إسماعيلي إس سي - i s m a i l y S C - و الفوز علي الطلائع يا ابراهيم الفريق مايع

و الفوز علي الطلائع يا ابراهيم الفريق مايع

حجم الخط Decrease font Enlarge font
image

اولا مبروك الفوز الاول للدراويش بالعام الجديد و بهدفين , يا نهااااار ابيييييض

 اصبح الفارق بين الاهداف اللي لينا و اللي علينا بالساب اربعة اهداف ا

الاسماعيلي بالقرب من نهاية الدور الاول - عليه 13  هدف و عليه  13 هدف ..و منك لله يا خلف الحبايب

و نشوف الصورتين دول

Image may contain: 3 people, people smiling, outdoor 

 الفرحة حلوة و الفوز حلو و جميل ... الكل مبسوط و الكل فرحان بالهدفين .. صحيح احنا في المركز 10 .. لكن برضه فرحانين و الدموع حتفر من عينينا

لكن ليه عبد الرحمن مجدي .... حزين

 علشان عندنا في الجماهير ( شوية اصلهم تركي ) ياخد ميت (قفا) و لا يتعلم و لا يفهم و لا حتي يحاول يفهم ... الضغط كبير علي عبد الرحمن مجدي و اسجل انه اللاعب الوحيد في الاساعيلي ( شاء من شاء و أبي من أبي ) اللي عنده حلول تهديفية  في كل الفريق بالــ 25  لعب كبير و الــ 5 الصاعدين

لكن شوية التراكوة  من جماهيرنا ماشيين  ( بطريقة التركي صاحب القلل القناوي ) و طبعا انتوا عارفين الحكاية - شغل فقر و عنظزة  و خلاص

 هدف  طلائع الجيش يتحمله  ثلاث لاعبين د 87 و اولهم محمود دونجا اونهاوند .. واقف يتفرج 100% و لكن التراكوة  بتوعنا سليبين دونجا و مركزين مع باهر المحمدي و اللي كان وضعه التشريحي غير قابل للتدخل  ....لكن دونجا كان قادر علي تشتيت الكرة قبل ما الهداف  نصر منسي يروح للكرة بخطوة او اتنين .. لكن نعمل ايه للتراكوة بتوعنا ... حاجة تنرفز و الله

نرجع لعبد الرحمن مجدي و الجملة الفنية الجميلة مع الشهيد شيلونج - و(  الواو ) ,,,  راحت علشان حلق شعره الزعافي

 هدف جميل من نوعية حسام حسن في التسعينات  و جملة حركية تكسر انف اي دفاع  و هدف يفرح برغم تدخل 2 مدافعين .. و  برضه مش عاجب التراكوة بتوعنا

نفس الكرة تقريبا صنعها شيلونجو  مع محمد الشامي د 57 .. لكن عبد الرحمن مجدي احرزها د 36 و برضه مش عاجب التراكوة

 الغريب ايضا التحليلات عن قدرة الفرنسي جوميز علي انه صنع الفارق  و مع ان جوميز لسه ما عرفشي اسماء الفريق من الاصل و واضح ان الجهاز الفني المساعد ( ربنا يريحنا منهم و من خلف في يوم واحد و ساعة واحدة )  لسه لهم تاثير في تراجع الفريق بداية من د 60  و ضغط متواصل من الجيش علي كل المحاور و يتالق محمد مجدي في كرة صعبة و تسديدة من فاول د 61 و عرضية اخطر من الخطورة  يشتتها باهر المحمدي ( واخد بالكم يا تراكوة) بالدقيقة 63 و راسية من احمد سامي و يرد عبد الرحمن مجدي بصاروخ  لكن في الزاوية الضيقة د 69 اللي واقف فيها حارس الجيش محمد بسام و بكيني يتوغل بممهارة 74 و يستهبل و يضع الكرة اوت 74

و فاصل عك  من الاسماعيلي في نصف الملعب من فقدان الكرة ببساطة و كل الكرات المشتركة مع الجيش و خاصة من محمد صادق اللي كان بيلعب دور مصارع التريب .. و لمن لا يعرف من هو مصارع التدريب نقول انه مصارع بيحضروه علشان يتضرب من المصارع الكبير ...  و يزداد الحمل علي رجل المباراة الاول عماد حمدي بنزول دونجا اللذي نزل بالدقيقة 80 بدل محمد صادق و اتصور انها افتكاسة من الكابتن ادهم السلحدار

و لا ننسي الاشادة بالمدافع ابراهيم ابو اليزيد و الرجولة و معه محمد مخلوف - بالخبرة سيكون لهما شان عظيم

و لكن الغيني البيساوي بكيتي سيلفا  بديل الشهيد شيلونجو - يتابع كرة الي الحارس من راسية ضعيفة من المدافع بوشا و يشمس الحارس محمد بسام و يلعبها براسه حلوة في المرمي الخالي و يحرز هدف الدراويش الثاني د 80

و يخرج الشامي و ينزل محمد حمدي زكي كتغيير من احل التغيير فقط د 86 و لكن يحرز الطلائع هدف الشرف  د 87 و  4 دقائق وقت بدل الضائع و تتوقف الساعة عند الدراويش و ينقذ محمود البدري عرضة خطيرة جدا د 93 و نصف  و يحافظ علي تقدم الدراويش 2-1 و الفوز و 17 نقطة من 13 مباراة

و نقف هنا شوية

 نركز د 36و د 57  و ننسي هدف بكيني سيلفا لانه استغلال لكرة اعادة من راسية المدافع الي الحارس استغلها بكيتي سيلفا علي طريقة وائل جمعة و عصام الحضري و محمد محسن ابو جريشة في كاس مصر

 د 36 و 57 شهدا تمريرتين حريريتين من الشهيد شيلونجو الي عبد الرحمن مجدي ثم محمد الشامي و بصرف النظر عن اهدار الشامي و تسجيل عبد الرحمن مجدي ... هي دي كرة القدم في 75% من اهدافها - اختراق من العمق مع التحرك الايجابي للمهاجم و توافق مع مالك الكرة و مران علي الجمل

لكن بالاسماعيلي لا يوجد صانع العاب و لا قلب هجوم خطاف  و هما  سر اهداف الاسماعيلي من الاربعينات  و لا يمكن ان نترجم السطر الاول بالتقرير و هو فارق الاهاف السلبي قرب منتصف الموسم الا بعدم تواجد صانع العاب و هداف اساسي  و سيبقي الفارق الي نهاية الدوري  و في مركز متاخر في جدول الترتيب - طالما لم يحل ابراهيم عثمان و خلف الحبايب . تلك المشكلة

و الف الف مبروك علي الفوز   

 و انتهي كلام خارج المقرر

 

 

جديد إس سي
image

ناصر خالد مستشار فني لحراس المرمى لبورتو للتسويق الرياضي

بعد نجاحاته المستمرة داخل النادي الاسماعيلي في قطاع الناشئين ومدرسة الكرة التي استمرت ١٥ عام عمل خلالها مع جميع الفرق وكان مثال يحتذا به في
image

الإسماعيلى يرد على قرار نقل قمة الإسماعيلى مع الأهلى لبرج العرب

صرح الاعلامي علاء وحيد المتحدث الرسمي للنادي الإسماعيلي ان اتحاد الكره أخطر اليوم الإسماعيلي بتغير ملعب مباراته مع الاهلي من استاد الاسكندريه الي استاد برج العرب
image

تأهيل ثنائى الفريق واستشفاء الأساسيين

بدأ فريق الكرة الأول بالإسماعيلى الاستعداد لقمة الأهلى يوم الأربعاء المقبل باستاد برج العرب بالإسكندرية ، ضمن مؤجلات الأسبوع الــ12 من عمر مسابقة الدورى المحلى.
image

أبو جريشة: واجهنا ظروفا لم تحدث فى انجلترا و لا افكر في الرئاسة

أكد على أبو جريشة، نجم الإسماعيلى السابق ورئيس اللجنة الفنية بقلعة الدراويش، أنه لا يفكر حالياً فى رئاسة النادى، وقال أبو جريشة فى تصريحات لبرنامج "بى أون تايم"، لا أفكر مطلقاً فى رئاسة الاسماعيلى فى الوقت الحالي، ولا يمكننى التفكير فى هذا الأمر حالياً لست أنانياً.
image

الفريق يعود للمران اليوم و بعد راحة 24 ساعة

 من االمقرر ان يعود الفريق الأول بالاسماعيلي للمران اليوم وبعد راحة 24 ساعة حصل عليها اللاعبون  و يقام المران في الساعة الثالثة عصر اليوم استعدادًا لمواجهة
image

سيبكم من ابراهيم عثمان و هو الباقي مفيش إحساس خالص

اتصور انه لم يوجد مجلس ادارة للنادي الاسماعيلي ( منتخب او معين ) , الا و إستقال عدد من اعضاءه اعتراضا علي سوء ادارة رئيس النادي
image

الذكري السنوية الخامسة لرحيل ساحر الثلاث خشبات حسن مختار

تمر علينا الذكري السنوية الخامسة لرحيل نجم الاسماعيلي السابق وحارس مرماه فى السبعينيات حسن مختار ساحر الثلاث خشبات الذى وافته المنيه في 5 مارس 2016 ,, داعين الله أن يدخله فسيح جناته
image

حمص : الإسماعيلي لن يهبط.. ويجب وضع لائحة لتحفيز اللاعبين

يثق محمد حمص نجم الإسماعيلي السابق أن الدراويش لن يهبطوا للدرجة الثانية مشيرا إلى أن الفريق سيخرج من أزمته الحالية.
image

جماهير الإسماعيلي :هبطنا اكلينيكيا والجميع مسئولون

سيطرت حالة من الحزن و الإستياء بين جماهير ومحبي ومشجعي فريق النادي الإسماعيلي عقب تعادل فريقهم مع فريق وادي دجلة بدون أهداف في مباراة قمة
Powered by Vivvo CMS v4.1.5.1