إسماعيلي إس سي - i s m a i l y S C - الثلاثة شين ... شًركٌونا قدام دجلة

الثلاثة شين ... شًركٌونا قدام دجلة

حجم الخط Decrease font Enlarge font
image

هذا ليس تقليل من الثلاثي ( شين ) , شكري و الشامي

و شيلونجو , لان هذا مستواهم و تلك قدراتهم  و إمكانياتهم  و لا لوم عليهم علي الاطلاق ... و لكن لا يمكن لفريق ان يفوز بدون ان يحرز أهداف و لا يمكن أن يفوز فريق ما و فيه ثلاث ( عَلل ) تجيب الضغط و الإسهال

و اعتذر عن تأخر كتابة ( كلام خارج المقرر ) لأسباب صحية  حدثت بمجرد إطلاق الحكم عاشور صفارة النهاية و معلنا تعادل الاسماعيلي قبل الاخير مع وادي دجلة الاخير جدا
و ربنا يسترها معانا في اللي جاي
لكن مشكلة الفريق كلها تنحصر في ( من سيحرز أهداف ) و كانت تلك الظاهرة واضحة للأعمي و لكن المشرف علي فريق كرة القدم بالاسماعيلي او اللي كان .. كان عنده و مازال مرض اسمه ( الكولشبيهيكا ) و ترجمته:  كل لاعبين مصر و العالم  ... شبه بعض

و لو بعت هرقل ..ممكن تجيب ابو رجل مسلوخة ..مش حيفرق كتير 
و من خلال مرض سعادة الناظر ( الكولشبيهيكا ) .. تسلل اليه الأرزقيه و العواطلية و الشماشرجية و الوكلاتيه ... و أكلوا الناظر الأونطة لحد ما إتكرع و قال بووووووء

 الناظر اختار مجموعة او عصابة شبه عصابة انور وجدي في فيلم ( عنبر ) , كلهم فنانين كبار و اعطوا المشاهد  شكل عواطلية و ملامحهم كلها إجرام و اغتصاب و سرقة  و خاصة مستشاري الغبرة الجدد الاعزاء 
مستشاري الغبرة و الوكلاء الجدد اصحاب الشركات الجديدة ( نوفي ) خلوا الناظر , وشه محل قفاه .. و لعبوا في الفريق , لعب السنين و جعلوا القماشة , لا تنفع طبلة و لا طار ... و لو الفريق لعب امام فريق ليس به لاعبين و لا حارس مرمي ... برضه مش حيسجلوا أهداف
 مهاجمي الفريق عبارة عن شوية لاعبين يمكن ان يلعبوا في الجرن او ساحة جري و عنكب شد و اركب ... لكن يمثلوا فريق الاسماعيلي صاحب التاريخ - مستحيل  
 مذيعين المباريات للاسماعيلي – نصف تعليقاتهم علي المباراة . ندم و حزن و مرار طافح  علي  تاريخ الاسماعيلي و مين كان في الاسماعيلي و مين نجوم الاسماعيلي القدامي و مين و مين و مين .. و اصبح الرثاء علي حال الاسماعيلي و حاله الذي يحزن عليه مناحم بيجن و جولدا مائير 
 مين عمل كل ده و مين السبب في المصيبة دي
 مفيش غيره الناظر و اتباعه من خبراء المجاري و الصرف الصحي و احواض الترسيب
 الناظر بدأها بدري بدري في التفريغ والتبوير و الحرق و الكحت و الشفط و الزلط في الفريق
و بعض من جماهير الاسماعيلي – للاسف – ساعدته في التفريغ و التبوير
 طبعا حضراتكم فاكرين : شلة الشتيمة في نمرة 7
و اللي جعلوا من اللاعب نمرة 7 عدو الانسانية و الاسماعيلية و عدو البوليس
و جاءت لابراهيم عثمان علي الطبطاب
و جاءت للسماسرة و الكدابين .. بما لذ و طاب
 ابراهيم عثمان عمل فيها محمود المليجي  في فيلم رصيف نمرة 5
و باع نمرة 7 للزمالك و هو الوحيد المستفيد
الفريق من بعد نمرة 7  انفرط  و راح في ابو نكلة
 مش معني كده ان نمرة 7  كان حيجيب الديب من ديله
لكن الفريق كله بقي عايز يبقي رقم 7 و 77 و 777 و 7777
و كل لاعب انتظر في الصف ... علشان يتباع

و اللي قال نمرة 7... معظمهم قاعد يكتب شعر و غزل في حب محمد بركات في الايام السودة دي  ... فعلا عجايب العجايب  !!!
و في رايئ الخاص .. الذي لاقيمة له ...  علي رأي ك. مدحت شلبي
ان كل واحد عمل فيها خبير و ثوري و شملول و شتم في نمرة 7 ..لابد ان يُصلب او يُقطع ايديه و رجليه من خلاف
لانهم كانوا شركاء في مصيبة البيع و تبريره و تسهيله و تمريره .. و ما ترتب عليها من غرامة 25 مليون جنيه
 طيب ايه علاقة كل ده .. بتعادلنا مع وادي دجلة
العلاقة واضحة وضوح الشمس
 فريق تم تدميره تدميرا تاما .. و باع منه 10 لاعبين سوبر و الحادي عشر اعتزل
عايزه يقف علي رجله ازاي
و لما تبيع و تفقد 11 لاعب في موسم واحد و في نفس الوقت ..العواطلية اصحاب الشركات الجدد.. اشتغلوا علي الناظر  و لا شغل الفنانة نعمت مختار علي ياسين ( عبد المنعم ابراهيم ) في فيلم بين القصرين
و خلوه ..بعد شهور  ... يأرطف ( علي رأي الاسكندرانية ) ملوخية في المزرعة او في المانيا ..مش حتفرق كتير الا في نوع الملوخية  
و نبدء قصة تانية مع التوهان و الزهلان و الهزلان و الرهقان
 اقعد في مزرعتك يا عم الناظر .. تقرطف ملوخية او بصل او فول حراتي ..زي ما انت عايز
و هاتوا الناظر الجديد  و معاه  الهر  و العمدة و الورداني
يشيلوا الليلة السودة
 بس من غير ما تطلبوا ملايين .... و  اعملوا من الفسيخ شربات في ستة أيام
و طبعا لو كان الهر و العمدة و الورداني من رابطة الابطال الجبابرة ( الجاستس لييج ) زي قمور و الفتي الخفي و الفتي الكوني و حسناء زحل
 ما كانوش حيعملوا من الفسيخ شربات  في ستة ايام
و كل اللي عملوه اعتمدوا علي شيلونجو كمهاجم اساسي و رئيسي و طريق مباشر الي مرمي الخصم  و معاه الاخ شكري نجيب و معاه الاخ الشامي ..من تاني تاني
الفريق مفكك و مخلخل و مشنشن و العفشة ضاربة و جايبه زيت
نروح لاخونا المدرب البوسني ... نقول عليه ايه
مفيش داعي.. لاننا لو جبنا مدرب عفريت ... يعمل ايه مع الثلاثة شين  
المشكلة كمان في انه كان ممكن....  نجيب فرود او اتنين او تلاتة في ما بعد انتهاء فترة القيد
.. و اللوائح و القوانين تسمح  و نمشي شي لونجو و الفخر و البخر بابل الدين 
لكن الناظرالجديد قال بلاش .. خلينا كده كويسين احنا عملنا امام الزمالك ماتش متين و اداء رزين و نجيب منين و منين و خاصة المستقبل عايز ملايين الملايين و معاه وقعتنا زي الطين
و طالما الناظر الجديد قال كده ... لازم اللي حواليه يقول أمين أمين أمين
و هتف الجميع بلسان رجل واحد : لو الدنيا تزلزل .. الاسماعيلي مش حينزل
الناظر الجديد عجبه الهتاف و أنتفخت أوداجه ( مع اني ما اعرفشي يعني أيه أوداجه دي ) و قال للجميع المنتفعين : قولوا تاني لو سمحتم ... بالأمر

و وقف الجميع مرة اخري و هتفوا بكل حماس : لو الدنيا تزلزل .. الاسماعيلي مش حينزل 
 
 المهم ان الناظر الجديد انهي الاجتماع بكلمات مؤثرة و موجعة و سالت دموع الحاضرين و قال : خلوها كده  تمشي الي اخر الموسم و اللي يصير يصير
المهم ان بيت ابوك خرب ... خد لك منه قالب
و ادينا منتظرين
و استرها معانا يا رب  و ماتفضحناش
و انتهي الكلام خارج المقرر 
           

جديد إس سي

مصيلحي نجم الإسماعيلي ينضم للمريخ البورسعيدي في صفقة انتقال حر

انتقل نجم النادي الإسماعيلي وفريق 99 اللاعب محمد مصيلحي لصفوف  نادي المريخ البورسعيدي في صفقة انتقال حر مدتها  3سنوات جاء ذلك بعد تخلي مجلس ادارة
image

"لا نية للتأجيل".. وزارة الرياضة تؤكد إجراء الانتخابات في مواعيدها

أعلنت وزارة الشباب والرياضة، أنها ستجري مجموعة من التعديلات اللائحية بشأن انعقاد الجمعيات العمومية للهيئات الرياضية لإجراء انتخابات مجالس إداراتها، مشيرة إلى أن انتخابات الهيئات
image

وحيد يكشف حقيقة الخلافات بين طلعت يوسف واللجنة الفنية

أكد علاء وحيد المتحدث الإعلامي للنادي الإسماعيلي، أن طلعت يوسف المدير الفني للفريق الأول لكرة القدم، يعلم جيدًا الظروف التي يمر بها النادي. وقال علاء وحيد
image

ملايين اضاعتهم الشاورما ... ابو اليزيد يرحل مجانا للقناة

نجح نادي القناة في التعاقد مع إبراهيم أبو اليزيد لاعب النادي الإسماعيلي، في صفقة انتقال حر لتدعيم صفوفه مع المدرب الجديد له علاء عبد العال. وكانت
image

الإسماعيلي يفحص ملف الأجانب

 كلف مجلس إدارة النادي الإسماعيلي اللجنة الفنية برئاسة علي أبو جريشة وبالتنسيق مع المدرب طلعت يوسف بفحص ملفات المحترفين التونسي مروان الصحراوي والأنجولي آري بابل
image

اليوم الكامل في الدراويش

طلعت يختبر الشباب في ودية حطين.. والإعارة مرفوضة  قرر الجهاز الفني للإسماعيلي تطبيق نظام اليوم الكامل في الوحدات التدريبية للوصول لأفضل فورمة بدنية وفنية تؤهل لاعبي
image

مران الدراويش.. تدريبات متنوعة وعودة بابل وجمعة

واصل فريق الكرة الأول بالإسماعيلي تدريباته مساء اليوم ضمن برنامج الإعداد لخوض منافسات النسخة الجديدة لمسابقة الدوري الممتاز .. المران اشتمل علي تدريبات ووحدات بدنية مكثفة
image

اليوم الخامس لفتح باب الترشيح لانتخابات الإسماعيلى

في اليوم الخامس لتقديم اوراق المرشحين لمجلس ادارة النادي الاسماعيلي  تقدم المهندس يحيى الكومى لمنصب رئيس مجلس ادارة النادي - تقدم الاستاذ حسام ابو وديع للعضوية تحت
image

احتجاج رسمي من الدكتور هشام عناني

كتب ميدو حسين .. تقدم الدكتور هشام عناني باحتجاج رسمي علي بعض اجراءات الجمعية العمومية المحدد لها يوم 31 اكتوبر القادم
Powered by Vivvo CMS v4.1.5.1