إسماعيلي إس سي - i s m a i l y S C - إتغلبنا من الاهلي 2 و خالد فرو .. فين

إتغلبنا من الاهلي 2 و خالد فرو .. فين

حجم الخط Decrease font Enlarge font
image

ايه العلاقة بين ذكر خالد الذكر المهندس خالد فرو النائب الفيروزن

لرئيس مجلس ادارة الاسماعيلي .. و بين الهزيمة 2-0 من الاهلي
و لأنه كلام خارج المقرر .. يبقي لازم نقول كلام خارج المقرر

 ب بيني و بينكم ... لما تلاعب الاهلي و يكون  حكم المباراة الرعديد  ابراهيم نور الدين . لازم تتغلب حتي لو كنت ريال مدريد
الحكم اللي حيقابل رب كريم عادل و جبار و منتقم .. بص شوف الصورتين دول

 

تعرف ان الاسماعيلي لازم يتغلب و حتي لو لعب في كوكب زحل
و كمان لما يكون انت مش عارف مين بيلعب فين في الاسماعيلي و السكة مين يا سمنودي .. و مدرب عمل فيها محود المليجي و يغير نص الفريق في دقيقة واحدة
و الفريق متأخر بهدف واحد
لازم الجول التاني ... يجيي 
بص شوف دراجان عمل ايه
خط الدفاع : حسين السيد ومروان الصحراوى ومحمد هاشم ( احمد كاستيلو 75) ومصطفى فارس
خط الوسط : محمد عادل ( احمد مدبولي 75)  ومحمد حسن  ( عمر الوحش 75) وعماد حمدى ومحمد الشامى ( نادر طارق 75)
خط الهجوم : فخر الدين بن يوسف ( شالينجو 75)  وشكرى نجيب
و لو كان القانون يسمح بتغيير 10 لاعبين كان غير لاعبي الاهلي كمان

........................
طيب ايه العلاقة بين المهندس خالد فرو نائب رئيس الاسماعيلي .. و الهزيمة 2-0 من الاهلي
حاقول لكم.. روح اعمل شاي و هات كرسي .. و اسمع يا عم

...................
ابحاث و اتصالات و دراسات .. لامكانية اضافة لاعبين لللفريق الكتيان..بعد غلق باب القيد
و فعلا ظهر انه ممكن اضافة لاعبين للاسماعيلي اجانب و بشرط نسف و استبعاد لاعبين حاليين  و علشان ميكونشي فيه خسارة – حنجيب اعارة للاعبين الاجانب في الدوري بتاع ترامب سابقا
 اللجنة الفنية وافقت و رقصت و زأطتت ...   لما علمت  باللوائح و القوانين انها تسمح
 لكن لابد من الرجوع الي المهندس ابراهيم عثمان رئيس النادي المتحجب
ابراهيم عثمان قال : لأ
علي جثتي .... مفيش لاعب حيمشي من الفريق و مفيش لاعب حيجيي للفريق و حنكمل بالموجودين
 سعادة النائب اخو الرئيس قال : خلاص يا جماعية نكمل بالموجودين و ماتش الزمالك بيقول عندنا عيال كويسين
 اللجنة الفنية سكتت و صمتت و أكلت حلاوة سد الحنك و اصبحوا من الصامدين
و أصدر الرئيس ( الاكس )  اوامره عبر احد الأعضاء  الجواسيس بالنادي انهم يقولوا للاستاذ ايهاب ذهني ..اللاعبين بتسلم عليك و مش عايزين لحمة
و كان ذهني .. عايز يدبح عجل  و يوزعه علي أهل  الله
 يمكن النحس  ينفك  و النجاسة تتطهر
لكن الرئيس ( الاكس ) ... عايز يقول للناس كلها .. انا الرئيس الأمر الناهي
سيبكم من أي حاجة .. تتقال
و إحتفظ  ايهاب ذهني بالعجل  و جابوا لنا ابراهيم نور الدين
و صار اللي صار ... و ادينا اتغلبنا من الاهلي اتنين .. و الله اعلم  باللي جاي و ايه اللي حيحصل فيه .. لكن الأرقام  لا تكدب و لا تتجمل
 طيب ايه علاقة كله ده بالمهندس خالد فرو
 أصبر بس ..حاقول لك السبب ...واحدة واحدة
من المعلوم ان الانهيار لايمكن حدوثه الا من خلال مفردات تدميرية في كل ارجاء المنشأ – حتي يكون انهيار كامل و مدمر تماما
 و احد  اسباب انهيار الاسماعيلي
 هو المهندس خالد فرو .. ازاي حاقول لكم
 المهندس خالد فرو ...اتصور انه الوحيد الذي فاز بمنصب نائب رئيس الاسماعيلي ثلاث مرات ... ولذلك ربما يقرر ان يغير اسمه الي : نائب فرو
فاز المهندس نائب فرو بمنصب نائب رئيس المجلس في انتخابات الجمعية العمومية للنادي الاسماعيلي في 3 اغسطس 2008.
وحصل علي 1191 صوتا من اجمالي اصل 2348 و حصل فرو  علي اعلي من الكابتن محمد صلاح ابو جريشة 1167 والرئيس نصر ابو الحسن  1120 صوتا  واستقال فرو من مجلس ادارة ابو الحسن بسبب الاصرار علي بيع اللاعب شريف عبد الفضيل اِلي النادي الاهلي في 30 يوليو 2009 حيث كان الوحيد الذي اعترض علي بيع اللاعب
نفس الامر تكرر تماما في انتخابات 31 اغسطس  2012 و فاز المهندس نائب فرو باكبر عدد للاصوات علي الاطلاق 1711 صوتا من اصل 3582 صوتا  و متفوقا علي السيد محمد ابوالسعود صاحب الــ 1660 صوت

في انتخابات 2017 .... صمم المهندس ابراهيم عثمان ( رئيس )  علي وضع اسمه في ورقة واحدة مع المهندس خالد فرو ( نائب )  و لتصبح الاصوات الحاصلين عليها واحدة   .. حتي لا يحصل خالد فرو علي اصوات اعلي من ابراهيم عثمان و تبقي فضيحة بجلاجل  جرسة بحناجل لواحد من عائلة عثمان ان يحصل علي اصوات اقل من صبيانهم !!!!. حتي لو كان ( فرو )  المخلص الأمين

 لانهم قالوا ( و ما اكثرهم ) .. ان خالد فرو يفوز باعلي الاصوات دائما و اعلي من المهندس نصر ابو الحسن في انتخابات 2008 و اعلي من العميد محمد ابو السعود في انتخابات 2012

يا داهية سودة ..  هل ممكن ان يحصل خالد فرو  علي اصوات اعلي الناظر الديكتاتور الملهم الكبير

و بفتاوي شماشرجية القوانين  تم مخالفة اللوائح و القوانين و تم عمل ورقة للمرشحين بالتزكية  الثلاث  و تم اعتماد فوز المرشحين بالتزكية ,  المهندس إبراهيم عثمان احمد عثمان برئاسة الإسماعيلى والمهندس خالد محمد فرو بمقعد نائب رئيس النادى ومصطفى أميرو بعضوية مجلس الإدارة تحت السن بموافقة 3375 صوت

و بذلك اصبح المهندس خالد فرو هو صاحب الرقم القياسي في الحصول علي الاصوات بالجمعية العمومية .. ثلاث مرات نائب منتخب و مرة نائب معين ... أي اربع مرات نيابة  في تاريخ الاسماعيلي

!!!!!!!!!!!

يعني حصل علي اصوات 1191 + 1711 + 3375= 6277 صوت

 اي ان المهندس خالد فرو ... حاصل علي اصوات الجمعية العمومية  و اكثر من ما حصل عليه المعلم عثمان احمد عثمان .. اللي قعد 23 سنة  رئيس نادي

ماذا فعل المهندس خالد بثقة و بالاصوات التاريخية التي حصل عليها و لو حتي من مستقلي الجمعية العمومية غير قطعان التكتلات البهيمية

جاء الأمر من المهندس ابراهيم عثمان الي المهندس خالد فرو - أجلس في بيتك - من ديسمبر 2018 بعد الازمة و انفجارها من الصدور بين فرو و عثمان عند قدوم البرازيلي فييرا في اكتوبر 2018 وتدخل ( اولاد الحلال جدا ) و فتحوا ملف خالد فرو مع م. ابراهيم عثمان وبه مواقف ربما كان نسيها عثمان نفسه .. وكان القرار هو تجميد خالد فرو تماما وكان اخر ظهور له في سفرية الفريق الي الكويت بالبطولة العربية في نهاية سبتمبر  2018 وحاول البعض اصلاح الامور بين فرو وعثمان من بعدها تم تكليف برئاسة بعثة النادي الي الكاميرون في ديسمبر 2018 .. لكن تم استبعاده وسافر د. ابراهيم فارس الي الكاميرون رئيس للبعثة بعد تدخل ( اولاد الحلال جدا ) .

بقي المهندس خالد فرو بعيدا عن الاسماعيلي - بالأمر المباشر - و يوقع رغما عن أنفه علي محاضر الاجتماعات متي أرسلت اليه

يبقي السؤال لماذا أصر المهندس ابراهيم عثمان علي الابقاء علي المهندس خالد فرو نائب له و لا يستقيل و علي أن يبقي في الثلاجة

 الاجابة سهلة للغاية

 و هي ان المادة 72 من اللائحة الاساسية للنادي الاسماعيلي .. تمنح نائب الرئيس كل صلاحيات الرئيس في حال غيابه او سفره او مرضه

و لان المهندس  ابراهيم عثمان ... عليه اوامر بالبقاء بعيدا عن الاسماعيلي - كانت كل الامور و الصلاحيات ستحول الي خالد فرو - اي اصبح رئيس النادي الفعلي

و خاصة لو كان خالد فرو متواجد كان سيكون رئيس المكتب التنفيذي كمان .. يعني حيكون الكل في الكل في الكل

لكن ابراهيم عملها صح  ... وضع  خالد فرو في فريجيدير  درجة حراته 50 تحت الصفر

و اي حاجة تحتاجها اللجنة  .. ابراهيم عثمان يقول ... لأ

و عرفتوا ليه .. الاسماعيلي سيتم تدميره تدمير شامل  بخطة يهودي صهيوني

لماذا لا يعود المهندس خالد فرو لمزاولة مهام عمله .. رغما عن انف من كان السبب في تجميده و تحييده .. و خاصة ان الوقت الحالي يحتاج مخلصين و محترمين لانقاذ ما يمكن انقاذه
و حتي يثبت انه يستحق الرقم القياسي في الحصول علي الاصوات في اجتماعات الجمعية العمومية 

و انتهي الكلام خارج المقرر


 

جديد إس سي
image

القناة والكهرباء والمريخ والشهداء يجهزون الاسماعيلي للانتاج

اتفق الجهاز الفنى للنادى الإسماعيلى بقيادة إيهاب جلال، على إقامة 4 مباريات ودية استعدادا لمواجهة الإنتاج الحربى تبدأ بمواجهة القناة الأحد المقبل، ثم مع كهرباء
image

ايهاب جلال يجتمع مع باهر المحمدى وعماد سليمان

استأنف فريق الكرة الأول بالإسماعيلى، تدريباته مساء الخميس، ضمن برنامج الإعداد لاستكمال مشواره بمسابقة الدوري الممتاز من أجل علاج الجهاز الفنى الجديد بقيادة إيهاب جلال
image

اسماعيلي 2006 يفوز 2-1 علي المقاصة

فاز فريق الإسماعيلى مواليد ٢٠٠٦ على منافسه مصر المقاصة بهدفين مقابل هدف في المباراة التي جمعتهما على ملعب الأخير، ضمن منافسات دورة تحديد المراكز من
image

الاسماعيلي يخوص 4 مباريات ودية خلال فترة التوقف

من المقرر ان يخوض فريق الاسماعيلي  اربعة مباريات تجريبية  خلال فترة التوقف الحالية لمسابقة الدوري الممتاز وحدد الجهاز الفني بقيادة الكابتن ايهاب جلال  مواعيد المباريات ستكون
image

لإسماعيلي يجهز باهر المحمدي استعدادا لمواجهة الإنتاج

قرر إيهاب جلال، المدير الفني للنادي الإسماعيلي، مشاركة الكابتن باهر المحمدي، للقاء الإنتاج.
image

الإستقرارعلى خوض 4 وديات استعداداً للإنتاج الحربى

استقر الجهاز الفنى للنادى الاسماعيلى بقيادة ايهاب جلال على خوض أربعة مباريات ودية استعداداً لمواجهة الإنتاج الحربى المقرر لها الأول من مايو المقبل على استاد
image

اسماعيلي 2006 يتفوق على المقاصة بثنائية

كتب مؤمن مجدي ... فاز فريق الاسماعيلى مواليد ٢٠٠٦ على فريق مصر المقاصة بهدفين مقابل هدف فى المباراة التى جمعت الفريقين مساء اليوم على ملعب
image

هلت ليالي حلوة و هنيه .. و كل عام و حضراتكم بخير

يتقدم موقع اسماعيلي اس سي بكل التهاني و التبريكات الي كل المصريين و العالم العربي و الاسلامي بقدوم الشهر الكريم ، أعاده الله علي الأمة الاسلامية وعلي الجميع باليمن والخير والبركات ، جعله الله لكم شهر الحسنات والبعد عن السيئات
image

تجهيزحسين السيد و المحمدي لمواجهة الانتاج

الجهاز الطبي للنادي الاسماعيلي الزمن لتجهيز الثنائي باهر المحمدي و حسين السيد خلال فترة التوقف الجارية أملاً في اللحاق بمواجهة الإنتاج الحربي مطلع شهر مايو
image

اسماعيلى ٢٠٠٣ يختم مشواره بالفوز على البنك الاهلى بدورى الجمهورية

كتب مؤمن مجدي .. فاز فريق الاسماعيلى مواليد ٢٠٠٣ على فريق البنك الاهلى بهدف نظيف فى المباراة التى جمعت الفريقين عصر اليوم على ملعب الاخير بالقاهرة
Powered by Vivvo CMS v4.1.5.1