إسماعيلي إس سي - i s m a i l y S C - نفرح مش قوي و نهيص بس مش كتير

نفرح مش قوي و نهيص بس مش كتير

حجم الخط Decrease font Enlarge font
image

ايوة العقل يقول كده : نفرح بس مش قوي و نهيص بس مش كتير...

فوز جميل و 3 نقاط حلوة .... بس من طنطا و هو دفتر توفير الموسم الحالي
اتصور ان اجمل من الفوز ان جاء الفوز بثلاثة اهداف - منهم هدفين  باقدام عبد الرحمن مجدي .. وهو اللي صنع الهدف الثالث بالتسبب في ضربة جزاء ,, احرز منها الوحش الصغير الهدف الثالث ... يعني عبد الرحمن مجدي  هو ابو ثلانة اهداف وابو 3 نقاط في عين العدو

 عايزين تعرفوا مين هو العدو ... اقول لكم و بالدليل الافتراضي

 في الدقيقة 6 ... استلم عبد الرحمن مجدي الكرة في الجناح... من تمريرة معلمة من المعلم احمد مدبولي ... ولكن تلعثم و تلخبط و تخلبط و تشخبط  بين اقدامه 

العدو بقي لو كان في المدرجات ( افتراضا )  ... كان سمع  عبد  الرحمن مجدي .. هتاف من المنقي خيار ... و كان فقد التركيز تماما ... و كان نسي اسمه و اسم اخوه و اسم الحلاق اللي بيحلق له تسريحة فرشة البلاط اللي في شعره 

عرفتوا بقي مين العدو 

 العدو هو يا حضراتي الاعزاء .. هم بعض فلاسفة الجيل الرابع من جماهير الدراويش و لسانهم زي الكرباج و عندهم ورم نفسي غريب و نفسنة  علي كل لاعب  في الفريق.. يشم نفسه  شوية

فين ايام الجماهير اللي كان كل لاعب له اغنية و له نداء مخصوص - رضا ( العب يا رضا ) علي ابو جريشة ( علي يا علي ) - حازم ( يالا ياحازم  صحي النايم ) - حمزة ( اوعي يجي لك حمزة ) .. نوح ( يا ابو العيون السود يا حمدي ) .. السلحدار ( ولع الملعب نار ) ... احمد الجمل ( ادلع يا جمل ) ... حتي محمد فضل الاحمر كان له نداء واغنية ... وعبد ربه انتظروا لما اعتزل غنوا له ( رئيس النادي اهو ) 

كانت جماهير دعم  للصاعدين و دلع للنجوم .. و لكن حاليا  كل واحد  عنده عقدة و شنيطة وبيخرجهم علي اللاعبين

  بعض جماهير الفيس اليومين دول .. مهتمها غريبة وعجيبة في تكسير نفسية اللاعبين .. وعلشان كده ...  لو كانت الجماهير موجودة في المدرجات فرضا .. لا كان عبد الرحمن مجدي هدف د 10 و 85 و صنع هدف د 55

واحد يقول لي  ( يا كابتن لطيف ) .. مش دول اللي انت سلختهم في الكلام خارج المقرر اللي فات و قلت عليهم .. قرود .. ايوة طبعا .. لانه كان لعب قرود ... عايزين مثال ... حاضر 

 في الدقيقة 85 .. شوف تمريرة محمد الشامي الي عبد الرحمن مجدي  و اللي جاب منها الهدف الروعة بالمرزبة الشمال و في البعيدة و بتزغرد الكرة داخل الشباك

و طوال ما نزل الشامي في مباراة حرس الحدود بالدقيقة 46 ولعب 53 دقيقة  .. فاكرين لعب الشامي كان ازاي - تنطيط و لف و دروان و عجين الفلاحة و كان مش عارف حتي يقشر الفول السوداني و بياكله بقشرة

  في ماتش حرس الحدود كان الشامي  مش شامي .... قول بلدي قول سحلة قول جراية ... لكن لما يمرر تمريرة زي دي نقول عليه غزال كمان

 سؤال اعتراضي غتت لامؤاخذة : هو باهر المحمدي فين ؟؟؟؟؟

  .. ما علينا .... بكرة نعرف

وبصراحة النهارده كان فيه لاعب مش عادي - سوبر ومحترم وفدائي ومسمار مختفي - الكابتن عماد حمدي

بصراحة الرجل ده كله رجولة الزمن الجميل و أعلي لاعبي الاسماعيلي اداء و اخلاص و ثبات المستوي 

كل التحية و التقدير لعماد حمدي .. اللاعب الراجل المحترم 

كمان تحية واجبة للاعب المحترم الصاعد احمد ايمن واللي خلع قلوبنا في الدقيقة 6 وخفنا عليه من تردده بالاتطام بالعارضة وكلنا افتكرنا اصابة باهر المحمدي في الدقيقة الاولي من مباراة الجونة يوم 9 مارس الماضي ... الف الف سلامة عليك يا ابو حميد يا ايمن

 ثلاث اهداف حلوين و3 نقاط هايلين .. وحنفرح قوي ونهيص قوي ... لما نرجع منصورين بالفوز علي الاتحاد السكندري يوم الاثنين القادم باذن الله تعالي

قولوا يا رب  

 وساعتها حنرجع ونغني ونقول : ادهم يا سلحدار ...  ولع الملعب نار

والاهم يا كابتن ادهم يا سلحدار ان تدرس عملية التوهان اللي حصلت في الدقائق 25: 39  72 :84 .. الاتحادوية ما بيهزروش

ومنتظرين واحنا معاهم 

والف الف مبروك علي الفوز والثلاث نقاط        

و انتهي  الكلام خارج المقرر   

  

جديد إس سي
image

الرجاء يستضيف الاسماعيلي 11 يناير في إياب قبل النهائي العربي

كتب ميدو حسين .. حدد الاتحاد العربي لكرة القدم يوم الاثنين , 11 يناير 2021 , موعد لاقامة مباراة الإياب للدور قبل النهائي للبطولة العربية , بإستضافة فريق الرجاء المغربي لفريق النادي الاسماعيلي
image

تجربة محمد فوزي للمشاركة في مباراة المقاصة الودية

كتب ميدو حسين ... من المقرر ان يخضع محمد فوزي حارس الاسماعيلي لاختبار طبي خلال ساعات من اجل تحديد مشاركتة امام المقاصة الودية
image

تصعيد حارس شباب الدراويش للفريق الاول

كتب مؤمن مجدي ... قرر الجهاز الفنى لفريق الاول بالنادى الاسماعيلى بقيادة البرازيلى هيرون ريكاردو تصعيد حارس شباب الدراويش عبد الله جمال للفريق الاول اليوم
image

تاجيل لقاء قمة الاسبوع فى دورى الجمهورية غدا

كتب مؤمن مجدي .. قرر اتحاد الكرة المصرى للكرة القدم تاجيل لقاء الاسماعيلى و الزمالك مواليد ٩٩ فى افتتاحية دورى الجمهورية المقرر اقامته غدا على ملعب هيئة قناة السويس بالاسماعيلية
image

رائعة نادر اسكندر عن رحيل الكابتن علي أغا - فيديو

في ذكري رحيل الكابتن علي أغا - رحمة الله عليه ,, يكشف موقع اسماعيلي اس سي النقاب ,, عن رائعة الفنان الكبير نادر اسكندر
image

قائمة الاسماعيلي الأولي

من المقرر أ ن يرسل مسئولي النادي الاسماعيلي قائمته الاولي و التي تشمل اسماء اللاعبين المستمر تعاقداتهم مع النادي بانتهاء اليوم 30 نوفمبر و تستمر القائمة الاضافية ( الجدد ) الي يوم 6 ديسمبر
image

الذكري 34 لرحيل حارس الدراويش علي أغا – رحمة الله عليه

يمر اليوم 34 عاما علي رحيل الكابتن علي أغا حارس الاسماعيلي – رحمة الله عليه و الذي رحل عن دنيانا في فجر اليوم الاول من ديسمبر 1986
image

الاسماعيلي و المقاصة يوم السبت 5 ديسمبر .. وديا

اتفق لجهاز الإداري لفريق الكرة الأول بالنادي الإسماعيلي مع نظيره بنادي مصر المقاصة علي خوض مواجهة ودية بين الفريقين يوم السبت القادم

الفريق في راحة سلبية غدا الاثنين

كتب ميدو حسين ... قرر الجهاز الفني بقيادة البرازيلي هيرون ريكاردو منح لاعبي الفريق الاول بالنادي الاسماعيلي , راحة سلبية من المران غدا الاثنين
image

الاسماعيلي يفوز 2-1 علي البنك الاهلي

انتهت المباراة الودية بين الإسماعيلي والوافد الجديد البنك الأهلي بفوز الدراويش بهدفين مقابل هدف
Powered by Vivvo CMS v4.1.5.1