إسماعيلي إس سي - i s m a i l y S C - سيب المركب يا عليش , أقعد في مزرعتك

سيب المركب يا عليش , أقعد في مزرعتك

حجم الخط Decrease font Enlarge font
image

و ده أخر إنذار.. نعم تعادلنا مع طلائع الجيش و نعم نزلنا

للمركز 17 و حالنا اصبح صعب و صعب جدا جدا ... لكن ده عادي و عادي جدا ... ليه تعالوا نحاول نحسبها معا
لا يمكن ان تكون هناك ازدواجية في قيادة اي مكان و مع الازدواجية ( جواسيس و ذُنب و خوازيق من كل جانب ) و يمكن ان تتوقع النجاح او مجرد التفكير في النجاح .. و قديما قالوا

المركب اللي فيها ريسين .. تغرق

 فما بالك بأحد ريسي  المركب ... شعنون و طرقعة و  صهلله و تخاف تولع سيجارة جانبه .... !!!!! 

و مع الريس المصهلل المطرقع ..جاسوس قصير مكير يقترب من الارض و  واخد غرفة عاملها جيم و فيها ماكينة اكسبريسو  علي  حساب صاخب المخل .. و كل نملة في النادي بتعدي علي الجاسوس و تقول له : وووووس ووووس وووس

الريس المصهلل .. خلاها  خل .. و الجاسوس  يخلي الخميرة تهرب من البيت و العيش السخن ..يعيط من سحنته الكئيبة

و كووووول ده .. و مش عايزين تعادل مع طلائع الجيش ... ده كويس اننا ما اتغلبناش

 ايه يا عم انت انت فرحان اننا تعادلنا مع الجيش و نزلنا المركز  حسب الله السابع عشر

لا طبعا .. خلي الفرح  للتعادل .... لأصحابه و عارفينهم نفر نفر و كابتن كابتن ... خليهم يفرحوا ..اصل وشهم مكشوف و قفاهم بقي مهفوف و معروف

أصل الموضوع الريس عليش ... جاله اوامر عليا .. أقعد في بيتكم  و ما لكشي دعوة بالمركب  ..  عليش سمع الكلام و ساب المركب..... لكن ..  ترك مكانة ( نبوية ) و لازم الست تقوم بالواجب و حتي لو تجلس علي كرسي الحمام  

 مجرد الشلة الفنية ..تدخل المركب .. الست نبوية في قفاهم .. الشلة الفنية  تروح المركب الساعة 11 .. نبوية واقفة في المينا , الساعة 11 و خمس دقائق .. الشلة الفنية ..تروح المركب الساعة2 .. نبوية قاعدة في المينا من الساعة 2 الا خمسة 

 مين يا عم .. عليش و نبوية .... ارجع الي فيلم اللص و الكلاب و انت تعرف يا عزيزي 

  المهم الست نبوية عملت اللي عليها و زيادة و خلال الشهر و نص  خلت الشلة و اللي تابعين الشلة يقولوا : جاااااي ,,, و اشتغل الصحفي المأجور و المتطوعين من ابناء المركب ... و راحت اخبارية للرئيس عليش ... الدنيا فاضية و الكبير مش فاضي ... ارجع يا عليش ... ارجع  يا عليش ... ارجع يا عليش

  الريس عليش ... راح جاب  الشقي سعيد مهران و حب يرجع المركب بقوة و سيطرة و فهلوة و صهللة ... الشقي سعيد مهران ..طلع ناصح و ما رضيش يروح المركب  حتي لا يصبح  العيسوي الثاني  و انقلب مهران  علي الريس عليش....  و كسفه كسفة اكبر من كسفة و خيبة التركي الموهوم  اردوغان في ليبيا الشقيقة

الريس عليش راح المركب و اجتمع مع بعض المراكبية  و اللي مش طايقينه اصلا  و لا شكلا و لا موضوعا .. و قال لهم كلام  و صوابع يحاسب عليه القانون و اللي بيترجم في الافلام الامريكية بترجمة ( تبا لك ) !!!!!  و حاجات من النوع دي.. اووو شيت 

المهم ان طلع الكبير .. راقم الموضوع  و الشلة الفنية قالت : خلاص مالناش دعوة و سايبينها  لعليش و نبوية ..مخضرة 

و جاءت التعليمات الي الريس عليش ... اقعد في بيتكم  و كمل مدتك و ده أخر إتصال و بعد كده مفيش انذار 

الشلة الفنية .. راحت تاني المركب و قعدت مع النواتية و العطشجية ..اللي جاء لهم الحول و الهطل و اصبح كل في المركب زي الست اللي متجوزة اتنين 

!!!!!!!!!!

و اصلا المراكبية مروعشين و مهزوزين  و كلهم رجليهم الاتنين شمال ... مين قد معانا امبارح و مين قعد معانا  النهاردة 

 هو طلب نعمل له بامية و الا مين اللي طلب منهم نعمل له بسلة 

 اللاعبيه جالهم حال صرع .. و هما اصلا مصروعين  و حالتهم زي الطين  و مش ناقصين يبقوا  متجوزين اتنين .. واحد الصبح و التاني بالليل

واحد بيشتغل  عطشجي بنبطشية بليل و التاني بيشتغل بنبطشية الصبح 

و جوز الاتنين .. لازم يكون  بوشين 

و مرات الاتنين .. تبقي ايه !!!

المهم الكبير تدخل و اعطي للريس عليش .... انذار روسي متين و الا .... طخ بووم طاخ بووم تراااخ ... بببببببوووووم 

 برضه هو ده مبرر لعدم الفوز علي طلائع الجيش  

  لا طبعا ... و لكن هو يعني هو احنا كنا فزنا علي مين من قبل ..غير اسوان في السنة اللي فاتت 

 المهم نخلص من غراب البين  الريس عليش  و الست نبوية ام سمانة مخروطة 

و يخلصنا  ربنا سبحانه و تعالي من الهم و الحزن 

 ربنا كبير و كريم  و مع المنكسرين  جابر 

و يحيي العظام  و هي رميم 

يا رب يا كريم       

و انتهي الكلام خارج المقرر

جديد إس سي
image

اسماعيلي 2006 يتفوق على المقاصة بثنائية

كتب مؤمن مجدي ... فاز فريق الاسماعيلى مواليد ٢٠٠٦ على فريق مصر المقاصة بهدفين مقابل هدف فى المباراة التى جمعت الفريقين مساء اليوم على ملعب
image

هلت ليالي حلوة و هنيه .. و كل عام و حضراتكم بخير

يتقدم موقع اسماعيلي اس سي بكل التهاني و التبريكات الي كل المصريين و العالم العربي و الاسلامي بقدوم الشهر الكريم ، أعاده الله علي الأمة الاسلامية وعلي الجميع باليمن والخير والبركات ، جعله الله لكم شهر الحسنات والبعد عن السيئات
image

تجهيزحسين السيد و المحمدي لمواجهة الانتاج

الجهاز الطبي للنادي الاسماعيلي الزمن لتجهيز الثنائي باهر المحمدي و حسين السيد خلال فترة التوقف الجارية أملاً في اللحاق بمواجهة الإنتاج الحربي مطلع شهر مايو
image

اسماعيلى ٢٠٠٣ يختم مشواره بالفوز على البنك الاهلى بدورى الجمهورية

كتب مؤمن مجدي .. فاز فريق الاسماعيلى مواليد ٢٠٠٣ على فريق البنك الاهلى بهدف نظيف فى المباراة التى جمعت الفريقين عصر اليوم على ملعب الاخير بالقاهرة
image

3 مباريات الإسماعيلي في شهر رمضان المبارك

يستعد الإسماعيلي للمواجهات القادمة من الدوري الممتاز، بتدريبات متواصلة تحت قيادة إيهاب جلال المدير الفني الجديد للدروايش ، بعد أن أستطاع الفريق العودة لطريق الإنتصارات من
image

الإسماعيلي يتعادل وديا مع أكاديمية رايت تو دريم الغانية

تعادل فريق الإسماعيلى وديا مع أكاديمية “رايت تو دريم” الغانية سلبيا في المباراة الودية التى جمعتهما ضمن استعدادات الدراويش خلال فترة التوقف الحالية لاستئناف الدوري المحلي.
image

هل منطقة الاسماعيلية لكرة القدم خاضعة للاتحاد المصرى لكرة القدم

بعد انتهاء دورى الجمهورية مواليد ٩٩ اليوم بفوز الاهلى على الزمالك بهدفين مقابل هدف لم يلجا الاتحاد المصرى الى فارق الاهداف ولا المواجهة المباشرة ولكن لجا الى مباراة فاصلة بين الفريقين يوم ٢٠ ابريل القادم على ملعب السكة الحديد بالقاهرة .
image

تدريبات خططية في مران الدراويش الصباحى

خاض الفريق الأول لكرة القدم بالإسماعيلى تحت قيادة إيهاب جلال المران الصباحى ضمن برنامج الاعداد خلال فترة التوقف بسبب الأجندة الدولية استعدادا لملاقاة الإنتاج الحربى مطلع مايو المقبل.
image

الاسماعيلي و كابوس الهبوط

عمر الأيوبى يكتب:   الاسماعيلاوية طموحاتهم كبيرة فى الخروج من عنق الزجاجة والهروب من دوامة الهبوط، والآمال كبيرة فى نجاح إيهاب جلال المدير الفنى الجديد، فى
image

اسماعيلي 2006 يتفوق على سموحة بدورة المجمعة

كتب مؤمن مجدي ...فاز فريق الاسماعيلى مواليد ٢٠٠٦ على فريق سموحة بهدف نظيف فى المباراة التى جمعت الفريقين عصر اليوم على ملعب جامعة قناة السويس
Powered by Vivvo CMS v4.1.5.1