان فيه فرق بين استعارة لاعبين باختيار المدير الفني ميدو الزملكاوي و عندك اماكن  بالقيد و سجلت شيكابالا و من بعده اسلام جمال و احمد سميرلما شيكابالا ( باعك ) .. و فيه فرق انت تتعاقد - و لو بالاعارة - مع ناشئ  كويس( يسجل تحت السن ) لان ما عندكشي الا مكانين فقط للكبار  ,, و لكن يمكن للناشئ المميز ان يملء فراغ قلب الدفاع الفضيحة 

تحب تعرف فضيحة ليه .. النهاردة  امام وادي دجلة سدد لاعبي الفريق الدجلاوي خمسة تصويبات صاروخية من علي نقطة جزاء الاسماعيلي و تحت حراسة قلبي الدفاع  بالدقائق 12 و 15  و 17 و 27 و 36 و الاخيرة اسالوا شريف حازم عليها مع المهاجم افوام .. و الله حاجة تكسف و كمان كانت الدربكة الخطيرة امام  مرمي عواد بالدقيقة 48

 

الكرة كده ... بعد هدف عبد ربه  بالدقيقة 87 .. كان هناك كرة صاروخ من محمد فتحي بالدقيقة 94 .. كانت تستاهل ان تكون جول ... و كنا حنفوز و نفرح كلنا ... صاروخ بكل ما جاء في المباراة ... لكن حظنا كده و اللهم لا اعتراض

الاسماعيلي بالشوط الاول قليل  الحيلة و القائد و المدير الفني و لم يحتسب له ضربة جزاء صحيحة  بالدقيقة 7 و عندما ( طنش ) الحكم محمود البنا عن دفع للمدافع علاء ابراهيم بكلتا اليدين للمهاجم وليد عطية  المنفرد .. الشوط الاول كان بالفعل الاسماعيلي خارج الخدمة علي الاطلاق و لم يمكن ان يسجل , حتي من محاولات بوشا في يد الحارس الدجلاوي  25 و 41 و ضربة حرة مباشرة سقطها عموري للمهاجم الخطير شريف حازم و خرج بها الي خارج المرمي

الاسماعيلي بالشوط الثاني كان |( شكل تاني ) لكن من غير تخطيط و اداء متفق عليه و غلب عليه الاندفاع و الرغبة في التعادل و علامته كان انذار لمحمد ابو المجد  د 48 و الفريق الدجلاوي يرجع الي الخلف بلا داعي  و يخرج باهر المحمدي مصابا و ينزل ابراهيم حسن ( و يبدو ان علاج  الدكة فعال ) و يسحب ابراهيم حسن الفريق الي الامام  و تبدء فرص الاسماعيلي تباعا و كانت كالتالي  

كرة ترتطم بالمدافعين د 56 و فتحي يحاول و عطية يسدد د 59 و عموري يسدد ضعيفة في يد الحارس د 67 و حسني في يد الحارس 71 و كرة ضالة و تهريج من عمر الوحش 75و  عبد ربه يسدد افضل هجمة في الشباك من الخارج د 77 و عمر الوحش مرة اخري د 79 و افضل فرصة لوليد عطية الي هارج المرمي د 81 و يسجل حسني هدف التعادل و يظهر انه يريد الصعود ليضرب حسام ميدو او واحد من اعضاء مجلس ادارة الاسماعيلي  و  6 دقائق بالوقت بدل الضائع يظهر ان الاسماعيلي يريد الفوز و صاروخ محمد فتحي  كان يقلب الطاولة علي وادي فجلة

كل ما سبق كانت محاولات فردية و لو حتي كانت من ( رجل لرجل )  و تركيز علي نقاط الضعف بالدفاع الدجلاوي الضغيف و لكن بلا خطط و لا اداء جماعي و لا اي كتشتة من خارج الخطوط       

و نختتم و نقول ..  بلاش مبدأ الاعارة  يا مهندس ابراهيم عثمان و الا تبقي بتكرر اخطاء مجلس المغارة.. لانهم كانوا ( وحشين و كخة ) و اعقلوا كده 

    

 

 

 

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1