إسماعيلي إس سي - i s m a i l y S C - جلال مصمم علي الفضيحة أمام شركة الرعاية

جلال مصمم علي الفضيحة أمام شركة الرعاية

حجم الخط Decrease font Enlarge font
image

اوعي تقول لي ان الكابتن ايهاب جلال ..بيجرب اللاعبين ليختار منهم

 من يبقي و من يرحل ... لان كان عنده معسكر في الاسكندرية و اربع مباريات ودية قبل استئناف الدوري للتوقف بسبب اولمبياد طوكيو

كان ممكن الكابتن ايهاب جلال يجرب 60 لاعب في المباريات الودية و يعرف من يبقي و مين يرحل

و الا لازم اللي يرحل  من اللاعبين .. لازم يرحل بفضيحة بجلاجل  جرسة بحناجل له و للفريق و النادي علي الفضائيات 

و كل لاعب - مقترح رحيله - اجربه علي الملأ و افضحة و اقطعه علي طاسة التقطيع  

و كل المباريات الاخيرة التي خسرها  الاسماعيلي ..كانت بافتكاسات من الكابتن ايهاب جلال

و لا يهمه ان الجماهير - اي جماهير - تكره الهزيمة حتي لو في المباراة الودية 

 فمابالك في المباريات الختامية للدوري و البحث عن نقطة تحسن وضع الفريق ( المنيل بستين نيلة ) و لكن لازم فضيحة الفريق و الاسماعيلي و اللي بيشجعوه

و فيه نقطة هامة جدا جدا جدا ... قد لا ينتبه اليها  جمهور الاسماعيلي 

ان تأخرك بكل نقطة في جدول الدوري .. تترجم بالملايين في عملية طرح حقوق الرعاية لاربعة مواسم قادمة

و الاسماعيلي في اسوء اوقاته  بعد صحوة مؤقتة ... و بكده ابقوا قابلوا ايهاب جلال و حاشيته  

و قت تقييم الشركة الراعية لفريق .. متعلم عليه من كل فرق الدوري ..رايح جاي

 طبعا مفيش حد من اصحاب ( البوب ) بيفكر في النقطة دي .. و لا من اللجنة الفنية و لا من مجلس السلاحف  

المهم ( البوب ) ابننا و بالله عليك يا ( بوب ) تجدد و تبقي .. وطز في عقد الرعاية  و قيمته 

 المهم تجدد يا بوب .. اقوي مبيد للبق 

كتبنا من زمان و بصراحة و اتزان 

    إيهاب جلال ..سبب الهزيمة مش الغندور

و زعل منا من زعل .. اننا بننتقد ( البوب ) و من ساعتها ما شفناش  خير

 فضائح و كوارث و رجع محصول الاهداف - سالب 3 - و كانك  يا ابو زيد .. عرقت و أتبليت

طبعا من الطبيعي يقول احد المشجعين .. ان من حق الجهاز الفنيي ( يجرب ) اللاعبين .. و فعلا البوب جرب الفريق و اللاعبين - ليس من  ( التجربة ) و لكن من مرض ( الجَربْ ) و اصبحت الجماهير في غم و نكد وحزن .كل 72 ساعة .. بسبب البوب

و الفريق متأخر 2-0 من الدقيقة 63  و البوب لا يغير لاعبين الا بالدقيقة 76 ... هو فيه ايه يا بوب انت مش انت

و الفريق جمع نقطتين من 18 نقطة وثلاث هزائم متصلة

 الاتحاد و بيراميدز و الأهلى و  الزمالك و  انبى و وادى دجلة

و اصبحت الجماهير تتمني التعادل مع طلائع و سراميكا كليوبترا 

و يبقي السؤال ..هو الاخ ايهاب جلال لسه حيجرب في الماتشين الجايين

و يبقي ختامها ..زفت .. و الا و لا كأننا قلنا حاجة

استرها معانا .. يا رب و ما تفضحناش   

 و نهدي مباراة اليوم الي الكابتن مدرب حراس المرمي السابق الدولي ... و اللي عمله فينا محمد مجدي ..و في مقابلة النجم الحارس محمد عبد المنصف 44 سنة حارس المرمي المخضرم و قدامه عندنا حارس مرمانا المخرم

و يا تري من قال عندنا حراس مرمي لحد 10 سنين جايين ؟؟؟ مين  

عبد المنصف اليوم انقذ 6 اهداف محققة للاسماعيلي  منهم 4 اهداف 100% د 66 و 67 و 68 و 59 و الاخيرة دي .. من اقصي أقصي المقص من رأسية عماد حمدي ... و تخلينا كلنا نقف صف واحد و نقول .. ملعون كل من أضر بالنادي الاسماعيلي و تاريخه و جماله

و زي ما قلنا في تقرير سابق

حنظل عثمان المر, عمره ما يبقي عويسي

 و اللي عمله عثمان و خلف و الدولي و جوقة المدربين السكرتة  .. لازم يكون ختامها مر مرار علقم .. مع افتكاسات التجريب للبوب

مع التصريحات التي لم تنتهي من الكل .. خللي الفريق و اللاعبين و الجماهير خارج التركيز تماما

 تصريحات جرجير وكرات وفجلة ,, قبل لقاء وادي دجلة

الاسماعيلي فعلا بيمر بايام سوادء علي كل الاصعدة و كل سنة تمر اسوء من اللي قبلها

و الستر من عند الله تعالي .. و الاسماعيلي بقي غريب و عجيب

و محدش عارف اية اللي حيحصل ..لو فيه خصم نقاط قادم... و البهوات في امريكا ..و كل وعودهم دخان و ضباب  

و مرة اخري استرها معانا يا رب و ما تفضحناش

و انتهي الكلام خارج المقرر

جديد إس سي

طلعت يوسف يعزل اللاعيبين عن اجواء الانتخابات

  قرر طلعت يوسف المدير الفنى للنادى الإسماعيلى عزل فريق الكرة عن أجواء الانتخابات التى تسيطر على المشهد داخل القلعة الصفراء، حيث يخوض الفريق تدريباته صباحا
image

القائمة الكاملة للمرشحين بانتخابات النادى الإسماعيلى

في تمام الساعة السابعة , أغلق باب التقدم لاوراق المرشحين لعضوية مجلس ادارة النادي الاسماعيلي في اجتماع الجمعية العمومية العاديةو المقرر إجراءها يوم 31 اكتوبر القادم و القائمة الكاملة مع حفظ الالقاب
image

الإسماعيلي يتعادل مع بلبيس وديا

تعادل الإسماعيلي مع فريق بلبيس أحد أندية القسم الثاني بهدف لكل منهما ،في المباراة الودية التي جمعتهما مساء اليوم ،على ملعب فندق ميركيور المطل على
image

بعد خرابها : عثمان العثمانين علي الحياد تماما من انتخابات النادي

صرح المهندس محمود عثمان ، بأن " العثمانين " على الحياد تماما في انتخابات مجلس إدارة النادي الإسماعيلي ، وأشار بأننا سنكون على مسافة واحدة
image

بيان من المهندس محمود عثمان

العثمانيين " على الحياد تماما في انتخابات النادي الإسماعيلي وعلى مسافه واحدة من جميع المرشحين  كتب : هشام زكريا  صرح المهندس محمود عثمان رئيس مجلس إدارة مجموعة
image

باقى من الزمن ٦ ساعات - محدث

 في اليوم الاخير الاربعاء .. لم يتبقي الا ساعات معدودة علي  غلق باب تقديم اوراق الترشح  اسماء المرشحون ... حتى الآن لانتخابات النادى الإسماعيلى اولا : منصب الرئيس
image

"الإسماعيلي يبحث عن صفقات تفصيل

اللجنة الفنية تواجه صعوبات بسبب أسعار اللاعبين  لازالت اللجنة الفنية بالإسماعيلي برئاسة علي أبو جريشة وعضوية عماد سليمان تبحث لدى سماسرة اللعبة عن الوجوه الخمسة السوبر
image

معسكر الدراويش فى الإسكندرية جاهز

اطمأن الجهاز الفني للإسماعيلي على تنظيم المعسكر المغلق للفريق الأول لكرة القدم بالإسكندرية الذي يبدأ 26 سبتمبر الجاري ولمدة 17 يومًا ويتخلله ثلاثة أو أربعة
image

اليوم الاخير .. هل ستحدث ريمونتادا في الدقيقة 95 ام لا

يغلق اليوم الأربعاء مجلس إدارة النادى الإسماعيلى برئاسة ....... باب الترشح لانتخاب مجلس إدارة جديد للنادى حيث استمر تلقى طلبات الترشيح منذ الخميس الماضى، وذلك
image

الفريق يواصل المران و مباراة ودية مع بلبيس

واصل فريق الكرة الأول بالإسماعيلى تدريباته مساء اليوم ، فى إطار الاستعداد للمشاركة بمنافسات الدورى الممتاز فى موسمه الجديد. المران اشتمل على جمل خططية متنوعة منها
Powered by Vivvo CMS v4.1.5.1