إسماعيلي إس سي - i s m a i l y S C - المقاصة ابو سبعة ... تعادل مع الاشباح السلحفية

المقاصة ابو سبعة ... تعادل مع الاشباح السلحفية

حجم الخط Decrease font Enlarge font
image

نقول (طور ) يقولوالنا انه ( بيولد ) .. كل الجماهير تقول الفريق يحتاج صاع العاب .. الا مجلس السلاحف

.. وتعادلنا مع مصر المقاصة ابو سبعة ... واحنا في مركز حسب الله الحادي عشر

مجلس السلاحف ... اتذلوا ...  ذل الابل ... للمستشار مرتضي منصور رئيس الزمالك علشان صانع العاب من شهر سبتمبر والمفاوضات و بوس ايدي مرتضي .. وفي الاخر قال المستشار لسعادة البيه الناظر : بص العصفورة.. فترة القيد قفلت علي صباعك ... يا هيما  

راجع التقرير التالي

فرطت في النجوم و أذللت نفسك لمنصورالزمالك

خلصت الحكاية بدري بدري ... حسني يعتزل ..طيب ومالو ...  .. ونادر رمضان يصاب قضاء وقدر .. وطلع عمر الوحش اعارة .. علشان الناظر عايز يمشيه من اول ما جاء الي النادي من سبتمبر 2016 واسالوا المدير الفني وقتها الكابتن عماد سليمان ..... والسلاحف خرساء ... ويطلع علينا الاخ : عطيتو في الفضائيات ... ويعط  في الكلام.. واتنين افارقة منهم صانع العاب واحنا عندنا ثلاثة افارقة .. وحنضحك علي القيد الشتوي ونلبس صيفي

فريق مصر المقاصة .. انهزم من الاهلي بالثلاثة  ومن الزمالك 4-1 و لو راجعنا مباراة الزمالك خصيصا - سنجد ان دفاع المقاصة اضعف خطوطه وان فريق الزمالك لعب ضاغط  لاستغلال اخطاء الدفاع وسجل اربعة اهداف كان اولها بالدقيقة 42 وقبلها كلها محاولات للتهديف وضغط متواصل من وسط الملعب وفي الشوط الثاني كان الزمالك علي موعد مع 25 دقيقة ليجهز بالهدفين الثالث والرابع علي المقاصة .. اذن ما هو الفارق بين الاسماعيلي امام المقاصة وبين الزمالك امام المقاصة .. الفارق هو صانع الالعاب في وسط الملعب اللي بيريح  ..باقي خط الوسط تماما.. في الزمالك وفي كل نادي يبحث عن الفوز والمنافسة ..بيركب خط الوسط بطريقة ( الميكانو ) بوظيفة كل لاعب ... لكن في الاسماعيلي ..زي ما ترسي ..دق لها

في الزمالك عندهم فلوس وخط نص وناس بتفكر .. واحنا عطيتو .. والناظر

 بالفعل خط وسط الاسماعيلي ... بقي شكله غريب وعجيب والاعجب منه الاخ سيدومير يونافسكي ... اللي نزل عماد حمدي د 92 وكان فاضل 85 ثانية علي نهاية المباراة .. اي والله 85 ثانية ... ليه محدش عارف

 نفسي اعرف بجد التغيير ده ليه ومكان وجيه عبد الحكيم .. اللي بيكره الواحد في كرة القدم و كرة اليد و كرة الماء

يا عم الحاج يونافسكي .. مش عبد الرحمن مجدي ..ونج .. وعماد حمدي دينفندر ... فيه ايه يا عم الحاج.. طمنا وحياة ابوك

كمان وجيه عبد الحكيم الفايق .. ينزل اخر 10 دقائق ليه مكان شيلونجو وقبلها مارشال برعي د 73 مكان بامبو ... فنان بجد يا يونافسكي ..بيلعب مع مصر المقاصة

 منك لله يا يونافسكى .. خليتنا ننسي التحية الواجبة لنجم الاسماعيلي الاوحد اليوم الحارس محمد فوزي والذي قدم افضل  مبارياته اليوم امام المقاصة وتألق وتعملق طوال المباراة و خاصة د  10 و 18 و 39 و 72  ,,, و في الدقيقة 86  وقف محمد فوزي صامتا  كالتمثال ووقفت قلوب الاسماعلاوية عندما سدد جون انطواي صاروخ الي خارج وجانب العارضة ومانحا الاسماعيلي  نقطة التعادل.... وحتي لو سجل جون انطواي هدف ..كان يبقي محمد فوزي افضل لاعب في الاسماعيلي اليوم

 اما اللغز الطري المخلع اخونا الناميبي شيلونجو ... عايز يخشوشن شوية ويبطل ياكل عسلية وفوندام ... طوال الماتش .. حتي لو اقترب من التهديف د 29 و 58 ولكن يظهر انه عايز شدة جامدة ... لكن من مين من الاخ سيدومير يونافسكي .. اصلا ده عايز شدة هو كمان

فريق الاسماعيلي اليوم لعب بطريقة الضغط المتواصل  من الدقيقة 77 الي الدقيقة 81 ..يعني هما اربعة دقائق لعب من اصل 94 دقيقة ... يعني 90 دقيقة الاسماعيلي بيلعب ويؤدي بمستوي منخفض تكتيكيا وحركيا وظاهر للاعمي قبل البصير - اسباب الفشل في الاداء ... لا ادوات ولا مدرب ولا جهاز فني معاون .. كله في الضياع

 نعم هي اربع دقائق - ركب فيها الاسماعيلي المباراة ..افتتحها طارق طه بتصويبة صاروخ فوق عارضة الحارس محمد عادل ومن بعدها  - لعب الاسماعيلي الي الامام دون ارجاع الكرة الي الخلف وسبب ارتباك لوسط المقاصة وخط دفاعه ... وانتهت الاربعة دقائق بكرة - رفض الحظ مساعدة  الفريق - في كرة الباك الايمن المتقدم والمتوغل اسامة ابراهيم وتمر الكرة من الحارس وترتطم بالعارضة وتعود الي حضن الحارس عادل .. بعدها اختفي الاسماعيلي وسقط في وسط ملعبه وكاد عقل الجميع يطير بالدقيقة 86 من صاروخ مباشر لجون انطواي الي خارج المرمي د 86 ويتراجع الاسماعيلي بخوف - ظاهر علي وجه يونافسكي وجهازه المعاون .. وينقذ محمد مجدي عرضبة خطيرة د 88 و يجلس الحاج سيدومير يونافسكي ... انتظارا لينهي الحكم طارق سامي  اللقاء .. ونقطة احسن من مفيش           

 

وانتهي ... كلام خارج المقرر

 

   

جديد إس سي

سيراميكا يرفض رحيل محمد حسن إلى الإسماعيلى

كشف مصدر مسئول بجهاز الكرة بنادى سيراميكا أن الجهاز الفني بقيادة هيثم شعبان يرفض رحيل محمد حسن إلى الإسماعيلى رغم محاولة مسئولي الدراويش ضم اللاعب
image

اجتماع مهم فى الإسماعيلى

الإسماعيلية - خالد لطفي: يعقد المسئولون بالإسماعيلي اجتماعًا مهمًا خلال أسبوع بعد غلق باب الترشح أمس لانتخاب مجلس للدورة الجديدة 2021 /2025 المقرر انعقادها 31

بورصة أخبار الإسماعيلى

طرد "العمدة"  شهدت مباراة الإسماعيلي وبلبيس الودية التي انتهت بالتعادل بهدف لمثله طرد عماد حمدي   نجم وسط الدراويش لدخوله في شجار مع لاعب منافس وصلت للاعتداء
image

استبعاد جديد للأفارقة في اختبارات الدراويش

   قرر الجهاز الفنى للإسماعيلي صرف النظر عن التعاقد مع المدافعين السنغاليين والمهاجم النيجيري بعد أن ثبت ضعف مستواهم مع اتاحة الفرصة لمحترفين أفارقة أخرين للخضوع

طلعت يوسف يعزل اللاعيبين عن اجواء الانتخابات

  قرر طلعت يوسف المدير الفنى للنادى الإسماعيلى عزل فريق الكرة عن أجواء الانتخابات التى تسيطر على المشهد داخل القلعة الصفراء، حيث يخوض الفريق تدريباته صباحا
image

القائمة الكاملة للمرشحين بانتخابات النادى الإسماعيلى

في تمام الساعة السابعة , أغلق باب التقدم لاوراق المرشحين لعضوية مجلس ادارة النادي الاسماعيلي في اجتماع الجمعية العمومية العاديةو المقرر إجراءها يوم 31 اكتوبر القادم و القائمة الكاملة مع حفظ الالقاب
image

الإسماعيلي يتعادل مع بلبيس وديا

تعادل الإسماعيلي مع فريق بلبيس أحد أندية القسم الثاني بهدف لكل منهما ،في المباراة الودية التي جمعتهما مساء اليوم ،على ملعب فندق ميركيور المطل على
image

بعد خرابها : عثمان العثمانين علي الحياد تماما من انتخابات النادي

صرح المهندس محمود عثمان ، بأن " العثمانين " على الحياد تماما في انتخابات مجلس إدارة النادي الإسماعيلي ، وأشار بأننا سنكون على مسافة واحدة
image

بيان من المهندس محمود عثمان

العثمانيين " على الحياد تماما في انتخابات النادي الإسماعيلي وعلى مسافه واحدة من جميع المرشحين  كتب : هشام زكريا  صرح المهندس محمود عثمان رئيس مجلس إدارة مجموعة
image

باقى من الزمن ٦ ساعات - محدث

 في اليوم الاخير الاربعاء .. لم يتبقي الا ساعات معدودة علي  غلق باب تقديم اوراق الترشح  اسماء المرشحون ... حتى الآن لانتخابات النادى الإسماعيلى اولا : منصب الرئيس
Powered by Vivvo CMS v4.1.5.1