إسماعيلي إس سي - i s m a i l y S C - إتذليت بثلاثية من دجلة .. ياحضرة الناظر فجلة

إتذليت بثلاثية من دجلة .. ياحضرة الناظر فجلة

حجم الخط Decrease font Enlarge font
image

مع الوعد الاسبوعي او كل 4 ايام من النكد المكثف ومن الغم المركز ومن الذل والهوان الحزين حزن الابل

 ... مع سعادة الديكتاطور المشرف الغرقان علي كرة القدم في الاسماعيلي ..مستر الناظر فجلة 

اوعي اسمع واحد يشتم في اي لاعب من الاسماعيلي

لا تشتم في ... الخرع شيلونجو .. او الفيلسوف الاكتشاف يحيي زايد ( لمس الكرة 5 مرات ) واهداها للاعبي دجلة 3 مرات ومرة في يد طارق طه ومرة شاطها في الاوت بعيد عن القائم بحوالي 8 ياردة وهو كان بعيد عن المرمي 8 ياردة تطبيقا لنظرية المثلث المتساوي الاضلاع او المعلم عسران الضبع الشهير بعبد الرحمن مجدي .. ولا لاعب المسافات القصيرة محمد الشامي ... كلهم زفت الزفت  

ولكن لا اي لاعب - في الاسماعيلي غلطان - هما كده مستواه كده ... مين اللي اتهبب و جابهم غير سعادة الناظر فجلة 

 طيب تصدقوا ان اول فرصة حقيقة للتهديف لفريق الاسماعيلي كانت في الدقيقة 88 من تصويبة طارق طه اللي انقذها محمد عبد المنصف

 اي نعم اضاع الخرع شيلونجو فرص لا تضيع د 41 و 42 .. لكنها فرص مع بنوتة واقفه في الشمس منتظره خطيبها ومكسوفة وحرانه والمكياج ساح وناح .... يعني مش فرص علي الاطلاق ... طالما مع الخرع .. تتحول الفرص الي قرص في ودانه

 

  

نفسي اعرف ... هما اللي واقفين في الصورة دول بيقولوا لبعض ايه ... وسعفان باصص بعيد ليه  ... وايه الورقة اللي مستر قناوي ماسكها ايه و فيها ايه

وادي دجلة كسر انفكم وانف الجهاز الفني المفكك الحزين والكل بيضرب ذونب في الكل ومش طايق الكل

 وسعادة الناظر فجلة .. مش هنا ولا هناك ... وهو في الضياع مع شوية منافقين ومصلحجية وسماسرة نازلين واكلين طالعين واكلين زي المنشار ولعة نار

سعادة الناظر فجلة ... نتغلب يقول المهم الاداء الرجولي .. نتعادل يقول الف مبروك لفريق 99 وهما عماد الفريق .. نلعب لعب طفولي وبناتي امام وادي دجلة .. يمكن يشيل البلجيكي يونافسكي بعد اللحن الحزين امام وادي جلة ويبقي علي الجهاز المعاون الاسطورة

سعادة الناظر فجلة المذلول من وادي دجلة ... في البطاطس عايش في عالم افتراضي خاص به  بالمنافقين حوله واللي بيشتمك يا سعادة البيك الباشا .. دول قلة مندسة وبتوع ابو السعود وقبيضه وهليبة ... خليك انت اللي حلو يا سعادة الفجلة الجميل

وشوية مراهقين علي الفيس بوك ..كل شغلهم الشاغل .. حنجيب مين لما نبيع محمود متولي للاهلي .. نجيب فلان وفلان وفلان .. واحمد الشيخ .. ونبيع عواد .. ونجيب ام كلثوم وعبد الحليم وعبد المطلب واسمهان ... عام في الطراوة وكله بيشجع علي البيع وكان الاسماعيلي قفص فراخ.. الكل بيقفش فيه 

جماهير تخلي - الناسك - شيطان - وتخلي اشد المخلصين للنادي - يبيع كل اللعيبة وفلاسفة الغبراء علي الفيس بوك هم سبب من اسباب الفضيحة والكارثة .. والكل بيصب في مصلحة الناظر فجلة الجبلة 

  ارجعوا الي الدقيقة 42 و شوفوا ايه اللي كان بيحصل جهة المدافع الايمن  احمد ايمن .. و كان فيه 2 من دجلة بيلعبوا عليه واقرب قميص اسماعلاوي غلي بعد 15 متر و  اتفرجوا علي الهدف الثالث  د 65 .. من محمد عبد المنصف من الجول الي ابراهيم نداء للجول في شباك  محمد فوزي و مع اسرع لاعب في الاسماعيلي باهر المحمدي .. ضاع في الباي باي

و من الدقيقة 75 و كتير من جماهير الاسماعيلي عايزه الحكم محمد الحنفي ينهي المباراة كفاية فضائح و انفرادات بالجملة  مع المسكين محمد فوزي حتي د 88  وحاجة تقرف وتموع النفس  

بالذمة مين صنع هذا الفريق ومن يحلل هذا الفريق ومن تسبب في انهيار الفريق .. الا سعادة الناظر فجلة بمباركة مراهقين الفيس بوك

 نمرة 7 - اعتزل يا حسني - امك يا متولي - طظ فيك يا بامبو - و اي كلام في اي كلام و الكل ماشي بيكلم نفسه

سعادة الناظر فجلة ...  خلاص انتهي امر الشتيمة بالنسبة له ولمجلس السلاحف ام ودعة وجلد تخين .. الفرج من عند الله وحده  

   ايه اللي حيحصل للفريق والاسماعيلي .. احنا قلنا قبل مده مفيش8:10  نقاط من هنا الي نهاية الدوري وشكلها في السابع السنة دي 

والادارة لها البانجو و الهذيان .. وموسم للجماهير وللنسيان... بس الجماهير تتعلم      

وانتهي  كلام خارج المقرر       

جديد إس سي
image

رابط الإصدار الجديد لموقع اسماعيلي اس سي

تشكر ادارة موقع اسماعيلي اس سي كل متابعي الموقع و رواده ... و يعلن عن رابط الاصدارالجديد لموقع اسماعيلي اس سي , مع استمرار تواجد الأرشيف القديم , نظرا لما يحتويه عن تاريخ و كنوز الدراويش الذهبية

سيراميكا يرفض رحيل محمد حسن إلى الإسماعيلى

كشف مصدر مسئول بجهاز الكرة بنادى سيراميكا أن الجهاز الفني بقيادة هيثم شعبان يرفض رحيل محمد حسن إلى الإسماعيلى رغم محاولة مسئولي الدراويش ضم اللاعب
image

اجتماع مهم فى الإسماعيلى

الإسماعيلية - خالد لطفي: يعقد المسئولون بالإسماعيلي اجتماعًا مهمًا خلال أسبوع بعد غلق باب الترشح أمس لانتخاب مجلس للدورة الجديدة 2021 /2025 المقرر انعقادها 31

بورصة أخبار الإسماعيلى

طرد "العمدة"  شهدت مباراة الإسماعيلي وبلبيس الودية التي انتهت بالتعادل بهدف لمثله طرد عماد حمدي   نجم وسط الدراويش لدخوله في شجار مع لاعب منافس وصلت للاعتداء
image

استبعاد جديد للأفارقة في اختبارات الدراويش

   قرر الجهاز الفنى للإسماعيلي صرف النظر عن التعاقد مع المدافعين السنغاليين والمهاجم النيجيري بعد أن ثبت ضعف مستواهم مع اتاحة الفرصة لمحترفين أفارقة أخرين للخضوع

طلعت يوسف يعزل اللاعيبين عن اجواء الانتخابات

  قرر طلعت يوسف المدير الفنى للنادى الإسماعيلى عزل فريق الكرة عن أجواء الانتخابات التى تسيطر على المشهد داخل القلعة الصفراء، حيث يخوض الفريق تدريباته صباحا
image

القائمة الكاملة للمرشحين بانتخابات النادى الإسماعيلى

في تمام الساعة السابعة , أغلق باب التقدم لاوراق المرشحين لعضوية مجلس ادارة النادي الاسماعيلي في اجتماع الجمعية العمومية العاديةو المقرر إجراءها يوم 31 اكتوبر القادم و القائمة الكاملة مع حفظ الالقاب
image

الإسماعيلي يتعادل مع بلبيس وديا

تعادل الإسماعيلي مع فريق بلبيس أحد أندية القسم الثاني بهدف لكل منهما ،في المباراة الودية التي جمعتهما مساء اليوم ،على ملعب فندق ميركيور المطل على
image

بعد خرابها : عثمان العثمانين علي الحياد تماما من انتخابات النادي

صرح المهندس محمود عثمان ، بأن " العثمانين " على الحياد تماما في انتخابات مجلس إدارة النادي الإسماعيلي ، وأشار بأننا سنكون على مسافة واحدة
image

بيان من المهندس محمود عثمان

العثمانيين " على الحياد تماما في انتخابات النادي الإسماعيلي وعلى مسافه واحدة من جميع المرشحين  كتب : هشام زكريا  صرح المهندس محمود عثمان رئيس مجلس إدارة مجموعة
Powered by Vivvo CMS v4.1.5.1