إسماعيلي إس سي - i s m a i l y S C - فريق الهر و العمدة ... يتعادل مع بيراميدز

فريق الهر و العمدة ... يتعادل مع بيراميدز

حجم الخط Decrease font Enlarge font
image

بالتاريخ و الجغرافيا و الجيولوجيا و حساب المثلثات كمان .. الاسماعيلي

 يفوز علي بيراميدز مهما اسمه و سعره .. لكن مع روائح  ابراهيم عثمان.. التعادل مع بيراميدز مكسب و عودة الروح - بعدما راح الشوح و  النوح
 

و بصفتي مهندس معماري قديم .. لو اعرف ان المهندس  و شيخ المعمارين حسن فتحي .. حيتفرج علي مشروعي و هو اللي حيحكمه  .. لازم اعمل افضل و احلي  و اقوي مشروع عندي و ادقق في اقل اقل التفاصيل  

 ..  ده اللي حصل من لاعيبة الاسماعيلي النهاردة و هما عارفين  ان الهر الساحر و افضل لاعب في افريقيا علي ابو جريشة بيتفرج عليهم  و يقيمهم ... و مع الفاكهة ..  العمدة اخطبوط الهجوم التاريخي و الحريف عماد سليمان و كمان المهندس المحترم مدحت الودراني  ... ثلاث اهرامات  بمعني الكلمة و معاني الحروف   

 منك لله يا ناظر.. كنت مالي النادي صراصير و فيران و سحاليل

 فيه فرق كبير جدا جدا جدا .. ان يكون اللاعب عارف ان ابو جريشة .. في النادي الاسماعيلي 

و بين كون اللاعب عارف ان في النادي ... خلف و الناظر  ..مع بعض

 دي لوحدها تضيع التركيز و الفهم و يسيطر العته المغولي علي اللاعبين  و تضيع البركة من وش العجين

 بس ده مش معناه ان فريقنا ميه مية  و لا فراخ الجمعية ... فريقنا محتاج عمرة روديه و تغيير وش السلندر  و الجازكيت و الفرامل كمان 

 فريقنا عايز يروح التوكيل و يغير من الكتاوت  الي الشكمان 

لكن لقينا فريق النهاردة امام بيراميدز  .. غير فريق  خلف و الناظر 

 لانه فريق العمدة و الهر 

  شوفنا فرص بالجملة - صحيح حرقت دمنا و قلبت فنجان القهوة  علي المفرش - لكن كان هناك فريق بينقل و بيوصل و يضيع  .. مش مشكلة

 الشامي ضيع هدف اكيد  د 19 .. نفس الهدف اللي ضيعنا امام الرجاء د 76 و اري بابل في 35 ... و فخر الدين ضيع هدف د 70 و كمان الشامي ضيع هدف اكيد د 78 و شيلونجو  د 92

و كمان قدم الاسماعيلي اول عشر دقائق من المباراة .. اروع ما يكون و حَزم المباراة من بدري امام فريق بيراميدز ال تركي ال شيخ و خلفاءه .. و احرز الاسماعيلي  هدف جميل  د 14

كان فين كل ده ... يا دراويش  و كان  قاعد في المدرج الواد عبد الله ترررم ... اللي في فيلم سلامة في خير

في لقطة من فيلم  

و الله حتي لو كانت العارضة لم تنحاز لمحمد صبحي في الدقيقة 78 ..  لم نكن لنزعل علي ذلك 

من امتي  جمهور الاسماعيلي يفرح بخمس دقائق وقت بدل ضائع ... من امتي كنا ننتظر الفوز الي اخر دقيقة من الماتش 

 من زمان قوي .. في وجود السحاليل في المدرج و السلاحف البهاليل في الادارة .. كنا بنخاف من اخر 10 دقائق  و  لكن تمنينا ان يطول لماتش و الهدف يمكن يجيي .... بدل مكنا بنخاف من الجوافة .... في وجود خلف  و الناظر 

و باقي فقط .. المكنسة تشتغل و نخلص علي باقي الواغش  و القلق  اللي كان موجود جزء منه- النهاردة - علي الدكة  

من امتي بتلاقي فيه موافقات علي التغييرات  من رواد الفيس بوك و رضا  من الجميع علي الاداء.. حتي لو لم نفز - باستثناء شيلونجو الله يرحمه  

مرة تانية  

 منك لله يا ناظر.. كنت مالي النادي صراصير و فيران و سحاليل  

 

 لكن سؤال .. في وقته ... هو المدرب البوسني - حيجيبوا له مترجم  .. و الا حيسيبوا ( ابو الليل) .. يترجم و يدمر

سؤال مهم للهرالساحر علي ابو جريشة و المهندس مدحت الورداني

و كمان سؤال امتي حتجيبوا دكتور للفريق .. علشان يمكن نشوف عبد الرحمن مجدي و باهر المحمدي .. قبل نهاية الدوري السنة دي  

و عموما .... مبروك عوده  الروح ... و غياب النوح

و انتهي الكلام خارج المقرر     

جديد إس سي
image

التصويت السري مرفوض في الإسماعيلي

تعديلات مرتقبة في الجمعية العمومية.. وطلعت يرفض التفريط في الشامي الإسماعيلية ــ خالد لطفي: تفجرت أزمة مفاجأة لدى المسئولين بالإسماعيلي تمثلت اعتراض الكثير من الأعضاء على
image

راحة 24 ساعة في الدراويش .. وميزانية للمعسكر السكندري

قرر الجهاز الفني للإسماعيلي منح جميع لاعبي الفريق الأول لكرة القدم راحة سلبية لمدة 24 ساعة لالتقاط الأنفاس والعودة للانتظام في التدريبات اليومية استعداد لانطلاق
image

أبو الحسن يعلن الترشح لرئاسة الإسماعيلي ويستقر على القائمة

أعلن نصر أبو الحسن رئيس مجلس إدارة نادي الإسماعيلي السابق، الترشح على مقعد رئيس مجلس إدارة نادي الإسماعيلي، في الانتخابات المقرر إجراؤها في 31 أكتوبر المقبل.
image

البقاء لله , وفاة حرم الكابتن أسامة خليل

ينعي موقع إسماعيلي اس سي وفاة السيدة حرم أسامة خليل كابتن فريق النادي الاسماعيلي و منتخب مصر في السبعينات.
image

اليوم الاول للترشح .. لم يتقدم أحد

كتب ميدو حسين .. مر اليوم الاول لفتح باب قبول اوراق المرشحين لانتخابات مجلس ادارة النادي الاسماعيلي2021/2025 , دون ان يتقدم احد بالاوراق اللازمة
image

الفريق في راحة مسائية و غدا و السبت طلعت يقود المران

حصل الفريق الاول لكرة القدم بالنادي الاسماعيلي علي راحة من مران اليوم الخميس المسائي و ايضا راحة من المران غدا الجمعة .
image

بالفيديو : الزئبقي بركات يتحدث عن الاسماعيلي ومشواره الكروي

حاول محمد بركات، مدير منتخب مصر، الهروب مما وصفه بـ”الورطة” من جانب أحمد حسام (ميدو) مقدم برنامج “أوضة اللبس” عبر قناة “النهار”. وطلب ميدو من بركات
image

جلاد الحراس شيلونجو بيه ينتظم اليوم في تدريبات الاسماعيلي

يعود اليوم الخميس النامبيبى شيلونجو بيه للقاهرة قادماً من بلاده بعد انتهاء الاجازة التى حصل عليها بنهاية الموسم حيث يستعد اللاعب للانتظام فى تدريبات الدراويش
image

الإسماعيلي يسعى لشراء نجم سيراميكا كليوباترا

يسعى مسؤولو النادي الإسماعيلي برئاسة ..........!!!! للحصول على خدمات محمد حسن، لاعب خط وسط الفريق الأول لكرة القدم بنادي سيراميكا كليوباترا، بشكل نهائي خلال فترة
image

الفريق يواصل المران و عودة عبد الرحمن مجدي

صور.. الإسماعيلي يواصل تحضيراته ضمن برنامج الإعداد استعدادا لخوض منافسات الموسم الجديد
Powered by Vivvo CMS v4.1.5.1