إسماعيلي إس سي - i s m a i l y S C - لو كان عندنا ثقة ..لفزنا علي الاهلي يا عثمان

لو كان عندنا ثقة ..لفزنا علي الاهلي يا عثمان

حجم الخط Decrease font Enlarge font
image

بصراحة منظر المقصورة اليوم كان فضيحة ولا احد من مجلس ادارة الاسماعيلي الا تامر

 موسي ... في مواجهة كل مجلس ادارة الاهلي ... وبصراحة اكثر كويس ان اعضاء مجلس السلاحف ماروحش ..كانوا حيكسفونا اكثر ..لو راحوا .. ويظهر ان ابراهيم بيه ..كان مكثر لهم الخس والجزر 

خلاصة الماتش ... لو كان عند اللاعبين ثقة في انفسهم وفي دماغهم وامكانياتهم .. كان ممكن جدا نفوز علي الاهلي ... وبصراحة الاهلي بقي فريق من الاشياء الغريبة وخلطة وسلطة  مش ما شية مع بعضها واسهل فريق ممكن يوقف كل مفاتيح اللعب  الحمراء

واتصور ان هذا ما فعله الكابتن محمود جابر او الكابتن صبري المنياوي او الاتنين مع بعض

 برضه الاهلي ..كان بيلعب وكان شايف وضامن ان الماتش في جيبه وان الاهلي معاه الثلاث نقاط في الاتوبيس قبل ما ينزل للاستاد .. وده ايضا ما لعب عليه الكابتن محمود جابر

او الكابتن صبري المنياوي .. او الاتنين معا

شكل لاعبي الاهلي وجهازه المعاون كمان ... كانوا من الدقيقة الاولي - شايفين فريق الاسماعيلي بشكل يتماشي مع سوء النتائج واللخبطة في التشكيل وكل يوم بحال .. فيه شالينجو لا مفيش فيه عبد الرحمن مجدي لا مفيش فيه المدافع محمد مجدي لا مفيش ونتائج  غامقة من كل لون يا باطستا .. لكن من الدقيقة 4 ..توغل محمود دونجا في منطقة جزاء الاهلي و عرضية  مكهربة من لاعب مكهرب ... كهربت كل من كان في الاستاد ... فيه خطورة واستهانة بالخصم .. لا تجوز 

وكان الرد د7 من الاهلي في منطقة جزاء الدراويش وبكرة خطرة ترتطم في محمود متولي .. وتضيع فرصة للاهلي 

هنا انقلبت موازين الماتش من الدقيقة العاشرة .. وشاهدنا اداء جديد من الاسماعيلي واداء حائر من النادي الاهلي واتضح ان دفاعه شوربة الشوربة وخاصة في الكرات المرتدة

 وبالدقيقة 18 ... يظهر زكاء والمعية جماهير الاسماعيلي علي الفيس بوك .. لما يصاب المدافع محمود متولي من دفعة غبية ويسقط علي كتفه .. كل جماهير ابراهيم عثمان .. هات يا اتهامات ساذجة و مراهقة ... والكل  كان بيحضر نفسه انه يرمي الهزيمة - ان حدثت علي محمود متولي .. لما خرج ونزل  محمد هاشم .. وش السعد للدراويش

 وبمناسبة السذاجة والمراهقة .. كان فيه بتقول اوعي يا منياوي تلعب كريم بامبو .... علشان ده قابض من الاهلي

حاجات غريبة من بعض الجماهير .. لكن تسد النفس قبل السحور

ويلعب الاسماعيلي متاخر ويعتمد علي المرتدات والانطلاقات وسط كسل رهيب من خط وسط الاهلي وخاصة ان وسط الاهلي بتشكيله غير متناغمة علي الاطلاق

واروع لقطة في المباراة في تمريرة حريية الي الرشيق والماهر محمد صادق ويطرقع ظهر قلبي الدفاع وينفرد في مظهر جمالي لم نشاهده من زمان .. ويسدد و لكن الحارس محمد الشناوي  يخرج من مرماه ويغلق المرمي .. وتضيع علي صادق اجمل هدف ممكن يسجله

وفرصة للاهلي ينقذها باهر المحمدي بفدائية و4 دقائق وقت بدل الضائع من الحكم محمد معروف

ويظهر فريق الاسماعيلي في بداية الشوط الثاني بشكل مغاير .. تقاربت خطوط الفريق مع خط الوسط وامتلكوا الملعب وخشونة ينال معها العصفور محمد صادق انذار والحكم محمد معروف ..مش شايف ان كل الضرب كان في محمد صادق وظهره 

ويخرج مصطفي فارس مصاب وينزل محمد الضرف وعصبية من محمد الشامي بسبب حامل الراية هاني خيري لا يعطيه حقه في اكثر من كرة وينال انذار للعصبية  د 63 

يرجع دونجا للتوغل ومستغلا ثغرة في دفاع الاهلي ولكن لا يكمل اللعبة وينوب عبد الرحمن مجدي بدلا من صادق افضل لاعبي المباراة مع عماد حمدي وهو رجل المباراة الاول اليوم

وخط فادح من الحارس محمد فوزي وسوء تقدير في الخروج لكرة ساقطة يسبقه المغربي وليد ازارو ويسجل هدف الاهلي د 74 و يرد عبد الرحمن مجدي بكرة و صاروخ في الزاوية الضيقة  ينقذها الحارس محمد الشناوي  

ويظهر الاسماعيلي اقرب الي التسجيل وامكانية التعادل وبالفعل تمريرة بينة رائعة  لكريم بامبو ويوسع لنفسه علي حسب الحارس محمد الشناوي ويسدد و يسجل هدف التعادل د 85

وبرضه الهري من جماهير الاسماعيلي ان بامبو لم يحتفل بالهدف .. يعني يحتفل ازاي ورجله فيها شد .. يا محترفي الاشاعات والسذاجة والمراهقة 

خمس دقائق وقت بدل ضائع و محاولات من الاهلي ويتجلي محمد فوزي في التحرك داخل منطقة الجزاء ويعوض خطا هدف الاهلي  وتمر الدقائق بتعليمات تشتيت ومحاولة ابقاء الكرة في ملعب الاهلي

وتنتهي المباراة  بالتعادل 1-1  و برضه الاسماعيلي في المركز السابع .. يا عم عثمان

ومبروك للدراويش الاداء الاستثنائي للدراويش ... ولو كان عندنا ثقة وبديل مهاجم كان حالنا مختلف 

وانتهي كلام خارج المقرر  

جديد إس سي
image

الفريق يعود للمران و زيادة الحمل التدريبي من الغد

كتب محمد اسامة ... قرر الفرنسى ديديه جوميز المدير الفنى للدراويش اقامة التدريبات على فترتين صباحية ومسائية و بداية من الغد الاربعاء .
image

حمدي يعود للمران و عماد يزواصل التأهيل

كتب محمد اسامة ... شارك جناح الفريق محمد حمدى زكى  في التدريبات الجماعية بعد التاكد من شفاءه من الاصابة التي منعته من المران الجماعي لمدة
image

حارس الدراويش يمنح اسماعيلى ٢٠٠٣ فوزا غالياعلى الانتاج الحربى

كتب مؤمن مجدي ... فاز فريق الاسماعيلى مواليد ٢٠٠٣ على الانتاج الحربى بهدفين  مقابل لاشى   فى المباراة التى جمعت الفريقين عصر اليوم على ملعب جامعة
image

كشف حساب ديديه جوميز مع الإسماعيلي فى 48 يومًا

انقسام كبير داخل مجلس إدارة النادي الإسماعيلي، حول استمرار الفرنسي ديديه جوميز، في منصب المدير الفني للفريق، بعد تدهور نتائج الفريق في المسابقات المحليه، حيث ودع الدروايش مسابقة كأس مصر.
image

الفريق يعود الي المران اليوم

كتب ميدو حسين ... من المقرر عودة الفريق الي المران اليوم الثلاثاء و بعد راحة سلبية لمدة ثلاث ايام و عقب الخروج من بطولة كاس مصر
image

هدفين نادرين للدراويش , احمد فتحي و محمد صلاح ابو جريشة

و تواصل مكتبة موقع اسماعيلي اس سي العامرة بفضل الله تعالي و توفيقه الكشف عن كنوز الدراويش الذهبية النادرة
image

مشاكل آل مجدي لا تنتهي

كتب / تامر السيد
image

الحقيقة و الأفورة .. في موضوعي ملكية الاستاد و غرامة ابراهيم حسن

لابد ان تكون جماهير الاسماعيلي , ذات تفكير موضوعي كما كان حالها تماما و لابد ان نعلم حقيقة ما يجري حول النادي .. حتي لا نظهر بصورة المبالغين في تقدير الاحداث التي تمر بالنادي .. و اهم موضوعين بالوقت الحالي هما
image

اسماعيلى ٩٩ يواصل تالقه بالفوز على الانتاج الحربى بثلاثية

كتب مؤمن مجدي ... فاز فريق الاسماعيلى مواليد ٩٩ على فريق الانتاج الحربى بثلاث اهداف مقابل هدف فى المباراة التى جمعت الفريقين عصر اليوم على ملعب هيئة قناة السويس بالاسماعيلية
Powered by Vivvo CMS v4.1.5.1