إسماعيلي إس سي - i s m a i l y S C - يا فرحة ( أم مريم ) بيك.. يا ريكاردو

يا فرحة ( أم مريم ) بيك.. يا ريكاردو

حجم الخط Decrease font Enlarge font
image

هما لقطتين ..يلخصوا المباراة .... و اللقطتين مش أهداف و لكن فيهم الخلاصة

 اللقطة الاولي  كانت في الدقيقة 30 و بعد التعادل 1-1 .. توغل و أبدع و راوغ و مرر عبد الرحمن مجدي و هدف يضيع من فخر الدين بن يوسف و مدحت فقوسة.. و يا سلام لما عبد الرحمن مجدي يلعلع  زي بشير عبد الصمد و لكن مفيش محمد صلاح ابو جريشة و لا ياسر عزت و لا علي ابو جريشة الكبيرو لا حتي عوض عبد الرحمن  .. كان الكرة زمانها في الشبكة و هدف هدفا جميلا  

 اللقطة الثانية و هي بالدقيقة 96 و في الثانيةالاخيرة الاخيرة جدا من اللقاء و الكرة ترتطم باسفل القائم  لحارس مرمي الانتاج الحربي من تسديدة عبد الرحمن مجدي  و الحكم محمود البنا  يصفر بانتهاء المباراة و حارس الانتاج احمد فتحي قعد ييصرخ بعدها و احنا صرخنا  كلنا  و قلنا : علي قدر نياتكم يا مجلس السلاحف ترزقون  

اومال فين المشكلة اللي خلت ( أم مريم ) تزعل و تقفل التليفون و لا ترد علي ابراهيم عثمان.. تاني  

 المشكلة هي دماغ البرازيلي هيرون ريكاردو ة  شادر البطيخ اللي معاه علي الدكة

 ازاي .. اقول لكم

 النهاردة شفنا جمل تكتيكية بتتعمل في الملعب .. و شفنا اصرار علي الفوز و اهداف  بالجملة من الاسماعيلي  و شفنا عودة اللي اللقاء مرة و مرتين فوز .. و تألق فوق العادة من  الحارس محمد فوزي و انقذ اكثر من هدفين انفراد كمان

 اومال فين المشكلة

لعب ريكاردو مبارة المصري  بتشكيل و التغييرات التالية

محمد فوزي - محمد بيومى - محمد هاشم - مروان الصحراوي - محمود البدرى  و عماد حمدي- محمود  دونجا - محمد عادل ( شكري نجيب د 76 )   و أمامهم الثنائي - أحمد مدبولى ( عبد الرحمن مجدي د 46) - آري بابل  ( مدحت فقوسة د 76)  - فخر الدين بن يوسف (  محمد الشامي 67 )

اما مباراة الانتاج الحربي لعب ريكاردو و شادر البطيخ  بالتشكيل و التغييرات التالية

لعب الاسماعيلي بتشكيل مكون من محمد فوزي و رضوان الشريفي و محمود دونجا و مروان الصحراوي و نادر رمضان و عماد حمدي ( محمد هاشم 38)  و مدحت فقوسة  ( محمد عادل 61 ) و عمر الوحش  ( محمد صادق 6)  و عبد الرحمن مجدي و فخر الدين بن يوسف ( شكري نجيب 77 )  و اري بابل ( محمد الشامي د 61 )  

 

طبعا كل لون له معني يعرفها من تابع المباراتين ..سواء من لعب اساسي او بديل  و في أماكن في منتهي الحساسية   ... بمعني هدم اي استقرار او انسجام من بداية التشكيل .. و طبعا حصل اصابة للكابتن عماد حمدي ( مفيش مشكلة مع تغيير اضطراري ) .. لكن مع العك و تغييرت ثلاثة في الدقيقة 61  و من بعدها فرط الملعب و الفريق فك  و هدفين للفريق الضيف د 80 و 85 .. يوضح شكل المكرونة بالبشاميل اللي عملها ريكاردو و شادر البطيخ علي الخط و بص شوف دونجا يلعب مساك و العبد لله بيكتب التشكيل .. تصورات ان التشكيل مرسل لي غلط  و سالت : بتقول ايه دونجا مساك .. متأكد ؟؟ دونجا بتاعنا مساك  !!! و لكن ظهر ان الاخ ريكاردو مش هامه حاجة طالما موضوع ( ام مريم )  طلع فايك و فايك علي فايك .. ما يروللش 

 و اهم نقطة هو لعب عمر الوحش من الدار الي النار و محضرشي العشا  اللي عزم فيه رئيس النادي اللاعبين و حلف - بتمثال ابوه- ما حيشمها الوحش الا لو تنازل و جدد ... الوحش جدد و تنازل و تنازل و جدد ... فلعب اساسي و هو ظلم للاعب و قدراته قبل ان يكون ظلم للفريق

و ارجعوا الي الدقيقة 46 و الجول مفتوح و النقاط العامية لحارس مرمي الانتاج كثيرة للزحمة من المدافعين و لكن عمر الوحش فاقد التركيز و اللياقة الذهنية و سدد كرة ضعيفة جدا جدا جدا و ضاع هدف من تخصص عمرالوحش ... قارنوا ذلك مع كرة و هدف محمد صادق .. من نفس النقطة و المسافة تقريبا .. لتعرفوا جيدا الفارق في الامكانيات و اللياقة الذهنية اللي افتقدها عمر الوحش بسبب ما تعرض له اخر اسبوع مع ان الوقت كان طويل جدا لانهاء مشاكله و تنازله و تجديده قبل بداية الموسم  بفترة ... يا سلاحف الغبرة  

 ايضا نادر رمضان ما شمهاش الماتش اللي فات ... العب اساسي يا نادر و شيل الطين و شيلنا  يا نادر.. و ادي دقني لوشفنا نادر تاني الا نادر و حتي رمضان القادم و لا العيد الكبير كمان و  هو المدافع الايمن صعب كده و مختاج ايه غير ذمة و اخلاق يا سلاحف 

 احمد مدبولي كان قليل الماتش اللي فات ... اطلع بره يا  مدبولي .. و مش عايزين صانع العاب و سيب منطقة ما بين دائرة الوسط حتي منطقة المناورات  ..ما فيهاش سريخ ابن يومين و العب و هيص يا عم مختار مختار .. و منها اعمل ثروهات يا انتاج و هدف و كمان و كمان

و من الدقيقة 8 الي الدقيقة 16 تراجع للاسماعيلي و هدف للانتاج و من الدقيقة 70 الي الدقيقة 80 تراجع للاسماعيلي و هدف للانتاج و كل ده و شادر البطيخ .. قاعد علي الرمل و مستني الزبون و الهدف الثالث للانتاج ... انت عامل ايه يا ريكاردو دلوقتي

 المشوار لسه طويل طويل يا ولدي و باين اننا حنشوف ايام اسود من قرن الخروب مع الفريق و الجهاز الفني و شادر البطيخ في التوهان و اي مطالبات في تدعيم الفريق في يناير القادم .. حيضيع في الهوا .. طالما فيها عوض و عليه العوض و منه العوض 

يا عدوي     

 

و انتهي الكلام خارج المقرر   

جديد إس سي
image

حازم و عبد الله اعارة للقناة لنهاية الموسم

كتب ميدو حسين ..وافق مسئولي النادي الاسماعيلي علي اعارة الصاعدين حازم مرسي و محمود عبد الله حتى نهاية الموسم الحالي .
image

قائمة الدراويش لمواجهة فريق الذئاب

أعلن الجهاز الفني للنادي الاسماعيلي بقيادة الكابتن ابو طالب العيسوي عن قائمة الفريق التي تستعد لملاقاة المقاولون العرب غد الاثنين في الاسبوع السادس المؤجل
image

في دائرة السنتر .. و غدا اخر فرصة للاسماعيلي

بقلم ا. محمد كمال حافظ .. بعد وداع فريق الاسماعيلي البطوله العربيه بثلاثيه نظيفه اذهلت كافة الفرق الافريقيه والاسيويه المتابعه امام الرجاء المغربي والذي لعب بدون مديره الفني والذي اصيب بفيروس كورونا اللعين
image

اسماعيلي 2001 يخسر من سيراميكا كليوباترا بدورى الجمهورية

كتب مؤمن مجزي .. خسر فريق الاسماعيلى مواليد ٢٠٠١ من فريق سيراميكا كليوباترا  باربع اهداف مقابل هدفين فى المباراة التى جمعت الفريقين عصر اليوم على
image

الإسماعيلي يدخل معسكر مغلق اليوم استعداداً لمواجهة المقاولون العرب

كتب :ميدو حسين..قرر الجهاز الفني لفريق الأول لكرة القدم بالنادي الإسماعيلي بقيادة أبوطالب العيسوي،دخول لاعبي إلي معسكر مغلق اليوم الأحد بفندق النادي ،ولذلك ضمن تحضيرات الفريق لمواجهة المقاولون العرب
image

احصائية لقاءات الاسماعيلى والمقاولون العرب بالدورى

بمناسبة إقامة مباراة الاسماعيلي و المقاولون العرب ضمن مباريات الاسبوع السابع و العشرين من عمر الدوري الممتاز موسم 2019/2020
image

الاسماعيلي 14 مع المقاولون 16 بحماية الأمن

لا يجد الكاتب وصف لحالة النادي الاسماعيلي و هو في المركز 14 بجدول الدوري و هو يواجه فريق المقاولون العرب في المركز 16 .. و علي الاسماعيلي ربما يتحول الذئاب إلي اسود الجبل
image

غياب عبد الرحمن مجدي أمام المقاولون

رفض الجهاز الفني للنادي الاسماعيلي بقيادة أبوطالب العيسوي المجازفة باللاعب عبدالرحمن مجدي خلال مواجهة المقاولون العرب القادمة لعدم تعافيه بشكل كامل من الإصابة. ويغيب مجدي عن
Powered by Vivvo CMS v4.1.5.1