إسماعيلي إس سي - i s m a i l y S C - سلاحف جلدها تخين لا بتفهم و لا تحس

سلاحف جلدها تخين لا بتفهم و لا تحس

حجم الخط Decrease font Enlarge font
image

اتمني ان اجد شخصا قادرا علي تصور ما في عقل المهندس

ابراهيم عثمان و المهندس تامر موسي و الاستاذ المبجل محمد خلف

اكيد الثلاثي دول عثمان وتامر وخلف ... عرفوا ان الاسماعيلي خسر المباراة الثالثة عشر وبالثلاثة للمرة الكام بالموسم ورايح جاي من كام فريق وعليهم كام هدف وعليهم كام هدف ... يا تري يا هالتري ... بيفكروا في ايه ولو اتكلموا مع بعض , حيقولوا ايه

 الثلاثي دول يا حضرات عثمان وتامر و خلفوشة.. هما المتحكمين في النادي الاسماعيلي من الالف الي الياء .. وباقي مجلس ادارة النادي شخاليل بهاليل واحسن وصف عليهم فعلا انهم سلاحف خرساء ومعروف عن السلاحف ان جلدها تخين لا بتشعر ولا تحس ... وتلاقي الباقي فارس وعطيطو ورسلان والكلية ومحمد فياللي يا للي للي .. دخلوا جوه ودعتهم  ( ودعة السلحفاء ) وسحبوا راسهم و لموا ديلهم الصغير الي داخل الودعة .. وقالوا : احنا مالنا احنا لا بندير ولا بنهبب .. و لاحتي بنتشتم ... احنا الشخاليل البهاليل الشلاشيل وأشرجية وكمسارية مية مية ..المهم يكون الكبير راضي وده الشئ المامول والمعلوم وطالما المعلوم موعود محدود ومش مجهول .. تعيش سلطان ولو حتي كان شكلك بهلول ولابس طرطور 

الاسماعيلي ده بتاع العثمانيين وبتاع ابراهيم عثمان ( الكلام مازال للشخاليل البهاليل ) واحنا مالنا ومال ابونا .. لان ابونا ما لوش تمثال يترش عليه بالاسبراي ... احنا في السليم وهو بس اللي في المدغدغ وفي المزرعة ينام و يتمرمغ واصابعه في كل مكان

وشوف يا عزيزي القارئ ... اوعي تكون مش فاكر ان الهزيمة من فريق بيراميدز ده شئ مش طبيعي ..... وده طبيعي جدا جدا وبدون حبوب و بلابيع كمان .. لان فريق الاسماعيلي لا يوجد فيه لاعب واحد يساوي 0.00001% من لاعب واحد او نص لاعب من فريق بيراميدز ... ولازم بيراميدز يغلبك بره ارضه في الدور الاول بواحد صفر ..  علي ارض الاسماعيلي 3/1 ..ده طبيعي جدا جدا 

بيراميدز يا سادة ليست له جماهير ... منهم شوية شخاليل ( قلة مندسة تحك لها علي مناخيرك ,,تقطع لك هدومها  )  شتمت نمرة 7 وطلعت عين اللي جابوه .. علشان ابراهيم عثمان يتلكك ويتحسوك ويبيع ابراهيم حسن الي الزمالك و يتحكم علي الاسماعيلي 25 مليون جنيه غرامة ولا حد فاهم ايه اللي بيحصل او حيحصل ..غير لما الستارة تنزل

ابراهيم حسن اليوم اثبت انه لاعب من طراز فريد بيشوف بقفاه ولولا قائم مرمي ( محمد فوزي ماما زمانها جاية ) د 80 ... كان الجول الرابع جاب معها بعد شوية لعب وحاجات.. ولو كان بيراميدز عايز يجيب 7 اهداف كان عملها بنسبة 100% مش اي كلام والحارس محمد فوزي هو احسن لاعب في الاسماعيلي اليوم رغم انف مدربنا الدولي اللي كان بيقول عليه مش موهوب ... وانقذ محمد فوزي 3 او 4 اهداف محققة 100% مش اي كلام بالدقائق  31 و 33 و 45 و القائم د 80  

بيراميدز يا سادة .. ليس عندهم مثلا :  محمد حمدي زكي اللي نسيناه اصلا ... اصبح لاعب اساسي زي ساسي الزمالك .. وعماد حمدي اللي كان اساسي ... بقي احتياطي وعمر الوحش اصبح اساسي وشيلونجو كان اساسي بقي اشاشي شاشي و انت ما تدراشي ... يا جدع ... وجية عبد الحكيم يلعب ماتشين هوبا بره .. محمود عبد الله ..كان كويس هوبا بره .. العب ده وشيل ده و 6 مدربين في الموسم الواحدو لا كاننا بنلعب حكشة  .... ايه العك و السبهللة دي ... علشان مفيش حد يقدر يقول ( بم ) للثلاثي عثمان و خلف الحبايب و تامر حسني موسي

الاسماعيلي وصل لمرمي الخصم النهاردة - لكن فين محمد صلاح ابو جريشة ولا محمد حازم ولا محمد حسن ابو جريشة او حتي احمد علي ..مفيش غير لعيبة كتعاء عرجاء صماء دعاء و دلال ... مين يخلص بعد ما حرق عثمان الاخضر و اليابس والقالع واللابس ومعاه الدولي العتيد اللي مش عايز حراس مرمي اصلا ... خلاص مفيش مفيش.. 8 او 9 كورنر ومعاهم خمس انذرات و فريق بيلعب حكشة و تلات طوبات وعنكب وشد واركب ... سبحان المعز  المذل  

شايفك بتقول ... هو احنا حنهبط و الا ايه

 كفاية الذل و الهوان اللي في السؤال يا عزيزي القارئ والسائل لما تسأل : الاسماعيلي هيهبط و الا ايه

و كمان تلاقيك ماسك ورقةو قلم و بتشوف بقية الفرق حرس الحدود و المصري و مش عارفين .. حيلاعبوا مين  

 لكن انا ارد عليك و اقول : الله سبحانة و تعالي , أعلم وهو الوحيد الواحد الذي يعلم الغيب

لكن اسألك انا سؤال ... الاسماعيلي عنده باقي  6 مباريات ..تفتكر ممكن يفوز علي مين ؟؟؟؟ المصري ولا اسوان ولا طلائع الجيش ولا سموحة ولا الزمالك ولا الانتاج الحربي

هه ... اسمع اجابتك لو سمحت 

بصراحة اي اجابة غير ( الاسماعيلي غير قادر علي الفوز او حتي بتفكر في كده ) تبقي اجابة متفائلة جدا جدا ... الشكل العام يؤكد ان الفوز بثلاث نقاط علي اي فريق  ..هو حلم كبير و امل ضعيف جدا

و ربنا يسترها معانا علشان الجماهير الغلبانة فقط

 احب افكرك بحاجة يا عزيزي القارئ .. الاسماعيلي لما نجا من الهبوط في نهاية موسم 78/79 بعد مباراة المقاولون العرب الشهيرة وكان في المركز العاشر من 12 فريق ومن بعدها اعتزل النجوم الكبار - كان عنده لاعبين صاعدين يهدوا احسن فريق في مصر و في الموسم الذي يلية حصل الصاعدين علي المركز التاسع من 16 فريق ... لانه كان بيدار من القاهرة و هي زي المزرعة بالظبط 

ربما يسترها معانا ... وينتقم من كل ما تسبب بالضرر للنادي الاسماعيلي و اصاب الجماهير بالغم و النكد و الحزن

قولوا امين .. من قلوبكم   

وانتهي كلام خارج المقرر      

جديد إس سي
image

القناة والكهرباء والمريخ والشهداء يجهزون الاسماعيلي للانتاج

اتفق الجهاز الفنى للنادى الإسماعيلى بقيادة إيهاب جلال، على إقامة 4 مباريات ودية استعدادا لمواجهة الإنتاج الحربى تبدأ بمواجهة القناة الأحد المقبل، ثم مع كهرباء
image

ايهاب جلال يجتمع مع باهر المحمدى وعماد سليمان

استأنف فريق الكرة الأول بالإسماعيلى، تدريباته مساء الخميس، ضمن برنامج الإعداد لاستكمال مشواره بمسابقة الدوري الممتاز من أجل علاج الجهاز الفنى الجديد بقيادة إيهاب جلال
image

اسماعيلي 2006 يفوز 2-1 علي المقاصة

فاز فريق الإسماعيلى مواليد ٢٠٠٦ على منافسه مصر المقاصة بهدفين مقابل هدف في المباراة التي جمعتهما على ملعب الأخير، ضمن منافسات دورة تحديد المراكز من
image

الاسماعيلي يخوص 4 مباريات ودية خلال فترة التوقف

من المقرر ان يخوض فريق الاسماعيلي  اربعة مباريات تجريبية  خلال فترة التوقف الحالية لمسابقة الدوري الممتاز وحدد الجهاز الفني بقيادة الكابتن ايهاب جلال  مواعيد المباريات ستكون
image

لإسماعيلي يجهز باهر المحمدي استعدادا لمواجهة الإنتاج

قرر إيهاب جلال، المدير الفني للنادي الإسماعيلي، مشاركة الكابتن باهر المحمدي، للقاء الإنتاج.
image

الإستقرارعلى خوض 4 وديات استعداداً للإنتاج الحربى

استقر الجهاز الفنى للنادى الاسماعيلى بقيادة ايهاب جلال على خوض أربعة مباريات ودية استعداداً لمواجهة الإنتاج الحربى المقرر لها الأول من مايو المقبل على استاد
image

اسماعيلي 2006 يتفوق على المقاصة بثنائية

كتب مؤمن مجدي ... فاز فريق الاسماعيلى مواليد ٢٠٠٦ على فريق مصر المقاصة بهدفين مقابل هدف فى المباراة التى جمعت الفريقين مساء اليوم على ملعب
image

هلت ليالي حلوة و هنيه .. و كل عام و حضراتكم بخير

يتقدم موقع اسماعيلي اس سي بكل التهاني و التبريكات الي كل المصريين و العالم العربي و الاسلامي بقدوم الشهر الكريم ، أعاده الله علي الأمة الاسلامية وعلي الجميع باليمن والخير والبركات ، جعله الله لكم شهر الحسنات والبعد عن السيئات
image

تجهيزحسين السيد و المحمدي لمواجهة الانتاج

الجهاز الطبي للنادي الاسماعيلي الزمن لتجهيز الثنائي باهر المحمدي و حسين السيد خلال فترة التوقف الجارية أملاً في اللحاق بمواجهة الإنتاج الحربي مطلع شهر مايو
Powered by Vivvo CMS v4.1.5.1