محمد عواد في الزمالك .. و العمدة حيتجوز فاطمة

كل ما يجري من تصريحات و توعد بعقوبات و ايقافات و لجوء الي وزير الرياضة و كل حاجة في الأخر ( فشوش ) و محمد عواد في الزمالك

و تعالوا معانا و نحسبها بالورقة و القلم .. و فاضل علي أذان المغرب و الافطار ساعتين

و نذكر ما نريد من نقاط علي هيئة نقاط

 النقطة الاولي

 الجهة الادارية - رفضت بشكل مبدئي و نهائي - القرض من السيد ابو السعود رئيس النادي الاسماعيلي و هذا معناه ان ما دفعه ابو السعود كمبالغ للنادي -  لن تعود اليه و هي تقترب من 6.4 مليون جنيه في موازنة الجمعية العمومية الاخيرة.. و كان يريد تكملتهم الي عشرة ملايين  كقرض .. يعني بالمختصر... لا نتوقع من ابو السعود مساهمات مالية كبيرة

 النقطة الثانية 

بعض لاعبي الفريق ان لم يكن اكثرهم هددوا  بعدم حضور فترة الاعداد ان لم يحصلوا علي جزء كبير من مستحقاتهم عن الموسم الماضي و مقدم الموسم القادم و هو يحتاج علي الاقل 5 مليون جنيه .. لا يتوفر في النادي  جنية واحد منها.. و منهم لاعبين اثنين هما - دلوعة - ابو السعود و حصلول علي حوالي 80% من مستحقاتهم ... لكنهم متمردين جدا جدا !!!!!

النقطة الثالثة  

اول مبلغ سيدخل خزنة الاسماعيلي عبر البث الفضائي للموسم القادم سيكون في شهر  يناير 2015 و بمبلغ 1.5 مليون جنيه - اي بعد 5 اشهر من بداية الموسم و ذلك ان الاسماعيلي انفق  الدفعة الاولي للموسم القادم - بالموسم الحالي !!!!!!!!!! و هو ما حذرنا منه من قبل 

النقطة الرابعة 

الاسماعيلي لن يحصل الا علي مبلغ 250 الف جنيه من عقد الرعاية الاسطوري لشركة بيرزنتيشن سبورت و الذي قيل - مبالغة -انه 45 مليون جنيه  و الــ 250 الف جنيه هي الدفعة الاولي من مبلغ مليون جنيه قيمة الرعاية كاملة للسنة الاولي و معهم 30 الف جنيه اعلانات حول التراك

 النقطة الخامسة .. و  نركز فيها جيدا 

ان وقع حسني عب ربه  لنادي الزمالك الساعة 12 ظهر .. لن تأتي الساعة الواحدة علي مجلس ابو السعود و هو في النادي الاسماعيلي ... و هو يعني ان التجديد للكابتن حسني عبد ربه  - امر حتمي تماما -  و الكابتن عبد ربه يحتاج علي الاقل مليون و نصف مليون ... طيب منين 

 لو راجعنا النقاط السابقة ... سنستخلص منهم  ان النادي يحتاج 5 مليون علي الاقل  قبل بداية الموسم .. و ابو السعود - كتر خيره - مش حيقدر يدفعهم من حسابه الشخصي 

 يبقي ايه الحل 

الحل هو بيع محمد عواد الي نادي الزمالك.. حتي لو غضب الجمهور 

و التجديد لحسني  عبد ربه .. علشان الجمهور ينسي بيع عواد

و محاولة اعادة  الحارس محمد صبحي .. بيكلموه كل يوم علي فكرة.. و صبحي رافض 

تلك حسابات رقمية - بلا فسلسفة  و من الاخر  .. محمد عواد في الزمالك

و علي فكرة - هناك نقطة سادسة - ما تخصناش .. تخص المستشار مرتضي منصور و لكنها  تفرق كتير و هي ان 

العمدة حيتجوز فاطنة .. يعني حيتجوز فاطنة 

و الله يرحمك يا شيخ مبروك - الراحل الفنان حسن البارودي - في فيلم الزوجة التانية.. لما قالها مدوية

انا حاقولها لك  علشان اخلص ذمتي امام الله

 لو ما سمعتش كلام العمدة  

انت حتتسجن و عيالك حيشحتوا و امك حتتشرد .. و العمدة حيتجوز فاطنة .. يعني حيتجوز فاطنة 

 بس خلاص .. و بلاش لف و دوران

حالة واحدة ..تمنع عواد من الانتقال الي الزمالك ...  حالة و احدة لا احد يعرفها الي الان