إسماعيلي إس سي - i s m a i l y S C - جطيعة تجطع شتراكا علي ابراهيم علي كالديرون

جطيعة تجطع شتراكا علي ابراهيم علي كالديرون

حجم الخط Decrease font Enlarge font
image

..عالكل كليلة .. بصراحة بدأت اشك في التشيكي شتراكا .. ازاي يعود و يلعب بابراهيم حسن تاني .. هو عايز

ايه .. مش فاهمين .. لكن .. جطيعة تجطع شتراكا علي ابراهيم علي كالديرون .. علي الكل كليلة

قلنا قبل و قال كل اللي بيفهموا في كرة القدم .. لن يفلح فريق به ابراهيم حسن.. و كأننا بنعاقب انفسنا لما التشيكي فرانز شتراكا  يصر علي الاستعانة بابراهيم حسن ... الذي ظل مختفيا بالمباراة و لكن بالدقيقة 43 ( اي و الله ) بالدقيقة 43 .. يسدد شوطة فوق العارضة و لو كان لاعب  عنه ذرة مسئولية لما لعب الكرة بالسذاحة و السلبية دي

ليه يا شتراكا .. تخاطر تاني  و تلعب  ابراهيم حسن .. ليه

 

و كمان الاخ ( الكورمبي ) كالديرون ملك التسلل ... لا استلام و لا تسلم و لا محطة و لا بطة و لا وزة .... يضيع فريقين  مش فريق واحد

 

نقول ايه :جطيعة تجطع شتراكا علي ابراهيم علي كالديرون .. علي الكل كليلة

 بس هو سؤال  للاخ السمسار الخبير .. هو شاف ايه في الاخ ( الكورمبي ) دييجو كالديرون.. علشان يتعاقد  معاه  و علشان يدبس  (خالو ) في التعاقد معاه .. يكونشي عاجبه ( تسريحة ) الفرانيين ( جمع فران ) اللي عاملها

و بالمناسبة يا اخ  ممدوح - هي تذكرة الطائرة الي كورومبيا .. رايح جاي ... بكام

و قبل ما ننسي .. تحية واجبة للنجم حسني عبد ربه .. افضل لاعبي الاسماعيلي اليوم

كاد يسجل هدف جميل بالدقيقة 59 و 66 و 90 و عمل اسيست رائع براسية جميل د 85 و لكن ريتشارد بافور - نط الي تحت - و ضاع الهدف

 الشوط الاول للاسماعيلي - يوضح حجم الماساة في فريق الدراويش  بتشكيل شتراكا اللي لعب حسني بجانب عماد حمدي و رجع صلحها بالشوط الثاني و ظهر نوعا  تحسن الاداء  و لو ان الجابوني ستيفن  من طلائع الجيش  كان ندا لط الظهر باكمله و اشبع الجميع ضربا و اصابات .. حتي مدرب حراس المرمي  سعفان الصغير  اصيب من ( تاكلينج ) من ستيفن 

و بالمناسبة هما بيجيبوا الافارقة دول منين ... المالي ادور اللي اصيب في اول المباراة  و الا الجابوني ستيفن .. اشمعني الاسماعيلي اللي ضاربه السلك من ايام : عابدول و ميشاك و انوبا و كينيث ...  بالرغم  من وجود سماسرة تهد الحيل بالاسماعيلية و ضواحيها

Image result for ‫ماجدة الصباحي‬‎

    و علشان ده خارج المقرر نقول : منك لله يا ممدووووح ... بصوت الفنانة ماجدة الصباحي

 بالسرية و الجاسوسية و الجاستوبنية و 45 يوم .. تفكر و تفكر  و اخرتها كالديرون .. منك لله      

 

الشوط الاول كانت نسبة التسديدات 6:2 لصالح الجيش و الكورنر 6:1 لصالح الجيش

يعني الاسماعيلي ما جاش  اصلا الشوط الاول و سمعنا عن جمل تكتيكي مهارات التسليم و التسلم و تقسيمة في اخر التمرين و حماس بين اللاعبين  للمشاركة 

فين راح كل ده ..كله بلح و  بلح امهات كمان 

و مازال عواد مظلوم مظلوم و تالق مستمر مع لا فريق و انقذ  مرماه د 5 36 و 42 و 63 

محمد فتحي في اسوءحالاته  كان مفروض البدء به و لكن البداية بالاخ وليد عطية كانت غلطة تم تعديلها د 46  و لو قعد وليد عطية يلعب الي  ما لانهاية .. لن يسجل .و شكلها كده

 الاجناب بالاسماعيلي محتاجة دراس اساسيات الكرة من الاول و جديد و لا كرة واحدة تساعد علي ايجاد فرص تهديف و عندما تجد ان اللعب هادئ د 71 التي شهدت اربعة تمريرات مقطوعة و 2 تمريرات الي الخصم مباشرة .. تتعجب جدا من ان هولاء اللاعبين يستحقوا اللعب في  الاسماعيلي من عينة بهاء مجدي و محمد بوشا رقم 6 بدلا من 10 و وليد عطية و ابراهيم حسن  و كالديرون و نص الفريق يجب انيباع في سوق الكانتو 

الاسماعيلي .. لعب 20 مباراة و سجل 23 هدف - شيل منهم 5 اهداف في اسوان .. يصبح معدل التسجيل 0.95 هدف/مباراة

عايزين تعرفوا ليه 

ارجعوا الي اسماء  محمد فضل ومصطفي كريم و احمد علي و جون انطواي و مروان محسن و بناهيني .. احرزوا اكثر من 100 هدف 

رحلوا و اتباعوا و اتشردوا 

مجالس ادارات كلها فاشلة فاشلة فاشلة       

و لا عزاء  لجماهير الاسماعيلي

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1