إسماعيلي إس سي - i s m a i l y S C - ده لو كان ... حصاوي .. كان فهم

ده لو كان ... حصاوي .. كان فهم

حجم الخط Decrease font Enlarge font
image

هاتوا واحد عبيط و أهطل و برياله .. و عرضوا عليه ارقام و

احصائيات الفريق في الموسم السابق ... كان العبيط حيفهم الفريق عايز ايه  محتاج تدعيم فين ... لكنه خلف الحبايب 

احصائيات الفريق بالموسم الماضي  كانت توضح الخلل فين كم خلال التهديف الايجابي و السلبي و التمريرات و صناعة الفرص و التسديد من الكرات الثابتة و العاب الهواء .. الخ الخ الخ ... كله تقريبا = صفر .. فارق الاهداف عليك و نسب التهديف من الفرص = صفر و كله صفر في صفر 

نفس الارقام بتتكرر في الموسم الحالي ..  لان الاحصائيات لو كانت اتعرضت علي حصاوي ( مش عبيط بس ) ..كان عالج الامور بصدق و عقل او حتي  رفس  

نفس المنهج الحصاوي .. هات مدرب بعد ما تعمل التعاقدات الهابطة  و افرض عليه جهاز معاون عصافير و غربان ... المدرب يفشل و يمشي ... و هات مدرب تاني علشان يفشل و يمشي .. النتيجة ايه .. نفس الاحصائيات .. بنسبة 100%  و فرحان بزجاج المقصورة و منع الجماهير من الحضور  

يكون من حظك و نصيبك .. دعوة  واحدة من قلب مشجع اسماعلاوي واحد حزين..دعوة واحدة بس  و حيكون فيها الشفا .. باذن واحد احد 

الاسماعيلي بيلاعب طنطا .. و الاسماعيلي خارج من هزيمة فضيحة بالثلاثة الصايمة من الاتحاد السكندري ... و مفروض اللعيبة تاكل النجيل  في الماتش ده . علشان تعوض .. لكن تعوض منين و من مين  ... و الفريق فاضي و مخوخ و مزنخ 

عارفين  يا اصدقائي الاعزاء ... اول فرصة حقيقية للتهديف  كانت للاسماعيلي في الدقيقة كام

 كانت في الدقيقة 75 ..من فرصة تهديفية حقيقية من راسية الصاعد حازم مرسي 

سيبكوا من محاولات و تسديدات فارغة من عبد الرحمن مجدي في وسط الجول د 9 و د 35 من الشامي و شيلونجو و راسية مدبولي  65 و راسية باهر د 86 ..كلها فرص لا تصل الي كونها هدف 

يعني طوال 75  دقيقة لم يصل الاسماعيلي بجملة واحدة  تكتيكية الي حارس المرمي اسلام طارق و من بعدها الي الدقيقة 94 

 فريق فاضي مخوخ  ضعيف عنده شحار و زرايبي .. و فعلا لو كان حصاوي ... كان فهم.. فين الغلط و كان عالجه و لو  بيطريا

و في المقابل فريق طنطا كان الافضل هجوميا ..مش تنظيما عاما طوال 96 دقيقة ..كان ممكن يسجل  هدف و اتنين  د 16 و 19 و 60  و لكن علشان مدربهم ( المزين ) كان بارد و عايز نقطة و خلاص  و استطاع ان ( يدرج ) طريقه لعبه  طوال دقائق اللقاء  و حقق ما يريده  و يحافظ علي مركزه فوق ... و سبحان الله و الذي يغير و لا يتغير

مشكلة المشرف العام علي شئون كرةالقدم الاسماعيلي ان لا احد يعرض عليه احصائيات او معلومات من شلة المنتفعين و المطبلاتية .. لا احد منهم يواجهه بالاحصائيات و معرفة اسراراها  علاجها .. لانهم متفعين و مصلحجية  ..مش مكن يزعلوا سيادته  نهائيا  و يقول له انت كنت غلطان السنة اللي فاتت ز صلح اللي عملته السنة دي ... كل المنتفعين و المصلجيه مش ممكن يقولوا لرئيس النادي .. لا تبيع نجم .. لان معني ذلك مش حياخدوا راتبهم النتفخ و الخرافي ... لا الاحصائيات تمام يا ريس و  انت حلو  يا ريس و  يولع الفريق و الجماهير و انت معاهم يا ريس ... بس ناخد رواتبنا و نحقق مصالحنا  ... و لو الي حين    

ارجعوا الي  من الدقيقة16  الي محاولة من باهر المحمدي د 47 بالوقت بدل الضائع بالشوط الاول - ستجد الاسماعيلي  ليس لديه خط وسط  يملء  نصف الملعب ..رغم الجهد الخرافي و الرجولي  للعراقي همام طارق ... لكن من د 16 : 47  كان الاسماعيلي ضائع تماما  و استطاع المزين ان يفرض التمرير الطولي علي الاسماعيلي و تعددت الكرات الي  الاوت  و الجهاز الفني المؤقت من سلحدار و جريشة و اخوانهم ... و لا هما هنا 

اللعب علي الاجناب خرج منهم 8 عرضيات.. تصل الي الكورنر الثاني  و بدون كثافة هجومية  داخل ال 18  و اللعب علي الجناح  الحر الشامي و عبد الرحمن مجدي كان يقابله 3 من طنطا ... و برضه الجهاز الفني المؤقت .. في حالة من الضياع و الاندهاش و الانبهار 

سيبكم  من الدوري و ان شاء الله و بفضل الله وحده و دعوات المخلصين .. لا يهبط  الاسماعيلي و يبقي في الممتاز 

السؤال هنا 

حنلعب ازاي بالفريق ده بالبطولة العربية ... و حنلاعب الاتحاد السكندري  اللي غلبنا تلاتة ازاي ..  و بتفكروا ازاي اننا ممكن نفوز او نعدي  من الاتحاد 

اتصور ان الحماس فقط  هو من يجعلك تصور ان الاسماعيلي قادر علي الثأر من الاتحاد السكندري .. لكن الواقع  بيقول انك مهزوم مهزوم .. الا اذا 

الا اذا ... ايه .... بالظبط

 الا اذا تم تدعيم الفريق  بلاعبين ممتازين  و وضع الاحصائيات  في موضع الفاهم و الواعي .. و يتم معرفة النواقص  و علاجها بشكل فعال  و سليم 

لكن الواقع بيقول .... ان المدير الفني الجديد لن يحضر قبل يناير و بعد شراء كام لاعب كسر ومجاني   و فضيحة بفضيحة و بفضيحة 

 و البركة في زجاج المقصورة 

لكن نرجع و نقول 

يكون من حظك و نصيبك .. دعوة  واحدة من قلب مشجع اسماعلاوي واحد حزين..دعوة واحدة بس - لا ينفع فيها زجاج و لا حجاب -  و حيكون فيها الشفا .. باذن واحد احد  

 

 و الحل من عندك ....... يا رب يا كريم

و انتهي الكلام خارج المقرر       

جديد إس سي
image

أشبال الاسماعيلي يفوز 3-1 علي حطين السعودي

فاز فريق الشباب للإسماعيلي من مواليد ٢٠٠١ علي فريق حطين السعودي بثلاثة أهداف مقابل هدفين في المباراة الودية التي جمعتهما مساء اليوم علي ملعب أحد
image

في دائرة السنتر.. تسعة مدربين للدراويش

بقلم ا. محمد كمال حافظ .. حتي لا يحدث ما حدث في الموسم الماضي وشهدت فيه الاسماعيليه وجماهيرها وناديها وفريقها اكبر عدد من الاجهزه الفنيه في تاريخ الانديه في العالم لفريق واحد
image

مباراة ودية للبدلاء و الناشئين مع فريق سعودي

تقام مباراة ودية عصر اليوم بأحد الفنادق المطلة على بحيرة التمساح تجمع ناشئين الفريق أمام أحد الفرق السعودية.
image

طلعت يوسف يظهر العين الحمراء للاعبي الإسماعيلى

عقد طلعت يوسف، المدير الفنى للنادى الإسماعيلى، اجتماعاً مع لاعبى فريقه فى مستهل رحلته مع الدراويش، لشرح خطة المرحلة المقبلة والتأكيد على أهمية عدم التهاون
image

قرار الإسماعيلي النهائي بشأن انتقال شكري نجيب إلى بيراميدز

رفضت اللجنة الفنية بالنادي الإسماعيلي برئاسة على أبوجريشة، رحيل شكري نجيب، مهاجم الفريق الأول لكرة القدم، إلى نادي بيراميدز، خلال فترة الانتقالات الصيفية الجارية. وعلمت «المصري
image

عواد: الإسماعيلي قال لى "هنبطلك كورة" والثقة الزيادة سبب خسارتنا نهائى القرن

، مثل المبلغ الذى يدفعه النادى للحصول على خدماتهم، وقال عواد، في تصريحات لبرنامج "ملعب أون تايم": ليس لى ذنب في شراء الزمالك لى برقم
image

الاسماعيلي يفض الحصار

سداد الغرامة الدولية لنجوم المستقبل  خلال ساعات.. وتسديد مستحقات الجزيري ينوي مسئولو الإسماعيلي خلال الساعات القليلة القادمة سداد الغرامة المالية الصادرة من المحكمة الرياضية الدولية في
image

تحديد الوجوه الجديدة للدراويش

سليمان: عماد والصادق ونجيب مستمرون يعقد الجهاز الفنى للإسماعيلى بقيادة طلعت يوسف اليوم السبت اجتماعًا مهمًا قبل بدء المران المسائى استعدادًا لانطلاق الموسم المقبل لتحديد أسماء
image

المران الأول لــ”طلعت يوسف” .. محاضرة تحفيزية وتدريبات بدنية

خاض لاعبو الفريق الأول لكرة القدم بالإسماعيلى مرانهم الأول ، تحت قيادة طلعت يوسف المدير الفنى الجديد للدراويش .
image

الدكتور هشام عناني يقدم اوراق ترشحه علي منصب الرئيس

رسمياً الدكتور هشام عناني أول المترشحين لمنصب رئيس مجلس إدارة النادي الإسماعيلي
Powered by Vivvo CMS v4.1.5.1