إسماعيلي إس سي - i s m a i l y S C - علي مين علي مين علي مين يا .. كشري

علي مين علي مين علي مين يا .. كشري

حجم الخط Decrease font Enlarge font
image

ده ايه ده ... عماد حمدي بيرقص اتنين علي الخط عمل اسيست

 مرعب ومحمد فوزي رجل المباراة وبيطير وبقي فرافيرو

  ومحمد هاشم ثاني رجل المباراة ... علشان وش البومة  .. ساب النادي و سابنا في حالنا 

واضح جدا و يبدو ان هناك اجماع علي كده .. ان شغل ايهاب جلال واضح و واضح جدا .. و هو في العزل المنزلي و شفاه الله و عافاة و عافي كل المصابين  بفضل الله و كرمه 

و الله اكبر كبيرا و الحمد لله كثيرا .. علي الفوز علي الانتاج الحربي و 3 نقاط احلي من العسل مع كنافة بالقشطة وقطايف حبلي باللوز و الجوز .. و لكن لسه بدري قوي علي ان نقول الاسماعيلي عاد و رجع و لسه بدري علشان نشوف اسماعيلي  حمص و العجوز و محمد صلاح و حازم و بشير و العمدة و اسامة خليل و علي ابو جريشة .. لسه لسه خالص 

كتبت من زمان علي شكري نجيب

http://www.ismaily-sc.com/home/index.php/news/19955.html

لعبها ازاي .. الموهوب شكري نجيب 

و بعد كده خلعت راسي و دعيت عليه و خلاني كرهت كل اللي اسمهم شكري و قولت عليه سكري  

لكن النهاردة .. ارجع و اقول 

عملتها ازاي .. في الجول الاول .. يا شكري

لعبة جميلة حريفة بمعلمة ..  لا يقدمها الا حريف ابن حريف .. جعلتنا نفتكر  الاسطورة رضا لما كان بيضع الكرة في مكان .. لو اجتمع 100 خبير كروي و يرشحوا مكان تاني .. لم يكن ليختاروا افضل من المكان االي وضع فيه رضا الكرة 

برافو يا شكري .. بجد برافو برافو .. جول عالمي عالمي 

كمان ايه ده يا عماد يا حمدي .. ده اسيست و لا اسيست الفنان عماد حمدي للمعجزة فاتن حمامة لتبدع و تبدع في جملة و موقف تمثيلي رائع في فيلم بين الاطلال و لن ابكي ابدا 

بس بدل فاتن حمامة كان اري بابل حمامة و شوطة شوطة .. خلت الحارس احمد يحيي يروح بعيد بعيد وحدينا 

و  كمان الكابتن احمد كشري المدير الفني .. كان طمعان في الاسماعيلي ... و اه يا زمن .. مين كان طمعان في مين ... و علي مين علي مين ..

 دا احنا القلب اللي طاير

متشعبط في الحياة

مهما نلف ف دواير

زي الريشة ف هوا

راجعين اقوي و طايرين

و على مين على مين على مين ... يا كشري 

بس البوما ... تبعد عننا 

 و ان شاء الله تعالي نقول : قوتنا إن مفيش حاجة تقدر توقف الدراويش

و الف الف مبروك للدراويش

جديد إس سي
image

رابط الإصدار الجديد لموقع اسماعيلي اس سي

تشكر ادارة موقع اسماعيلي اس سي كل متابعي الموقع و رواده ... و يعلن عن رابط الاصدارالجديد لموقع اسماعيلي اس سي , مع استمرار تواجد الأرشيف القديم , نظرا لما يحتويه عن تاريخ و كنوز الدراويش الذهبية
image

سيراميكا يرفض رحيل محمد حسن إلى الإسماعيلى

كشف مصدر مسئول بجهاز الكرة بنادى سيراميكا أن الجهاز الفني بقيادة هيثم شعبان يرفض رحيل محمد حسن إلى الإسماعيلى رغم محاولة مسئولي الدراويش ضم اللاعب
image

اجتماع مهم فى الإسماعيلى

الإسماعيلية - خالد لطفي: يعقد المسئولون بالإسماعيلي اجتماعًا مهمًا خلال أسبوع بعد غلق باب الترشح أمس لانتخاب مجلس للدورة الجديدة 2021 /2025 المقرر انعقادها 31

بورصة أخبار الإسماعيلى

طرد "العمدة"  شهدت مباراة الإسماعيلي وبلبيس الودية التي انتهت بالتعادل بهدف لمثله طرد عماد حمدي   نجم وسط الدراويش لدخوله في شجار مع لاعب منافس وصلت للاعتداء
image

استبعاد جديد للأفارقة في اختبارات الدراويش

   قرر الجهاز الفنى للإسماعيلي صرف النظر عن التعاقد مع المدافعين السنغاليين والمهاجم النيجيري بعد أن ثبت ضعف مستواهم مع اتاحة الفرصة لمحترفين أفارقة أخرين للخضوع

طلعت يوسف يعزل اللاعيبين عن اجواء الانتخابات

  قرر طلعت يوسف المدير الفنى للنادى الإسماعيلى عزل فريق الكرة عن أجواء الانتخابات التى تسيطر على المشهد داخل القلعة الصفراء، حيث يخوض الفريق تدريباته صباحا
image

القائمة الكاملة للمرشحين بانتخابات النادى الإسماعيلى

في تمام الساعة السابعة , أغلق باب التقدم لاوراق المرشحين لعضوية مجلس ادارة النادي الاسماعيلي في اجتماع الجمعية العمومية العاديةو المقرر إجراءها يوم 31 اكتوبر القادم و القائمة الكاملة مع حفظ الالقاب
image

الإسماعيلي يتعادل مع بلبيس وديا

تعادل الإسماعيلي مع فريق بلبيس أحد أندية القسم الثاني بهدف لكل منهما ،في المباراة الودية التي جمعتهما مساء اليوم ،على ملعب فندق ميركيور المطل على
image

بعد خرابها : عثمان العثمانين علي الحياد تماما من انتخابات النادي

صرح المهندس محمود عثمان ، بأن " العثمانين " على الحياد تماما في انتخابات مجلس إدارة النادي الإسماعيلي ، وأشار بأننا سنكون على مسافة واحدة
image

بيان من المهندس محمود عثمان

العثمانيين " على الحياد تماما في انتخابات النادي الإسماعيلي وعلى مسافه واحدة من جميع المرشحين  كتب : هشام زكريا  صرح المهندس محمود عثمان رئيس مجلس إدارة مجموعة
Powered by Vivvo CMS v4.1.5.1