إسماعيلي إس سي - i s m a i l y S C - جهاد جريشة كذا وكذا..طيب وابراهيم عثمان

جهاد جريشة كذا وكذا..طيب وابراهيم عثمان

حجم الخط Decrease font Enlarge font
image

قل ما تشاء في الحكم جهاد جريشة .. وانا معاك وكلنا معاك ... لكن تقول ايه في سعادة المشرف

علي شئون الكرة في الاسماعيلي .. هو ما بيتعلمشي ..هو ما بيفهمشي

الاخ الغيني بيكيتي سيلفا ... نسخة مكررة من اودا مارشال وماندوجا واوكيكي وموسي كمارا وكل اللاعيبة الافارقة الوقيع ... مش ممكن .. لا تحرك ولا استلام ولا تمرير ولا اي حاجة خالص ... هو بعينه بغباوته بوشه العكر زي ما بيقول عمنا الشاويش عطية رياض القصبجي

 بيكيتي سيلفا ... نزل بديل لوجية عبد الحكيم من بداية الشوط الثاني ... وبكده الشوط الثاني راح وضاع وضاع الفريق هجوميا خالص

 لحظة من فضلك ..  طيب اخونا جهاد جريشة كذا وكذا .. وابراهيم عثمان الله يبعده عننا وعن الاسماعيلي قريب ... طيب الاخ الصربي ميودراج يسيتش .. شاف بكيني سيلفا بينيل ايه في التدريبات علشان ينزله .. والا اجتماع امس مع ابراهيم عثمان قال له لاعب بكيتي ولا تغديني 

 نتوقف لحظات علشان نكرر ونقول سوا ... جهاد جريشة كذا وكذا وكذا وكذا

ويا سلام سلم .. الفرخة بتتكلم .. لما نزل محمد حمدي د 63  مكان عبد الرحمن مجدي ... كملت واحلوت قوي قوي .. كده ضاع الفريق رسمي فهمي نظمي .. هو اخونا الصربي يسيتش .. ما اتغداش والا ايه .. هو بيشوف بقفاه ولا ايه

  يعني اللي ميودراج سحب وجيه عبد الحكيم وعبد الرحمن مجدي .. و نزل لنا مصيبتين استريو  

الموهبة الجميلة الحلوة العراقي همام طارق - حيطلع من الاسماعيلي علي مركز التاهيل المهني عدل .. لدرجة انه بقي مش عارف يشوط الكرة د 80 ... حينسي الكورة عندنا .. يا عم الصربي الحاج ميودراج

 طيب نركز في الشوط الثاني والفريق مغلوب 2-1 بضربتي جزاء وجهاد جريشة كذا وكذا وكذا ... مفيش  محاولة واحدة وفرصة تهديف حقيقية للاسماعيلي ... طوال الشوط الثاني يا اهل الخير ... واوعي تفتكر ان فرصتي محمد الشامي فرص حقيقية د 86 ( لاحظ التوقيت ) وبعد كده وقبل كده الفريق في البلالة خالص 

الفريق اتحسب عليه ضربتي جزاء ..محفوظتين .. نلعب بحرية وتقدم غير مدروس .. يبقي لازم تتحسب علينا الثالثة كمان وجهاد جريشة كذا وكذا وكذا 

اخونا سعفان الصغير جدا ( احد اسباب حزن الاسماعيلي ) اتعصب واتطرد وتلف اعصاب الجميع وخلي محمد فوزي اكثر اضطرابا واتطرد هو كمان .. ايه رائيك ياللي بتقول وتردد : مدرب بعقلية مشجع .. تعرف تسكت خالص

 اخونا المشرف علي الغرق .. الهندسة ابراهيم عثمان ... غرق الفريق.. منه لله ... وبلا مدافع ايسر وبلا مهاجم فعلي وبلا حارس مرمي بديل كفء واهو محمد فوزي اتطرد و حنلاعب وادي دجلة وحرس الحدود .. بالحارس محمد مجدي .. والعب ياله وارقص ياله

 عمنا سعفان الصغير .. اسالك سؤال هو انت لما تتعصب وتتزربن علي الحكم .. حيقول لك معلشي يا سعفو يا ضغنن  .. إنجغا إنجغا وحقك عليه ويلغي البالنتي ... ايه السذاجة دي يا عم المدرب و مش عارف مين قال لي تعال نعمل حملة لكي يدرب سعفان المنتخب ..نهار ما لوش ملامح  

الاسماعيلي لعب الشوط الثاني وكأنه متعادل او فائز والمصري عرف يستغل الحكم الكذا وكذا ... بالرغم ان الاسماعيلي كان افضل في الشوط الاول وضاعت كرة بهدف من وجيه عبد الحكيم د 3 وكرتين في العارضة والقائم د 19 من الموهوب احمد مدبولي وكان الفريق مهزوم 1-0 وضغط مثالي للاسماعيلي قبل نهاية الشوط الاول ومحمد الشامي يسجل هدف الاسماعيلي الوحيد في اروع لقطات المباراة علي الاطلاق ورغم انف وقفا ( باللبناني ) .... الحكم جهاد جريشة الكذا وكذا وكذا وخاصة ان الكذا .. لم يحتسب ضربة جزاء صحيحة للاسماعيلي بالشوط الاول لدفع بهاء مجدي لوجية عبد الحكيم في منطقة الجزاء ..اصله حكم كذا

وعلي فكرة د 75 كانت حتطلق علي الاسماعيلي رصاصة الرحمة  بتدخل بقوة ولكنه مدروس من المدافع ابراهيم ابو اليزيد المظلوم .. وتدخل مع المهاجم محمود وادي و جعله يطيح بالكرة فوق العارضة وهي نفس اخطاء الدفاع وقلب الدفاع  

برضه الاخ المشرف علي الغرق عثماثون .. ايه رائيك في االلي عملوا عليك شغل وبيزنس وطلعوا المدافع الصلب الصلد والمظلوم الغاني ريتشارد بافور باستغناء مجاني .. وقالوا لك جنجيب لك مهاجم حاجة ببلاش  كده .. ولا جابوا ولا عادوا ولبسوك في الحيط ولا بديل حتي لقلبي الدفاع كمان وكمان جمد عماد حمدي علي الدكة وجمد نادر رمضان في الملعب رقم 2 .. كله هري وهبد   

    هو احنا داخلين دور ال 16 بالبطولة العربية ومعانا افضل 16 فريق عربي .... بقي بالذمة بالفريق ده والتشكيل ده وببكيني وبكيني وتمرضني ... نقدر نلعب بالبطولة العربية الكونفدرالية

اما في الدوري المحلي ... ربك مع المنكسرين جابر ... ويا رب يجيي اليوم ونشوف في اللي في باليو بالك  .. يوم 

 قولوا : أمين

 -   اقول لكم نكتة .. بس عايزه تشوفوا الماتش تاني في الضربة الحرة واللي سددها احمد مدبولي وجاءت في القائم البعيد للحارس كان باهرالمحمدي واقف اوفسايد و ووقف يتفرج ... وانفرد لاعب المصري طقطق بمحمد فوزي وحصل علي ضربة الجزاء الثانية .. عارفين مين كان مع لاعب المصري كمدافع  .. العراقي همام طارق !!!!!!!!!!!!!!!! 

يعني ولاباهر ولا مجدي

والله اكبر علي الدراويش      

وانتهي كلام خارج المقرر    

جديد إس سي
image

اسماعيلي 2006 يتفوق على سموحة بدورة المجمعة

كتب مؤمن مجدي ...فاز فريق الاسماعيلى مواليد ٢٠٠٦ على فريق سموحة بهدف نظيف فى المباراة التى جمعت الفريقين عصر اليوم على ملعب جامعة قناة السويس
image

اول و ثاني يوم رمضان راحة للفريق

كتب ميدو حسين ... منح الكابتن ايهاب جلال لاعبي الفريق الاول بالنادي الاسماعيلي راحة سلبية من المران اول يومين من شهررمضان المبارك  و كان الفريق قد
image

مران اليوم محاضرة 10 دقائق وغياب الأساسين وإصلاح الأخطاء

خاض فريق الكرة الأول بالإسماعيلى مرانه الصباحى منذ قليل، خلال فترة التوقف الحالية ضمن برنامج الاعداد لإستئناف منافسات مسابقة الدورى المحلى حيث بدأ المران الذى
image

إلبوب يضع خريطة الانقاذ بعد الانتفاضة امام المصري

عقد إيهاب جلال المدير الفني للنادى الإسماعيلى مع جهازه المعاون بالكامل أخطرهم خلالها بخطة المرحلة خلال فترة توقف الدوري ضمن خريطة إنقاذ الدراويش من الهبوط،
image

مارسيلو يبدأ تنفيذ البرنامج التأهيلى للتعافى من الاصابة

بدأ حسين السيد مارسيلو لاعب طلائع الجيش المعار للنادى الإسماعيلى تنفيذ برنامجه التأهيلى للتعافى من مزق العضلة الخلفية التى تعرض له في مباراة المصري البورسعيدي
image

الاسماعيلي ... الفزورة

بقلم ا. محمد البشاري ...لماذا فزوره ؟؟ لانه أصبح عصى على حل مشكلته تماما كمانقول دائما على اي مشكله صعبه...هى فزوره!! ولنا ان نتساءل هل الفوز على
image

تنس طاولة السيدات خامس الدورة المجمعة للدوري الممتاز

حصل فريق الاسماعيلي لتنس الطاولة سيدات على المركز الخامس بالدورى الممتاز فى الدورة المجمعه الثانيه المقامه باستاد هيئه قناه السويس بالاسماعيليه
image

طبى الدراويش يوضح تفاصيل إصابة حسين السيد ومدة غيابه

أثبتت الأشعة تعرض حسين السيد ظهير أيسر الإسماعيلى لتمزق حاد فى العضلة الخلفية خلال مشاركته فى لقاء المصرى الأخير والذى على إثره تم استبداله فى الشوط الثانى ،وذلك حسب تصريحات الجهاز الطبى للفريق.
image

مران الدراويش .. مشاركة 19 لاعبا وتدريبات على الاستحواذ

شهد مران الفريق الأول لكرة القدم بالإسماعيلى مشاركة 19 لاعبا فقط ، وذلك فى أعقاب قرار المدير الفنى إيهاب جلال بمنح اللاعبين الذين شاركوا فى لقاء المصرى الأخير وانتهى بانتصار الدراويش راحة لمدة 48 ساعة.
Powered by Vivvo CMS v4.1.5.1