اتغلبنا و بقينا الاخير و منك لله يا ابراهيم
لا اظن انه كان هناك اسماعلاوي طمعان انه يغلب الزمالك و لا حتي
يتعادل.. وكان كل الأمل ان ربنا يسترها مع ابناء يوفيتش و ما يفضحناش
و في نفس الوقت كان هناك أمل بسيط ان الفريق ( يؤدي ) كالعادة امام الفرق الكبري زي ما عملنا امام بيراميدز و حتي و كان أمل بسيط
لكن فوجئنا باداء الدراويش بشكل يفوق كل التصورات و الاحتمالات ... و الامنيات
الفريق كله نجوم من الالف الي الياء و حتي حارس المرمي محمد فوزي – بالرغم من الهدفين – لكنه انقذ كرات صعبة و فرص خطيرة و خاصة د 77 و غيرها
لكن ايضا يبدو ان محمد فوزي كان مرعوب و موهوم ..زينا بالظبط
الفريق كله كان موهوم و خايف و حتي الفرص الضائعة من الشامي و بالدقيقة 28 .. توضح بالفعل هناك فارق بين لاعب و لاعب و بين فنان لاعب عشوائي بطيخي و فرص اخري توضح ان ( رٌكب ) اللاعبين بتخبط في بعضها و محدش من اللاعبين عارف مين حيلعب و مين جنبه و مين حيعمل ايه في ايه
طيب اية اللي حصل
لمسات المدير الفني بدأت تظهر في اداء اللاعبين و التمريرات و لو حتي تحت ضغط و حتي لو كنت بتلاعب الزمالك
علشان كده بنقول منك لله يا ابراهيم يا ناظر
ليه
حاقول لكم
فريق بيتغير عليه مديرين فنيين بالكوم و بالجاروف
حتي المدير الفني الحالي البوسني دراجان يوفيتش قال عايز مدرب عام من بلدي .. قالوا له ما فتش
حنجيب اشرف خضر .. و كلموا اشرف خضر ... الجماهير حفلت علي خضر
قال مش لاعب
جابوا لفتش
حتي اللخبطة و الشخبطة .. مع بعض تجميد الناظر ...سبحان الله
نظام الشحططة .. اسلوب حياة في الاسماعيلي
يجيي مين او يروح مين
احنا بتوع الشحططة و اللخبطة و الشخبطة
و لكن رغم كل ذلك الفريق أدي مباراة طيبة امام الزمالك و اتغلبنا .. و بقينا الاخير
منك لله يا ابراهيم انت و خلف
فريق يوجد به انذرات بالكوم و الكيلة
لان ابراهيم .. شايف ان حكاية الجهاز الطبي دي رفاهية و زعبرة فارغة
و خلف تخانق مع الدكتور مجدي الباز في شهر ديسمبر 2018
و من ساعتها خلف جاب واحد صاحبه مش دكتور و قال عليه دكتور
و الفريق من سنتين بتعالج عند حلاق الصحة
نفس ابراهيم خلف قال مفيش مدير تنفيذي حيخش النادي
انا المدير التنفيذي
لسه حنجيب مدير تنفيذي يقول فتح و نصب
انا اللي حاعمل حاجة .. في ام النادي ده .. و لا واحد يفتح بقه
كمان الفريق ..عاني في المباراة من الحكم محمود البنا الانذارجي
انذارات لمحمد صادق 26 و شكري نجيب 34 و عماد حمدي 74 و حسين السيد و طرده 95
تحزيم للماتش من اول دقيقة
و كمان ضربتين جزاء لمحمد صادق في اول دقيقتين
الفارق كبير بين امكانيات و طوحات الفرق و اللاعبين و كمان الجماهير
و منك لله يا ابراهيم ..بقينا الاخيرين
و انتهي الكلام خارج المقرر
