إسماعيلي إس سي - i s m a i l y S C - والله بحبك يا إسماعيلي و إبعد يا شيطان

والله بحبك يا إسماعيلي و إبعد يا شيطان

حجم الخط Decrease font Enlarge font
image

أنا الاسماعيلي أنا .. أنا الاسماعيلي .. انا الفن و الحرفنة و الفن البرازيلي

و يا الله .. علي الجمال و الروعة و الفوز .. الحمد لله علي زوال الغمة و الحزن و النكد 

 الحمد لله مازال في المزرعة و طبعا جنبها مزارع  و مزارع

و لو انه نحس محصول ( المانجو الاسماعلاوي  ) كله ... لان الزريعة و التطعيم للشجر ..  كانوا قبل ما يدخل الهر و العمدة و البوب باب الاسماعيلي

 ده ضرب الفريق و اللاعبين و الجماهير .. حتي المانجو .. لا بقي فيه فص و لا قرص...   و لا حتي صديقة..  بتاعة زمان

 كان  خلف الباب و خلف المكاتب و خلف التراك و خلف هنا و هناك و بتعليمات ... ابعد يا شيطان .. ابعد يا شيطان

 خليك بعيد لحد ما نشوف بعد كده .. حنعمل ايه . بس انت إبعد يا شيطان أبعد يا شيطان  

نرجع و نقول الحمد لله و الف حمد  و شكر.. و بقينا ايها الاسماعلاويون .. +3  من الاهداف

 من 3 سنوات و شهرين بالظبط بالظبط من ابريل 2018  ... و احنا من سلقط لملقط لقباض الارواح ...  و سالب اهداف

لكن مع البوب  سجلنا 21 هدف في 10 مباريات و من 34 هدف طوال الموسم ... احسبوها و افهموها  

و الله زمان .. زمان و الله       

  بس عايزين الصراحة .. لحد الدقيقة 85  انا كان قلبي في رجليه.. حتي احرز التونسي الروج ( و الله ما اعرف الروج يعني ايه ) جاب جول مزيكا  بتشميسة و لوووب روعة الروعة  للاخ  الهاني سليمان ... و وسط ضغط سمحاوي مستمر و تراجع للاسماعيلي ( طلعت خطة بعد كده من البوب )  و من بعده ربنا يكرم شكري نجيب اخيرا و يجيب الجول الثالث  و 3 -0 .. و الواحد وسطه تعبه من الرقص... و مالو اهو كله تمارين للغضاريف

و قبل اي شئ خااااالص ... لابد من تقديم التحية و الاحترام و كل شئ جميل .. الي الحارس الجميل محمد فوزي .. نجم المباراة الاول و علي الاطلاق

 رشاقة و مرونة و تركيز و حاجة جميلة .. ربنا يحفظك يا فوزي

و ربنا يجازي اللي كان مخلينا و مخليك .. في الطراوة

 نجم كبير و حارس قدير  و ارجع للدقائق 13 و 25 و 40 و 66 .. ربنا يحفظك يا فوزي و يسامح اللي كان السبب

و قبل ما انسي ... شوفتوا الحارس محمد صبحي ( ثلث تاريخ حراسة الدراويش ) عمل ايه مع فوزي  في نهاية الماتش

May be an image of grass and text

لقطة الموسم بصراحة

فاكرين عملوا في صبحي ايه و برعاية مين ... إبعد يا شيطان .. أبعد يا شيطان

هو ده الدراويش ... اللي قاعد علي الادارة الفنية .. الهر الساحر علي ابو جريشة .. يا ناس

 القصة و مافيها قدرات لاعبين .. بس تطلعها ازاي .. لما تنزل احمد مدبولي و بتمريرتين .. تنشف كل عصير سموحة  و  تدبح لانشون اسكندرية

و لو كان راسية فخر الدين بن يوسف مضبوطة .. كانوا بقوا خمسة د 33  و46 .. كانت حتبقي ليلة يا عمدة  و بط و وز و حمام و فراخ

و القصة و مافيها ... مين ينزل و مين يلعب و مين يتعب و امتي و هي دي الادارة الفنية .. و زي ما قلت من اسبوع .. كان بيدربنا صندل

و تكتيك فني مختلف لكل مباراة و لكل شوط  و لكل نص شوط ... هو ده الفارق بين مدرب و بين .. البطيخة

الفارق كبير بين مدرب عارف يدير فريق و يفهمه انه ممكن يكسب اي فريق مهما كان كبير او نتائجه كويسة  و ده بياخد وقت علشان كده خسرنا من  الزمالك في الكاس و من المقاولين بالدوري و الفوز علي المصري و سموحة  في اسكندرية

 الفربق كبير بين مدرب جاي عن طريق سيرش في النت و يعينه الناظر و معاه جواسيس و دبابيس و عصافير  و حدايات

و بين مدرب معاه الصلاحيات ... و الهر و العمدة في ظهره و معاه   

 لكن برضه .. مش قادر الا ان افكر في عدة نقاط 

 اذا كان الامر كذلك ... طيب ايه اللي حيحصل في الموسم القادم 

و القيد في 27 اغسطس القادم  يعني كمان شهرين .. و مفيش تخطيط و لا تحنيط و لا حتي تشليت 

 طيب ايه اخبار غرامة النجوم و الخصم 6 نقاط ايه و ايه ... و الا يبقي , عرق فوزي و شكري و فخر و مدبولي و صادق و باهر ..كل ده راح فطيس

احنا لا بيتضحك علينا بكلمة  مفيش خصم ..ده كلام سكرانين و لا بنقول نص الموسم و لا اخره  و لا بنستدل لا بجدول الفيفا او الايفا و لا بجدول موقع في الجول زي الجيل الجديد  .. احنا لنا المستندات فقط و المستندات بتقول هناك خصم و رفض طعن .. يعني خلاص ... راحوا ثلاث نقاط  

لكن هناك منغصات .. لازم حلها  لازم نعرف ايدينا من رجلينا... و لا نعود يصعب حالنا علي الكافر في كل المجالات

 و لكن برضه الف الف مبروك  للدراويش و عودة الدراويش

 و  رحمة الله تعالي علي الكابتن عبد الرحمن انوس

 May be an image of 4 people

و الله بحبك يا اسماعيلي    

و انتهي الكلام خارج المقرر  

    

جديد إس سي
image

يوسف يطالب بضم مهاجم أفريقي قبل نهاية الانتقالات

طلب طلعت يوسف المدير الفني للنادي الإسماعيلي، من اللجنة الفنية للدراويش برئاسة علي أبو جريشة وعضوية عماد سليمان ضرورة التعاقد مع مهاجم أفريقي مميز قبل
image

بعد اغراق النادي في المشاكل والديون ... لن يترشح مرة اخري

أكد سيد عبدالرازق بازوكا نجم النادي الإسماعيلي السابق أن رئيس النادي الحالي لن يخوض انتخابات الدراويش. وقال بازوكا في تصريحات اعلامية: سحب أوراق الترشح لانتخابات
image

طلعت يوسف يحسم تعاقد الإسماعيلي مع عمرو الحلواني

يحسم طلعت يوسف، المدير الفني للفريق الأول لكرة القدم بالنادي الإسماعيلي، أمر تعاقد النادي مع عمرو الحلواني، ظهير أيسر نادي أسوان، خلال فترة الانتقالات الصيفية
image

التصويت السري مرفوض في الإسماعيلي

تعديلات مرتقبة في الجمعية العمومية.. وطلعت يرفض التفريط في الشامي الإسماعيلية ــ خالد لطفي: تفجرت أزمة مفاجأة لدى المسئولين بالإسماعيلي تمثلت اعتراض الكثير من الأعضاء على
image

راحة 24 ساعة في الدراويش .. وميزانية للمعسكر السكندري

قرر الجهاز الفني للإسماعيلي منح جميع لاعبي الفريق الأول لكرة القدم راحة سلبية لمدة 24 ساعة لالتقاط الأنفاس والعودة للانتظام في التدريبات اليومية استعداد لانطلاق
image

أبو الحسن يعلن الترشح لرئاسة الإسماعيلي ويستقر على القائمة

أعلن نصر أبو الحسن رئيس مجلس إدارة نادي الإسماعيلي السابق، الترشح على مقعد رئيس مجلس إدارة نادي الإسماعيلي، في الانتخابات المقرر إجراؤها في 31 أكتوبر المقبل.
image

البقاء لله , وفاة حرم الكابتن أسامة خليل

ينعي موقع إسماعيلي اس سي وفاة السيدة حرم أسامة خليل كابتن فريق النادي الاسماعيلي و منتخب مصر في السبعينات.
image

اليوم الاول للترشح .. لم يتقدم أحد

كتب ميدو حسين .. مر اليوم الاول لفتح باب قبول اوراق المرشحين لانتخابات مجلس ادارة النادي الاسماعيلي2021/2025 , دون ان يتقدم احد بالاوراق اللازمة
image

الفريق في راحة مسائية و غدا و السبت طلعت يقود المران

حصل الفريق الاول لكرة القدم بالنادي الاسماعيلي علي راحة من مران اليوم الخميس المسائي و ايضا راحة من المران غدا الجمعة .
image

بالفيديو : الزئبقي بركات يتحدث عن الاسماعيلي ومشواره الكروي

حاول محمد بركات، مدير منتخب مصر، الهروب مما وصفه بـ”الورطة” من جانب أحمد حسام (ميدو) مقدم برنامج “أوضة اللبس” عبر قناة “النهار”. وطلب ميدو من بركات
Powered by Vivvo CMS v4.1.5.1