إسماعيلي إس سي - i s m a i l y S C - الفوز الخامس يا حزن حزنك يا إبراهيم يا عثمان

الفوز الخامس يا حزن حزنك يا إبراهيم يا عثمان

حجم الخط Decrease font Enlarge font
image

الف الف مبروك لعشاق الدراويش و الفوز الخامس علي التوالي

  و 3 نقاط جديدة  و الكل فرحان و سعيد .. الا صاحبنا في المزرعة قاعد حزين و كل يوم يتألم ..حتي يوم العيد ,, يوم العيد .. علي رأي الفنان الراحل محرم فؤاد
 حنقول لكم ليه صاحبنا قاعد حزين و مهموم و مكلوم .. بعدين
 لكن خلونا نتكلم عن الماتش الاول 
  إخوانا اللاعبين بالفريق الاول .. و لا واحد فيهم – شم ريحة الفوز 4 مباريات متوالية من قبل .. الا محمد صبحي الحارس الامين و الجالس مع الاحتياط .. يعني مفيش و لا لاعب من الفريق حصد 12 نقطة من 12 نقطة قبل كده و لا  من لاعبي الفريق ... سمع  سلك السمسمية بيغني اغاني قبل كده


 علشان كده كان فيه ضرس غرور ( مش سنة غرور) و طاقم اسنان كامل من الثقة ... ان الفريق سيطحن  فريق اسوان و يطلع منهم اسوانيين صغيرين ... غرور و ثقة و استهانة بالخصم ... علشان كده جاء اداء الاسماعيلي باهت باهت من الدقيقة الاولي بالمباراة و فرصتين لاسوان  خطورة علي مرمي محمد فوزي في اقل من دقيقتين ... و هدف من الفرصة الثالثة  اول الدقيقة الثالثة .. و بعد الهدف ..فرصتين من ارتباك  دفاع الاسماعيلي و محمد فوزي و حتي د 12 ..الاسماعيلي هجوميا لم يحضر
 بسب الغرور و التعالي و هبل الدفاع
و فخر الدين بيجري و خلاص و شكري نجيب  بيهلفط و احمد مدبولي بيعجن و محمد صادق بيعطل و يتلعبط
و علشان كده كان لازم الحل يجيي من المدافع حسين السيد الذي يتقدم و توغل و يسجل هدف التعادل د 16
و ظل الاسماعيلي – بلا فائدة رغم التمريرات بالمئات و الاستحواز بالستينات و انذار لفخر الدين د 30
و شوط اول يسد النفس حتي عن الرنجة و البصل بعد رمضان و انتهي 1-1  وسط سخط جماهيري  
 شوط تاني متغير نوعا و شكلا
و اول فرصة حقيقية للاسماعيلي في د 55 لشكري نجيب – أي و الله -  اول لعبة هجومية كانت بالدقيقة 55 و  هدية من الحكم العدوي  علي حارس مرمي اسوان علي خط المرمي لتأخره للعب 6 ثواني – برضه تضيع  و لا يتم استغلالها بتسديدة من فخر الدين  الي خارج المرمي
استفاقة من الاسماعيلي و دخول متكرر في منطقة جزاء اسوان و كانت النتيجة كرة ساقطة وخطأ دفاعي مشترك ما بين  الحارس و المدافع الجنوبي .. يستغلها شكري نجيب و يسجل هدف الاسماعيلي الثاني د 64
 و فخر الدين يضيع هدف لا يضيع د 65 و عبد الله جمعة كان حيدخل التاريخ د 70 و لكن برفض و يضيع انفراد  د 70

و يعود شكري نجيب يستغل اجمل اسيست من مدبولي  و يسجل الهدف الثالث د 77 و تصبح النتيجة 3-1  و الكل فرحان و سعيد

 لكن لازم النكد و العصبية و كان الواحد حيفطر قبل اذان المغرب و يضيع صيام اول الايام البيض بسبب محمد صادق افندي

   محمد صادق افندي بيخسر الكرة جوه 18 الاسماعيلي و بشكل ساذج و عبيط و لكن هجوم الاسوانية ... عملوا حساب للجمهور و اضاعوا الفرصة مع تالق للحارس محمد فوزي الدولي

و اتصور ان الكابتن ايهاب جلال لو كان اسوان احرز هدف ..كان حيرسل  محمد صادق الي حلاق الصحة .. يعمل له العملية طواشي من جديد..  و يا عريس يا صغير ..علقة تفوت و لا حد يموت

و يتراجع الاسماعيلي وسط فوران صعيدي و هدف اوفسايد لاسوان و يسبب الحزن و النكد للكابتن علاء كلاي مدرب اسوان الرعديد

 و يخرج شكري و هاشم و ينزل الشامي و باهر د 92 لتامين المباراة و فعلا يعود باهر و ينقذ هدف من زاوية صعبة و الله زمان يا باهر

و 5 دقائق يصبحوا 6 دقائق و في اول الدقيقة السادسة  ضربة جزاء لاندفاع ساذج من الصحراوي كالعادة .. و ضربة جزاء  يسددها عمرو الحلواني قوية و في الزاوية و محمد فوزي يلحق بها و لكن تدخل الي المرمي و تسجل هدف اسوان الثاني

و تنتهي المباراة 3-2 للاسماعيلي و الف الف مبروك الفوز و الثلاث نقاط

 اما اخونا ابراهيم حزين ليه .. حاقول لكم ليه ... لكن بعععععععد الفاصل   

الحكاية ان المهندس ابراهيم عثمان الرئيس الشرعي المنتخب لمجلس ادارة السلاحف .. لا يترك صغيرة و لا كبيرة الا و يعطلها و يفضل يدقق و يحركش و ينعكش اي حاجة علشان يعكنن علي أم اللجنة الفنية ... يعني عايز يثبت انه الرئيس الشرعي و يحافظ علي الشرعية المهلبية ,,لكن عن طريق خالف تعرف باي حاجة و في اي حاجة

  .. الفريق فاز في 4 مباريات متوالية و سعادة الرئيس الاورجنيك المجمد... رافض انه يرفض  مكافاة الفوز و مكافاة الاجادة  و قدرهما 10 الاف جنيه لكل لاعب عن كل مباراة كما اتفق الكابن ايهاب جلال مع اللاعبين باللائحة  المعدلة... ابراهيم باشا قال نصرف نص المكافاة عن المباراة الاول !!!! و بعد ضغط  عنيف من اخوه الصغير و تسليك و توليع ...  وافق المجمد  علي صرف مكافاة واحدة بس عن مباراة فوزواحد بس .. و بعدين نشوف.. حتي لا يتمرع اللاعبون  و يتنمردوا و يتعلموا بشرب السجاير ... ان لقوا فلوس كتير في ايديهم  

ايهاب جلال هدد بالرحيل و ابلغ اللجنة الفنية و التي حاولت مع طوب الارض بره و جوه النادي و الخوازيق اشتغلت  من من حول الناظر للضرب في اللجنة  من شلة مقاطيع العزبة ...  و بالفعل كاد حمد ابراهيم يلم هدومه و باقي الجهاز و يمشوا و بلاش لعب عيال ....و العمدة و الهر ,,,وضعوا  صوابعهم العشرين في الشق

الموقف تأزم قوي قوي و  اخيرا الاخ الاكبر و الاخ الاصغر .. كسروا الحصالة و صرفوا مكافاتين عن مباراتين فقط من الاربعة .. مع وعد بصرف كل المكافات بعد المباراة الخامسة و الفوز .. و بشرط الفوز فقط  و وافق الناظر ...و لعل و عسل يحصل في الظروف ظروف و يثبت صحة وجهة نظره السودة 

لكن حصل اللي حصل .. و فاز الفريق و وضعوا الرئيس الاورجنيك في مأزق  و لابد من صرف المكافات الخمسة ..لُوكة واحدة .. حسب وعد الشقيقان المحترمان و مش عارفين  صاحب التوقيع و الخزنة حيعمل ايه و حيفتكس ايه تاني  

الله يكون في عون الهر و العمدة ,,, و في عوننا احنا كمان و يعدي الموسم الزيتنوني ده علي خير  

ربنا كريم و ستار و الف الف مبروك     

و انتهي الكلام خارج المقرر

جديد إس سي
image

رابط الإصدار الجديد لموقع اسماعيلي اس سي

تشكر ادارة موقع اسماعيلي اس سي كل متابعي الموقع و رواده ... و يعلن عن رابط الاصدارالجديد لموقع اسماعيلي اس سي , مع استمرار تواجد الأرشيف القديم , نظرا لما يحتويه عن تاريخ و كنوز الدراويش الذهبية
image

سيراميكا يرفض رحيل محمد حسن إلى الإسماعيلى

كشف مصدر مسئول بجهاز الكرة بنادى سيراميكا أن الجهاز الفني بقيادة هيثم شعبان يرفض رحيل محمد حسن إلى الإسماعيلى رغم محاولة مسئولي الدراويش ضم اللاعب
image

اجتماع مهم فى الإسماعيلى

الإسماعيلية - خالد لطفي: يعقد المسئولون بالإسماعيلي اجتماعًا مهمًا خلال أسبوع بعد غلق باب الترشح أمس لانتخاب مجلس للدورة الجديدة 2021 /2025 المقرر انعقادها 31

بورصة أخبار الإسماعيلى

طرد "العمدة"  شهدت مباراة الإسماعيلي وبلبيس الودية التي انتهت بالتعادل بهدف لمثله طرد عماد حمدي   نجم وسط الدراويش لدخوله في شجار مع لاعب منافس وصلت للاعتداء
image

استبعاد جديد للأفارقة في اختبارات الدراويش

   قرر الجهاز الفنى للإسماعيلي صرف النظر عن التعاقد مع المدافعين السنغاليين والمهاجم النيجيري بعد أن ثبت ضعف مستواهم مع اتاحة الفرصة لمحترفين أفارقة أخرين للخضوع

طلعت يوسف يعزل اللاعيبين عن اجواء الانتخابات

  قرر طلعت يوسف المدير الفنى للنادى الإسماعيلى عزل فريق الكرة عن أجواء الانتخابات التى تسيطر على المشهد داخل القلعة الصفراء، حيث يخوض الفريق تدريباته صباحا
image

القائمة الكاملة للمرشحين بانتخابات النادى الإسماعيلى

في تمام الساعة السابعة , أغلق باب التقدم لاوراق المرشحين لعضوية مجلس ادارة النادي الاسماعيلي في اجتماع الجمعية العمومية العاديةو المقرر إجراءها يوم 31 اكتوبر القادم و القائمة الكاملة مع حفظ الالقاب
image

الإسماعيلي يتعادل مع بلبيس وديا

تعادل الإسماعيلي مع فريق بلبيس أحد أندية القسم الثاني بهدف لكل منهما ،في المباراة الودية التي جمعتهما مساء اليوم ،على ملعب فندق ميركيور المطل على
image

بعد خرابها : عثمان العثمانين علي الحياد تماما من انتخابات النادي

صرح المهندس محمود عثمان ، بأن " العثمانين " على الحياد تماما في انتخابات مجلس إدارة النادي الإسماعيلي ، وأشار بأننا سنكون على مسافة واحدة
image

بيان من المهندس محمود عثمان

العثمانيين " على الحياد تماما في انتخابات النادي الإسماعيلي وعلى مسافه واحدة من جميع المرشحين  كتب : هشام زكريا  صرح المهندس محمود عثمان رئيس مجلس إدارة مجموعة
Powered by Vivvo CMS v4.1.5.1