إسماعيلي إس سي - i s m a i l y S C - فارس عطيتو الكلية رسلان .. و الترمس النيئ

فارس عطيتو الكلية رسلان .. و الترمس النيئ

حجم الخط Decrease font Enlarge font
image

في عهد ابراهيم عثمان الميمون ...مازالت الارقام الزفتية القياسية تتحطم تحطيما و ربنا يوريني

 فيكم يوم ... يا قادر يا كريم بحق دي الايام المفترجة و قدوم شهر كريم 

ارقام قياسية زفتية و اسود من الزيتون  .. تحت رعاية ناظر العزبة ,,, طويل العمر يطول عمره و ينصفه علي من يعاديه من القلة الماجورة و القلة القناوي  المندسة

 الفريق الذي لم يفوز من 10 مباريات  في الدوري و هو حرس الحدود .. يفوز علي الاسماعيلي رايج جاي

وادي دجلة اللي ما عملهاش  و لا كان يفكر يعملها قبل كده .. فاز علي الاسماعيلي رايح جاي و بنصف دستة اهداف   

الاسماعيلي صاحب 11 لقب هداف الدوري ... اضعف هجوم في الدوري 26 هدف و اقل من كل فريق القاع حتي النجوم الهابط 28 هدف

 الاسماعيلي اللي كان و كان و كان ... عليه اهداف - 6  يا خلق هوووووو

اخر 6 مباريات بــ 18 نقطة ... احرزنا نقطتين بس و في عين العدو الناظر 

و باقي لنا 5 مباريات بــ 15 نقطة .. لا تضمن اكثر من 3 نقاط منهم

 عدد مرات هزيمة اقل من الفوز و ثاني اضف خط دفاع و اقل نقاط في عدد المباريات و اقل من هدف في كل مباراة 

الاسماعيلي حيلاعب الاتحاد السكندري يوم 5 مايو في دور الــ 8 .. و حيخرج من دور الــ 16

طيب ... الجماهير عملت الجلاشة ..راق قزايز ميه  و راق قباحة  ..مع سعادة الناظر .. و خد مناعة .. و ما اتعملش الجلاشة  مع اعضاء مجلس الادارة السلاحف الخرسة  

 هو اللي اسمه د.ابراهيم فارس و الا الحاج عطيتو ... و الا اللي اسمه رسلان ...دول واقفين ورا  ابراهيم عثمان .. الراجل اتهري طوب و حجارة و كتابة علي التمثال ...  طيب هما مفيش عندهم  اي احساس  خالص  .... و هم منكدين علي شعب الاسماعيلية كلها و جماهير الاسماعيلي كلهم ... هل ينفعهم صيام رنضان القادم .. و هم لا فائدة منهم و عاملين زي الترمس النيْ ... وجوده زي عدمه

بجد  الاخوة كارامازوف و هما اصلا ليس عندهم كرامة من البداية ... و راضيين يكونوا ظل لرجل فقد ظله ... قاعدين ليه

حتي الاخ خالد فرو المهاجر .. و مصطفي اميرو تشايكوفسكي ... قاعدين و مرتاحين و اتحجبوا في بيوتهم ... طيب  بعدين

المهندس فرو ..كان لما حد بيدوس علي صباعه .. قبل كده ..كان بيستقيل قبل ما يقول ... أي يا صوبعاي

و سعادة مصطفي اميرو .. لو كان الكابتن اميرو في مكانه .. كان رئيس النادي في المستشفي الاميري  .. و اميرو في السجن بتهمة ضرب افضي الموت

 الله يرحمك يا ابو الرجولة ..يا كابتن اميرو  

ناس قاعدين في المجلس و لا لهم  30 لزمة .. و ناس بره المجلس ما لهمش اي  60 لزمة .. و ناظر بيضرب التخين من دول و دول بالخرزانة علي مقعده

و هما فرحانين و فاشخين ضبهم ... و يقولوا كمااااان و كمااااان

الدكتور ابراهيم فارس ... بجد استاد و دكتور ازاي و كان عايز يبقي رئيس جامعة عن طريق التواجد في الاسماعيلي .. ما بقتش رئيس جامعة .. ما تروح بقي ... و تروح تشوف البهائم العشر  و المعييز و زمانهم علي ولادة  

و الاخ عطيتو .. بيعمل اييه بالظبط ...  و الفراخ و البانية و السجق و مفيش أطيب من هيك .. سايبهم ... استقيل و روح شوف  شغلك و رمضان علي الابواب ...  و سيب الادارة و ما فيها ... و خليها تعفن

اما رسلان  و الكلية ... و الاخ تامر حسني .. يا حلاوتكم يا قطاقيطكم .. و انت قاعدين  زي أشرجي المرور في شارع بعد نصف الليل

الف الف خسارة .... و الا علشان يا اعضاء مجلس السلاحف .. ما عندكمشي تماثيل يتكتب عليها  بالاسبراي من المنقي خيار ...  و لسه قاعدين و بتقولوا .. خليهم يتسلوا

 و علشان احنا في شم النسيم ... الناظر ..جاب لنا 3 مدربين  من النوع الفسيخ النبراوي المعتق و من السرير الي الملعب  .. و مسكهم الفريق و لعبوا باحمد ايمن في بك شمال .. بعدما ضيع الدنيا امام وادي دجلة ...  في الباك اليمين .. و الــ  3 فسيخات هما اللي غلطانين .. مش احمد ايمن .. اللي اتسبب في الجول بالدقيقة 29 ... و يعمل ايمن يلعب برجليه الاتنين يعني .. عجايب العجايب

 قلنا بقي جهاز فني جديد معاون .. لكنه طلع متعاون مع طارق العشري ... و اول  ما شوفنا حارس مرمي الحرس كان في الدقيقة 18 .. بالأمارة اسمه السعدني ... و بعدين لم نتمتع برؤيا سيادة حارس مرمي الحرس السعدني  الا د 42  كمان و كمان في د 49 من اول محاولة بجد لفريق الفسيخ  علي المرمي  و كمان بالدقيقة 81 محاولة تانية  ..هما كل اللي أتلعب طوال 97 دقيقة ... غيركده .. فريقنا كان منعنع اخر نعنعة .. موزسيس النيجيري كان ملعلع  اخر لعلعة  و رصيده  8 اهداف  مع انه بياخد تعاقده برتقال  و يوسفي  كل يوم بعد العشا .. لكن شيلونجو بتاعنا عايز 3.5 مليون علشان يبقي في لاسماعيلي .. روح يا شيلونجو .. اللهي و انت جاهي ... يا شيلونجو ..  لا توعي و لا تستوعي ..انت و اللي جابك

و بمناسبة  شم النسيم و الزفارة عند عقل بعض الناس.. شوفوا الحلاوة و البقلاوة في القرارات  

 لما اتغلبنا في الدور الاول من وادي دجلة 3-1 .. تمطع و تنطع سعادة الناظر .. و قال ثورة تصحيح .. و بعدين اطاح بالجهاز الطبي 

و لما اتغلبنا تاني من وادي دجلة 3-0  في الدوري الثاني .. تم اقالة الجهاز الفني المعاون و قاعد يرازي في  المدير الفني البلجيكي سيدومير يونافسكي.... هو ده الاصلاح  يا بحر الزكاوة و ترعة المفهومية و يا فيلسوف الحمير

العملية ضربت من راسها الي ساسها .. و منتظرين كارثة و خراب و ضياع  و لحد ما يتحرك مجلس السلاحف  الخرساء

الله يخلصنا منهم ..بفضله و كرمه .. .. كل ماتش  بقي حرقة دم و تعب و قرف و زهق

و ناس بتحس  و تفهم من لمحة او اشارة ... و ناس ما عندهاش من الاحمر .. و لا نقطة

و زي ما قال الفنان الراحل محمود شكوكو 

 الندل ميت  و هو حي .. ما حد يحسب حسابه

 زي الترمس النيئ ... حضوره زي غيابه

و انتهي كلام خارج المقرر   

جديد إس سي
image

ذكري عم ابراهيم الهجان - رحمة الله عليه

نحتفل بذكري رجل من رجال الاسماعيلي الأوفياء و هو عم ابراهيم الهجان و الذي رحل عن دنيانا في 21 فبراير 2004
image

الاسماعيلي وبيراميدز بين الفرنسي و الكراوتي

لقاءات الكئوس لها حسابات خاصة و هي مباراة بين المديرين الفنيين في المقام الاول و هي اختبار حقيقي لقدرات الفرنسي ديديه جوميز المدير الفني للدراويش امام قدرات الكرواتي انتي تشاتيتش المدير الفنى لنادي بيراميدز
image

اسماعيلى ٢٠٠٤ يخسر الحدود بهدف

كتب مؤمن مجدي ... خسر فريق الاسماعيلى مواليد ٢٠٠٤ من فريق حرس الحدود  بهدف نظيف فى المباراة التى جمعت الفريقين عصر اليوم على ملعب الاخير
image

طموحات عبد الفضيل و عجائب السذاجة في النفاق

لن نتحدث عن ما قاله اللاعب شريف عبد الفضيل او تاريخه مع الاسماعيلي و لا عن شقيقه نبيل و دوره في حياته الكروية البائسة
image

الفريق يغادر الي الاسكندرية و استبعاد عبد الرحمن

سافرت بعثة الفريق الأول بالنادي الاسماعيلي إلى مدينة الإسكندرية و بعد مران اليوم الذي اقيم في العاشرة صباحا
image

قائمة الدراويش لمواجهة بيراميدز

كتب محمد اسامة ... اختار الجهاز الفني للنادي الاسماعيلي قائمة الفريق  التي ستغادر الي الاسكندرية لمواجهة فريق بيراميدز  في دور ال 16 لبطولة كاس مصر و
image

مباراة بيراميدز بدون جماهير و (الڨار) حاضر

اخطر اتحاد الكرة المصري , مسئولي النادي الاسماعيلي بعدم حضور الجماهير لمباراة الفرق مع فريق بيراميدز ضمن دور الـ16 لمنافسات كأس مصر علي استاد الإسكندرية يوم الجمعة 21 من شهر فبراير الجاري
image

الجهاز الطبي يعلن جاهزية المصابين لموقعة بيراميدز

اعلن الجهاز الطبي للنادي الاسماعيلي عن جاهزية مصابين الفريق الاول لكرة القدم بالنادي الاسماعيلي  - حيث تأكد جاهزية الثنائي الظهير الأيمن احمد أيمن، والجناح محمد حمدي
image

المنياوي: الإسماعيلي أغلق ملف البطولة العربية ويستعد لبيراميدز

  قال صبرى المنياوى، مدير الكرة بالفريق الأول لكرة القدم بنادي الإسماعيلي، إن الفريق أغلق صفحة البطولة العربية بشكل مؤقت. وفاز الفريق أمس الأول على الرجاء المغربى
Powered by Vivvo CMS v4.1.5.1