إسماعيلي إس سي - i s m a i l y S C - إدارة المغارة و رئيس الإمارة و جمال المكتئب

إدارة المغارة و رئيس الإمارة و جمال المكتئب

حجم الخط Decrease font Enlarge font
image

لو كانت المصيبة مثل تلك النادي يواجهها النادي الاسماعيلي في اي نادي أخر .. كان أعضاء مجلس ادارة ذلك النادي في حالة انعقاد دائم

حتي يتم حل تلك المصيبة ... لكن مجلس ادراتنا المحترم دخل المغارة و رئيسه قعد في الإمارة و جمهورنا اصبح  مثل جمال المكتئب

و جمال المكتئب ( الفنان شريف وهبي )  هو احد شخصيات الفيلم الرائع ( فيلم ثقافي )  و بالفعل الجماهير الاسماعلاوية او بعضها اصبح يضرب كف بكف  و يشعر بخوف رهيب من يوم 14 يونيو المقبل - ليس بسبب مباراة بتروجيت  و لكن بسبب  قرب انعقاد لجنة اانضباط لتوقيع العقوبات  ( المغلظة  ) علي النادي الاسماعيلي

 

 

جمال المكتئب اصبح بالفعل علامة مسجلة لدي ( بعض ) جماهير النادي .. و ( البعض ) الاخر ( يا بخته ) مازال عائم في  ( ماء البطيخ ) بيتحدث عن صفقات  و لاعبين بالملايين .. و ذلك البعض لا يعلم  ان الاسماعيلي .. لن يبقي الاسماعيلي

مجلس ادارة النادي الاسماعيلي .. لا يوجد في الاسماعيلي  و لا يتواجد في الاسماعيلي و كل واحد قاعد في بيته او في شغله  او في كافتيريا تيتو .. او اي مكان  و  لكن ( مالوش ) دعوة بالنادي و لا بيتقابل و لا بيتناقش و لا بيفكر في اي حاجة

تولع الدنيا - طالما السيد رئيس النادي جاب الكابتن خالد بيومي  و انا مالي .. يشيلها لوحده

الكابتن خالد بيومي  كمان .. عليه مهمة خاصة جدا .. و هو انه ينقل ماء بحيرة التمساح .. بملعقة شاي.. و هو و شطارته بقي

مجلس ادارة النادي دخل المغارة و عنده حالة من الاحباط  و الحزن  بعدما  اتخلع منهم التصريحات و الكلام في الصفقات  و برضه قالوا : يشيلها السيد الرئيس بنفسه  و خلي اللي بينقل  مية بحيرة التمساح بملعقة الشاي .. ينفعه

بصراحة ليس كل اعضاء مجلس الادارة .. هناك احد الاعضاء .. و لا  هوه هنا .. وفيس بوكي من الدرجة الاولي  و كل يوم بصورة و رأي جديد  عن الحياة و السياسية  و الحب و الجمال ... لكن عن الاسماعيلي ... مفييييش

اما باقي اعضاء مجلس الادارة و السيد نائب الرئيس ... في المغارة رسميا و خاصة ان احد المومئيات الادارية بالنادي ... ظهرت له صورة مؤخرا ... و الف الف نهار أبيض

و لان مفيش مباريات اليومين دول ... اعضاء مجلس الادارة مختفيين تماما و لكن عند تواجد مباراة واحدة .. ستجد الجميع قد ( لدع ) نظارة شمس و لبس  بدلة ( ابو نسمة )  و نزل راح الاستاد و قعد في المفصورة يتعنظز و  يتصور  و يتمنجه و يتمنظر

 

   

زيهم  زي ابطال فيلم ثقافي .. بمجرد يجدوا  الفيديو  و التليفزيون و المكان - يتجمعوا زي ما يكون ماتش مصر وتونس بكرة

و لما  ( ما يكونشي فيه )  فيلم فيه  سلمي حايك .. يبقي منظرهم كده

https://fbcdn-sphotos-b-a.akamaihd.net/hphotos-ak-xpf1/t1.0-9/10398672_10152043643206290_801737075416722750_n.jpg

اما السيد رئيس النادي الاسماعيلي - يجلس ( بامتياز ) في إمارة دبي  و كتر خير الموبيلات   و الاتصالات و طوال تاريخ الاسماعيلي منذ عام 1924  - لم يكن  رئيس مجلس الادارة كالطائر المسافر علي طول و كمان معاه مجلس  - ما شاء الله- في منتهي التفكك و التشرذم و التنافر  

و لنراجع لما الاسماعيلي وقع في ازمات من قبل ايه اللي حصل

الله يمسيك بالخير يا  مهندس نصر ابو الحسن - لما  أحضرت  المهندس سامح فهمي ( الله يفك سجنه ) الي الاسماعيلي و دلعته و شخلعته و اخدت منه خمسة مليون جنيه 

و الله يمسيك بالخير يا  دكتور رافت عبد العظيم لما أستقلت و لم تتراجع الا بالحصول علي راتب موظفي و عمال النادي  طوال الخمسة اشهر و عليها أرض بقيمة مليار جنيه

 لكن بصراحة - رئيس مجلس الادارة الحالي  بيحل كل مشاكل النادي بالطريقة الأتية  

يا سيسيتا ( السكرتيرة الفلبينية ) الغي كل مواعيدي بكرة علشان عندي  مقابلة مع رئيس وزراء مصر 

يا سيسيتا (  نفس السكرتيرة الفلبينية ) الغي كل مواعيدي بكرة علشان عندي  مقابلة مع مدحت شلبي في التليفزيون

يا سيسيتا ( هي هي  ) الغي كل مواعيدي بكرة علشان عندي  مقابلة مع الكابتن حازم امام في الفضائيات

و بيحضر رئيس النادي من الإمارة  و يرجع بعد ستة ساعات بعد اداء المهمة القومية

 و اللي يغيط اكثر و اكثر  لما بيكون فيه اتصال خارجي بالكابتن مدحت شلبي .. بيتم الحديث اليه و مخاطبته بــ : يا جنرااااال

حاجة كده زي ما كان ابطال فيلم ثقافي بيتكلموامع المعلم برايز .. و قول له اني بحبه لله في لله

 منتهي الدلع و الشخلغة للجنرااااااال . مع ان الجنرال عمره ما قال كلمة لوجه الله في الاسماعيلي و كل كلامه عن مشاكل الاسماعيلي من نوعية : العيب في النظام يا بهايم

 بصراحة انامش فاهم اعضاء مجلس ادارة النادي الحالي - اترشحوا ليه  و دخلوا المجلس ليه - حتي رئيس المجلس ... علشان يجلس في دبي  و يترك النادي .. بلا إدارة ... مش فاهم بصراحة

 بالمناسبة  كده ... هما فين العثمانيين  اللي لولا الاسماعيلي  و فضله عليهم ( بعدالتاميم الكامل لشركاتهم ) ما كانشي فيه اصلا عثمانيين و قابلوا الرؤوساء و الملوك و الامراء العرب - بسبب الاسماعيلي و اصبحت الريالات و الدنانير و الدراهم  كتير بسبب الدراويش  

و بالمناسبة ايضا .. هما فين المليونجية  الاسماعلاوية ... مع ان انتخابات مجس الشعب علي الابواب .. و الله يرحم ايام ما قبل ثورة 2011  عندما كان الاسماعيلي  بيتدلع اخر دلع  قبل انتخابات اي مجلس الشعب  فين ملايين الحزب ... و عوثمااااااااان  عوثماااااان ... اه يا زمن   

....

المصيبة التي يواجهها الاسماعيلي يا سادة .. تحتاج مجلس ادارة  في حالة انعقاد مستمر للبحث عن  حل للمشكلة و يترك اعضاء المجلس المغارة  و يعود السيد رئيس المجلس من الإمارة و يجلس الجميع يدا بيد من اجل النقاش و التفكير لحل المشكلة  التي قد تطيح بالاسماعيلي الي لدرجة الثانية و تجميده  و برضه حيدفع الـ 3 مليون بسبب انطواي و شفيع و اويري مع الغرامات ... و الاسماعيلي يلعب في الدرجة الثانية   

 لكن عندنا  رئيس نادي طيار ..  و اعضاء مجلس ادارة مومياء في المغارة و .... جماهير مكتئبة

 

 

 

 و لك الله وحده يا اسماعيلي و جماهيره

جديد إس سي
image

معار الاسماعيلي للمقاولون يرفض العودة

حسم مهاجم الفريق الأول لكرة القدم بالنادي الإسماعيلي والمعار لصفوف المقاولون العرب، حتى نهاية الموسم الجاري، موقفه من الاستمرار مع قلعة ذئاب الجبل، في الفترة
image

الاسماعيلي يستعد لمخاطبة أجانبه للعودة.. وباهر يواصل التاهيل

يستعد الجهاز الإداري في الإسماعيلي لمخاطبة لاعبيه الأجانب من أجل الاستعداد للعودة إلى مصر، فور فتح المجال الجوي أمام رحلات الطيران. ولم يحدد مجلس الوزراء المصري
image

مرتضى منصور: أبقى مجنون لو تعاقدت مع باهر المحمدي

قال مرتضي منصور، في تصريحات تليفزيونية لقناة نادي الزمالك .  أن الزمالك لم يفاوض باهر المحمدي كما يردد البعض؛ .   “كان عندي من سنتين بمليون جنيه،
image

عيد فطر سعيد لكل المصريين و المجد للشهداء

يتقدم موقع اسماعيلي اسي سي   بخالص التهنئة لكل عشاق فريق و نادي  الدراويش فى كل مكان بحلول عيد الفطر المبارك  و نتمنى دوام الصحة  و
image

حكاية باهر المحمدي مع الاسماعيلي من الالف الي الياء

 الكابتن يعلن رغبته في الخلع. .النادى يغرمه 200 ألف ويرفض رحيله.. اللاعب يتلقى عرضاً من العين الإماراتى ويحلم بـ "الكوبرى الأهلاوى"والجماهير تشيعه لجنة الخلد جمهور الاسماعيلى
image

الإسماعيلي ينهي الجدل حول ضم أحمد حمودي

تداولت أنباء الفترة الأخيرة عن دخول رئيس لجنة التعاقدات بالنادي الإسماعيلي "شاورما" الشهير بمحمد خلف في مفاوضات مع أحمد حمودي صانع ألعاب الفريق الأول لكرة
image

الإسماعيلي يشترط تمديد عقد «المحمدي» للموافقة على رحيله

دخل مجلس إدارة نادي الإسماعيلي برئاسة إبراهيم عثمان في أزمة جديدة مع باهر المحمدي، لاعب الفريق الكروي الأول، بعد تمسكه بالرحيل بداية من الموسم المقبل
Powered by Vivvo CMS v4.1.5.1