إسماعيلي إس سي - i s m a i l y S C - و الخيبة مربعة و الحلو في المزرعة

و الخيبة مربعة و الحلو في المزرعة

حجم الخط Decrease font Enlarge font
image

اظنك زي حالاتي يا سعادة القارئ العزيز ....تعتقد ان خيبة الاسماعيلي ( او

اللي كان  اسماعيلي زمان ) ... هي خيبة مربعة الابعاد

لو الفريق لم يهدف .. من الصعب ان يهدف

و لو الفريق جاب جول ... من الصعب يحافظ عليه

ولو الفريق  اتعادل .. من الصعب ان يسجل تاني و يفوز

و لو الفريق متأخر و لو بهدف .. من الصعب ان يتعادل

ليه .... تعالوا نحسبها سوا ... و واحدة واحدة

 الاسماعيلي لعب 19 مباراة بالموسم المهبب ده .. جاب 17 جول  و دخل شباكه 23 جول .. يعني لا هجوم  و لا دفاع و لا وسط و لا خلف  

فريق كله من ماركة اللاعب ( الكتيان ) ... اللي هو  عارف انه ساقط ساقط ..حتي لو غش الامتحان كله من اشطر طالب يجلس بجانبه 

حالة غريبة من الكأبة والحزن و فقدان الثقة  داخل النادي الاسماعيلي ... مفيش حاجة ممكن تخليك تبتسم و ممكن تنزل دموعك لو عرفت التفاصيل  

و سعادة الناظر ( محترز اخر احتراز ) و قاعد في المزرعة و سايب النادي في ايدين   خلف و تامر و الثلاثة ( مع انهم اتنين ) ... لا بيهشوا و لا ينشوا  الا من غير تليفون نعمل ايه يا سعادة البية  ... اما باقي المجلس السلاحفي ..خلاص سلموا النمر ... و لابسين مع الكمامات,,, طراطير طراطير 

    كما ان عملية ادارة نادي في حجم الاسماعيلي  بجماهيريته و مشاكله و طموحات جماهيره .. محتاجة فدائيين بمعني فدائيين بجد ... مش محتاجة مجموعة خرس بيحكمهم و يتحكم فيهم  واحد اطرش

شكل الفريق كله ... حاجة تغم النفس و تجيب الاكتئاب

 العملية مش عبد الرحمن مجدي و لا باهر المحمدي و لا لاعب تونسي اسمه (الروج ) ... مش زي لاعب تونسي تاني اسمه رفيق كابو في وادي دجلة

 ده الفريق بين من اختار ( الروج او المونكيير ) و بين  من اختار ( مقاتل ) تونسي اخر اسمه كابو ...كاد ان يجيب سكتة قلبية لنا في الدقيقة  94 من المباراة

الاسماعيلي من بداية الموسم و هو بيعاني وسيظل يعاني الي نهاية الموسم و ربنا يسترها معانا .. و ما يفضحناش

 فيه نقطة غريبة جدا جدا .. و نركز سوا

 الفريق بيتمرن كل يوم  و ساعات  مرتين في اليوم

و كل اللي بيوصف المران من مراسلين المواقع بتقول عبارة واحدة هي

واختتم المران بتقسيمة حماسية بين اللاعبين وتوقفت عدة مرات لاصلاح الاخطاء وحرص كل لاعب علي ارضاء و لفت نظر المدير الفني

 يا ليلة سودة يا ولاد .... هي كل يوم العبارة دي فعلا في كل المواقع و صفحات الفيس بوك

وايه النتيجة ... العك اللي بنشوفه ده  .. هي ده النتيجة للتقسيمات الحماسية بين اللاعبين

 الاخطاء هي هيه في كل مباراة و لاعبين جايين من تحت الكوبري بعد ما شموا ( كولة ) و جهاز فني ما لوش فيها ( شوفت التغييرين في الدقيقة 87  يا عزيزة )  وقبلها تغيير الشامي في د 62  اللي ما لمسشي كورة اصلا.. تغييرات فككت كل الصواميل المفككة اصلا  

شفتوا  نسبة التمرير الخاطئ و افشل تمرير و تسليم و تسلم لواحد رجليه الاتنين شمال   و فشل التسديد في الهوا و لا فرح العمدة ...  شفتوا الفضيحة ام جلاجل في التغطية الدفاعية  و الانفرادات  بالجملة للفريق الجلاوي   .... شفتوا الجماهير كانت تتمني ان تمر اخر خمسة دقائق بالتعادل و فين .. في استاد الاسماعيلية 

شوفتوا وصلنا لحد فين ... يا عمنا يا اللي في المزرعة و الباقيين في بيت الزواحف

 الهدف اللي احرزه احمد مدبولي هدف جميل و من تحرك رائع من تمريرة مدحت فقوسة .. لكن بيفضح الجهاز الفني كل الفضيحة ..لانه لم يرتب لاعادة نفس الجملة و لو لمرة تانية .. هي مرة واحدة زي شربة زيت الخروع و مع ان الجهاز الفني عنده حلول في عبد الرحمن مجدي اللي بيموته ببطء ولا زم يخرجه كل ماتش علشان يقول العيب عند مجدي مش عندنا

 الاسماعيلي بيختفي وادارة السلاحف في البلالة خالص ... وجماهيره بقت (فافي ) خالص و بعد ما شالت نعش حسني عبد ربه وهزت مصر علشان عودة الاسطورة رضا ... بقت جماهير مشمش خالص وبتقول سلامتك يا حبيبي يا محمود يا متولي ... وعمري ما حانسي بركات ويا حلاوتك يا ابن النادي 

الاسماعيلي بيختفي وادارته بتطلع لسانها وجماهيره بتتحول الي غازات... بتبقي جماهير ننوسة خالص

 مين يرجع لنا الاسماعيلي وجماهيره .. مين    

قبل ما نختم .... هو كان فيه لاعب موقوف اسمه عمر الوحش .. دلوقتي بقي اساسي وكابتن الفريق ... حد كان عارف ليه و بقي كده ليه ولكنه السمك اللبن التمر الهندي ..طيب حازم مرسي وحش يا ناس .. و  خلي الحلو في المزرعة و الخيبة مربعة 

واللهم لا نسالك رد القضاء ولكن نسالك اللطف فيه   

وانتهي الكلام خارج المقرر    

جديد إس سي
image

علاء وحيد , متحدث اعلامي للنادي الاسماعيلي

قرر مجلس ادارة النادي الاسماعيلي تعيين الاستاذ علاء وحيد في منصب المتحدث الاعلامي لمجلس ادارة النادي الاسماعيلي  و نرجو للاستاذ علاء وحيد كل التوفيق في منصبه
image

إصابة مخلوف و د.اسلام بفيروس كورونا

كتب ميدو حسين ... اظهرت التحاليل اللازمة للكشف عن فيروس كورنا عن ايجابية تحليل الللاعب محمد مخلوف و الدكتور اسلام محسن من الجهز الطبي و ذلك
image

وفاة ابو الأشبال محمد حسن سونة

 | يتقدم موقع اسماعيلي اس سي  بخالص العزاء في وفاة المغفور له كابتن "محمد حسن سونة"  مكتشف النجوم واحد ابرز مدربى النادى على مدار سنوات
image

الإسماعيلي يؤجل احتراف «المحمدي»

أبلغ مجلس إدارة النادي الإسماعيلي، برئاسة إبراهيم عثمان، باهر المحمدي، مدافع الفريق، برفض فكرة احترافه بداية من الموسم المقبل. وتلقى المحمدي عدة عروض من بعض الأندية
image

الاسماعيلي يواصل المران لمباراة الاثنين القادم

واصل فريق الدراويش مرانه اليومي استعدادا لمواجهة نادي انبي يوم الاثنين المقبل على ملعب بتروسبورت بالقاهرة الجديدة في الاسبوع 28 من الدوري المتاز موسم 2019/2020
image

عودة هاشم و ايمن و اسامة و استمرار غياب صادق و المحمدي

من المقرر عودة اللاعبون سيد هاشم و احمد ايمن للفريق في مباراته امام فريق انبي يوم الاثنين القادم في الاسبوع 28 من الدوري العام
image

تقسيمة ودية .. إسماعيلى (ب) يفوز على الفريق الأول

فاز فريق إسماعيلى (ب) على الفريق الأول بهدفين مقابل هدف فى المباراة الودية التى جمعتهما مساء اليوم ، خلال التقسيمة الودية التى اقيمت مساء اليوم باستاد الإسماعيلية.
image

صحوة في المشاركة بالجمعية العمومية للنادي الاسماعيلي

يلاحظ ان هناك رغبة من عدد من جماهير النادي الاسماعيلي في المشاركة بعضوية الجمعية العمومية للنادي الاسماعيلي
image

ريكاردو: الإسماعيلي يعاني بدنيا.. وهذه رسالتي لحمص

كشف البرازيلي ريكاردو المدير الفني للإسماعيلي، عن قصور في النواحي البدنية لدى لاعبي الفريق الأول لكرة القدم. وقال ريكاردو في تصريحات صحفية إنه سعيد بالروح القتالية
image

الجمعية العمومية للاسماعيلي 27 اكتوبر

حدد مسئولي النادي الاسماعيلي يوم 27 اكتوبر 2020 كموعد لدعوة اجتماع الجمعية العمومية للنادي الاسماعيلي للنعقاد
Powered by Vivvo CMS v4.1.5.1