إسماعيلي إس سي - i s m a i l y S C - نقطة في اليد و لا عيسوي علي الشجرة . إنسوا

نقطة في اليد و لا عيسوي علي الشجرة . إنسوا

حجم الخط Decrease font Enlarge font
image

لا ابو طالب العيسوي و لا شتراكا و لا ايهاب جلال و لا غيرهم .. يقدر يطلع من ( العجينة) دي .. ( فطير )

  .. اخرهم عجور او بتاو و لو مش مصدقين .. تعالوا نراجع الدقائق التالية

و خاصة من الشوط الثاني

كالديرون يفقد الكرة في هجمة واعدة د 49

شكري نجيب يفقد الكرة في هجمة واعدة د 53

حتي عواد الكرة ثابتة بيشوطها الي  خارج الملعب د 57

كريم بامبو يفقد الكرة د 67

كريم بامبو يفقد الكرة في التحام مرتين في دقيقة واحدة د 77

ابراهيم حسن يفقد الكرة في هجمة واعدة د 85

و في المقابل الزمالك كان بيصل الي وسط ملعب الاسماعيلي  في اقل عدد من التمريرات  و بيهدد  عن طريق الاجناب ببراعة و لولا يقظة  الغاني ريتشارد بافور - نجم المباراة - و الغل  من محمد عادل جمعة و و طاقم  محمد عواد اللي بيشبه طبق الملوخية او السبانخ  .. كان حيبقي هناك مشكلة علي المرمي

و كمان اول فرصة او شوطة علي مرمي حارس الزمالك كان شوطة عنترية من ابراهيم حسن كانت بالدقيقة 68  و فوق في السما و وصلت الي شارع التسعين في  التجمع الخامس.. قبلها مفيش و بعدها مفيش مفيش مفيش  

عجينة الفريق ( مش القماشة ) لا ينفع معاها العيسوي و لا شتراكا  و لا اي مدرب .. الفريق عايز يتفور و يعاد تركيبة من جديد

 

عمرك يا اسماعلاوي و بالله عليك - شفت لاعب مهاجم شاب زي شكري نجيب .. يا  اسماعلاوي يا من شاهدت  علي ابو جريشة و اسامة خليل و محمد صلاح ابو جريشة و بشير عبد الصمد و اوتاكا .. يجيي علينا اليوم و يبقي مهاجم الاسماعيلي ... شكري نجيب

 بعد ما كان هداف الاسماعيلي بيسجل 15 و 16 و 18 هدف .. يجيي اليوم اللي يكون الهداف من خط الوسط

و فيه حاجة سمراء بتلعب في الفريق اسمه حاجة بامبو ... مين ده و مين اللي جابه  

منه لله اللي عمل في الفريق كده لمدة اربعة سنوات و جاي الجديد يكمل علي الفريق في سبتمبر يجيب وليد عطية و في يناير يجيب مهاجم - محطة -  كمان

الزمالك لو كان عنده مهاجم عدل غير ( بسمة ) كان سجل خمسة اهداف و لكن تالق بافور و عماد حمدي و نادر رمضان - عطلوا الهجوم الابيض 

لكن هجوم الاسماعيلي كان خارج الخدمة تماما  في الشوط الاول  و في الشوط الثاني  كان خارج الخدمة تماما ايضا

الفرق فعلا محتاج اضافات تعيد للاسماعيلي  جمال الكرة و الايجابية علي المرمي و التهديف و الضغط علي الخصم و اعادة استخلاص الكرة من الخصم  - لكن التمريرات المقطوعة من د 32 الي الدقيقة 46 كانت بنسبة 80% 

و اول محاولة كانت من محمد ابو المجد  في الدقيقة 47 و انتهت الي الكورنر الاول للفريق في المباراة    

 ابراهيم حسن لم يصل اليهم الكرة من د 9 و سدد  باستعجال كانت في يد الحارس الشناوي و من بعدها اختفي تماما و لم يتواجد الي نهاية الشوط الاول

 قبل ما نختم .. فين الروح الرياضية يا اولاد الغم في الدقيقة 94 .. و لما اصيب عواد ... فعلا كله كلام

 اصابة هاشم و حسني عبد ربه - اربكت الفريق - صحيح - و تسببت في تشتيت كبير .. و لذلك لم نناقش فقدان الكرة في الشوط الاول ..كما بدانا التقرير بحسابات الدقائق في الشوط الثاني مع الاشاوس كالديرون و بامبو  و ابراهيم حسن و شكري

الحكم محمد الحنفي لم يسيطر علي الالتحامات و الضرب بين اللاعبين و كانت النتيجة توقف الكرة 54 مرة و اصابات و وقوع علي الارض  طوال المباراة بشكل اضاع اي جمال للمباراة

بالعجينة دي و بنتيجة اليوم - الاسماعيلي في نهاية الموسم - سابع او ثامن او تاسع

انتهي الامر ..تماما... إنسوا.. لا ابو طالب و لاغيره حيعمل حاجة    

لكن خلينا نتكلم بصراحة 

لو لم يتم احضار مدير فني محترم و هو يختار الصفقات بنفسه  

و تدعيم قوي بلاعبين اقوياء و ذات خبرات - مش لاعبين المستقبل  

و عمل فترة اعداد محترمة قبل بداية الموسم

يجب ان يرحل المجلس الحالي  بشكل محترم قبل بداية الموسم القادم  

لان لو تم تكرار ما تم عمله من يناير الي الان .. حيرحل المجلس الحالي .. قبل منتصف الموسم القادم

مفيش كلام و لا اي تبريرات مقبولة   

و افتكروا كويس تقرير كلام خارج المقرر بعد نهاية مباراة الزمالك و الاسماعيلي في 3 مايو 2017  

 

 

جديد إس سي
image

ذكري عم ابراهيم الهجان - رحمة الله عليه

نحتفل بذكري رجل من رجال الاسماعيلي الأوفياء و هو عم ابراهيم الهجان و الذي رحل عن دنيانا في 21 فبراير 2004
image

الاسماعيلي وبيراميدز بين الفرنسي و الكراوتي

لقاءات الكئوس لها حسابات خاصة و هي مباراة بين المديرين الفنيين في المقام الاول و هي اختبار حقيقي لقدرات الفرنسي ديديه جوميز المدير الفني للدراويش امام قدرات الكرواتي انتي تشاتيتش المدير الفنى لنادي بيراميدز
image

اسماعيلى ٢٠٠٤ يخسر الحدود بهدف

كتب مؤمن مجدي ... خسر فريق الاسماعيلى مواليد ٢٠٠٤ من فريق حرس الحدود  بهدف نظيف فى المباراة التى جمعت الفريقين عصر اليوم على ملعب الاخير
image

طموحات عبد الفضيل و عجائب السذاجة في النفاق

لن نتحدث عن ما قاله اللاعب شريف عبد الفضيل او تاريخه مع الاسماعيلي و لا عن شقيقه نبيل و دوره في حياته الكروية البائسة
image

الفريق يغادر الي الاسكندرية و استبعاد عبد الرحمن

سافرت بعثة الفريق الأول بالنادي الاسماعيلي إلى مدينة الإسكندرية و بعد مران اليوم الذي اقيم في العاشرة صباحا
image

قائمة الدراويش لمواجهة بيراميدز

كتب محمد اسامة ... اختار الجهاز الفني للنادي الاسماعيلي قائمة الفريق  التي ستغادر الي الاسكندرية لمواجهة فريق بيراميدز  في دور ال 16 لبطولة كاس مصر و
image

مباراة بيراميدز بدون جماهير و (الڨار) حاضر

اخطر اتحاد الكرة المصري , مسئولي النادي الاسماعيلي بعدم حضور الجماهير لمباراة الفرق مع فريق بيراميدز ضمن دور الـ16 لمنافسات كأس مصر علي استاد الإسكندرية يوم الجمعة 21 من شهر فبراير الجاري
image

الجهاز الطبي يعلن جاهزية المصابين لموقعة بيراميدز

اعلن الجهاز الطبي للنادي الاسماعيلي عن جاهزية مصابين الفريق الاول لكرة القدم بالنادي الاسماعيلي  - حيث تأكد جاهزية الثنائي الظهير الأيمن احمد أيمن، والجناح محمد حمدي
image

المنياوي: الإسماعيلي أغلق ملف البطولة العربية ويستعد لبيراميدز

  قال صبرى المنياوى، مدير الكرة بالفريق الأول لكرة القدم بنادي الإسماعيلي، إن الفريق أغلق صفحة البطولة العربية بشكل مؤقت. وفاز الفريق أمس الأول على الرجاء المغربى
Powered by Vivvo CMS v4.1.5.1