إسماعيلي إس سي - i s m a i l y S C - السلاحف في منتهي الرخامة وفضيحةالاتحاد

السلاحف في منتهي الرخامة وفضيحةالاتحاد

حجم الخط Decrease font Enlarge font
image

طيب المهندس ابراهيم عثمان .. غصب عنه قاعد علشان انتخابات الغرفة التجارية ومجلس

الشوري ومجلس الشعب لأخواته الحلويين  .. انتم قاعين ليه يا اعضاء  مجلس السلاحف ..صحيح انكم في منتهي الغلاسة و....  الرخامة

د. ابراهيم فارس ومعاه رسلان ولاصق فيها ا. محمد الكلية  وكمان عطيطو وفيه كمان واحد اسمه تامر  .... راضين وفرحانين انهم مجرد اشباح وشوية ظلال ولا لهم 60 لزمة ... ملعون ابو المصالح والسبوبة .. اللي بتيجي بالذل والهوان

 بجد انتم مجلس في منتهي ( الرخامة ) ولا ليكم اي تواجد او اعتراض او رأي او حتي  شكل .. الناس لا تراكم ولا تسمع عنكم ... انك قاعدين علشان يرضي عنكم سعادة البيه  ابراهيم بيه واللي جايين في الانتخابات .. و ظز في اي شئ .. لا كرامة و لا احترام لاحد ... حتي لأنفسكم

 كتبنا لكم عقب نهاية المباراة السابقة ... ولكن جلدكم نحس وتخن ولا تشعروا باحتقار جماهير الاسماعيلي لكم ولتواجدكم من الاساس

 image

 فارس عطيتو الكلية رسلان .. و الترمس النيئ

 وانا اسف للفنان محمود شكوكو و الزجل اللي قاله

 الندل ميت وهو حي .. ما حد يحسب حسابه

 زي الترمس النيئ ... حضوره زي غيابه

انتم ايها السادة المحترمين ... مش زي الترمس النيئ .. انتم زي دلاديل الدرة او كما يقول ( شورابة خورج ) في مولد وصاحبه غائب وظلال لرجل فقد ظله .. ولا لكم اي فايدة ولا لازمة

 بالله عليكم .. هل عندكم اي احساس بجماهير الاسماعيلي التي لا تعرف اشكالكم ولكن تكرهكم زي ما بتكره اسرائيل واهل صهيون ... واكتر

 بالله عليكم .. جئتكم الي المجلس اتباع و ذليليين .. و لسه الي اليوم اتباع وذليليين وانتم تشاهدون انحدار في الاسماعيلي بكل المقاييس

ولا فيكم واحد راجل .. يقدر يرفع صوته في رئيس النادي وولي نعمته .. ويقول له : انت خربت الدنيا وانا اسماعلاوي قبل ما اكون طرطور او دلول .. انا ماشي وسايب لكم المجلس  

 يكاد لا يوجد مجلس ادارة نادي في تاريخ الاسماعيلي .. الا واستقال او اقيل عضو من المجلس .. لان كان فيهم رجاله دمهم حامي ورجالة بجد .. مش تابعين ودلاديل .. يتحركون او يتجمدون باشارة من اصبع بنصر مولاكم و ولي نعمتكم

 في كل المجالس كان هناك رجال استقالوا لاعتراضهم علي الفشل والفساد - علي سبيل المثال  في مجلس م. محمد رحيل ومجلس م. نصر ابو الحسن ومجلس السيد محمد ابو السعود ...  حتي في المجلس الحالي ايام ما كان مؤقت ... استقال الكابتن علي غيط  

 عاجبكم حال الاسماعيلي اللي جعلتوا فريقه مسخرة واضحوكة بسبب سلبيتكم وانعدام شخصيتكم يا اعضاء مجلس السلاحف

 ..انتم اعضاء مجلس بلا ملامح من الاصل  ... وكمان وشكم نحس وبوزكم فقر علي الفريق

 فرص بالجملة والكرة معاندة في حتي اظهار بسمة بسبب بوز الفقر في اللي في النادي ... والدقيقة د 18 فرصتين لمحمد الشامي و 32 و 38 و 42 و 52 و 66 و 71 في القائم لعبد الرحمن مجدي

والاتحاد السكندري احرز 3 اهداف من 4 فرص فقط... لان عندهم رجال عايزين يفوزوا ورئيس نادي جدع واعضاء مجلس ادارة اسكندرانية جدعان   

والاخ شيلونجو ... ده مسخرة المسخرة لوحده عامل زي الشماعة الفارغة والخرعة .. ارجعوا للدقائق 30 و  66  بالوقت الاصلي ,,, و 11 و 13 من الشوط الرابع ... هو تجسيد لادارة شئون الكرة في الاسماعيلي برئاسة القدير الغدير ابراهيم عثمان والمصائب اللي عملها في الاسماعيلي والفريق

ومش كل مرة حنقول ونزيد ... ان ابراهيم عثمان فعل في الفريق ... كانه يكره الفريق والاسماعيلي والاسماعيلية واللي فيها .. الا الاراضي الشرحة البرحة   

ورايح بسلامته يعمل فريق ( ب ) وهو ما عندوش فريق (ا) .. وفريق ( ب) هو نفسه فريق ( الامل ) اللي عمله مع الجزائري خير الدين مضوي في مايو 2017 .. و فشلت الفكرة .. لكن بيكررها بزكاوة .. علشان يزود المصروفات كمان وكمان

ابراهيم عثمان ..  بعد ما شاف ( الرخامة ) السودة .. حينتظر ( الرخامة ) البيضاء ..مع ان ( الكبير) مش عايز يحط اسم عثمان علي ( السودة ولا البيضة ) واهو منتظر انتخابات الغرف التجارية والشوري والشعب .. ومداري وراء القانون وخشية المسئولين من التدخل في النادي... وخلاص مفيش فايدة فيه وخرجنا من كل البطولات بفضيحة الفضيحة محليا و عربيا وافريقيا  .. ومازال هناك خطورة علي الفريق في الدخول في مصارعة الهابطين في الدوري

  اعلم تماما انكم يا سادة : د. فارس  و ا. رسلان و ا. عطيطو و ا. الكلية و كمان م. فرو و ك. اميرو .. لن يتسجيبوا الي نداء الدم الحار وانا متأكد من عشقهم لدورالذليل والتابع  .. هم اللي اختاروه من سبتمبر 2016

 لكن عليكم العلم بما يلي : يوما ما ستخرجوا من النادي الاسماعيلي مطاطئ الرأس في ذل كبير  ... ولن يتذكركم احد بكلمة طيبة واحدة ولكنكم ستدخلوا قائمة سوداء لا تحمل الا اسماء اشباهكم وستكونوا مجرد ارقام سلبية في تاريخ النادي ... .. يا اعضاء مجلس السلاحف .... سيأتي هذا اليوم - قطعا سيأتي - رغما عن انفكم

ولا دائم الله وجه الله تعالي

اللهم في الليلة الاولي لشهر رمضان المبارك .. ازح الغمة واكشف عنا الهم والحزن و ازح عن النادي الاسماعيلي و جماهيره , الكرب و القهر    

ولا حول ولا قوة الا بالله العلي العظيم

  وانتهي الكلام خارج المقرر

جديد إس سي
image

لماذا أهان مرتضي منصور و الخطيب ... رئيس الاسماعيلي

من الطبيعي ان يشهد كل موسم و كل عام ... أهانة رئيس النادي الاسماعيلي علي الفضائيات و مع كل فترة قيد لاعبين ... ستجد ان رئيس الاسماعيلي ( ممسحة ) في كل وسائل الاعلام
image

مرتضي : قالوا لي إلحقنا ..خزنة الاسماعيلي مفيهاش جنية

وجه المستشار مرتضى منصور رئيس نادي الزمالك كلاما قاسيا الي المهندس ابراهيم عثمان رئيس الاسماعيلي و ردا علي تصريحات مدرب حراس النادي سعفان الصغير
image

لماذا أستحق ابو جريشة وصف : 57 عاما و بدون مشكلة واحدة

نشر موقع الهر الساحر علي ابو جريشة , تقرير مطولا بعنوان : الهر الساحر و 57 عاما .. و لا مشكلة واحدة...
image

اسماعيلى ٩٩ يتعادل سيراميكا كليوباترا ايجابيا

كتب مؤمن مجدي .. تعادل فريق الاسماعيلى مواليد ٩٩ مع سيراميكا كليوباترا بهدف لكل فريق فى المباراة التى جمعت الفريقين عصر اليوم على احد الملاعب بالاسماعيلية
image

سعفان الصغير لـ "تايم سبورت" : مفاجأة تنتظر جمهور الإسماعيلى

كتب : محمد حنيدق .. أعلن سعفان الصغير مدرب حراس مرمى النادى الإسماعيلى عن مفاجأة يتم تجهيزها فى الوقت الحالى لجمهور النادى الإسماعيلى رافضاً الكشف عن تفاصيلها فى الوقت الحالى
image

وديا : اسماعيلى ٢٠٠٣ يسحق المريخ برباعية

كتب مؤمن مجدي ... فاز فريق الاسماعيلى مواليد ٢٠٠٣ على فريق المريخ البورسعيدى باربع اهداف مقابل لاشى فى المباراة التى جمعت الفريقين ظهر اليوم على ملعب الاخير ببورسعيد
image

تصريحات سعفان - تصريحات عاطف عبد العزيز

نقطة بسيطة لكن توضح كمية الخلاف والتنافر والهبد ... داخل ادارة شئون الكرة في النادي الاسماعيلي .. والنتيجة واصحة
image

اخبار الاسماعيلي في الصحف الاربعاء 21 اغسطس 2019

الإسماعيلي ينتظر رد سموحة بشأن محمود معاذ قبل الدخول في مفاوضات مع حسين السيد ينتظر مجلس إدارة النادي الإسماعيلي رد إدارة سموحة بشأن ضم ظهير أيسر
image

اسماعيلى ٩٩ يواجة سيراميكا كليوباترا اليوم

كتب مؤمن مجدي ...قرر الجهاز الفنى لفريق الاسماعيلى مواليد ٩٩ اقامة مباراة ودية امام فريق سيراميكا كليوباترا اليوم على احد الملاعب بالاسماعيلية فى تمام الساعة الرابعة عصرا
image

يد الاسماعيلى يخسر من حدائق الاهرام

كتب مؤمن مجدي ... خسر يد الاسماعيلى من فريق حدائق الاهرام بنتيجة 30/25 فى المباراة التى جمعت الفريقين مساء اليوم على صالة مركز شباب الشيخ
Powered by Vivvo CMS v4.1.5.1