إسماعيلي إس سي - i s m a i l y S C - فرح مبالغ فيه بالفوز علي المصري.. عندك مانع

فرح مبالغ فيه بالفوز علي المصري.. عندك مانع

حجم الخط Decrease font Enlarge font
image

من حق جماهير النادي الاسماعيلي ان تفرح للفوز علي المصري او الشرقية او التعدين.. و لو فرح مبالغ فيه

..عندك انت مانع

ركزوا معانا ... في الدقيقة الأخيرة  في ماتش الاسماعيلي و سموحة – لم يحسب لنا هدف صحيح و ألغاه الحكم محمود عاشور .. و قرارات عكسية و انتهت المباراة بالتعادل 2-2 و هاجت جماهير الاسماعيلي و أمطرت الحكم عاشور بالشتائم  .. لكن المهندس ابراهيم عثمان  نجح في تحويل الشتائم كلها الي عنوانه في مكتب ميدان عرابي – بالعلم و الوصول و التركيز

الحكم  امين عمر احتسب ضربة جزاء للاسماعيلي في مباراة الامس مع المصري  – بعدما تردد في احتسابها اكثر من 30 ثانية و هي ضربة جزاء صحيحة 100%  وهي ظاهرة لاتتكرر كثيرا في الملاعب المصرية و أحرزنا هدف عن طريق محمود متولي  و الذي زاد حماسه و ابداعه في الملعب و أحرز هدف كمان للمصري
الدنيا ظلمت و كان الفريق في طريقة الي تحقيق التعادل رقم 16 و المعلق ( ابو دم خفيف )   علي قناة النيل للرياضة ,,  كان بيقول  و عنده حق في بداية المباراة و قبل ما يصفر الحكم : الاسماعيلي في طريقه الي التعادل رقم 16 و  الله  قبل ما يصفر الحكم ... معلق دمه حفيف قوي زي العسل الأسود السرياؤسي الحمضان

 

بالأرقام – تعالوا نتحدث

فريق المصري لم يتعادل الا مرة واحدة و خسر 9 مباريات قبل مباراته مع الاسماعيلي  و فاز في 14 مباراة
الاسماعيلي تعادل 15 مرة و فاز في 7 مباريات و انهزم في 4 مرات
الاهدف متقاربة ( المصري 39 هدف – عليه 28 هدف ) و ( الاسماعيلي 35 هدف – عليه 24 هدف ) و تميل الكفة قليلا نحو المصري
بالقراءة الرقمية الدلالية – مع انه كلام خارج المقرر
المصري – اما يخسر او يفوز
الاسماعيلي – اما يتعادل او يتعادل

علشان كده كان الهدف الذي حقق الفوز بالدقيقة قبل الاخيرة من الوقت بدل الضائع  و من لاعب ثاني مرة يشارك اساسي هو محمد هاشم ..كان هدف غالي جدا جدا و انفجار لفرحة مكتومة و مظلومة و مشروخة من مباراة سموحة 
فهمتوا بقي ليه الفرح ... مبالغ فيه
قول فرحة بالعدل – فرحة بالتعويض – فرحة بعدم التعادل – فرحة بالفوز في ديربي القناة – فرحة بالفوز علي فريق يدربه حسام حسن – فرحة و لو لمجرد الفرحة

فرح و خلاص .. حتي لو مبالغ فيه

شاهد الفيديو

https://www.youtube.com/watch?v=H4UJ4l3-28Y&feature=youtu.be

 علي فكرة عواجيز الفرح كانوا بيقولوا علي هاشم انه صفقة فاشلة و لا له تلاتين لزمة  و لما تالق و احرز هدف – قالوا ان معار سنة واحدة من الجيش و اهو شغل عواجيز الفرح – لكن هاشم متعاقد 4.5 موسم و البركة في كلمة ( تحيا مصر) .. و الشاطر بس هو اللي حيفهم ايه القصد من الكلمة دي

ابراهيم حسن – مازال يواصل إبداعاته و تألقه  و بعد ما قلنا في تقرير سابق

 
لن يفلح فريق به .... ابراهيم حسن


و كان عندنا حق 100%  - اصبح ابراهيم حسن هو رمانة الميزان و بوصلة الفريق بشكل ما , يكمله وجود حسن عبد ربه  .. هناك ( حالة ) داخل الفريق – اوضحها التشيكي فرانز شتراكا و هذا لا يمكن انكاره .. و لكن يجب ان لا ننسي ان هناك ( حالة اهم ) هي حالة ابراهيم عثمان و معاه مجلس المغارة 2 .. يمكن فاشلين في حاجات ( نرجو ان يصلحوها ) و لكن في (الادب و الضبط و الربط )  هناك (غباوة ) مطلوبة و المغارة 2 ..ما عندهمش ( يا اما ارحميني ) و هي دي الحالة المطلوبة و المستمرة باذن الله تعالي
الله يرحم  لما المدفع شوقي السعيد قلع الشورت للجمهور  و سعفان وصبحي نطحوا بعض و عضو ادارة المغارة حمد عيد و سعفان ( اتمرمغوا علي الارض) زي محمود المليجي و فريد شوقي ... و هدده كمان بالرشاش
لكن قطع رقبة عمر الوحش و اسلام عبد النعيم و أي واحد يقل ادبه – مفيش دلع و هزار
برافو يا ابراهيم عثمان .. بجد  .. هي دي الحالة اللي دائمة و محتاجها الاسماعيلي بالوقت الحالي و بالفترة القادمة و دائما نقول ان الشغل بيدء من خارج الملعب - زي الاندية المحترمة

ابو طالب العيسوي ,, بعد ما كان كشاف النجوم و عينه حلوة و يا ريت يكون في كل اللجان الفنية لاختيارات اللاعبين  .. فجأه اصبح ابو طالب جاسوس و زفت الطين  
ابو طالب العيسوي اللي ترك السعودية علشان الاسماعيلي و ساب فرق الدولار و سعر الريال .. اصبح فجأه رمي فانلة الاسماعيلي علي الارض و خائن ابن ستين في سبعين و راح الزمالك و فشل و اضطر يلعب في الترسانة

 ليه
علشان الملهم شتراكا .. مشي

Image result for ‫بوحة الصباحي‬‎
بعض من جمهور الاسماعيلي .. رجل مبالغ  فيه علي رأي بوحة الصباح... و صبح صبح يا عم الحاج
بعض من الجمهور – فعلا رجل مبالغ فيه

محمد فتحي – غيابه عن وسط الملعب ..كان واضح جدا و لعيبة المصري .. من نص الملعب بركبوا أي مواصلات سريعة و لو كان اتوبيس سياحي فاخر او حتي توكتوك بالنفر الي مرمي عواد- بالرغم من مجهود هاشم و بافور في قلب الدفاع  - لكن الهجوم المصري كان واضح انه يلعب براحته لانه قادم بمواجهة المرمي و الدليل كان في الدقائق الاولي من المباراة : اصلاح الكرة بالصدر من المهاجم محمد الشامي الي المهاجم الاخر .. و تسديدها بقوة من 5 امتار و صدها الحارس محمد عواد بقدمه .. و كانت ممكن تلك الفرصة تقلب الطاولة علي الجميع و لو انها تكررت كثيرا طوال المباراة و لكن ربنا ستر

هي كورة واحدة او شوطة واحدة تدخل بين الثلاث شبكات  .. ممكن  تخلي الجمهور يهتف باسم اللاعب و تشيله علي الكتفين
هي كورة واحدة او شوطة واحدة تخرج بره الثلاث شبكات  .. ممكن  تخلي الجمهور يشتم اهل اللاعب فردا فردا و ترمي بيه الي اسفل السافلين

هي الكورة كده ...  طبعها كده .. زي ما بيقول الغزال اسامة خليل كابتن الدراويش و كابتن منخب مصر و كبير هدافي الدراويش

..........
   و لما الكورة تكون هدف و في الدقيقة 94  و في ايام – نسينا فيها الفرحة  خالص– يبقي لازم يكون فرح مبالغ فيه ... لسه عندك مانع !!

 

جديد إس سي
image

مدرب الافريقي : جئنا للفوز علي الاسماعيلي

خلال المؤتمر الصحفي ..صرح المدير الفني للنادي الافريقي ان بعثة النادي جاءت الي مصر لنعوض خسارتنا امام الفريق الجزائري وطريقنا نحو ذلك هو الفوز علي الاسماعيلي
image

مجدي : نسعي للفوز غدا بكل ما أوتينا من قوة

كتب مؤمن مجدي ... خلال المؤتمر الصحفي صرح الكابتن محمد مجدى حارس مرمى فريق الاسماعيلى ان المباراة القادمة صعبة للفريقين و لكن علينا مسئولية لاسعاد جماهير الدراويش
image

صور و وقائع المؤتمر الصحفي قبل مباراة الافريقي

كتب ميدو حسين و مؤمن مجدي ... اقيم المؤتمر الصحفي للبلجيكي سيدومير يونافسكي المدير الفني للداراويش و قبل مباراة الاسماعيلي و فريق الافريقي التونسي و الذي عقد في الساعة الثالثة
image

طاقم حكام مباراة الجمعة يخوض تدريب على ستاد الاسماعيلية

خاض طاقم التحكيم الكاميرونى بقيادة أليوم نيانت تدريبات خفيفة على ملعب الإسماعيلية قبل ادارة مباراة الإسماعيلي أمام الإفريقي التونسي في الجولة الثانية من دور المجموعات ببطولة دورى أبطال إفريقيا
image

لماذا اعلن عبد ربه اعتزاله اليوم

قرر نجم وسط وكابتن الدراويش حسنى عبد ربه الاعلان عن اعتزاله الذي راوده برغبته الابتعاد عن الملاعب كثيرا بالفترة الاخيرة  ولكن الاعلان بالوقت الحالي بشكل مفاجئ وبعد
image

أرقام القيصر أهم لاعبي وسط الملعب في تاريخ الكرة المصرية

كتب : محمد حنيدق .. بعد أن أعلن حسني عبد ربه قائد الإسماعيلي ونجم منتخب مصر السابق اعتزاله كرة القدم رسميا بعد مسيرة رائعة حقق خلالها الكثير
image

حسني عبد ربه يعلن اعتزاله - فيديو

كتب ميدو حسين ... اعلن الكابتن حسني عبد ربه اعتزاله الملاعب من خلال فيديو وجهه الي جماهير النادي
image

قائمة الدراويش لمواجهة الافريقي التونسي و معسكر مغلق

كتب ميدو حسين ... أعلن سيدومير يانوفيسكى المدير الفنى للدراويش عن قائمة اللاعبين المختارين استعدادا لمواجهة الإفريقى التونسى يوم الجمعة المقبل ، ضمن منافسات الجولة الثانية لدور المجموعات ببطولة دورى أبطال إفريقيا.
image

هشام عزمى يتفقد ستاد الإسماعيلية إستعدادا لكأس الأمم

قام المهندس هشام عزمى المسئول عن معاينة الملاعب والمكلف من قبل وزارة الشباب والرياضة بجولة تفقدية اليوم باستاد الإسماعيلية ، قبيل استضافته إحدى مجموعات بطولة كأس الأمم الإفريقية المقرر لها يونيو المقبل.
Powered by Vivvo CMS v4.1.5.1