إسماعيلي إس سي - i s m a i l y S C - لا الناظر نافع و لا اخوه شافع .. و في الـ 16

لا الناظر نافع و لا اخوه شافع .. و في الـ 16

حجم الخط Decrease font Enlarge font
image

قلناها من زمان .. أيش تعمل الماشطة في الوش العكر في ستة ايام

و الوش العكر ماسك شنيور هيلتي دقاق  و بيكسر  في قواعد الدراويش  و الوش الخشب العكر استمر يعكر  في النادي و خلي الجو كل غبارة و عفرة و حشرات و فيروسات و ناموس ... و مر اول يناير و ايام  اسابيع و فاضل 6 ايام .. ال اتكسف علي دمه  و ترك الدنيا و اعتكف و إتحجب  و ترك من يحاول الانقاذ في الوقت بدل بدل بدل ضائع الضائع

و الجماهير فرحت و زأططت ان خلفوكش .. راح مصنع الجبس ... الله اكبر ... تكبير

لكن هناك الف خلف و خلف ... يعكروا مية البحر .. في النادي و حواليه .. و لا يقدراخو الناظر يقرب لهم .. لانهم حماية دلنجرية من ناظر العزبة

و اخونا البوسني - بلاش تبوسني في عينيه .. وافق و بارك و اتحزم و رقص .. علي جهازه المعاون .. مش معاون للبوسني .. لا ده معاون للناظر .... !!!!!

 المهم ان الشلة الدلنجرية .. عطلت كل شئ و لا الهر و لا اللي معاه .. عرفوا يعملوا واجب 4 سنوات في 6 ايام .. يبقي النتيجة ايه غير ض..ج

و قدما قالوا .. علي بال ما تتكحل العامشة .. يكون السوق انفض

و العامشة ... مفيش في ايديها الا الشحاتة و اللف علي الاندية و النبي  يا جماعة الخير .. عندكوش لاعب .. يرضي يلعب في الاسماعيلي

و العامشة جعلت من قلعة الاسماعيلي التاريخية ... عشة مهجورة لا مية و لا كهرباء و لا نت ... مين من لعيبة الاندية الغنية  يسيب الهنا و الغني .. و يروح العشة المعششة بالبرد و الرطوبة و الحشرات و التعابين

 الست العامشة ... قالت يووه .. هو السوق اتفض و الفرن قفل و مفيش غير العيش الرجوع و السحلة

و هات 6  ارغفة سحلة .. و فتها في المية و خلي البط و الوز  يتعشي و يتهني   

 ايها الاسماعلاوي الحزين .. استعد 

 ها... هات ورقة و قلم و مرايا ... و يا خوفي نقعد نحسب  و نحسب و نحسب .. من اللي ممكن يحصل لقلعة الدراويش الغالية  العريقة

و هي سنة سودة  و اسود من قعر الحلة و احلك من قرن قرن الخروب .. و اللي حصل  من فساد و افساد في 4 سنوات لازم يكون اخره هباب

بقينا نتغلب من طوب الارض و لا الناظر نافع و لا اخوه شافع .. طيب ما تورونا عرض اكتفاكم .. و امشوا الله يرحمكم منا و يرحمنا منكم

 فريق عنوانه .. شالينجو  الفخم و الزرافة الروج .. فين الهجووووم

 تعالوا نشوف هجوم الاسماعيلي في 98 دقيقة  أمام سموحة

 بالدقيقة 47 تسديدة عشوائية من دونجا - بالدقيقة 49 تسديدة عشوائية من 49 - بالدقيقة 51 تسديدة عشوائية من كاستيلو - بالدقيقة 56 تسديدة عشواية من شكري نجيب و واحدة تانية عشوائية 62

 غيركده مفييييييش .. مفيييييش بح 

فيه فريق يبقي شكله كله و يفوز و  الا يقدر يحرز نص هدف

شوفوا سموحة ...سيطرة  كاملة قبل الهدف و 2 كورنر اخطر من بعض و كة عرضة رهيبة و ضغط خططي من الناحية اليمني بكثافة رهيبة و تظل  الكرة في مربع 3  اكثر من 8 دقائق -  و بكدة لازم يغلط الحاج محمد بيومي  و الحاج محمد صبحي ... و جول د 38 و من الدقيقة 38  مفيش اسماعيلي خالص خالص

 في الدقيقة 19 .. ركزوا معايا لو سمحتم.. الكرة علي الجانب بمحازاة خط 18 لمرمي سموحة مع محد صادق ... رجعت شوية شوية الي حارسنا الهمام محمد صبحي ... و ده حصل .. ازاي و ليه ...مش عارف   

صحوة للاسماعيلي عشر دقائق فقط في بداية الشوط الثاني و لكنه صحوة غير خططية و تسديدات عشوائيةو تمرير للوقت و كرات مقطوعة بنسبة 75% و زادت الي 100%  لما نزل الكابتن عمر الوحش و عبد الله جمعة عواض .. حاججة تشرف بصراحة الصراحة 

 فريق بالشكل ده  ممكن يفوز ازاي و عنوانه ... شالينجو  و فخر الدين 

 بعد محمد صلاح ابو جريشة و القماش  و بشير عبد الصمد  و عماد سليمان و محمد حازم و ياسر عزت و اوتاكا

بقي معانا فخر و شالينجو ... زرافة و ناقة

 يا سنة سودة  

طيب نعمل ايه و النادي بيضيع و يقترب من المركز الاخير و امامنا ماتشات صعبة

 نعمل ايه و نسوي ايه

 و لا حاجة طالما  الجمعية العمومية زي المطلقة يوم الصباحية .. يعني طلاق و فضيحة

و اتخن واحد في الجمعية العمومية .. ايده علي خده و قاعد علي الكنبة الاستمبولي و لابس جلابية اخويا شلبي و طاقية ام حيطة و عايش دور بيومي فؤاد و بيقشر سوداني  

اللهم استرنا معانا .. لا نملك الا الدعاء

 و لا حول  و لا قوة الا بالله العليالعظيم    

و انتهي الكلام خارج المقرر   

جديد إس سي
image

التصويت السري مرفوض في الإسماعيلي

تعديلات مرتقبة في الجمعية العمومية.. وطلعت يرفض التفريط في الشامي الإسماعيلية ــ خالد لطفي: تفجرت أزمة مفاجأة لدى المسئولين بالإسماعيلي تمثلت اعتراض الكثير من الأعضاء على
image

راحة 24 ساعة في الدراويش .. وميزانية للمعسكر السكندري

قرر الجهاز الفني للإسماعيلي منح جميع لاعبي الفريق الأول لكرة القدم راحة سلبية لمدة 24 ساعة لالتقاط الأنفاس والعودة للانتظام في التدريبات اليومية استعداد لانطلاق
image

أبو الحسن يعلن الترشح لرئاسة الإسماعيلي ويستقر على القائمة

أعلن نصر أبو الحسن رئيس مجلس إدارة نادي الإسماعيلي السابق، الترشح على مقعد رئيس مجلس إدارة نادي الإسماعيلي، في الانتخابات المقرر إجراؤها في 31 أكتوبر المقبل.
image

البقاء لله , وفاة حرم الكابتن أسامة خليل

ينعي موقع إسماعيلي اس سي وفاة السيدة حرم أسامة خليل كابتن فريق النادي الاسماعيلي و منتخب مصر في السبعينات.
image

اليوم الاول للترشح .. لم يتقدم أحد

كتب ميدو حسين .. مر اليوم الاول لفتح باب قبول اوراق المرشحين لانتخابات مجلس ادارة النادي الاسماعيلي2021/2025 , دون ان يتقدم احد بالاوراق اللازمة
image

الفريق في راحة مسائية و غدا و السبت طلعت يقود المران

حصل الفريق الاول لكرة القدم بالنادي الاسماعيلي علي راحة من مران اليوم الخميس المسائي و ايضا راحة من المران غدا الجمعة .
image

بالفيديو : الزئبقي بركات يتحدث عن الاسماعيلي ومشواره الكروي

حاول محمد بركات، مدير منتخب مصر، الهروب مما وصفه بـ”الورطة” من جانب أحمد حسام (ميدو) مقدم برنامج “أوضة اللبس” عبر قناة “النهار”. وطلب ميدو من بركات
image

جلاد الحراس شيلونجو بيه ينتظم اليوم في تدريبات الاسماعيلي

يعود اليوم الخميس النامبيبى شيلونجو بيه للقاهرة قادماً من بلاده بعد انتهاء الاجازة التى حصل عليها بنهاية الموسم حيث يستعد اللاعب للانتظام فى تدريبات الدراويش
image

الإسماعيلي يسعى لشراء نجم سيراميكا كليوباترا

يسعى مسؤولو النادي الإسماعيلي برئاسة ..........!!!! للحصول على خدمات محمد حسن، لاعب خط وسط الفريق الأول لكرة القدم بنادي سيراميكا كليوباترا، بشكل نهائي خلال فترة
image

الفريق يواصل المران و عودة عبد الرحمن مجدي

صور.. الإسماعيلي يواصل تحضيراته ضمن برنامج الإعداد استعدادا لخوض منافسات الموسم الجديد
Powered by Vivvo CMS v4.1.5.1