إسماعيلي إس سي - i s m a i l y S C - مجلس السلاحف .. ولا يفرق معاهم تعادل بتروجيت

مجلس السلاحف .. ولا يفرق معاهم تعادل بتروجيت

حجم الخط Decrease font Enlarge font
image

.. حرص المهندس ابراهيم عثمان و اعضاء مجلسه الموقر .. علي مشاهدة مباراة الاسماعيلي و بتروجيت من داخل استاد الاسماعيلية

 و نحب نسألهم .. يا تري مبسوطين  و مرتاحين و يمكن يجيي لكم نوم و دم الجماهير محروق 

التعادل مع بتروجيت كشف للجميع - مدي العبث الذي تم في الفريق من التفريط و بيع اللاعبين  بلا ضوابط و لا حاجة لذلك من الاصل ... الا لتجميع الملايين ... و دون بدلاء مناسبين  بالمراكز التي تم تخريبها  - قصدا و عمدا من مجلس الاسلاحف و من من حوله

 سؤال بسيط جدا ... من منتصف الملعب الي حدود  منطقة جزاء الخصم ..من هو اللاعب في الفريق و القادر علي سحب الفريق لصناعة هجمة منظمة

بطريقة اسهل ... من هو صانع الالعاب و المهاري بفريق الاسماعيلي

و واضح جدا جدا .. نقولها بصوت عالي ... لا يوجد في الاسماعيلي حاليا اي لاعب رقم 3.5  و هو ما = 1/2 مستوي اللاعب رقم سبعة

 طبعا  القارئ العزيز  - حيقول مين نمرة سبعة و عمل ايه مع الاسماعيلي و كان بيلعب من غير نفس .. و نتفق معه ....  لكن الرد المنطقي   ..بالـ 150 مليون جنيه .. مجلس الادارة اشتري مين  بديل لنمرة 7 او بديل لمحمد فتحي و الا بديل بوشا و الا بديل  اسلام عبد النعيم و لا احد

..الدليل بسيط جدا ... هل تعلم ان الاسماعيلي لم يهدد مرمي بتروجيت  يشكل جدي الا بالدقيقة 80 عن طريق البديل محمد الشامي و بمجهود فردي

و دليل اخر ... هل تتخيل ان اللاعب شكري نجيب و هو عنوان القصور الفكري في كرة القدم .. هو اساسي  في فريق الاسماعيلي و هو لم يكن اساسيا مع اي مدير فني .. لكن لا يوجد لاعبين بالثلث الهجومي للاسماعيلي

و هل تعلم ان شكري نجيب افسد عدة هجمات بشكل غير مفهوم علي الاطلاق و خاصة د 47 و 66  و لم يوجد شكل هومي للفريق الا بعد خروجه د 68 و الحمد لله

و نتمني من كل قلوبنا ان يكون مستوي النيجيري اوكيكي  جيدا ... و  في مستوي عالي ...  حتي نرتاح من الاخ شكري نجيب و فزلكته

 فريق الاسماعيلي الذي كان طوال عمره - استاذ - في بناء الهجمات  عن طريق رضا و العربي و محمد حازم و الرومي و العجوز  و محمد حمص.. لم يصنع هجمة واحدة من منتصف الملعب  طوال 97 دقيقة  امام بتروجيت 

   فريق الاسماعيلي الذي كان طوال عمره - استاذ - في الهجمات المرتدة من ايام اسامة خليل وبشير عبد الصمد و محمد فكري الصغير و جون اوتاكا  .. اصبح بلا اي فلسفة علي الاطلاق  عند الاستحواز علي الكرة  في وسط ملعبه 

فريق الاسماعيلي الذي كان - استاذ - في الضربات الثابتة من ايام رضا و شحتة و حازم و عماد سليمان و حمزة الجمل و حسني  عبد ربه او حتي الحزين عبد الله السعيد و اصبحت الكرات الثابتة هي افضل ضمان للفرق المنافسة للاسماعيبلي من ضياع الفرص

 فريق الاسماعيلي الذي كان - استاذ - في العاب الفضاء من ايام صلاح ابو جريشة و علي ابو جريشة   و محمد صلاح ابو جريشة و ياسر عزت و محمد فضل .. اصبح الهيدرز الاساسي له هو الغاني ريتشارد بافور

 الاسماعيلي بالفعل  ليس لديه صانع العاب او باني هجمات و لا هجمات مرتدة و كرات ثابتة و لا العاب هواء ... اومال عندنا ايه 

 عندنا 150 مليون جنيه في البنك .... الف نهار ابيض يا رجالة 

و دعت الفقر يا مرجانة .. لكن علي بابا طلع بخيل دقة و خلي مرجانة تشق هدومها و تطلب الخلع               

 المشكلة ان مجلس السلاحف - لم يستخدم ورقة واحدة  لمعرفة احتياجات الفريق  و مراكز الضعف و تقوية مراكز بعينها .. لكن السؤال المعتاد من رئيس مجلس السلاحف  كان هو  

هو اللاعب ده فري ... و الا لا

اخونا المدرب الجزائري خير الدين الاخضر ..قال اننا سنتبع ( سياسة التدوير)  في الفريق خوفا من الاجهاد .. و يبدو ان الاخ مضوي دارس (نفايات صلبة كويس قوي ) - اجهاد و تدوير من بداية الدوري و بعد مباراة واحدة.... اومال في وسط الموسم و الفريق بيلعب محلي و خارجي .. حنتبع سياسة ايه سياسة - تصنيع النفايات و اشتري شكوكو - بإزازة

المدير الفني لفريق بتروجيت طارق يحيي ,,عارف عايزايه من المباراة و من بعد 14 دقيقة كان هو و رجالته في الملعب وحدهم تماما  و رجالته بصراحة حاجة تفرح من احمد العجوز و احمد زولا و الاثيوبي بيكللي و الفريق كله بيلعب برجولة ... احنا عندنا الفزلوك و المرعوب و الحزين و اللي خايف علي جيل شعره    

 تعالوا نشوف احد جماهير الاسماعيلي ..كاتب ايه

شوط اول وحش اوي اوي ، مفيش تركيز تماما و ميس باص كتييير ، توليفة نص الملعب مخلينا مضغوطين جدا ، حسني بدنيا بيعاني لانه بيلعب بعد ٩٠ دقيقة في ماتش الاهلي ، شكري نجيب كالعادة بيدور اكتر علي الفزلكه اكتر من الاهتمام بمصلحة الفريق ، صادق تايه و مش عارف يعمل ايه و ملهوش دور واضح ، ماندوجا و لسعد الافضل في الفريق مع باهر ، محتاجين تعديل في نص الملعب نلعب باتنين بس و حسني يذوق لقدام و مع الوقت و مفيش تقدم نلعب ب ١-٤-١-٤ بعماد بس عشان نضغطهم و نخليهم يرجعوا لنص ملعبهم، الشامي او بامبو بدل شكري و تعليمات مشدده يرجعوا يدفعوا مع طارق طه و الجنب التاني لسعد مع نادر رمضان ، كمان بعد شوية تغيير تكتيكي بدخول نادر كلاعب وسط بدل صادق و يدخل متولي مدافع و يرجع باهر باك

كلام واضح تماما لمواجهة فريق خصم استطاع الحصول علي اربعة فرص حقيقية في الشوط الاول فقط د 14 و 26 و 27و 31 و دون ان يبني الاسماعيلي  هجمة واحدة منظمة و حتي اشباه الفرص لشكري نجيب د 17 و 44 لعماد حمدي و حسني عبد ربه د 55 و نجيب 66 كانت بلا معني او تركيز او تحضير من الاصل علي الاطلاق   

 ايضا  كلام المشجع له ترجمه ان الفريق غير واضح الخطة  او التحرك ما بين الدفاع  الهجوم ... فريق بيبدل في مركزي دفاع  الباك اليمين و قلب الدفاع  مرة واحدة عن مباراة سابقة واحدة و طبعا في خط الوسط لعودة عماد حمدي و لعب باهر المحمدي  قلب دفاع  و هو مخالف ما تم خلال فترة الاعداد .. يعني الفريق بلا شكل ثابت من فترة الاعداد و نتصور ان التغييرات لن تتوقف للتجارب و النتائج  سيكون لها اثر كبير في ذلك

و يظل الحارس عصام الحضري هو الافضل في فريق الاسماعيلي  و انقذ مرماه من كرات خطرة كان اشهرها الكرة الساقطة د 75 ببراعة السنين

و لكن صبر عصام الحضري ...مش حيطول .. و لا احنا  

و كان الله في عون الاسماعيلي و جماهيره    

و انتهي  كلام خارج المقرر   

  

    

جديد إس سي
image

صاﻻت الاسماعيلى تواجة السويدى للكابلات غدا

كتب مؤمن مجدي ... اتفق الجهاز الفنى للفريق صاﻻت الاسماعيلى على مواجهة السويدى للكابلات غدا على صالة المغطاة بالجيش التانى الميدانى بالاسماعيلية
image

طاقم حكام جامبي لادارة لقاء القطن و الاسماعيلي

اعلن الاتحاد الأفريقى لكرة القدم، عن طاقم التحكيم الذى سيدير لقاء الإسماعيلى والقطن الكاميرونى في إياب الدور التمهيدى الثانى بدورى أبطال أفريقيا.
image

البعثة تغادر الي الكاميرون برئاسة د.ابراهيم فارس

كتب محمد اسامة ... غادرت بعثة النادي الاسماعيلي ,مدينة الاسماعيلية و في طريقها الي مطار القاهرة الدولي و للسفر فجر الغد الثلاثاء، فى طريقها إلى مدينة جاروا الكاميرونية لملاقاة فريق القطن فى إياب دور 32 في دورى أبطال أفريقيا.
image

القناة يستضيف التدريب الرئيسي لفريق الاسماعيلى 99 غدا

كتب مؤمن مجدي ...يستضيف ملعب القناة تدريبية فريق الإسماعيلي مواليد 99 غدا فى تمام الساعة العاشرة صباحا استعدادا لمواجهة الجونة يوم الخميس فى الجولة الاخيرة من الدور الاول
image

اسماعيلى 2001 يخسر من الاهلى بثلاثية

كتب مؤمن مجدي ... خسر فريق الإسماعيلي مواليد 2001 من فريق الاهلى بثلاث اهداف مقابل هدف فى المباراة التى جمعت الفريقين عصر اليوم على ملعب الجامعة القديمة بالاسماعيلية
image

امين عام الجامعة المساعد تسهل دخول جماهير الاسماعيلى و الاهلى

كتب مؤمن مجدي ... سهلت الاستاذة منى فيصل امين عام الجامعة المساعد دخول جماهير الأهلي و الاسماعيلى فى قمة الشباب بعد ازدحام الجماهير الفريقين على بوابة دخول الجامعة
image

توثيق الحلم المستحيل : متحف الدراويش

يوثق موقع اسماعيلي اس سي كل رسومات و افكار متحف الدراويش الافتراضي ... و الذي يبدو انه حلم مستحيل .. بكل معني الكلمة
image

المطالبة بتأجيل لقاء المقاولون العرب و الاسماعيلي

طالب مسئولي النادي الاسماعيلي بتأجيل لقاء الفريق الاول مع فريق المقاولون العرب الي موعد يحدد لاحقا
image

قائمة 20 لاعب للسفر الي الكاميرون

كتب ميدو حسين ... اعلن الجهاز الفنى للإسماعيلى، قائمة اللاعبين و ضمت 20 لاعب للسفر الي الكاميرون فجر بعد غد الثلاثاء
image

مباراة الاهلي و الاسماعيلي موسم 65/66

كان الاسماعيلي في حالة حزن شديد بعد وفاة كابتن الفريق و الاسطورة رضا في 28 سبتمبر 1965
Powered by Vivvo CMS v4.1.5.1