إسماعيلي إس سي - i s m a i l y S C - ده لو كان ... حصاوي .. كان فهم

ده لو كان ... حصاوي .. كان فهم

حجم الخط Decrease font Enlarge font
image

هاتوا واحد عبيط و أهطل و برياله .. و عرضوا عليه ارقام و

احصائيات الفريق في الموسم السابق ... كان العبيط حيفهم الفريق عايز ايه  محتاج تدعيم فين ... لكنه خلف الحبايب 

احصائيات الفريق بالموسم الماضي  كانت توضح الخلل فين كم خلال التهديف الايجابي و السلبي و التمريرات و صناعة الفرص و التسديد من الكرات الثابتة و العاب الهواء .. الخ الخ الخ ... كله تقريبا = صفر .. فارق الاهداف عليك و نسب التهديف من الفرص = صفر و كله صفر في صفر 

نفس الارقام بتتكرر في الموسم الحالي ..  لان الاحصائيات لو كانت اتعرضت علي حصاوي ( مش عبيط بس ) ..كان عالج الامور بصدق و عقل او حتي  رفس  

نفس المنهج الحصاوي .. هات مدرب بعد ما تعمل التعاقدات الهابطة  و افرض عليه جهاز معاون عصافير و غربان ... المدرب يفشل و يمشي ... و هات مدرب تاني علشان يفشل و يمشي .. النتيجة ايه .. نفس الاحصائيات .. بنسبة 100%  و فرحان بزجاج المقصورة و منع الجماهير من الحضور  

يكون من حظك و نصيبك .. دعوة  واحدة من قلب مشجع اسماعلاوي واحد حزين..دعوة واحدة بس  و حيكون فيها الشفا .. باذن واحد احد 

الاسماعيلي بيلاعب طنطا .. و الاسماعيلي خارج من هزيمة فضيحة بالثلاثة الصايمة من الاتحاد السكندري ... و مفروض اللعيبة تاكل النجيل  في الماتش ده . علشان تعوض .. لكن تعوض منين و من مين  ... و الفريق فاضي و مخوخ و مزنخ 

عارفين  يا اصدقائي الاعزاء ... اول فرصة حقيقية للتهديف  كانت للاسماعيلي في الدقيقة كام

 كانت في الدقيقة 75 ..من فرصة تهديفية حقيقية من راسية الصاعد حازم مرسي 

سيبكوا من محاولات و تسديدات فارغة من عبد الرحمن مجدي في وسط الجول د 9 و د 35 من الشامي و شيلونجو و راسية مدبولي  65 و راسية باهر د 86 ..كلها فرص لا تصل الي كونها هدف 

يعني طوال 75  دقيقة لم يصل الاسماعيلي بجملة واحدة  تكتيكية الي حارس المرمي اسلام طارق و من بعدها الي الدقيقة 94 

 فريق فاضي مخوخ  ضعيف عنده شحار و زرايبي .. و فعلا لو كان حصاوي ... كان فهم.. فين الغلط و كان عالجه و لو  بيطريا

و في المقابل فريق طنطا كان الافضل هجوميا ..مش تنظيما عاما طوال 96 دقيقة ..كان ممكن يسجل  هدف و اتنين  د 16 و 19 و 60  و لكن علشان مدربهم ( المزين ) كان بارد و عايز نقطة و خلاص  و استطاع ان ( يدرج ) طريقه لعبه  طوال دقائق اللقاء  و حقق ما يريده  و يحافظ علي مركزه فوق ... و سبحان الله و الذي يغير و لا يتغير

مشكلة المشرف العام علي شئون كرةالقدم الاسماعيلي ان لا احد يعرض عليه احصائيات او معلومات من شلة المنتفعين و المطبلاتية .. لا احد منهم يواجهه بالاحصائيات و معرفة اسراراها  علاجها .. لانهم متفعين و مصلحجية  ..مش مكن يزعلوا سيادته  نهائيا  و يقول له انت كنت غلطان السنة اللي فاتت ز صلح اللي عملته السنة دي ... كل المنتفعين و المصلجيه مش ممكن يقولوا لرئيس النادي .. لا تبيع نجم .. لان معني ذلك مش حياخدوا راتبهم النتفخ و الخرافي ... لا الاحصائيات تمام يا ريس و  انت حلو  يا ريس و  يولع الفريق و الجماهير و انت معاهم يا ريس ... بس ناخد رواتبنا و نحقق مصالحنا  ... و لو الي حين    

ارجعوا الي  من الدقيقة16  الي محاولة من باهر المحمدي د 47 بالوقت بدل الضائع بالشوط الاول - ستجد الاسماعيلي  ليس لديه خط وسط  يملء  نصف الملعب ..رغم الجهد الخرافي و الرجولي  للعراقي همام طارق ... لكن من د 16 : 47  كان الاسماعيلي ضائع تماما  و استطاع المزين ان يفرض التمرير الطولي علي الاسماعيلي و تعددت الكرات الي  الاوت  و الجهاز الفني المؤقت من سلحدار و جريشة و اخوانهم ... و لا هما هنا 

اللعب علي الاجناب خرج منهم 8 عرضيات.. تصل الي الكورنر الثاني  و بدون كثافة هجومية  داخل ال 18  و اللعب علي الجناح  الحر الشامي و عبد الرحمن مجدي كان يقابله 3 من طنطا ... و برضه الجهاز الفني المؤقت .. في حالة من الضياع و الاندهاش و الانبهار 

سيبكم  من الدوري و ان شاء الله و بفضل الله وحده و دعوات المخلصين .. لا يهبط  الاسماعيلي و يبقي في الممتاز 

السؤال هنا 

حنلعب ازاي بالفريق ده بالبطولة العربية ... و حنلاعب الاتحاد السكندري  اللي غلبنا تلاتة ازاي ..  و بتفكروا ازاي اننا ممكن نفوز او نعدي  من الاتحاد 

اتصور ان الحماس فقط  هو من يجعلك تصور ان الاسماعيلي قادر علي الثأر من الاتحاد السكندري .. لكن الواقع  بيقول انك مهزوم مهزوم .. الا اذا 

الا اذا ... ايه .... بالظبط

 الا اذا تم تدعيم الفريق  بلاعبين ممتازين  و وضع الاحصائيات  في موضع الفاهم و الواعي .. و يتم معرفة النواقص  و علاجها بشكل فعال  و سليم 

لكن الواقع بيقول .... ان المدير الفني الجديد لن يحضر قبل يناير و بعد شراء كام لاعب كسر ومجاني   و فضيحة بفضيحة و بفضيحة 

 و البركة في زجاج المقصورة 

لكن نرجع و نقول 

يكون من حظك و نصيبك .. دعوة  واحدة من قلب مشجع اسماعلاوي واحد حزين..دعوة واحدة بس - لا ينفع فيها زجاج و لا حجاب -  و حيكون فيها الشفا .. باذن واحد احد  

 

 و الحل من عندك ....... يا رب يا كريم

و انتهي الكلام خارج المقرر       

جديد إس سي
image

و برضه عايز تغلب بيراميدز .. بأمارة ايه

الاول أعتذر عن تأخر تقرير ( كلام خارج المقرر ) لظروف صحية .. و الله يعطينا يعطيكم الصحة و الصبر ..طالما بنشجع الاسماعيلي
image

مدرب بيراميدز: الإسماعيلي لا يستحق الخسارة

اعترف الكرواتى أنتى تشاتشيتش، المدير الفني لفريق بيراميدز، أن الإسماعيلي قدم أداءً مميزًا خلال المباراة التي جمعت الفريقين مساء اليوم الجمعة، على ستاد الإسكندرية، وانتهى
image

هي كده ..اولها زي اخرها مع الملاعين .. و درجات اللاعبين

بقلم د. اكرام نسيم ... لا يمكن ان تزرع دووم .. و تطرح مانجو .. مع مجموعة داخل النادي من الطماعين و الملاعين ... و تعالوا نشوف درجات اللاعبين

لا دورى ولا كاس.. والكل والجمهور محتاس

كتب د. اكرام نسيم .. خروج منطقى لفريق يلعب بدونجا والبدري واسامة ويترك افضل عناصرة على الدكة وخارج التشكيل لإرضاء ناظر العزبة وتابعه قفة امام فريق افتقد خمسة من نجومة للايقاف .
image

تشكيل الاسماعييلي في مواجهة بيراميدز

كتب ميدو حسين ... اعلن الفرنسي ديديه جوميز اسماء الفريق الذي سيبدء به مواجهة فريق بيراميدز و التشكيل مكون من
image

ذكري عم ابراهيم الهجان - رحمة الله عليه

نحتفل بذكري رجل من رجال الاسماعيلي الأوفياء و هو عم ابراهيم الهجان و الذي رحل عن دنيانا في 21 فبراير 2004
image

الاسماعيلي وبيراميدز بين الفرنسي والكراوتي

لقاءات الكئوس لها حسابات خاصة وهي مباراة بين المديرين الفنيين في المقام الاول و هي اختبار حقيقي لقدرات الفرنسي ديديه جوميز المدير الفني للدراويش امام قدرات الكرواتي انتي تشاتيتش المدير الفنى لنادي بيراميدز
image

اسماعيلى ٢٠٠٤ يخسر الحدود بهدف

كتب مؤمن مجدي ... خسر فريق الاسماعيلى مواليد ٢٠٠٤ من فريق حرس الحدود  بهدف نظيف فى المباراة التى جمعت الفريقين عصر اليوم على ملعب الاخير
image

طموحات عبد الفضيل و عجائب السذاجة في النفاق

لن نتحدث عن ما قاله اللاعب شريف عبد الفضيل او تاريخه مع الاسماعيلي و لا عن شقيقه نبيل و دوره في حياته الكروية البائسة
Powered by Vivvo CMS v4.1.5.1