إسماعيلي إس سي - i s m a i l y S C - عندما يدير النادي .... الحاج عجة

عندما يدير النادي .... الحاج عجة

حجم الخط Decrease font Enlarge font
image

مستحيل ان تقوم للاسماعيلي قومة و يتحكم في النادي الحاج عجة

... و معاه شوية قراطيس و يشجعهم شخاليل

كان لازم نتغلب من الاتحاد السكندري و بفضيحة كمان و رايح جاي كمان و 3-0 رايح و 3 جاي كمان

 بسبب ادارة النادي الاسماعيلي  

و اقول لكم كمان ...  حنتغلب من اي فريق يغلق منطقة جزاءه .. و لدرجة انه اتحسب للاسماعيلي 11 ضربة ركنية  بسبب صحوة قلبي دفاعهم حارسهم و عماد السيد

تعالوا نشوف الهدف الاول للاتحاد د 10  و موقف الحارس الغلبان التعبان  محمد مجدي .. و كرة بالونة و راسية اي كلام من الايفواري سيسيه ... رايحة بعيد قوي في البعيدة

و قلب دفاع الاسماعيلي - اصنام قريش  ايساف و نائلة حاضنين بعض .. و حارس المرمي محمد مجدي واقف متسمر مكانه بمسامير قلووظ و لا حتي عمل تراي علي الكرة   

تعالوا بقي نشوف  في الدقيقة 68 و راسية زي الرصاص من الناشئ حازم خالد ... و طيران من مكانه حارس الاتحاد السكندري و كورنرو انقاذ بحرفنة

 

اظن عاجبك كده قوي يا عم الدولي ... بعد ما شخللت للحج عجة.. اخر شخللة  و لبسك الطرحة

و بوست فخاد الحاج عجة يا دولي ... يا خسارة الرموز و التاريخ

و علي فكرة كمان يا تاريخ ... الهدف الاول - بدايته كانت من محمد مجدي .. لانه شاط الكرة من غير تركيز وصلت لمهاجم الاتحاد بعد ال 18 بعشر ياردات و صنع الهجمة للجناح الايمن اللي رفع الكرة و احرز سيسيه الهدف- قبل ما يقف اي لاعب من دفاع الاسماعيلي مكانه مثل التمثال  

و كمان يا تاريخ ... الهدف الثالث لا يدخل الا في حارس شوربة ... و الاسماعيلي مش محتاج حارس مرمي و بوست فخاد الحاج عجة و طفشت عواد

و احصائية بسيطة ... الاتحاد لم يهزم الاسماعيلي رايح جاي من موسم 82/83 ..فازوا 3-1 ( السيد خورشيد و عيد احمد و الجارم و سجل للاسماعيلي محمد حازم ) .. وفازوا 1-0 بهدف محمد نور في الاسماعيلية

اما الحاج عجة مش عارف يحكم في حاجة خالص - تعالي يا باتريك كادو ...روح يا باتريك كادو ... تعال يا فخر الدين بن يوسف ... روح يا فخر الدين بن يوسف ... و الفريق داخل مطحنة بعد التوقف ... و النادي اصبح بلا ابواب و لادارة و لا بطيخ ... طالما بيديره الحاج عجة

و لحد النهارد ..مفيش حد فاهم ازاي الموسم لم ينتهي وفخر الدين يتمرد و يشترط و يتشرط ... هو مش التعاقد طوال عمره مرتبط بنهاية الموسم و خاصة ان الايقاف كان لظروف قهرية ,,, و الا اللي تعاقد مع فخر الدين ... الحج عجة 

كمان المدافع باهر المحمدي ... فين في مصر و الا فين و مصاب والا صحيح و شبعان و الا جعان و متغطي و الا عريان .. محدش فاهم حاجة .. و لا الحج عجة

و شخاليل الحج عجة علي الفيس بوك شغالين شتيمة في باهر المحمدي ... علشان الحج عجة يبيع و يفيد و يستفيد

و حاقول حاجة بعلو صوتي

لما تشتم لعيب و تتمني ان تحقق له امنيته بالرحيل يبقي انت من شخاليل الحاج عجة  بدرجة امتياز

 علشان لما بيرحل لعيب ... بيبوظ اعصاب و تركيز باقي اللاعبين و الفريق

ده غير انك بتبقي من شخاليل الحج عجة... و انت تدري و عارف كده كويس    

 طيب حاقول لكم حاجة غريبة جدا جدا ... الاتحاد السكندري لم يكن له كرة خطرة واحدة ... غير هدفين و نصف و من النصف جاب الهدف الثالث من ضربة جزاء و ده معناه ايه 

معناه ببساطة لو لعبت امام فريق هجومي و به هدافين و صانعي العاب ... يوم الفريق حيبقي اسود من  قعر الحلة الهباب و من قرن الخروب

و الاتحاد السكندري  سجل الهدف الاول و الثاني وسط سيطرة للاسماعيلي و لكن سيطرة كاذبة تماما - لان كراتهم مقطوعة و تمركز السكندريين كان افضل 100 مرة و تشعر ان عدد لاعبي الاتحاد ضعف لاعبي الاسماعيلي

ده ليه

لان عندك لاعبين قدراتهم كده و امكانياتهم كده .. و مش ذنبهم علي الاطلاق .. لان الحج عجة و قراطيسه و شخاليلة متحكمين في كل اركان النادي

و بصراحة الحج عجة ... ضرب كل الارقام القياسية في النادي ...15 مدرب في 4 موسم و اكثر مدرب بقي مع الاسماعيلي هو الفرنسي ديسابر 170 يوم و علشان كده الحج عجة ..حشه زي ما يحش البرسيم ... سيبكم ان الفرنسي جوميز قد 230 يوم .. لان كان اكثرهم كورونا

و كمان ضرب الحج عجة ... الارقام القياسية في عدد اللاعبين بعدد 140  لاعب دخلوا و خرجوا من النادي في اربع سنوات

عايز تدور فين عن الاستقرار او الفهم او تعرف هو فيه ايه ..مش حتعرف

رجاء اخير ... بلاش تشخلل مع الشخاليل  للحج عجة .. علشان يبيع  باهر المحمدي  والا غيره

و الا ستكون الحج عجة ... رقم 2 

و لا حول و لا قوة الا بالله العلي العظيم     

و انتهي كلام خارج المقرر       

جديد إس سي

فريق الصالات ينظم وديتين استعدادا لمواجهة الدرب الاحمر بالدورى

كتب مؤمن مجدي .. اتفق الجهاز الفنى لكرة الصالات بالنادى الاسماعيلى على مباراتين وديتين  استعدادا لبداية دورى الصالات مع فريق الدرب الاحمر يوم التاسع عشر
image

مجدي الباز رئيس الجهاز الطبي بالإسماعيلي

تقرر عودة  الدكتور مجدي الباز لرئاسة الجهاز الطبي بالنادي الاسماعيلي بالتنسيق مع الكابتن طلعت يوسف المدير الفنى للفريق . و تولي مجدي الباز  العمل و رئاسة
image

باب الترشح يغلق غدا و المفاجأت واردة خلال 24 ساعة

من المقرر أن يغلق غدا في الخامسة من مساء الاربعاء, باب التقدم بالأوراق للترشح عي مقاعد مجلس ادارة النادي الاسماعيلي

مصيلحي نجم الإسماعيلي ينضم للمريخ البورسعيدي في صفقة انتقال حر

انتقل نجم النادي الإسماعيلي وفريق 99 اللاعب محمد مصيلحي لصفوف  نادي المريخ البورسعيدي في صفقة انتقال حر مدتها  3سنوات جاء ذلك بعد تخلي مجلس ادارة
image

"لا نية للتأجيل".. وزارة الرياضة تؤكد إجراء الانتخابات في مواعيدها

أعلنت وزارة الشباب والرياضة، أنها ستجري مجموعة من التعديلات اللائحية بشأن انعقاد الجمعيات العمومية للهيئات الرياضية لإجراء انتخابات مجالس إداراتها، مشيرة إلى أن انتخابات الهيئات
image

وحيد يكشف حقيقة الخلافات بين طلعت يوسف واللجنة الفنية

أكد علاء وحيد المتحدث الإعلامي للنادي الإسماعيلي، أن طلعت يوسف المدير الفني للفريق الأول لكرة القدم، يعلم جيدًا الظروف التي يمر بها النادي. وقال علاء وحيد
image

ملايين اضاعتهم الشاورما ... ابو اليزيد يرحل مجانا للقناة

نجح نادي القناة في التعاقد مع إبراهيم أبو اليزيد لاعب النادي الإسماعيلي، في صفقة انتقال حر لتدعيم صفوفه مع المدرب الجديد له علاء عبد العال. وكانت
image

الإسماعيلي يفحص ملف الأجانب

 كلف مجلس إدارة النادي الإسماعيلي اللجنة الفنية برئاسة علي أبو جريشة وبالتنسيق مع المدرب طلعت يوسف بفحص ملفات المحترفين التونسي مروان الصحراوي والأنجولي آري بابل
image

اليوم الكامل في الدراويش

طلعت يختبر الشباب في ودية حطين.. والإعارة مرفوضة  قرر الجهاز الفني للإسماعيلي تطبيق نظام اليوم الكامل في الوحدات التدريبية للوصول لأفضل فورمة بدنية وفنية تؤهل لاعبي
Powered by Vivvo CMS v4.1.5.1