إسماعيلي إس سي - i s m a i l y S C - مصيلحي يفضح طراطيرالمطيبتية المطبلاتية

مصيلحي يفضح طراطيرالمطيبتية المطبلاتية

حجم الخط Decrease font Enlarge font
image

الموضوع باختصار ان هناك فارق بين رئيس نادي ..يحب النادي و يحترم جماهيره

 .. و بين رئيس نادي يكرة النادي و يحتقر جماهيره 

هناك فارق بين رئيس نادي يستشير الخبراء و الكبار ويستفيد من ارائهم و يدعم فريقه  حسب ما الفريق محتاج  .. و بين رئيس نادي  معه كراسي طراطير سلاحف خرساء  و موظفين مطيبيتية المهم عندهم اول الشهر و السفريات عمال علي بطال و كمان حوله منافقين مطيبتيه و لا اجدعها مطيباتي في عماد الدين و درب طياب

 النتيجة و الهزيمة القاسية من فريق الاتحاد السكندري بثلاثية ثقيلة .. ليست هي القصة  علي الاطلاق .. لكن هنا رئيس نادي .. اريد منه ان يذكر لي حسنة واحدة له من يوم ما قرر العودة للاسماعيلي  في يوم اسود في نهاية اغسطس 2016 ..بعدما كان تهرب في اغسطس 2008  و اغسطس 2012 .. طيب جيت ليه يا عم الناظر في 2016 ... علشان تكرة الناس في النادي و في عيشتها 

امس سعادة الناظر رفض طلب المصري لعب مبارياته الافريقية في النادي الاسماعيلي.. رغم ان رموز من النادي المصري ذهبوا الي منزل المهندس محمود عثمان في الاسماعيلية .. ليه يا عم الناظر ترفض ... علشان لو جاء المصري بجماهيره  لاستاد الاسماعيلية  و وافق الامن ... ايه الحجة اللي  يعترض عليها الامن  في عدم دخول جماهير الاسماعيلي الي استاد الاسماعيلية

 بلاش وجع دماغ .مفيش مصري يلعب في الاسماعيلية .. بلا اشقاء بلا وجع دماع ... خلينا كده بدون جماهير ... اصل الجماهير بتشتم سعادة البية و هما فايزين بالاربعة علي اهلي بنغازي  و الجماهير بتشتم  سعادة البية و الفريق فاز بالاتنين علي الجزيرة الاماراتي ... و لسه اخوه الكبير بيحاول و يناور و لكنه علي الناظر مش قادر

مش عايز جماهير .. مش عايز جماهير .. مش عايز جماهير 

طيب ليه مرعوب من الجماهير و قاعد ليه و مفيش ( برغوث ) في الاسماعيلية بيحبك .. الا الاخوة المطبلتية و المطيبتية.. لان دي مهنتهم و  أكل عيشهم و الميني بار في تونس او الامارات كلها سفريات و بدلات  و واحد مطيباتي و كبير المطيبتية  منتظر نظرة عطف من سعادة البية و يعمل بلوك لمن يراه يتكلم بالحق و الصراط المستقيم .. اما الطراطير خايفين و مرعوبين من سعادة البية و شنابتهم مدلدلة الي اسفل و لا اجدعها ودان الفيل فلفول دامبو  و  قال ايه فيهم واحد مرشح  لمنصب اكاديمي كبير  و التاني مستشار خطير و فطير و الثالث  يا حلاوة عليه بالفراخ البانية  و الرابع  بتاع  حضور القرعة و بس  و الخامس تحت السن  و حمام البن.. و  الاخير قاعد في الثلاجة مجمد و ( الفرو ) صلاحيته انتهت و حيتحول الي دواسة باب مكتوب عليها بالجير - مرحبا بكم

  بيقولوا روح الفريق هي جماهيره .. طيب انا حطلع لكم روح الفريق و روحكم  معاه يا جماهير كلها قلة مندسة     

بالله عليك يا عزيزي القارئ .. هل ممكن تتوقع اي نجاح  من رئيس نادي بيدير النادي بطريقة ...  ها دارجا مادرجا..كتكتووووووت

طبعا شوية من الجماهير حتشتم في عبد الرحمن مجدي ... و شوية حتشتم في عماد حمدي .. و شوية تشتم في دونجا و شوية تشتم في ميودراج و شوية تشتم في  مش عارف مين 

و الكل سايب الراس الكبيرة و اللي هو سبب الغم و الحزن و اللي بنبات فيه ..بنصبح فيه .. و بعد ما قلوظ لنا العمة  تماما عن طريق  الاخ بتاع  ( مدرب بعقلية مشجع ) و كرهنا في حارس المرمي محمد عواد .. علشان يصل ما تم بيعه من نجوم الي 15 نجم بالتمام و الكمال في موسمين   .. و جمع سعادة الناظر  150 مليون و اشتري لاعبين بثلاثة تعريفة  ... و الله و الله.. لو رئيس نادي ريال مدريد عمل زي الناظر .. لاتغلب من نادي ابو كبير 

نفسي اعرف الناظر اعتذر ليه سنة 2008 و 2012  ... و ليه رجع 2016  .... علشان نرجع نترحم علي ايام مجلس البطاطس  و مجلس المغارة  و يهد مجلس السلاحف ما تبقي منهم

اسمعوها مني .. علشان اخلص ذنبي منكم امام الله تعالي ... الاسماعيلي مش حيتحمل زيادة من الها دارجا مادرجا

و حنخرج كلنا ندور علي الطفل الضائع  بركات في فيلم المولد و حنلبس اسود و نعصب الراس زي امينة رزق ..ما شفتوش الاسماعيلي يا ولاد ... و انتهي الامر

اللهم بلغت اللهم فاشهد

و انتهي  كلام خارج المقرر

جديد إس سي
image

اسماعيلي 2006 يتفوق على سموحة بدورة المجمعة

كتب مؤمن مجدي ...فاز فريق الاسماعيلى مواليد ٢٠٠٦ على فريق سموحة بهدف نظيف فى المباراة التى جمعت الفريقين عصر اليوم على ملعب جامعة قناة السويس
image

اول و ثاني يوم رمضان راحة للفريق

كتب ميدو حسين ... منح الكابتن ايهاب جلال لاعبي الفريق الاول بالنادي الاسماعيلي راحة سلبية من المران اول يومين من شهررمضان المبارك  و كان الفريق قد
image

مران اليوم محاضرة 10 دقائق وغياب الأساسين وإصلاح الأخطاء

خاض فريق الكرة الأول بالإسماعيلى مرانه الصباحى منذ قليل، خلال فترة التوقف الحالية ضمن برنامج الاعداد لإستئناف منافسات مسابقة الدورى المحلى حيث بدأ المران الذى
image

إلبوب يضع خريطة الانقاذ بعد الانتفاضة امام المصري

عقد إيهاب جلال المدير الفني للنادى الإسماعيلى مع جهازه المعاون بالكامل أخطرهم خلالها بخطة المرحلة خلال فترة توقف الدوري ضمن خريطة إنقاذ الدراويش من الهبوط،
image

مارسيلو يبدأ تنفيذ البرنامج التأهيلى للتعافى من الاصابة

بدأ حسين السيد مارسيلو لاعب طلائع الجيش المعار للنادى الإسماعيلى تنفيذ برنامجه التأهيلى للتعافى من مزق العضلة الخلفية التى تعرض له في مباراة المصري البورسعيدي
image

الاسماعيلي ... الفزورة

بقلم ا. محمد البشاري ...لماذا فزوره ؟؟ لانه أصبح عصى على حل مشكلته تماما كمانقول دائما على اي مشكله صعبه...هى فزوره!! ولنا ان نتساءل هل الفوز على
image

تنس طاولة السيدات خامس الدورة المجمعة للدوري الممتاز

حصل فريق الاسماعيلي لتنس الطاولة سيدات على المركز الخامس بالدورى الممتاز فى الدورة المجمعه الثانيه المقامه باستاد هيئه قناه السويس بالاسماعيليه
image

طبى الدراويش يوضح تفاصيل إصابة حسين السيد ومدة غيابه

أثبتت الأشعة تعرض حسين السيد ظهير أيسر الإسماعيلى لتمزق حاد فى العضلة الخلفية خلال مشاركته فى لقاء المصرى الأخير والذى على إثره تم استبداله فى الشوط الثانى ،وذلك حسب تصريحات الجهاز الطبى للفريق.
image

مران الدراويش .. مشاركة 19 لاعبا وتدريبات على الاستحواذ

شهد مران الفريق الأول لكرة القدم بالإسماعيلى مشاركة 19 لاعبا فقط ، وذلك فى أعقاب قرار المدير الفنى إيهاب جلال بمنح اللاعبين الذين شاركوا فى لقاء المصرى الأخير وانتهى بانتصار الدراويش راحة لمدة 48 ساعة.
Powered by Vivvo CMS v4.1.5.1