إسماعيلي إس سي - i s m a i l y S C - كل واحد يضرب اللي جنبه قلم ... يا سلاحف

كل واحد يضرب اللي جنبه قلم ... يا سلاحف

حجم الخط Decrease font Enlarge font
image

لو كنت مكان الدكتور ابراهيم فارس و الاستاذ عطيطو و المهندس تامر موسي و الرابع و الخامس مش

فاكر اسمه.. كنت طلبت منهم ان نقف دائرة و  كل واحد يضرب اللي جنبه قلم و تفضل الاقلام تدور و تدور و تدور .. الي ان يسقط الجميع علي الارض.. اما الناظر ده محتاج شلوووووووت ..يطير بيه من النادي الي الكارتة 

و لكن بشرط ان يكون الشلووووت ..من واحد عفي صحته لا تقل من واحد زي حمزة الجمل زمان ... و يكون لابس جزمة ميري

سيبكم من ان الحكم ظالم ابن ظالم و سيبكم من ان مساعد الحكم احول ابن احول ... لكن عايز رائيكم بجد و بصراحة ... هل فريق الاسماعيلي ابراهيم عثمان ... يستاهل حتي يتعادل 

 الاسماعيلي  كان يمكنه التقدم علي مازيمبي  بضربة جزاء المحمدي و لكن دخل فيه هدفين و كان اتقدم علي القطن برضه بضربة جزاء .. و لكن اتغلب 2-1 ... النهاردة تقدم بهدف علي لافريقي د 8  و بعدين اتغلب 2-1 .. بالله عليكم ده فريق و الا ده جهاز فني و الا دي ادارة  

الافريقي يستاهل الفوز 100%  و حتي ان كان ساعده الحكم الكاميروني و طاقمه ... و الاسماعيلي يستحق الهزيمة 100% و لو كان الحكم ضده

رئيس نادي ضارب فاشل فاشل فاشل  و اعضاء مجلس طراطير زرازير و لا ليهم لزمة  و عضوين  اتنين زعلانين ... و كابتن مقموص و معتزل  في وقت قاتل

فين النجاح اللي يمكن ان يحدث ... سيبكم من الحكم خالص ... هل نستحق بالفعل كنا ندخل دور المجموعات من الاصل

 ناخدها واحدة واحدة

حراسة المرمي - دمرها فيروس عصام الحضري اللي ( ..... الهيبة)  لا مؤاخذة  و  مكان النقاط .... تخيل ما تريده بلا ضوابط

 خط الدفاع .. نهاره اسود من الكحل - ريتشارد في الثلاجة و ماشي ماشي ... لا العب يا ريتشارد .. و حرك باهر الي المساك  و هات لاعب مجمد في ثلاجة ميت عقبه و سموحة .. و اول مباراة العب يا اسامة يا ابراهيم .. عايز ايه 

خط الوسط ...  زلزال اخونا حسني عبد ربه  (  الكيزر ) ... خلي كل الناس تقول حنلاعب الافريقي و الا الترجي يوم  الاحد و الا الاتنين ...  و نازل قبل الماتش ( يعيط ) في الملعب... زي واحد رايح فرح و يعيط او رايح عزاء و بيضحك ... هي ناقصة لخبطة   

خط الهجوم .. هات لاعبين  و املاء الفراغ  - عيان مش عيان ... اهو اي حاجة و السلام و العب ياله ..ارقص ياله 

كل الخطوط ضاربة و متشابكة و معفنة

 عايز تكسب ازاي ..مش عارف و ليه 

عايزين نتكلم فنيا من واقع الماتش ..ماشي

 الاسماعيلي لم يتخطي  نصف الملعب في الشوط الاول الا في الدقيقة 6 .. و كان الجمهور الرائع اللي فوق من راسي من فوق .. لم يحرك اي شئ في اي لاعب .. علشان امكانياتهم كده و فريق مهلل و لا قائد و لا صانع العاب و لا استقرار من اي شئ 

الاسماعيلي احرز هدف في الدقيقة 8 ..بجملة هي الوحيدة في المباراة ذات 87 دقيقة .. عارف ثاني فرصة كانت امتي للاسماعيلي كانت د 77  من الاخ مارشال نافورة و باصاها باقتدار الي حارس الافريقي سيف الدين الشرفي و اللي اتصدي لكرة طارق طه  د 48 و راسية طائشة من بافور د 68  

يعني علي ارضك و وسط جماهيرك الرائعة ... فرصتين فقط طوال المباراة و في المقابل ... عد و شوف عدد فرص فريق الافريقي د 3 في القائم و د 17 و 26و انفرادت بالجملة في اول ربع ساعة من الشوط الثاني اللي لعب فيه الاسماعيلي ضاغط وبعد كده  فنيص فنيصة كاملة

 بعدها استولي الافريقي علي الكرة و نصب السيرك التونسي .. في تناقل الكرة في مساحت ضيقة و امتلاك لكرة و الحصول علي فاولات و مخالفات  لاستهلاك الوقت بشكل ايجابي من د 16 الي د 30 ... ليه فاق الاسماعيلي اول ربع ساعة من الشوط الثاني

بسيطة جدا و اسهل اجابة

فريق الاسماعيلي طوال المباراة - غير الربع ساعة دي ..كان الفارق بين خط الوسط و شيلونجوا ..30 متر في اغلب الاحيان  و انفصال تام بين الهجوم و الوسط و خروج عبد الرحمن مجدي من المعادلة .. لذلك كان الضغط من وسط الملعب لاعبي الافريقي  من قلب الدفاع - لم يلعبوا علي الاجنحة الا في الكرات المرتدة 

ارجعوا الي الدقيقة 18 و ركزوا كويس مع اللاعب المظلوم باهر المحمدي قبل ما يشتت الحارس محمد مجدي .. ركزوا مع باهر المحمدي حتلاقية بيعطي تعليمات و هو بيلف حوالين نفسه في مظهر يوضح الربكة و الحوسة اللي هو فيها و معاه الغاني ريتشارد اللي محدش عارف هو قاعد و الا ماشي و لا راكب بسكيلتة ... حمراء و الا بيضاء ... و الا فيه كولومبي و الا فيها ... فيل بزلومة

الجماهير الرائعة العظيمة تحولت مع اكتمال القمر من مستر جيكل الي مستر هايد .. من قمة التشجيع و الجمال .. الي فتوات الناجي و مستأذبين  بالحديد و النار  .. و ارادت ان ( تفش غلها ) في الحكم و الزتونة ابو راية سودة اللي مسك ظهره مرات عديدة من اللي جاله من خيرات الجماهير ...  افسدت المباراة.. و محدش يعرف العقوبات اللي جايه ايه

الحكم الكاميروني اوقف اللعب 30 دقيقة ومن بعدها الغي المباراة و هناك اصابات في الجماهير التونسية قبل المباراة و محدش يعرف ايه و فين و ليه

و السلاحف الخرساء و لا هي هنا ... و قنابل دخان مسيل للدموع و قبض علي شباب الجماهير و حرب شوارع بين الامن و الجماهير  و لم يخرج ججمهور الافريقي الا الساعة 11 مساءا من الاستاد و اخونا ميدو حسين مع االشكر ليه - مخنوق من الغاز

و من الاكيد جملة عقوبات قادمة في الطريق و لان المصائب لا تاتي فرادي .. يا ريت مصيبة منهم ... تشيل و تاخد اللي في بالي و في بالك 

 ايوة هو ..اللي جاء علي بالك 

قولوا... امين

و انتهي كلام خارج المقرر

جديد إس سي
image

550 الف جنيه غرامة علي 11 مشجع للاسماعيلي

حكمت المحكمة بالزام عدد 11 فرد بسداد غرامة قيمتها 50 الف جنيه لكل فرد
image

مغادرة لاعبى الإسماعيلي إلى الإسكندرية

غادر لاعبو الفريق الأول لكرة القدم بالإسماعيلى إلى الإسكندرية لخوض معسكر مغلق اعتبارا من اليوم ضمن برنامج الاعداد لمواجهة مضيفه الإنتاج الحربى مطلع مايو المقبل
image

الفريق راحة اليوم الثلاثاء

ايهاب جلال المدير الفنى للنادي الاسماعيلي منح لاعبيه راحة سلبية من المران اليوم الثلاثاء، و ذلك عقب خوض الفريق مباراتين وديتين خلال الـ48 ساعة الماضية. و
image

اسماعيلى ٢٠٠٦ يتعادل مع سيراميكا سلبيا

كتب مؤمن مجدي .. تعادل فريق الاسماعيلى مواليد ٢٠٠٦ مع فريق سيراميكا كليوباترا بدون اهداف فى المباراة التى جمعت الفريقين مساء اليوم على ملعب الاخير بالقاهرة
image

حمد إبراهيم المدرب العام لفريق الاسماعيلي

المباريات الأربع المقبلة بالأهم هذا الموسم لأنها أمام المنافسين المباشرين والانتصار فيهم سيسهم فى صعود الفريق في ترتيب الجدول  الجهاز الفنى فرض نظام داخل وخارج الملعب
image

حمد: أمامنا 4 مباريات مصيرية .وحققنا مكاسب من التوقف

وصف حمد إبراهيم المدرب العام للإسماعيلى المباريات الأربع المقبلة بالأهم هذا الموسم لأنها أمام المنافسين المباشرين والانتصار فيهم سيسهم فى صعود الفريق بجدول الترتيب بجانب
image

الاسماعيلى يتفوق عل الشرقية بثنائية شيلونجو

كتب مؤمن مجدي ... فاز  فريق الاسماعيلى  مع فريق الشرقية بهدفين مقابل لاشى  فى المباراة التى جمعت الفريقين مساء اليوم على ستاد الاسماعيلية   بدا الاسماعيلى بتشكيل
image

بحضور الهر ابو جريشة و العمدة الاسماعيلي يواجه الشرقية وديا

التشكيل مكون من  محمد فوزى ومحمد عمار ومحمد هاشم ومصطفى فارس و مروان الصحراوى ومحمد حسن ومحمد عادل ومحمد صادق واحمد مدبولى وشكرى نجيب وفخر الدين
Powered by Vivvo CMS v4.1.5.1