إسماعيلي إس سي - i s m a i l y S C - الاسماعيلي في إنهيارحتي يرحل عثمان

الاسماعيلي في إنهيارحتي يرحل عثمان

حجم الخط Decrease font Enlarge font
image

قلنا من قبل ان إنهيار الفرق الكبري لا يحدث بصورة مفاجئة

 .. إنما يكون علي  عدة مواسم تشهد سقوطا و انحدار المنحني الي أسفل  بصورة متسارعة و سيظل الاسماعيلي في حالة إنهيار .. حتي يرحل ابراهيم عثمان

و ( غضب ) مني بعض مشجعي الاسماعيلي عندما توقعت نتيجة مباراة الرجاء و الاسماعيلي  بهزيمة الاسماعيلي 2-0 .. و لكني علي يقين ان الرجاء لابد ان يفوز بالقاء .. ليس لأن المباراة علي أرضه و لا لأي سبب أخر .. لكن السبب الرئيس

 هو ان الاسماعيلي لا بيعرف يدافع و لا بيعرف يهاجم

 يعني لا يستطيع الفريق تأدية مباراة دفاعية  بصورة صحيحة  لا يوجد لاعب مدافع ( نجم ) في الفريق علي الاطلاق

و ايضا لا يستطيع  فريق الاسماعيلي  عمل هجمات مؤثرة و لو بعد ( خراب مالطة ) للتعويض ويكفي ان نقول ان اول تسديدة للاسماعيلي علي محمد  الزيني حارس الرجاء من محمد الشامي ... كانت في الدقيقة 95 و الحكم العراقي يصفر بنهاية الوقت الأصلي و بدل الضائع

 ارجعوا الي الدقيقة 76 ( و كان هناك امل ) و الفريق متاخر بهدفين .. كرة حريرية من دونجا الي محمد الشامي ..ماذا فعل الشامي .. لا شئ علي الاطلاق  الا انه مصر علي ضياع الامل بشكل عملي

طبعا الكل سيذهب للسباب و الهجوم علي ابو طالب العيسوي و طريقته الدفاعية .. ماشي .. عايز كمان تسب في بيومي و الشريفي و كل الناس

برضه ماشي

لكن قبل كوووول ده

 هل كنت يا عزيزي القارئ الحزين ... تتصور ان الاسماعيلي بفريقه ده و بالشكل ده .. ممكن يصل الي المباراة النهائية في اي بطولة .. حتي لو كانت بطولة  القلقاس ابو خضرة

الناظر الديكتاتور و معاه شوية الشخاليل دمروا كل شئ ممكن ن يدمر او لا يدمر في النادي ... و بطريقة ممنهجة و مقصودة و مصرة علي الدمار بكل معانيه

القصة ببساطة و الله ليست مدرب او لاعب .. انما هي قصة ادارة نادي بحجم النادي الاسماعيلي و تاريخه وطموحات جماهيره

  الفريق الذي ( دمره ) عثمان ... اتغلب بالثلاثة مع فريق الرجاء ( المفتيرس كورونا ) و بدون رئيس و بدون مدرب او لعيبة كاملة اللياقة و مهزوم  افريقيا و معنويا ... لكن واجه فريق الاسماعيلي الذي  لا بيعرف يدافع و لا يهاجم - 6 اهدف في مرمانا و  هدف واحد لنا في ماتشين .. و مع ذلك يصر الكابتن ابو طالب ان يستمر في الدفاع و لا تغييرات في بداية الشوط الثاني لتغيير مفاجئ في خطة اللعب  ليربك فريق الرجاء الذي كان لابد ان يندفع هجوميا ببداية الشوط الثاني .. لكن عندنا لاعب تونسي اسمه الروج .. كل شوية يقع علي الارض زي كومبارس امام فريد شوقي ... و كمان عندنا  شكري نجيب - شكله متوصي من دكاترة الضغط و الاعصاب و السكر و البواسير  - ليجدوا لهم زبائن في الاسماعيلية و خارجها 

الفريق فاضي فاضي فاضي .. لو كان عند من يتولي  المسئولية في الاسماعيلي ( ذرة من الفكر )  .. كان قام بتدعيمات مناسبة من 1 يناير الي 11 يناير  تساوي الأمل في البطولة .. لكن دي ناس لا بتفكر و لا بتحس من الاصل

و علي طول حتلاقي في القنوات الفضائية من سيذهب بالطبلة و الصاجات ليتحدث عن قيمة العثمانيين و تاريخهم المشرف  مع الاسماعيلي و ابراهيم بيه و مش عارف ايه .. و علشان يتشتم و يخف الضغط عن عثمان و التمثال .. اللي اكيد سيتم تأمينه جيدا ..خوفا من الجماهير

و حتي اللي اسمهم رموز او زمور .. بيطلعوا في الفضائيات و هات يا هتش و نتش و شوية بكش و السلام عليكم و عليكم السلام

و لا حد حاسس بالجماهير .. و اللي اصلا بيدفعوا من دمهم الفاتورة مرة و مرتين و ثلاثة و عشرة 

جماهير الاسماعيلي اصلا .. لًسعت .. راحوا يشتكوا من سنة .. في المقابر من ابن المعلم  الي المعلم  .. و بيلبسوا التمثال لانجري احمر ... و كله بيعمل لايف و هاشتاج و ابونا السقا مات و خلاض خلاص خلاص  

 إن فيه واحد في مجلس السلاحف.. يحس او يشعر بالذنب .. ابدا...  كله منتظراول الشهر  خير اول الشهر و جرس الباب يرن بالديلفري و الهدايا و الاوبيج اناناس .. و  ليذهب الاسماعيلي و جماهيره.. الي الجحيم

 ايوة .. ليذهب الاسماعيلي بكل تاريخه و عظمته و تراثة الي أقرب صندوق نفايات ..طالما السلاخف بيسافروا و يقعدوا في احسن الفنادق و معاه ميني بار و موبيل مفتوح و يقابلوا السفراء و القناصل و يتمنظروا اخر منظرة و في اول الشهر اخر نغنغة و حلويات .. و سلاحف  عارفين انهم حيخرجوا - لو خرجوا - و يلبسوا البيجاما و تضيع كل الهلمة دي .. و الثمن ايه الاسماعيلي و التاريخ .. مش مهم ..طالما مفيش جمهور  بيحضر مباريات ..احنا قاعدين و علي تلها قاعدين و علي خرابها متربعين و مستريحين  

 المرار كتير و الحزن كبير و الله و الله .. انا أسف يا اسماعيلي .... يا حبيبي

و انتهي الكلام خارج المقرر      

جديد إس سي
image

التصويت السري مرفوض في الإسماعيلي

تعديلات مرتقبة في الجمعية العمومية.. وطلعت يرفض التفريط في الشامي الإسماعيلية ــ خالد لطفي: تفجرت أزمة مفاجأة لدى المسئولين بالإسماعيلي تمثلت اعتراض الكثير من الأعضاء على
image

راحة 24 ساعة في الدراويش .. وميزانية للمعسكر السكندري

قرر الجهاز الفني للإسماعيلي منح جميع لاعبي الفريق الأول لكرة القدم راحة سلبية لمدة 24 ساعة لالتقاط الأنفاس والعودة للانتظام في التدريبات اليومية استعداد لانطلاق
image

أبو الحسن يعلن الترشح لرئاسة الإسماعيلي ويستقر على القائمة

أعلن نصر أبو الحسن رئيس مجلس إدارة نادي الإسماعيلي السابق، الترشح على مقعد رئيس مجلس إدارة نادي الإسماعيلي، في الانتخابات المقرر إجراؤها في 31 أكتوبر المقبل.
image

البقاء لله , وفاة حرم الكابتن أسامة خليل

ينعي موقع إسماعيلي اس سي وفاة السيدة حرم أسامة خليل كابتن فريق النادي الاسماعيلي و منتخب مصر في السبعينات.
image

اليوم الاول للترشح .. لم يتقدم أحد

كتب ميدو حسين .. مر اليوم الاول لفتح باب قبول اوراق المرشحين لانتخابات مجلس ادارة النادي الاسماعيلي2021/2025 , دون ان يتقدم احد بالاوراق اللازمة
image

الفريق في راحة مسائية و غدا و السبت طلعت يقود المران

حصل الفريق الاول لكرة القدم بالنادي الاسماعيلي علي راحة من مران اليوم الخميس المسائي و ايضا راحة من المران غدا الجمعة .
image

بالفيديو : الزئبقي بركات يتحدث عن الاسماعيلي ومشواره الكروي

حاول محمد بركات، مدير منتخب مصر، الهروب مما وصفه بـ”الورطة” من جانب أحمد حسام (ميدو) مقدم برنامج “أوضة اللبس” عبر قناة “النهار”. وطلب ميدو من بركات
image

جلاد الحراس شيلونجو بيه ينتظم اليوم في تدريبات الاسماعيلي

يعود اليوم الخميس النامبيبى شيلونجو بيه للقاهرة قادماً من بلاده بعد انتهاء الاجازة التى حصل عليها بنهاية الموسم حيث يستعد اللاعب للانتظام فى تدريبات الدراويش
image

الإسماعيلي يسعى لشراء نجم سيراميكا كليوباترا

يسعى مسؤولو النادي الإسماعيلي برئاسة ..........!!!! للحصول على خدمات محمد حسن، لاعب خط وسط الفريق الأول لكرة القدم بنادي سيراميكا كليوباترا، بشكل نهائي خلال فترة
image

الفريق يواصل المران و عودة عبد الرحمن مجدي

صور.. الإسماعيلي يواصل تحضيراته ضمن برنامج الإعداد استعدادا لخوض منافسات الموسم الجديد
Powered by Vivvo CMS v4.1.5.1