إسماعيلي إس سي - i s m a i l y S C - وعايز تغلب الزمالك ... بإمارة ايه

وعايز تغلب الزمالك ... بإمارة ايه

حجم الخط Decrease font Enlarge font
image

بالراحة شوية و بالعقل شويتين.. انت عايز تغلب الزمالك بأمارة ايه ...

فريق الزمالك عنده حلول  وانت فريقك عاجز تماما ومعاه جهاز فني علي ما تفرج 

بعيدا عن ضربتي الجزاء وصحتهما - و بعيدا عن الحكم محمود عاشور و قرارته في الشوط الثاني خصيصا ... هو سؤال واحد : كام واحد من جماهير الاسماعيلي كان عنده احساس انك تغلب الزمالك .. نسيبنا من اصحاب حللة التفاؤل العكسي و هم الذين يظنوا عكس اغلب التوقعات من باب التفاؤل و التحدي

و تعالوا نحسبها واحدة واحدة

 عندك لاعبين ذو قدرات و كفاءات مهارية و يعيبهم اللمسة الاخيرة او تطوير طريقتهم .. ماذا فعل الجهاز الفني  معهم .. لا شئ ... افتكروا كويس لما الهر الساحر علي ابو جريشة نزل الملعب مع عبد الرحمن مجدي ( خلال الشهر الذي اشرف فيه ابو جريشة علي الفريق ) ... عبد الرحمن مجدي كان ممتاز و دخل المنتخب ..لوتفتكروا ... و عندك محمد الشاني مجاديف ... بيعمل ايه .. بجد سؤال غريب .. و لو قعد 100 سنة حيفضل مجاديف  و يجري و ايديه تتحرك زي مساحات زجاج العربية .. و يضيع الفرصة وراء الاخري و خلاص مفيش شامي - مفيش حلول غير الشامي  

قبل المباراة - هل حد كان عارف مين حارس الاسماعيلي - بعد ما محمد مجدي طينها قبل كده و محمد فوزي زفتها امام اسوان.. و الاتنين اضعف من بعض .. و البركة في الكابتن سعفان الصغير  اللي قال مش محتاج حارس مرمي و كان عراب ضياع محمد عواد و زعلان قوي ان الجماهير زعلانه منه  و مع ان بعض الجماهير - مش كلهم - عرفوا الحقيقة و كذب مقولة : مدرب بعقلية مشجع !!!

 الجهاز الفني تبديلاته غريبة و عجيبة  و تنزل مستوي الفريق الي الاسفل .. عماد حمدي ( اللي كان حيمشي حيمشي بسبب  فلاسفة الغبراء من الجماهير ) اتصاب - تنزل محمد بيومي قليل الخبرة و البعيد عن المشاركة  و تترك  همام طارق اللي كان يعرف يتعامل مع خبرات وسط الزمالك و اصلا بيومي بيلعب ارتكاز مع دونجا 3.5 مليون جيجا اللي مالوش تلاتين لزمة من يوم ما جاء الاسماعيلي ... و الفريق محتاج دفعه الي الامام و خاصة بهد هدف التعادل  و جانبهم احمد مدبولي اللي فقد 3 كرات في اقل من دقيقيتين

 عايز تغلب الزمالك - بأمارة ايه ... اللاعبين نفسهم ما كانوش مصدقين انهم تقدموا علي الزمالك و لو بضربة جزاء د 33  و اخونا باهر المحمدي بعد ما احرز الهدف - رافع اصبع السبابة و بيحسبن علي مين - مش فاهم......  و قبل الهدف اللاعبين مش مصدقين نفسهم في ثلاث انفرادات  - الشامي د 18 و نكتة انفراد اسامة ابراهيم في انفراد و كسر كاميرا المصور الصحفي د 26 و يرجع الشامي يجدف و يضيع د 27 .. اللاعبين مش مصدقين نفسهم ومن الدقيقة 38 ..الزمالك ضاغط ضاغط لاجل التعادل .. و الجهاز الفني عامل من بنها

 الجهاز الفني  بقيادة جوميز عسل  شايف الفجوة الرهيبة ... بين خط  الدفاع و لاعبي الوسط و تسلل منها مصطفي محمد د 17 و يالق الحاج محمد فوزي و ينقذ كمان تسديدة خطيرة من اوناجم د 28 ... و من الفجوة دي احرز اوباما هدف التعادل 62 و اللعب من وراء محمود البدري واضح للجميع و الجهاز الفني بتاعنا من بنها و طنطا و المحلة كمان

 عايز واحد هندي او باكستاني او بنغالي - يشرح لي سبب نزول الرهيب والعتيد بيسون شيلونجو مكان عبد الرحمن مجدي  د 84 .. ايه الغرض منها  و ان يمكن تغييرات داخل الملعب من قبلها وخاصة ان الفريق غير قادر علي الاختراق من وسط الملعب من د  75  و ضاع الفريق بعد طرد محمد بيومي د 78  ..  علشان الخيبة تبقي دوبل الدوبل .. يقوم بقي الاخ جوميز و شركاه ينزلوا شيلونجو 

 لن نتكلم عن الزمالك .. مواقعهم وصفحاتهم تتكلم احسن من عندنا - لكننا نقدر نكرر و نقول انه فريق عنده حلول و احنا عندنا مجلس ادارة السلاحف ... عنده ام الخلول وباكلاويز كمان ... اليوم كان فخرالدين يوسف التونسي هو الوحيد المضاف الي الفريق .. والاوغندي باتريك كادو  خارج التشكيل لعدم الجاهزية .. صحيح ان الزمالك الا كاسونجو  لم يعمل اضافات لانه فريق جاهز  بالفعل ومتكامل والبديلين عملوا الفارق  جدا .. لكن احنا عندنا شي شيلونجو .. ولا حول و لاقوة الا بالله العلي العظيم

 الاسماعيلي مهزوم 8 مباريات من 17 مباراة ورقم قياسي يا ولاد الحلال

 والعداد بدأ يعد في المنطقة الحمراء ... يا عثمان           

وانتهي كلام خارج المقرر     

 

جديد إس سي
image

اسماعيلي 2006 يتفوق على سموحة بدورة المجمعة

كتب مؤمن مجدي ...فاز فريق الاسماعيلى مواليد ٢٠٠٦ على فريق سموحة بهدف نظيف فى المباراة التى جمعت الفريقين عصر اليوم على ملعب جامعة قناة السويس
image

اول و ثاني يوم رمضان راحة للفريق

كتب ميدو حسين ... منح الكابتن ايهاب جلال لاعبي الفريق الاول بالنادي الاسماعيلي راحة سلبية من المران اول يومين من شهررمضان المبارك  و كان الفريق قد
image

مران اليوم محاضرة 10 دقائق وغياب الأساسين وإصلاح الأخطاء

خاض فريق الكرة الأول بالإسماعيلى مرانه الصباحى منذ قليل، خلال فترة التوقف الحالية ضمن برنامج الاعداد لإستئناف منافسات مسابقة الدورى المحلى حيث بدأ المران الذى
image

إلبوب يضع خريطة الانقاذ بعد الانتفاضة امام المصري

عقد إيهاب جلال المدير الفني للنادى الإسماعيلى مع جهازه المعاون بالكامل أخطرهم خلالها بخطة المرحلة خلال فترة توقف الدوري ضمن خريطة إنقاذ الدراويش من الهبوط،
image

مارسيلو يبدأ تنفيذ البرنامج التأهيلى للتعافى من الاصابة

بدأ حسين السيد مارسيلو لاعب طلائع الجيش المعار للنادى الإسماعيلى تنفيذ برنامجه التأهيلى للتعافى من مزق العضلة الخلفية التى تعرض له في مباراة المصري البورسعيدي
image

الاسماعيلي ... الفزورة

بقلم ا. محمد البشاري ...لماذا فزوره ؟؟ لانه أصبح عصى على حل مشكلته تماما كمانقول دائما على اي مشكله صعبه...هى فزوره!! ولنا ان نتساءل هل الفوز على
image

تنس طاولة السيدات خامس الدورة المجمعة للدوري الممتاز

حصل فريق الاسماعيلي لتنس الطاولة سيدات على المركز الخامس بالدورى الممتاز فى الدورة المجمعه الثانيه المقامه باستاد هيئه قناه السويس بالاسماعيليه
image

طبى الدراويش يوضح تفاصيل إصابة حسين السيد ومدة غيابه

أثبتت الأشعة تعرض حسين السيد ظهير أيسر الإسماعيلى لتمزق حاد فى العضلة الخلفية خلال مشاركته فى لقاء المصرى الأخير والذى على إثره تم استبداله فى الشوط الثانى ،وذلك حسب تصريحات الجهاز الطبى للفريق.
image

مران الدراويش .. مشاركة 19 لاعبا وتدريبات على الاستحواذ

شهد مران الفريق الأول لكرة القدم بالإسماعيلى مشاركة 19 لاعبا فقط ، وذلك فى أعقاب قرار المدير الفنى إيهاب جلال بمنح اللاعبين الذين شاركوا فى لقاء المصرى الأخير وانتهى بانتصار الدراويش راحة لمدة 48 ساعة.
Powered by Vivvo CMS v4.1.5.1