إسماعيلي إس سي - i s m a i l y S C - لو خلف مجنون ’ هل طلعت يوسف أجن منه

لو خلف مجنون ’ هل طلعت يوسف أجن منه

حجم الخط Decrease font Enlarge font
image

قلنا نأجل كلامنا عن موقعة - محمد خلف طلعت يوسف - بعد مباراة الاسماعيلي و البنك الأهلي

و التي انتهت بالتعادل السلبي و بالرغم من النتيجة السلبية في حق الاسماعيلي و الدراويش

و لكن نقدر نقول : بأقل الخسائر انتهت الازمة و نرجو ان تكون ( ستنتهي علي خير ) .. لأن الأزمة مستمرة من قبل طلعت يوسف و خلف .. و الأزمة عايشة و معششة و معشقة في تلافيف تلافيف مجلس السلاحف ورئيسهم الهمام .. و أمتي نقول له باي باي مع السلامة يا عم الناظر و القلل القناوي - موجودة و مستعده لرحيلك  و رحيل السلاحف

المتش أنتهي و خلص و من حقنا نفكر و نحلل  موقعة الجمل و الجلابية  - محمد طلعت خلف يوسف

و قبل ما نبدء الكلام .. حنفترض فرض كحدث افتراضي .. علشان نمشي مع بعض واحدة واحدة

 فريق نادي الاتحاد السكندري - النادي العريق و الكبير - فجأة قرر حسام حسن ترك مران الفريق

 الاستاذ محمد مصيلحي رئيس النادي السكندري المحترم - قرر إستدعاء الكابتن طلعت يوسف  لتدريب الفريق

و ذهب الكابتن طلعت يوسف  ابن النادي ( مع اني لا استخدم تلك الكلمة و لا احبها ) الي ناديه الاتحاد السكندري و اتفق و قبض و استلم الشالية المعتبر  و بفيو علي السلسلة  و .... و ... و قال انه حيتولي المسئولية بعد الماتش القادم

فجأة وجد الكابتن طلعت يوسف شئ صعب جدا انه يتعامل معاه في نادي الاتحاد .. اي شئ حتي لو كان واحد زي خلف موديل الحضرة بالاسكندرية - السؤال هنا 

هل سيذهب طلعت يوسف و يجمع ملابسه من الشالية ( اللي إتشرط عليه و أختارأحسن شالية ) و اتحقق له كل ما يريده

و نادي الاتحاد السكندري - حالته صعبة و اللاعيبة حالتهم بالبلاء و البلي ... و عنده مباراة بعد 24 ساعة و الوضع كله صعب صعب   

طبعا مستحيل  الف مستحيل 

مش علشان طلعت يوسف خائف من رئيس الاتحاد السكندري هو  الاستاد محمد مصيلحي المحترم و مجلسه محترم في كيان محترم   ( احنا عندنا في الاسماعيلي شخاشيخ وبهاليل و شخاليل ) .. المولد كله

الكابتن طلعت يوسف  طبعا مش مجنون انه يرحل بطريقة ( الست المستخبية اسماعيل ياسين في مستشفي المجانين ) من نادي الاتحاد السكندري

 ليه

لان طلعت يوسف و من مثله و من شبهه - يعلمون تماما ان لحم  أكتافهم من نادي الاتحاد السكندري العريق  و لا يقدر  يرحل من الاتحاد - حتي لوفيه 100 خلف و خلف و خلف من غبريال و البياصة و زعربانة و شوتس

لكن طلعت يوسف ... لا يهمه الاسماعيلي و لا جمهوره و لا اللي جابوهم

 يعني كان ممكن يعمل ايه ..طلما قال انه لن يتولي  المسئولية في ماتش البنك الاهلي و الاسماعيلي اللي كان بعد اقل من 24 ساعة  من واقعة الهروب الكبير

كان ينتظر 24 ساعة و يقعد في المدرجات و يراقب الفريق ( حسب ما طلب هوه ..مش إحنا ) و بعد الماتش يقول .. شكرا مع السلامة

 ايه .. بتقول ايه ... ان ابنة الكابتن طلعت يوسف ..أصيبت  بفيروس كورونا المستجد ؟

طبعا نتمني الشفاء لأبنة الكابتن طلعت يوسف و شفاها الله و عافاها  و كل مصابي هذا الفيروس اللعين بفضل الله و كرمه  

بس هو سؤال

 هو مش الكابتن طلعت يوسف كان لا يعلم ان ابنته مريضة  شفاها الله و عافاها - ام اصيبت  و طلعت نتيجة التحليل و هو في الاسماعيلية

هل لو اصيبت  ابنة او ابن  اي مديرفني ... بالفيروس - عافانا و عافي الله تعالي الجميع - يستقيل و يهرب و يرحل المدير الفني

و خاصة ان العزل بيمنع الاختلاط او حتي يقف علي باب الأوضه و يسالها  صحتك ايهدلوقتي يا هااني  

هل لو كان  طلعت يوسف في ( ناديه الاتحاد السكندري ) و كانت هناك الاصابة ( 100%)  ..كان سيترك طلعت يوسف ’  الشاطبي و حتي لو كان بيته في المحطة التالية للترام في الازاريطة

  طب و المرسي أبو العباس كان الاسكندرانية الاتحادوية .... علموا عليه و  قفة المطاوي جاهزة و كانوا قطعوووه و شرحوووه و مع الاصوات المناخيرية الاسكندرانية الشهيرة ...ايووووه يا جدعان.. كانوا عملوه فلافل بالشطة

و بكل المقاييس ..الكابتن طلعت يوسف غلطان و الف غلطان و  خاصة انه جاي من الاسكندرية , مش من نيكاراجوا و عارف ان هناك خلف و 100 خلف  في الاسماعيلي  و تصرفه اوضح شئ واحد ... ان مفيش حاجة عندنا اسمها إحتراف .. لا لاعب و لا مدرب و لا ابراهيم عثمان 

نروح بقي لحبيب الكل ... سافو ...الكابتن معشوق الاسماعيلية و الشرقية و بلبيس ... السوبر ميجا ستار محمد خلف

 

  خلينا نتفق الاول .. ان الاستاذ الكبير محمد خلف لا يمكن يخطو خطوة داخل الاسماعيلي و خارجة ..من غير ما ياخذ اذن وتوجيه من الناظر بك

و كا مافي الموضوع .. ان الناظر بعد ما اتصور مع طلعت يوسف .. اتصل بمحمد خلف و قال له : بَسك عليه

يعني كل ما قاله  خلف .. هو كلام الناظر و المشرف علي الكرة من خلال - الايير بييس 

ربما - خلفوكش .. جود شوية من عنده - لكن داخل حدود النص تماما - لا يقدر يزود و لا ينقص .. التجويد من خلف هنا .. انه استغل طقاطيعه المسمسة الشرحة الودودة ... وابتسامته الساحرة دي .. مع مزيد في ألقاء مسرحي أخاذ مثل يوسف بك وهبي 

يعني بالعربي .. مش حنسيب الحمل الوديع .. و نمسك في البردعة

و نسيب الحمل الحلو الرقيق ..يبرطع و يسمعنا أنكر الاصوات  

 و علي فكرة ما حدث من خلفوكشي  كان مقصود انه يشيل الليلة  و خلف - ما فيش  ( تمثال ) للسيد الوالد  يتكتب عليه اشعار المحطة الجديدة .. يعني هي شوية كلام فيس بوكي ... و هيييييه ... راااااااحت .. علي رأي ..مين سي لطفي

و أدخل في الازمة اللي وراها بسرعة ... احنا مش فاضيين .. احنا ورانا فريق بتمرمرط

 طيب حاقول لكم علي سر.. اخر ربع ساعة من المباراة .. تمنيت انها تكون خمس دقائق .. و تعدي علي خير و نتعادل مع البنك الاهلي

 يا خسارة ايامك يا دراويش رضا و شحتة و العربي و حازم و الرومي و العمدة .. يا خسارة يا الف خسارة

و طول ما في المجلس ( شخاليل ) و الجمعية العمومية ( قطعان تكتلات ) و الاسماعلاوية  ( ودن من عجين ) .. ليلة الاسماعيلي زي الطين 

الحل من عنده سبحانه و تعالي .. بين الكاف ... و النون 

ادعوا معايا .. لعلها ساعة استجابة     

  و  أنتهي الكلام خارج المقرر    

جديد إس سي

سيراميكا يرفض رحيل محمد حسن إلى الإسماعيلى

كشف مصدر مسئول بجهاز الكرة بنادى سيراميكا أن الجهاز الفني بقيادة هيثم شعبان يرفض رحيل محمد حسن إلى الإسماعيلى رغم محاولة مسئولي الدراويش ضم اللاعب
image

اجتماع مهم فى الإسماعيلى

الإسماعيلية - خالد لطفي: يعقد المسئولون بالإسماعيلي اجتماعًا مهمًا خلال أسبوع بعد غلق باب الترشح أمس لانتخاب مجلس للدورة الجديدة 2021 /2025 المقرر انعقادها 31

بورصة أخبار الإسماعيلى

طرد "العمدة"  شهدت مباراة الإسماعيلي وبلبيس الودية التي انتهت بالتعادل بهدف لمثله طرد عماد حمدي   نجم وسط الدراويش لدخوله في شجار مع لاعب منافس وصلت للاعتداء
image

استبعاد جديد للأفارقة في اختبارات الدراويش

   قرر الجهاز الفنى للإسماعيلي صرف النظر عن التعاقد مع المدافعين السنغاليين والمهاجم النيجيري بعد أن ثبت ضعف مستواهم مع اتاحة الفرصة لمحترفين أفارقة أخرين للخضوع

طلعت يوسف يعزل اللاعيبين عن اجواء الانتخابات

  قرر طلعت يوسف المدير الفنى للنادى الإسماعيلى عزل فريق الكرة عن أجواء الانتخابات التى تسيطر على المشهد داخل القلعة الصفراء، حيث يخوض الفريق تدريباته صباحا
image

القائمة الكاملة للمرشحين بانتخابات النادى الإسماعيلى

في تمام الساعة السابعة , أغلق باب التقدم لاوراق المرشحين لعضوية مجلس ادارة النادي الاسماعيلي في اجتماع الجمعية العمومية العاديةو المقرر إجراءها يوم 31 اكتوبر القادم و القائمة الكاملة مع حفظ الالقاب
image

الإسماعيلي يتعادل مع بلبيس وديا

تعادل الإسماعيلي مع فريق بلبيس أحد أندية القسم الثاني بهدف لكل منهما ،في المباراة الودية التي جمعتهما مساء اليوم ،على ملعب فندق ميركيور المطل على
image

بعد خرابها : عثمان العثمانين علي الحياد تماما من انتخابات النادي

صرح المهندس محمود عثمان ، بأن " العثمانين " على الحياد تماما في انتخابات مجلس إدارة النادي الإسماعيلي ، وأشار بأننا سنكون على مسافة واحدة
image

بيان من المهندس محمود عثمان

العثمانيين " على الحياد تماما في انتخابات النادي الإسماعيلي وعلى مسافه واحدة من جميع المرشحين  كتب : هشام زكريا  صرح المهندس محمود عثمان رئيس مجلس إدارة مجموعة
image

باقى من الزمن ٦ ساعات - محدث

 في اليوم الاخير الاربعاء .. لم يتبقي الا ساعات معدودة علي  غلق باب تقديم اوراق الترشح  اسماء المرشحون ... حتى الآن لانتخابات النادى الإسماعيلى اولا : منصب الرئيس
Powered by Vivvo CMS v4.1.5.1