إسماعيلي إس سي - i s m a i l y S C - ايوة فرحان .. إننا هربنا من السلخ قبل الدبح

ايوة فرحان .. إننا هربنا من السلخ قبل الدبح

حجم الخط Decrease font Enlarge font
image

لأول مرة نكتب ( كلام خارج المقرر ) عن مباراة لم تقام و لم نشاهدها ... و الحكاية كلها لا يوجد اسماعلاوي

 واحد الا و فرحان بتأجيل مباراة المقاولون  العرب  و الاسماعيلي و من قبلها تاجيل  مباراة الزمالك

و مفيش اسماعلاوي يطالب  بمشاركة  فريق الناظر في بطولة السوبر السعودي .. و الا في قلبه يقول : يا رب ما يوافقوا .. علشان لا نتفضح كمان و كمان

و اي كان السبب ..ما وراء التأجيل  لمباراة المقاولون و الاسماعيلي ..كان (الأمن) ... او كان  ( محمود عثمان ) ... المهم اننا هربنا من مواجهة او مطحنة  المقاولون العرب  و علي استاد المعلم عثمان

المقاولون العرب كان مجهز ( السكاكين و السواطير ) و كان في التدريب الاساسي بيتدرب الفريق علي 4 فراودة  - لاصطياد فريق ابراهيم عثمان  ...  و سلخه ( الفريق و ليس ابراهيم ) قبل ذبحه ... كان الفوز علي الاسماعيلي ,يمثل لفريق المقاولون  .. القشة التي يتمسك بها  مدربه علاء نبيل لمواجهة الثورة ضده داخل النادي من الذئاب التي حملته  الهزيمة من فريق بيراميدز  رغم انبطاح لجنة الحكام امام الشيخ تركي الرز ... و لكن رد علاء نبيل بالفوز علي سموحة 2-1 و اللي هزم الاسماعيلي 3-1 ... و قال علاء نبيل : بكرة تشوفوا  حاعمل ايه في الاسماعيلي... دي حتبقي ليلة يا عووومدة .. ناكل و نشبع و ندعي لك يا عمدة ... زي ما قالت البت فاطنة في  فيلم الزوجة الثانية

Image result for ‫فيلم الزوجة الثانية‬‎

 لكن  الكابتن علاء نبيل ..جاء له تليفون من رئيس شركته قال فيه :: خلاص الاسماعيلي بتاعنا برضه .. ناجل الماتش يا عيلاء

و انتفخت أوداج  كل مشجع اسماعلاوي ( مع اني ما اعرفشي يعني ايه .... أوداج دي ) لما عرف ان ماتش المقاولون  اتاجل بعد مباراة الزمالك .. لكن الأوداج .. فرغت تاني  من النفخة ... لما عرفنا  ان الاسماعيلي حيلاعب فريق بيراميدز  يوم 19 اكتوبر في الاسبوع 11  في الاسماعيلية 

يا سنة سوخة يا ولاد ... بيراميدز  و في الاسماعيلية و في حضور 5000 مشجع اسماعلاوي .... يا  حظك الاسود يا عتماااااان  ( عتمان و ليس عثمان ) زي العمدة صلاح منصور في فيلم الزوجة الثانية ايضا 

يعني اهرب من المقاولون و الزمالك ( هكذا يفكر سعادة الناظر ) .. أخبط في بيراميدز  و كمان في  الاسماعيلية و هناك  5000 لسان في المدرجات

Image result for ‫فيلم الزوجة الثانية‬‎

و امام 5000 لسان في المدرجات .. لن ينفع لسان الشيخ مبروك و نفاقه و مسح الجوخ للعمدة عتمان  

ليه كل ده و ليه افلام الرعب دي كلها 

كله بسبب  فكر سعادة الناظر و هو فكر انكشاري هاميوني زلطاتي استاني  ..دمر الفريق برحيل الاساسيين  و تدمير نفسية الباقيين ... فاصبح فريق الدراويش اشباح في هياكل بشرية   ... لا حول للفريق و لا قوة .. نفسية في الارض و كراهية الكرة و الجماهير و الكل كليلة

كوارث و مصائب و حرائق و فيضانات و اعاصير  .. صنعها الناظر و بررها  الالاضيش و المبررين و زوارمكتب عرابي و بيصقف لها  فلاسفة الاستثمار و الخيار علي الفيس بوك ... بيع يا ريس .... بس عايزين احمد الشيخ ... الخ الخ الخ

 كل ما لاعب عايز يتباع ... بيع يا حضرة الناظر - بس عايزين احمد الشيخ من الاهلي ... و مفيش امام سعادة الناظر الا يبيع و يرسل بيان بتهنئة  بالشفاء الي معالي الشيخ ... و كلهم شيو خ في بعض  

فريق الاسماعيلي يا سادة يا كرام.. اصبح اشباح بسبب فلاسفة التشجيع و الاستثمار في اللاعبين فقط .. لا استثمار  الا في البيع  فقط و بكدة يتحول الي : استحمار ... و مفيش استثمار في الاسماعيلي ... فين بالمناسبة  افتتاح نادي النخيل  يوم 6 اكتوبر القادم 

 بالذمة  ده منظر ادارة  نادي ... عنده افتتاح نادي  النخيل كمان 6 ايام او حتي 60 يوم ... ده منظر ادارة نادي ..ما تقدرشي تعمل حتي  سرادق عزاء

 بالذمة ده نادي عند جماهيره جمعية عمومية يوم 27 اكتوبر و لا يعلن عنها في اي مكان الا جريدة المساء اللي محدش بيشتريها الا المسافرين في قطارات الصعيد     

 المحصلة يا حضرات.. ان الايام  حتي يوم 19  اكتوبر .. ستمر  في 3 حاجات ... الاولي الحديث عن ديسابر  و الثانية عن ايهاب جلال  و الثالثة  عن احمد الشيخ لاعب الاهلي... وهووووووب ... البس يا ابن المعلم علشان خارجين

و علي فكرة الطاقم اللي جاب المديرين الفنيين السابقين  و كل اللاعبين من الاسماء  اللي ما نعرفهاش و لا شوفناها   .. هما هما نفس الطاقم اللي حيجيب  الديب من ديله

لا تطوير  في الفكر و لا استفادة من الاخطاء و لا لجنة فنية و لا مهلبية و لا رز بلبن

و لا مدير كرة و لا شئ خالص الا المهميمن علي شئون كرة القدم  بالعافية

و بقينا نفرح ... ان  مباريات الدراويش ..بتتأجل... و اه يا ليل يا قمر  و المانجة طابت عالشجر

 يا ادي الفضيحة ام حناجل و يا ادي الجرسة ام دناجل

 Image result for ‫احترس من الخط‬‎

و انتهي كلام خارج المقرر الافتراضي

و لا حول و لا قوة الا بالله العلي العظيم

 

     

جديد إس سي
image

احتجاج رسمي من الدكتور هشام عناني

كتب ميدو حسين .. تقدم الدكتور هشام عناني باحتجاج رسمي علي بعض اجراءات الجمعية العمومية المحدد لها يوم 31 اكتوبر القادم
image

حمص .. نركز على الجانب النفسي وهدفنا إسعاد الجماهير

قال محمد حمص مدرب الإسماعيلي أن الأمور تسير على مايرام ،مشيرا إلي أن هناك تناغم وانسجام بين اللاعبين وأعضاء الجهاز الفني. *وأضاف :”نعمل حاليا على الجانب
image

يوسف: الفريق تم تفريغه.. و لن استمر إذا لم تُلبى طلباتي

أكد طلعت يوسف المدير الفني للنادي الإسماعيلي، أنه بحاجة للتعاقد مع خمسة لاعبين على الأقل في جميع خطوط فريقه استعدادًا للموسم الجديد. وأشار يوسف في تصريحات
image

الإسماعيلي.. بيع النجوم مرفوض

جلسات مع "حمدي والصادق ونجيب" لحسم التجديد "عناني وزكي" أول المرشحين لمنصبي الرئيس والنائب  رفضت اللجنة الفنية بالإسماعيلي برئاسة علي أبو جريشة وعضوية عماد سليمان التفريط في
image

طلعت يوسف يطلب لاعبين أجانب وتدريبات شاقة للإسماعيلى

أرسلت إدارة النادى الإسماعيلى خطابا رسميا الى اتحاد الكرة، لاستيضاح الموقف النهائى للدراويش، فى أزمة القيد الصيفى، وهل فى حال تسديد الغرامة المقررة على النادى،
image

طلعت يوسف: الإسماعيلى يحتاج 6 صفقات سوبر.. وكيروش مدرب كبير

تحدث طلعت يوسف، المدير الفني لفريق الإسماعيلي، عن التحديات التي تواجه الدراويش في الفترة المقبلة، موضحا أن الفريق يحتاج لـ6 صفقات سوبر، وأنه يشرف على
image

بابل ونجيب ينتظمان فى التدريبات اليوم استعدادا للموسم الجديد

ينتظم اليوم الإثنين، الأنجولى أرى بابل لاعب الإسماعيلى في تدريبات فريقه استعداداً للموسم الجديد حيث من المقرر أن يعود للقاهرة اليوم بعد انتهاء الإجازة التي
image

أشبال الاسماعيلي يفوز 3-2 علي حطين السعودي

فاز فريق الشباب للإسماعيلي من مواليد ٢٠٠١ علي فريق حطين السعودي بثلاثة أهداف مقابل هدفين في المباراة الودية التي جمعتهما مساء اليوم علي ملعب أحد
image

في دائرة السنتر.. تسعة مدربين للدراويش

بقلم ا. محمد كمال حافظ .. حتي لا يحدث ما حدث في الموسم الماضي وشهدت فيه الاسماعيليه وجماهيرها وناديها وفريقها اكبر عدد من الاجهزه الفنيه في تاريخ الانديه في العالم لفريق واحد
image

مباراة ودية للبدلاء و الناشئين مع حطين السعودي

تقام مباراة ودية عصر اليوم بأحد الفنادق المطلة على بحيرة التمساح تجمع ناشئين الفريق أمام أحد الفرق السعودية.
Powered by Vivvo CMS v4.1.5.1