إسماعيلي إس سي - i s m a i l y S C - تعاقدات الست غالية تفوز 5-1 علي التعدين

تعاقدات الست غالية تفوز 5-1 علي التعدين

حجم الخط Decrease font Enlarge font
image

قبل اي شئ اوعي تقول لي ان الفوز علي فريق النصر للتعدين 5-1 .. هو فوز اي كلام علي فريق تعبان .. مش النصر

للتعدين ده اتعادلت معاه 1-1  في الاسماعيلية بالدور الاول و  اطاح بالكابتن عماد سليمان

و صحيح تفكير و تخطيط ( الست غالية  ) مع مسئولي كرة القدم بمجلس المغارة 2  .. لبسونا في الكابتن اشرف خضر .. لكن نفس تعاقدات الست غالية هي اللي جعلتنا اليوم نكتب جميعا كلمة من (  ثلاث حروف)  كنا نسيناها تماما و هو كلمة ( فاز ) ... لكن تبقي  هي تعاقدات الست غالية

Image result for ‫مدام غالية‬‎

و تعاقدات ( الست غالية ) مش حتنفع معانا  بعد كده و احنا داخلين علي مطحنة  حتي نهاية الموسم  و حكاية ( علي قد الايد ) و ( المستقبل للناشئين ) مش حتنفع معانا خالص

المهم خلينا نفرح اليوم ... و الفوز حلو ..  و لو كان من خلال كلام خارج المقرر

الست غالية  هي صاحبة  نظرية ( عمل المسقعة من غير لحم مفروم ) .. تبقي مسقعة ازاي دي .. محدش عارف

هو ده الي عمله التشيكي  فرانز شتراكا  المدير الفني  للدراويش ... في ظل غيابات و افتكاسات تعاقدات و ادارة شئون الكرة  في مجلس المغارة 2 و لعب بتشكيل مكون

بتشكيل مكون من لمحمد عواد و الغاني ريتشارد بافور و محمود متولى و محمد هاشم و بهاء مجدى و عماد حمدى و محمد فتحى  و حسنى عبد ربه ( نادر رمضان ) و محمد عادل جمعه ( كريم بامبو ) و إبراهيم حسن ( وجية عبد الحكيم ) و الكولومبي  دييجو كالديرون

و هو تشكيل اضطراري تشيكي رواندي من اللعب بمحمد عادل جمعة صانع العاب بدل اسلام عبد النعيم  ( اللي عامل فيها فريد شوقي مع ادارة....  ما تعرفشي  و لا لها عزيز ...  من ايام النحاس و الشاطر و بركات )  و محمد هاشم باك يمين و بدلا من ابو  المجد بوشا .. اللي  ماشي في طريق اللي يروح ما يرجعشي و  في غياب  عمر الوحش الذي لم يتعلم شئ من والده  طارق الوحش .. بجانب غياب شكري نجيب للاصابة  

و عاد كريم بامبو الي التشكيل و التهديف بهدفين  رائعين .. و جماعة الست غالية و مجلس المغارة 2  كانوا عايزين بامبو يمشي مجانا .. بس يريحهم من بامبويته  و معاه خالد عيد و عمرو حسين

كريم بامبو يرد و يؤكد و يقول .. ان ادارة الست غالية و خبرائها و علمائها .. ما يعرفوش الالف من كوز الدرة في شئون كرة القدم

كده وش.... من غير تجميل و لا تفسير .... بعد النهاردة اثبت مسئولي  كرة القدم بالاسماعيلي انهم  في الطراوة خالص

ما علينا نعود الي المباراة و الي ( المسقعة من غير لحمة مفرومة ) و نكمل

لكن طبعا - يمكم يقولوا ...  ان ( الست غالية ) هي من احضرت الكولومبي  كالديرون  الذي احرز هدفين  اليوم و واحد منهم علي طريقة الالماني مولر كمان .. و ده صحيح

ما هي ( الساعة العطلانة ) بتقرأ ( التوقيتالصحيح ) مرتين صح في اليوم الواحد

لكن المهم ان نشوف ( الساعة العطلانة ) فيها ايه و نزييتها و نصلحها و تستمر  و لو بهدف واحد في كل مباراة 

و الفكرة هي ان الاسماعيلي فاز في  مباراتين بخمسة اهداف  - امام اسوان و امام النصر للتعدين - احرزنا عشرة اهداف في مباراتين اتنين دفاعهم مفتوح اشارات شارع صلاح سالم  .. لكن احرزنا 18 هدف في 19 مباراة .. يعني النسبة التهديفية - اقل من هدف لكل مباراة .. يعني نسبة  سيئة جدا جدا جدا

و اتحاد الجبلاية - أجل مباراة  الشرقية مع الاسماعيلي في الاسماعيلية  في الاسبوع 22 ( فزنا في الدور الاول 1-0 ) - و داخلين علي مباراة مصر المقاصة في الاسبوع 23  في الفيوم ( خسرنا في الدور الاول امامها 2-1 )  يوم 2 ابريل 

و ده معناه اننا داخلين علي مباراة صعبة و صعبة جدا  امام مصر المقاصة و نستطيع  ان نحقق  علي الفريق الفيومي نتيجة جيدة ان - فكر شتراكا في كيفية التعامل مع الفريق المضيف و عطل مفاتيح لعبه و هي كثيرة و كثير من الفريق لعبت مباراة عمرها امام المقاصة بالموسم الحالي و السابق

بقيت نقطة اخيرة من كلام خارج المقرر .. ابراهيم  حسن  عايز دكتور نفساني .. عنده  حاجة حلوة ... 10 ساعة تروح و ساعة واحدة  تيجي

المهم ان الست غالية ... تطور من نفسها خالص في الاسماعيلي و  ترفع صوابعها عن الفريق ... و تبعد عن الكورة خالص اليومين دول

و الايام القادمة .. و  تخلي اللي بيفهموا يشوفوا  حيعملوا  ايه للسنة الجاية .. من دلوقتي  

Related image

و لسه بدري قوي قوي علشان نفرح من قلبنا و نقول . داراويييش  ..داراويييش    

   

و الف الف مبروك للدراويش

جديد إس سي
image

إذهب الي النسخة الجديدة من موقع اسماعيلي اس سي

يرجو موقع اسماعيلي اس سي من السادة متابعي المنتدي الذهاب الي النسخة الجديدة من موقع اسماعيلي اس سي
image

محمد حسن يغيب عن مباراة الزمالك

كتب مؤمن مجدي ...حصل لاعب وسط الاسماعيلي محمد حسن علي الانذار الثالث له اليوم اثناء مباراة الاسماعيلي و الاهلي
image

فوزي الأجمل و الأروع .. يحقق التعادل للمتراجعين

من المعلومات الاولي .. ان ممكن حارس المرمي يحقق التعادل او يحافظ علي التقدم و يصلح اخطاء التشكيل .. لكن مش مطلوب من حارس المرمي انه يطلع يهدف و يجيب جول .. ما أظنش و ما حصلتشي من أيام هيجيتا حارس كولومبيا
image

علشان قلب فوزي أبيض زي الياسمين ..و درجات اللاعبين

بقلم د.اكرام نسيم ... بتفوق غير محدود للحارس محمد فوزي يصلح كل غلطات و التفانين .. و تعالوا نشوف درجات اللاعبين
image

تعادل غير عادل للدراويش مع الاهلي بهدف لكل منهما

بقلم د.اكرام نسيم ... الحكم والڤار يقسوان علي الدراويش
image

تشكيل الاسماعيلي لمواجهة الاهلي

كتب مؤمن مجدي .. اعلن الكابتن ايهاب جلال عن تشكيل الفريق لمواجهة الاهلي و التشكيل مكون
image

الاسماعيلي في مهمة صعبة امام النادي الاهلي

مباراة الاسماعيلي و الأهلي مساء اليوم الأربعاء، ضمن فعاليات الأسبوع التاسع و العشرون من الدوري الممتاز. و يدخل الدراويش مباراة اليوم و هو يحتل المركز الحادي
image

فرمان من البوب بتجميد نادر رمضان بعد توقيعه للاتحاد

اصدر المدير الفنى للإسماعيلى إيهاب جلال فرمان يقضي بتجميد اللاعب نادر رمضان لاعب خط وسط الدراويش وخوضه تدريبات منفردة مع الثنائى محمد هاشم والأنجولى أرى بابل،
image

عماد سليمان: جددنا التعاقد مع فخر الدين بن يوسف لمدة شهر

نفى عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
image

سليمان يوضح حقيقة التعاقد مع فخر الدين وموقف بابل

صرح عماد سليمان، عضو اللجنة الفنية بالإسماعيلي، والمشرف العام على الفريق الأول، الاتفاق مع التونسي فخر الدين بن يوسف مهاجم الفريق، على خوض المباريات المتبقية
Powered by Vivvo CMS v4.1.5.1