إسماعيلي إس سي - i s m a i l y S C - مبسوط وفرحان يا عثمان .. إرحل يا عثمان

مبسوط وفرحان يا عثمان .. إرحل يا عثمان

حجم الخط Decrease font Enlarge font
image

كده خرج الاسماعيلي من افريقيا .. وقبل كده خرج من العربية.. واداء زي الهباب في الدوري ... مبسوط

كده يا عثمان .. فرحان كده يا عثمان ... إرحل بقي يا عم عثمان وحل بقي عن قفانا

لا حديث عن مباراة اليوم امام قسنطينة والهزيمة 3-2 - بعد التقدم مرتين علي الفريق المضيف ومن 3 كرات نسخة واحدة كوبي بيست والتعادل مع نفس الفريق في الاسكندرية بهدف - برضه كوبي بيست .. ولاعبين لا يعلموا كيف يستغلوا منح من الله تعالي وجهاز فني عاجز وشايف شوارع وميادين من ناحية الشمال مع الحاج طارق طه ... ومفيش فكر ولا علم ولا اي شئ 

   ومع ذلك لا لوم علي اللاعبين ولا علي الجهاز الفني ... انما العيب واللوم والقرف كله من اللي فعل كل ما يمكن ان يدمر ويشتت ويشرد الفريق ويعصب و يجنن الجماهير من الاصل وهو  

 المهندس ابراهيم عثمان احد عثمان

والله والله والله .. لو جابوا واحد ( مجنون مناخوليا ) وبعد ما ضمن الدخول في المنافسات افريقيا والبطولة العربية

وقالوا للمناخوليا .. دمر الفريق وشرد اهله ... ما فعل مثل ما فعل سعادة الديكتاتور طويل العمر يطول عمره ويزهزه عصره وينصره علي ما يعاديه من القلة المندسة والمأجورة .. هاي هئ

من يدير النادي بطريقة الجواسيس والمحاسيب والالاضيش والمصلحجية والسماسرة وإبعاد المخلصين وحرقهم ومعادة كل صاحب فكر او خبرة وكراهية اصل الكرة في الاسماعيلية .. منتظرين منه ايه .. غير الخراب والدمار والفضائح والشكل المهبب الذي يظهر به الفريق - محليا وعربيا وافريقيا

 الاسماعيلي شارك في كل بطولات افريقيا 20 مرة منها 2019  .. وفاز بالبطولة مرة واحدة وخرج من البطولة علي كل درجاتها ومنها 6 مرات من الادوار الاولي .. لكن مش بالشكل الفضائحي والمسخرة في المشاركة العشرين من تاريخ النادي

 ليه

 بسبب ادارة شئون كرة القم من سعادة الديكتاتور ابراهيم عثمان الجهبوز في كرة القدم ومشاويرها وحارتها واذقتها  ... ومعاه شوية جماهير متفلسفة في الاستثمار والبيع وبيع يا ريس و الباب يفوت جمل وحمار كمان ... المهم ان سعادة الديكتاتور يكون فرحان ومبسوط وراضي عن بعض الالاضيش اللي بيزينوا لسعادة الديكتاتور - سوء عمله الاسود  

المهندس ابراهيم عثمان ... بالارقام هو اسوء رئيس تولي رئاسة الاسماعيلي في تاريخه علي الاطلاق

 ليه

احنا بنحسبها بمن باع اكبر عدد من النجوم في بداية موسم واحد .. والمهندس ابراهيم بك - فرقع 8 لاعبين اساسيين ونسبة اعلي واحد فيهم 95% و 90% ونسبة اقل واحد مشاركة في الموسم الماضي  ... يكفي لقياس حجم الدمار في الفريق

 امشي يا  شكري نجيب - ارجع يا شكري - امشي يا شكري -  امشي يا عبد الخالق -  ارجع يا عبد الخالق - هاتوا اوكيكي هاتوا الجزيري هاتوا ماندوجا .. امشي يا مندوجا انت و اوكيكي والجزيري - امشي يا عواد - هاتوا الحضري - امشي يا حضري -  امشي يا وحش - اقعد يا وحش - امشي يا وحش - اقعد يا فتحي عندنا حسني - بيع فتحي - امشي يا حسني .... حنبيع متولي - لا مش حنبيع متولي - هاتوا الحارس رضا - سجل ايمن رجب- هات مضوي - امشي يا مضوي - هات فييرا - امشي يا فييرا - هات يونافسكي وبلاها فييرا - منتهي العك في العك... لا يمكن لفريق في العالم - يتحمل كل العك ده - حتي لو كان احسن فريق في العالم    


 يبقي منتظرين ايه - ندخل  نهائي افريقيا او قبل النهائي او ربع النهائي ونفس الامر  للبطولة العربية ونفس الامر في البطولات المحلية

 مش قلت لكم .. لوجبنا مجنون ادار شئون كرة القدم في النادي ..ما كان يفعل اكثر من ما فعل المسئول الكبير بتاعنا

هناك عقاب نازل علي الفريق والجماهير -بسبب نوايا لا تعرف النظافة علي الاطلاق .... ولنتصور ان المباريات الاربع في البطولة الافريقية ..كان  الفريق علي وشك الفوز بها - مازيمبي والافريقي و 2 قسنطينة - لكن النوايا واضح اثرها في تفريغ الفريق من نجومه بالبيع وجعل حسني عبد ربه يفقد عقله وجعل الهر الساحر ابو جريشة ينجو بنفسه من الوحل المنتشر في النادي ولا بركة ولا خبرة ولا حريفة ولا مهارات ولا اصلا اي لاعب له تاثير علي الاطلاق

 الفريق فاضي فاضي ..واتحكم عليه بالاستبعاد من افريقيا في 20 يناير .. عايز ترجع من 20يناير .... وكان باقي لك 10 ايام لاضافة لاعبين جدد ... عملت ايه .. قعدت تستجدي  لاعبين الزمالك .. وفي الاخر رئيس الزملك -أذلك وعراك امام الجماهير وفضل الفريق علي حاله .. يبقي كان ليه عايز ترجع افريقيا ومحاسب دولي ومحامي دولي .. رجعت افريقيا ليه ... وانت عارف ان مش ده الفريق اللي ممكن يكون له اي تواجد فعال في مجموعة ابطال دولها في افريقيا

 فرق ابطال افريقيا في البطولة .. معلوم عنها انها فرق صاحبة استقرار فني وتدعيم فريقها ولديهم البديل المناسب في كل مكان

  ونضرب مثال بفريق قسنطينة ... واضح ان لدية تناغم وفهم بين اللاعبين بعضهم البعض واستقرار فني ونفسي من الجهاز الفني... وبصراجة احق بالتعادل في الاسكندرية وبالفوز في قسنطينة .. لانه بيلعب بتركيز ولم يهتز بتقدم الاسماعيلي في الاسكندرية ولا في الجزائر.. واستطاع التعويض في اللقائين وتعادل وفاز بجدارة واستحقاق  

 فريق الاسماعيلي فيه ايه ... غير عك في عك في عك في عك..كما اوضحنا واللي عنده دم واحساس .. بقي نادر في الزمان ده

ولا عزاء للسادة المصلحجية والمقربين والفلاسفة والالاضيش

ولكل عشاق الاسماعيلي خالص العزاء والمواساة

ولا حول ولا قوة الا بالله العلي العظيم   

احنا آول فريق يخرج من بطولة افريقيا مرتين في موسم واحد

 

وانتهي الكلام خارج المقرر

جديد إس سي
image

اسماعيلي 2006 يتفوق على سموحة بدورة المجمعة

كتب مؤمن مجدي ...فاز فريق الاسماعيلى مواليد ٢٠٠٦ على فريق سموحة بهدف نظيف فى المباراة التى جمعت الفريقين عصر اليوم على ملعب جامعة قناة السويس
image

اول و ثاني يوم رمضان راحة للفريق

كتب ميدو حسين ... منح الكابتن ايهاب جلال لاعبي الفريق الاول بالنادي الاسماعيلي راحة سلبية من المران اول يومين من شهررمضان المبارك  و كان الفريق قد
image

مران اليوم محاضرة 10 دقائق وغياب الأساسين وإصلاح الأخطاء

خاض فريق الكرة الأول بالإسماعيلى مرانه الصباحى منذ قليل، خلال فترة التوقف الحالية ضمن برنامج الاعداد لإستئناف منافسات مسابقة الدورى المحلى حيث بدأ المران الذى
image

إلبوب يضع خريطة الانقاذ بعد الانتفاضة امام المصري

عقد إيهاب جلال المدير الفني للنادى الإسماعيلى مع جهازه المعاون بالكامل أخطرهم خلالها بخطة المرحلة خلال فترة توقف الدوري ضمن خريطة إنقاذ الدراويش من الهبوط،
image

مارسيلو يبدأ تنفيذ البرنامج التأهيلى للتعافى من الاصابة

بدأ حسين السيد مارسيلو لاعب طلائع الجيش المعار للنادى الإسماعيلى تنفيذ برنامجه التأهيلى للتعافى من مزق العضلة الخلفية التى تعرض له في مباراة المصري البورسعيدي
image

الاسماعيلي ... الفزورة

بقلم ا. محمد البشاري ...لماذا فزوره ؟؟ لانه أصبح عصى على حل مشكلته تماما كمانقول دائما على اي مشكله صعبه...هى فزوره!! ولنا ان نتساءل هل الفوز على
image

تنس طاولة السيدات خامس الدورة المجمعة للدوري الممتاز

حصل فريق الاسماعيلي لتنس الطاولة سيدات على المركز الخامس بالدورى الممتاز فى الدورة المجمعه الثانيه المقامه باستاد هيئه قناه السويس بالاسماعيليه
image

طبى الدراويش يوضح تفاصيل إصابة حسين السيد ومدة غيابه

أثبتت الأشعة تعرض حسين السيد ظهير أيسر الإسماعيلى لتمزق حاد فى العضلة الخلفية خلال مشاركته فى لقاء المصرى الأخير والذى على إثره تم استبداله فى الشوط الثانى ،وذلك حسب تصريحات الجهاز الطبى للفريق.
image

مران الدراويش .. مشاركة 19 لاعبا وتدريبات على الاستحواذ

شهد مران الفريق الأول لكرة القدم بالإسماعيلى مشاركة 19 لاعبا فقط ، وذلك فى أعقاب قرار المدير الفنى إيهاب جلال بمنح اللاعبين الذين شاركوا فى لقاء المصرى الأخير وانتهى بانتصار الدراويش راحة لمدة 48 ساعة.
Powered by Vivvo CMS v4.1.5.1