إسماعيلي إس سي - i s m a i l y S C - لينا 31 و علينا 31 ..كان بيدربنا صندل

لينا 31 و علينا 31 ..كان بيدربنا صندل

حجم الخط Decrease font Enlarge font
image

الف الف والفين مبروك .. يعني مليون و ألفين مبروك .. و يا رب يكتر

أفراحنا .. و علي قد نية ( معظمنا ) .. يدينا

مبروك يا جمهور الدرويش .. الاسماعيلي فاز 3-1  علي المحلة و بفارق الهدفين دول ... اصبح للاسماعيلي 31 هدف .. و علينا 31 هدف ... لأول مرة من زمان طوييييل.. و ده ان دل علي شئ .. ده يثبت  ان اللي كان بيدرب الاسماعيلي شوية صنادل و بيشرف عليهم ... بنص 

في نهاية الموسم اللي فات 2019/2020 .. كان الاسماعيلي - 10  و لينا 38 و علينا 48

 و بالموسم اللي قبل قبله 2018/2019 ..كان الاسماعيلي -6 و لينا 30 و علينا 36

 ده ما كانش ... بنص بس ... ده كمان بنص ..أستكه مقطوع  كمان

 ليه 

 لان كان في موسم 2017/2018 .. كان الاسماعيلي + 23 .. لينا 50 و علينا 27

 ده كان  ايام الفرنسي ديسابر ... لكن أخينا ( اللهي يبعده عنا و عن كل البشر  ) .. عمل فيها  ( عملة ) عفريت 

و دمر الفريق و دمر اللاعبين و دمر الجماهير ... اصله مش محترف و   دبلون معلمين

 دققوا في الارقام مرة تانية .. حتعرفوا ان  ما يحدث للاسماعيلي - معجزة - ليس بسبب النتائج .. و لكن الفريق بيرجع الي الحياة .. بعد ما البعدا .. خنقوه و دفنوه و من غير ما يغسلوه

 يعني يا حلوين ... بقالنا سنتين و موسمين ... و حالتنا مطينة بطين مطين

و العجيب و الغريب ... لسة فيه ناس  بتقول .. سعادة البية .. سعادة البيه ... يا عيني عليه 

يا رب تجيي لهم شوطة زي شوطة الفراخ ... و نخلص منهم ... قولوا أمين

الكابتن ايهاب  جلال ... عمل عمله باخلاص  و فرق  جامد مع اللاعبين  .. و نفس اللاعبين كانوا مورينا لمدة سنتين .. المر و المرار

 شكري نجيب ... المشكلة بتاعته ان كان ما مفيش  مصيبة كانت علي مقاسه ... حاليا أصبح لعيب لعيب ... و خاصة في الدقيقة 65   من مباراة المحلة ... عم شكري ... اعطي ( فلس  دوا )  لمدافع المحلة  و شاطها جميلة ... لكن فوق  العارضة ... تصدقوا لو كانت  بين الثلاث  خشبات .. كان الجول ده حيفكر الاسماعلاوية القدامي بمين .... مش حتصدقوا

 كانت حيفكرنا .. بالاسطورة ... رضـــــــــــــــــــــــــا

   تصدقوا دي.. بدون مبالغة.. هي دي كانت اهداف الساحر الاسطورة رضا.. فلس..  و في البعيدة و هاتها من الشبكة 

 و كله اصله الاسماعيلية الولادة للمهارات  الابداع و المتعة .. و مفيش زي الاسماعيلية في مصر كلها  

 المدافع محمد هاشم ... اللي كان ممكن يجيب الشلل و البواسير لمن يتفرج عليه ... اصبح مدافع عالمي و رجليه  علي الارض و اصبحت هوايته انقاذ الاهداف و اخرها اليوم امام المحلة د 51 و  د 69

 محمد فوزي  ... الي قالوا عليه مصنوع و دوبلكيت مينص  صيني ... اصبح ممتاز و ردة فعله ممتازة .. و يطمئن  كل الناس

دونجا و الشامي ... اللي كانوا بيعتمدوا عليهم  مع محمد خلف .. اصبحوا  اقل اللاعبين في الفريق و ماتش اليوم كشفهم كمان و كمان

 و علشان نتكلم كله صح الصح

 تشكيل اليوم مش عاجبني.. و  انا باكتبه  .. تخيلت ان مؤمن مجدي ارسل لي تشكيل الجونة الموسم الماضي

و لكن ايهاب جلال صلح و أصلح باربعة تغييرات دفعة واحدة ...  باهر و شيلونجو  و صادق و  عماد حمدي  .. و بيلعب بمحمد عادل باك يمين

و قبلها كانت المحلة علي  وشك التهديف قبل الهدف الثاني للدراويش من بداية الشوط الثاني... و للدقيقة 57 .. لم نخرج من وسط ملعبنا

   و اول وصول للمرمي كان في الدقيقة 62 و شكري يضيع انفراد اكيد اكيد

لكن بالتغييرات للتشكيل الغريب و خروج دونجا اخيرا و نزول الوحش ... رجعنا  ... و ركبنا الماتش تاني و جبنا الثاني و الثالث عن طريق شيلونجو بلونجو .. و يتشقلب الشقلبة .. و معاه واحد من الاحتياطي يتشقلب زيه

 يحسب للمحلة اللعب حتي الدقيقة 91 بجد و اخلاص .. لكن شقلبة  شيلونجو ... جعلت من حقنا نهدئ و نستريح دقيقة و نص فقط  قبل ما يصفر الصباحي  بالفوز و الثلاث نقاط

نقطة اخيرة

و طبعا ..كلنا فرحانين و مبسوطين و بالثلاث نقاط مزأططين .. لكن هناك من يحاول يضيع مننا الثلاث النقاط

ربنا يهده زي ما هد السلم ... لم لم .. لم لم  

بس خلاص      

 

 

 

 

و انتهي الكلام خارج المقرر 

جديد إس سي
image

رابط الإصدار الجديد لموقع اسماعيلي اس سي

تشكر ادارة موقع اسماعيلي اس سي كل متابعي الموقع و رواده ... و يعلن عن رابط الاصدارالجديد لموقع اسماعيلي اس سي , مع استمرار تواجد الأرشيف القديم , نظرا لما يحتويه عن تاريخ و كنوز الدراويش الذهبية
image

سيراميكا يرفض رحيل محمد حسن إلى الإسماعيلى

كشف مصدر مسئول بجهاز الكرة بنادى سيراميكا أن الجهاز الفني بقيادة هيثم شعبان يرفض رحيل محمد حسن إلى الإسماعيلى رغم محاولة مسئولي الدراويش ضم اللاعب
image

اجتماع مهم فى الإسماعيلى

الإسماعيلية - خالد لطفي: يعقد المسئولون بالإسماعيلي اجتماعًا مهمًا خلال أسبوع بعد غلق باب الترشح أمس لانتخاب مجلس للدورة الجديدة 2021 /2025 المقرر انعقادها 31

بورصة أخبار الإسماعيلى

طرد "العمدة"  شهدت مباراة الإسماعيلي وبلبيس الودية التي انتهت بالتعادل بهدف لمثله طرد عماد حمدي   نجم وسط الدراويش لدخوله في شجار مع لاعب منافس وصلت للاعتداء
image

استبعاد جديد للأفارقة في اختبارات الدراويش

   قرر الجهاز الفنى للإسماعيلي صرف النظر عن التعاقد مع المدافعين السنغاليين والمهاجم النيجيري بعد أن ثبت ضعف مستواهم مع اتاحة الفرصة لمحترفين أفارقة أخرين للخضوع

طلعت يوسف يعزل اللاعيبين عن اجواء الانتخابات

  قرر طلعت يوسف المدير الفنى للنادى الإسماعيلى عزل فريق الكرة عن أجواء الانتخابات التى تسيطر على المشهد داخل القلعة الصفراء، حيث يخوض الفريق تدريباته صباحا
image

القائمة الكاملة للمرشحين بانتخابات النادى الإسماعيلى

في تمام الساعة السابعة , أغلق باب التقدم لاوراق المرشحين لعضوية مجلس ادارة النادي الاسماعيلي في اجتماع الجمعية العمومية العاديةو المقرر إجراءها يوم 31 اكتوبر القادم و القائمة الكاملة مع حفظ الالقاب
image

الإسماعيلي يتعادل مع بلبيس وديا

تعادل الإسماعيلي مع فريق بلبيس أحد أندية القسم الثاني بهدف لكل منهما ،في المباراة الودية التي جمعتهما مساء اليوم ،على ملعب فندق ميركيور المطل على
image

بعد خرابها : عثمان العثمانين علي الحياد تماما من انتخابات النادي

صرح المهندس محمود عثمان ، بأن " العثمانين " على الحياد تماما في انتخابات مجلس إدارة النادي الإسماعيلي ، وأشار بأننا سنكون على مسافة واحدة
image

بيان من المهندس محمود عثمان

العثمانيين " على الحياد تماما في انتخابات النادي الإسماعيلي وعلى مسافه واحدة من جميع المرشحين  كتب : هشام زكريا  صرح المهندس محمود عثمان رئيس مجلس إدارة مجموعة
Powered by Vivvo CMS v4.1.5.1