إسماعيلي إس سي - i s m a i l y S C - طنطا .. طنطا .. اشرب كالديكولا

طنطا .. طنطا .. اشرب كالديكولا

حجم الخط Decrease font Enlarge font
image

مع احترامي لفريق طنطا و تاريخه و اللاعبين الكبار الذين قدمهم للكرة المصرية و ايضا مع الاحترام لجماهيره ...كنتم عايزين تكسبوا

 الاسماعيلي .. علي ايه و ليه  

حاولت ان اري لاعب واحد في فريق طنطا  بيلعب كرة قدم حقيقية .. فلم اجد الا اللاعب محمد جابر و معه حارس المرمي المتالق اسلام طارق ... و الباقي من لاعبي الفريق  ليس لديهم اساسيات كرة القدم .. و لم يصل مهاجمي طنطا الي مرمي  حارس الاسماعيلي محمد عواد الا بالدقيقة 41 و حصلوا علي اول ضربة ركنية  .... مع كل الاحترام و التقدير لتاريخ نادي طنطا  الجميل

Image may contain: one or more people, crowd, stadium and outdoor

و بصراحة كده - الاسماعيلي بيلعب اليوم في طنطا بطريقة الموظفين - اللي منتظرين يقبضوا 3 نقاط اخر الماتش و كان الاداء بنصف عقل - و النص الثاني مع مباراتهم مع النادي الاهلي  في اللقاء المؤجل من الاسبوع الرابع و المقرر اقامته يوم الاثنين القادم و الموافق

و الدليل ان الاخ الفرنسي ديسابر - اخد الجنسية الاسماعلاوية هو كمان و بيفكر في ماتش الاهلي - و اخرج مهاجمه الوحيد و اللي حيلته الكولومبي  دييجو كالديرون .. و نزل مكانه  المهاجم الصاعد الواعد الشرس الهمام العنتيل المالي موسي كمارا في الطيارا في يناير

 

و كمان دليل عندما حصل محمود متولي علي انذار  بالدقيقة 82 - لم يقلق الجماهير الا علي  هل يلعب متولي ماتش الاهلي .. و الا ايه

و بالمناسبة لابد من خصم مالي  علي متولي لانه بيلعب بفذلكة و اخد الانذار الثاني - اللي وقع قلب الجماهير - بدون اي داعي ... و الا اقول لكم يا ادارة النادي بلاش .. متولي عمل لقطة حلوة د 69  و اخد الملعب بطولة و رواغ و تقدم  سدد  و لا اروع لاعب  - و لكن التسديدة كانت  في الميدان  

و  علشان كده لعب الاخ ديسابر ناقص واحد مهاجم - و طوال الشوط الثاني  كان الاسماعيلي بلا هجوم - و ابراهيم حسن بيمرن حارس مرمي طنطا  و الاخ كريم  بامبو مش عايز يبقي اساسي ابدا و سياسة التدوير للاعبين مش نافعة و لا يستثني منها الا محمد صادق المشاكس صاحب انذار في كل مباراة و ايضا الرايق قوي اسلام عبد النعيم و شكل ( الكرايتين)  عامل شغل كويس قوي معاه في شعره

و بصراحة قبل اي شئ - نبارك للحارس محمد عواد كتب الكتاب و يظهر العروسة الجميلة - وشها حلو عليه - و تالق عواد ببراعة اليوم  و انقذ هدفا من ميدو جابر د 86 كان ممكن تكون كرسي في الكلوب و ايضا  59 و 67و 80 و 41 و منهم شومتين صعيدي من كرة ثابتة  من المدفعجي رضا العزب

و سبحان الله الحارس محمد عواد  علي غير المألوف كان يخرج من مرماه لالتقاط الكرات العالية - فعلا وش العروسة حلوة عليك يا عواد و الف الف مبروك

هدف دييجو كاليرون د 29 ,, كان في لحظة سرحان لمدافعي طنطا من تمريرة كرة ثابتة من المظلوم دائما بهاء مجدي و استغلها كالديرون و وضع مدافعين اثنين خلف جسمه و سدد بشماله  بالراحة في شباك مرمي طنطا و محرزا هدف المباراة الوحيد  بشكل رشيق و جميل

شاهد الهدف

 https://www.youtube.com/watch?v=617xqNchBmw

 

الظاهرة الغريبة هو الحكم محمد الصباحي و كثير من الكرات المشتركة الخطرة لا يحتسبها و الكرات المشتركة الخففة يحتسبها و انذر ثلاثة من الاسماعيلي محمد فتحي د 73 و محمد صادق 75 و محمود متولي 82  و ترك لاعبي طنطا  يلعبون بخشزنة واضحة و مع ان عدد اللعبات و الفاول لطنطا يقارب ضعف الاسماعيلي - بعيدا عن صفارة الحكم

و الملاحظ ايضا هو سهولة اهدار الفرص من لاعبي الاسماعيلي ( عقلهم مش معاهم ) و خاصة ابراهيم حسن د 38 و تسديدتين في منتهي الاستهتار منه و كانه بيدرب حارس مرمي طنطا  و كمان فاول د 46  من الشوط الاول من مكان سحري يسددها محمود متولي في فندق عرفة بعيدا عن استاد طنطا

و ايضا كان هناك  كرة واهدة ثابتة د 94  تم تسقيطها في منطقة جزاء طنطا بمنتهي الغرابة و دون اي خطة لاستغلالها  

 انكماش الاسماعيلي بعد هدف كالديرون د 29 الي نهاية الشوط الاول كان غير مبرر و مفهوم و كان لابد البحث عن تعزيز الهدف  و هو ما ادي الي فوران لاعبي طنطا  مع بداية الشوط الثاني و د 59 و 63 و 67 كان من السهل جدا ان يدرك طنطا التعادل و كان من الممكن ان تختل احداث المباراة و هي امور كان لابد من حسمها قبل نهاية الشوط الاول و الدليل التغييرات الهجومية التي اجراها  مدير فني طنطا خالد عيد  طمعا في المباراةبسبب انكماش الاسماعيلي 

نزول محمد فتحي مكان بامبو د 63 و نزول حسني عبد ربه مكان  محمد صادق د 78 كان لها مفعول في الاستحواز علي طريقة اللعب و الخروج بنتيجة المباراة الي بر الامان و حصد ثاث نقاط ترفع رصيد الدراويش الي 20 نقطة ... و الله زمان يا دارويش 

و الف الف مبروك للدراويش     

و انتهي الكلام خارج المقرر 

جديد إس سي
image

قائمة 20 لاعب للسفر الي الكاميرون

كتب ميدو حسين ... اعلن الجهاز الفنى للإسماعيلى، قائمة اللاعبين و ضمت 20 لاعب للسفر الي الكاميرون فجر بعد غد الثلاثاء
image

مباراة الاهلي و الاسماعيلي موسم 65/66

كان الاسماعيلي في حالة حزن شديد بعد وفاة كابتن الفريق و الاسطورة رضا في 28 سبتمبر 1965
image

فيديو: الإسماعيلى يصالح جماهيره بثنائية فى القطن الكاميرونى

كتب: محمد حنيدق ..أحرز هدفى الإسماعيلى باهر المحمدى فى الدقيقة 45+2، ثم أحرز كريم بامبو الهدف الثانى فى الدقيقة 59، ليصالح الدراويش جماهيره
image

اصابة رمضان بجزع في الركبة و يغيب عن لقاء اياب القطن

كتب ميدو حسين .. اصيب لاعب وسط الاسماعيلي نادر رمضان بجزع في الاربطة الداخلية للركبة و من المقرر غيابه عن رحخلة الفريق الي الكاميرون
image

أرقام الاسماعيلى بعد مباراة القطن الكاميرونى

كتب : محمد حنيدق .. بعد فوز نادى الإسماعيلي على نادى القطن الكاميرونى ، فى المباراة الاولى من دور الـ 32 بدورى رابطة الابطال الافريقية
image

يا سلام ’ لو 11 باهر و بناقص شكري و ماندوجا

ادلرة شئون كرة القدم - ليست بالبكاوية او الديكتاتورية او المهلبية ... انما هي ادارة امور فنية و تخطيط و ادارة و علم .. و ليست كما يفعل مجلس ادارة السلاحف و رئيسه
image

بص شوف كابتن الدراويش متولي ... و درجات اللاعبين

بقلم د.اكرام نسيم .... قالوا عليه بيلعب من غير نفس و مش حيديك ..لكن رد عليهم متولي و قال خليكم ساكتين و تعالوا نشوف درجات اللاعبين
image

الاسماعيلى ( ينجد) القطن بهدفين قصيرى التيلة فى الجول

بقلم د.اكرام نسيم ... بدء الاسماعيلي بشكيل مكون من محمد فوزي و طارق طه و محمود متولي و محمد مجدي و باهر المحمدي و محمد صادق و نادر رمضان ( حسني عبد ربه د 79) و عماد حمدي و عبد الرحمن مجدي ( محمد الشامي د 72) و شكري نجيب ( كريم بامبو د 56) و كريستوفر ماندوجا
image

تشكيل الاسماعيلى امام القطن الكاميروني

كتب مؤمن مجدي ... اعلن الجهاز الفنى للفريق الاسماعيلى تشكيل الاسماعيلى امام القطن الكاميروني فى دور 16 من مسابقة دورى ابطال افريقيا
image

تشديدات أمنية مكثفة قبل مباراة الإسماعيلي والقطن

كتب ميدو حسين ... شهد محيط الاستاد الإسماعيلية تشديدات أمنية مكثفة قبل المباراة الإسماعيلي والقطن الكاميروني بساعات، حيث تواجد الأمن بكثافة حول أسوار الملعب،
Powered by Vivvo CMS v4.1.5.1