إسماعيلي إس سي - i s m a i l y S C - حنظل عثمان المر, عمره ما يبقي عويسي

حنظل عثمان المر, عمره ما يبقي عويسي

حجم الخط Decrease font Enlarge font
image

معلش ..ولا مؤاخذة.. تصور نفسك مكان ابراهيم عثمان .. لا مؤاخذة يعني

.. وانا اسف علي التشبيه
تصور نفسك يا مؤمن .. متجوز واحدة مفترية  ...  طارداك من البيت ومحرجة عليك انك تمر من الشارع اصلا – لا مؤاخذة تاني ,,, وكل يوم الست المفترية دي ..ترسل لك فواتير المدارس والكهرباء والنت والديلفيري والشراء اونلاين
وانت يا عم المطرود ... لازم عليك تدفع وندفع وتدفع .. رغما عن أنفك وأنف ابوه وأنف اللي خلفوه
 عارف الست المفترية دي .. لو كانت رفعت دعوي للخلع .. واتخلعت ... كان أكرم للرجل المطرود
وكان حيزعل يومين تلاتة ..علي تحويشة العمر اللي دفعها في البيت ( بيقول لنا انها 48 مليون ) . نقول أسبوع زعل .. المطرود يمكن يفوق بعده .. وممكن يتجوز ويخلف كمان
 كن الست المفترية ..طارداه و مشرداه ومجمداه  ,,, و كل شوية تطلب منه (تجديد ) الستاير والجهاز الفني و(التعاقد) مع منجد وكهربائي و  ( التفاهم ) مع الطويلة والقصيرة والنص نص
 يعني اخوك الافندي المطرود .. مذلول مذلول مذلول يا ولدي
 وكمان المفترية راحت جابت اخوها ( علوة ) اللي جوزها المطرود ما بيطقووش اصلا  .. وعلوة ..شارب نايم واكل في البيت ولابس بيجاما المطرود .. وبيخش نت من كمبيوتره الأبل ماكنتوش
وعلوة ..كل شوية ينزل له صور.. والناس تقول له :  يا سلام يا هر يا ساحر
وحاقول لاولادي – علوة – النادي
وكل ده .. والمطرود منبوذ وشعره الابيض الطاير منكوش ومهروش
 ده الزوج المنتخب المطرود .. يجيي له لوثة وهطله وبلة مغولي وانكلستوما ودودة شريطية واسهال وبواسير وناصور وشرخ كمان 
ده اللي حصل وبيحصل
 بس ارجوا ان تفتكر .. في التشبيه لا مؤاخذة يعني
يبقي لازم ( الهو هو ) ..بتوع المطرود المنكوش يظهروا ويلعلعوا
في الوقت بدل بدل الضائع .. ويهوهو ..هوهوه الاخيرة
لعل وعسل
وعسل ده اللي حصل وخرج الناس كلها عن شعورها وتركيزها
و امبارح الاثنين 16 اغسطس 2021 اسماعلاوي كاتب بالحرف :
يا جودعان .. سيبكم من الجهاز الفني .. خلينا نركز ماتشنا بكرة مع بتروجيت غدا  !!!!!!!!!!!
..................
سيبكم من الخسارة امام انبي .. لان ده واجب علينا لكل الفرق المصرية الحكومية منها والخاصة والماصة
 كله علم علينا في السنة السودة دي
ولما المطرود يقعد يزرع حنظل ..خمس سنين ..خمس سنين كاملة حنظل في حنظل في حنظولة
 انت فاكر لما نجيب ايهاب جلال .. حينزل  غيط  محصول الحنظل
و يحصد .. مانجو عويسي
 لو جبت الهر و العمدة و ايهاب جلال
 مرار الحنظل .. حيقلب حلاوة الفص العويسي
يا مؤمن ... انت حصلت علي  نقطتين كده وكده من 12 نقطة في اربع ماتشات
والفوز السابق كان من الفوز علي الفرق اللي ابو عشرة بقرش
 لكن لما تلاعب الاهلي والزمالك وبيراميدز وانبي
 يبقي لازم .. تاكل الحنظل ساندوتشات وتحلي بمربى صبار وعصير ودان
والنهاردة امام انبي
 قدم لنا ايهاب جلال درس حنظلي ابن حنظلي
ايه هو
 الدرس الحنظلي .. هو الحارس محمد صبحي
مع الاحترام و التقدير له و لتاريخه
 كان احد افتكاسات المطرود  الاخيرة .. لو فاكرين
والنهاردة ايهاب جلال حب يقول لنا
اهوه ... اتفضلوا
 مربي حنظل وعصير حنظل وحنظل مخلل وحنظل مشوي وحنظل اومليت والحلو ... حنظل بالحنظل
 فريق كله حناظلة .. ضرف علي صبحي علي بيومي علي شامي علي صادق
علي الكل كليلة
 من انتاج وزراعة المطرود و رعاية محمد خلف
 بصوا شوفوا ..انتم ايه يا اسماعيلي عثمان
و عثمان عمل فيكم ايه
و حنظلكم ازاي
و انتم بقيتوا متحنظلين من اللي يسوي وما يسواش
يعني هي جت علي انبي .. وشلبي و ايبوكا ... و اموميكا
 خليها في سرك
و ما عاش اللي يزعلنا
ويارب عدي السنة السودة علي خير
و فات الكتير ... ما بقاش غير الشرير لمدة شهرين  
و يا رب سلم يا رب
و انتهي الكلام خارج المقرر

جديد إس سي

طلعت يوسف يعزل اللاعيبين عن اجواء الانتخابات

  قرر طلعت يوسف المدير الفنى للنادى الإسماعيلى عزل فريق الكرة عن أجواء الانتخابات التى تسيطر على المشهد داخل القلعة الصفراء، حيث يخوض الفريق تدريباته صباحا
image

القائمة الكاملة للمرشحين بانتخابات النادى الإسماعيلى

في تمام الساعة السابعة , أغلق باب التقدم لاوراق المرشحين لعضوية مجلس ادارة النادي الاسماعيلي في اجتماع الجمعية العمومية العاديةو المقرر إجراءها يوم 31 اكتوبر القادم و القائمة الكاملة مع حفظ الالقاب
image

الإسماعيلي يتعادل مع بلبيس وديا

تعادل الإسماعيلي مع فريق بلبيس أحد أندية القسم الثاني بهدف لكل منهما ،في المباراة الودية التي جمعتهما مساء اليوم ،على ملعب فندق ميركيور المطل على
image

بعد خرابها : عثمان العثمانين علي الحياد تماما من انتخابات النادي

صرح المهندس محمود عثمان ، بأن " العثمانين " على الحياد تماما في انتخابات مجلس إدارة النادي الإسماعيلي ، وأشار بأننا سنكون على مسافة واحدة
image

بيان من المهندس محمود عثمان

العثمانيين " على الحياد تماما في انتخابات النادي الإسماعيلي وعلى مسافه واحدة من جميع المرشحين  كتب : هشام زكريا  صرح المهندس محمود عثمان رئيس مجلس إدارة مجموعة
image

باقى من الزمن ٦ ساعات - محدث

 في اليوم الاخير الاربعاء .. لم يتبقي الا ساعات معدودة علي  غلق باب تقديم اوراق الترشح  اسماء المرشحون ... حتى الآن لانتخابات النادى الإسماعيلى اولا : منصب الرئيس
image

"الإسماعيلي يبحث عن صفقات تفصيل

اللجنة الفنية تواجه صعوبات بسبب أسعار اللاعبين  لازالت اللجنة الفنية بالإسماعيلي برئاسة علي أبو جريشة وعضوية عماد سليمان تبحث لدى سماسرة اللعبة عن الوجوه الخمسة السوبر
image

معسكر الدراويش فى الإسكندرية جاهز

اطمأن الجهاز الفني للإسماعيلي على تنظيم المعسكر المغلق للفريق الأول لكرة القدم بالإسكندرية الذي يبدأ 26 سبتمبر الجاري ولمدة 17 يومًا ويتخلله ثلاثة أو أربعة
image

اليوم الاخير .. هل ستحدث ريمونتادا في الدقيقة 95 ام لا

يغلق اليوم الأربعاء مجلس إدارة النادى الإسماعيلى برئاسة ....... باب الترشح لانتخاب مجلس إدارة جديد للنادى حيث استمر تلقى طلبات الترشيح منذ الخميس الماضى، وذلك
image

الفريق يواصل المران و مباراة ودية مع بلبيس

واصل فريق الكرة الأول بالإسماعيلى تدريباته مساء اليوم ، فى إطار الاستعداد للمشاركة بمنافسات الدورى الممتاز فى موسمه الجديد. المران اشتمل على جمل خططية متنوعة منها
Powered by Vivvo CMS v4.1.5.1