إسماعيلي إس سي - i s m a i l y S C - الخلاصة مع سيدومير الموز... وسعادة الفرقع لوز

الخلاصة مع سيدومير الموز... وسعادة الفرقع لوز

حجم الخط Decrease font Enlarge font
image

ليه البلجيكي سيدومير يونافسكي .. اصبح مغضوب عليه فجأة ومع انه خرج من الافريقية بشكل زي القطران

 ونتائجه في البطولة المحلية هباب الهباب ... ايه اللي جد جديد ... وليه عثمان عايز يزحلقه بره النادي علي قشرة موز ... وبنظرية الفرقع لوز ... وايه حكاية الشرط الجزائي

هات كرسي يا عزيزي واقعد جنبي واسمع الحكاية اللوز اللوز
نبدء بالشرط الجزائي علشان هو اللي شاغل بال الناس ... من ايام نشر احد المواقع ان سيدومير يونافسكي ينتهي تعاقده اخر مايو ... وحيمشي اخر مايو ... وسي عثمان ناوي يجيب مدرب جديد ... يونافسكي سمع الحكاية دي... وضرب بوز 
وايه اللي سرب حكاية التعاقد ومين قال وسرب كده ... غير الاداري المشهور بالكوز وهو علي عداوة مع يونافسكي وبيترجم له كل حاجة غلط في غلط
يونافسكي ... حداهم في بلجيكا او مقدونيا ... اللي يسرب حاجة زي التعاقد يستاهل الضرب بالشوز ... لكن وش الكوز .. مش طايق يونافسكي ... في حالة الهزيمة او حتي في الفوز

 
قلنا يونافسكي ضرب بوز من تسريب تعاقده وكمان كلامه لا يصل الي اللاعبين لا مترجم بطريقة انيس عبيد ولا بطريقة ترجمة جوجول العجوز

 
يونافسكي اشتكي كتير من كفاءة الجهاز المعاون في التدريب و انهم مجرد عصافير لسيادة رئيس النادي الفرقع لوز ... و كل عصفور مكانه محجوز و محجوز

لا فيه احترافية ولا فيه احترام لاي طلب له ولا علاقة له برئيس النادي الشبح .... الا عن طريق واحد واتنين وثلاثة .. واحد منهم وش الكوز والتاني شكرا يا اراجوز ... والثالث مسمينه في النادي الراجل كشكليوز ... يعني بالترجمة شغال كل حاجة وهو عضو مجلس ادارة سحلوف او  سحلوز ... لكنه اسوء من خالتي بمبة ام نووز

 
يونافسكي اتخانق خناقة من حوالي شهر وقال عايز مساعد مدرب من ابناء جلدتي .. قالوا له .. ( نو نو .. امبوسيبل كوتش ... )  طيب عايز مترجم بيفهم .... برضه قالوا له ... ( نو نو ... امبوسيبل كوتش ... ) ... ولقي ان كلامه بينفذ بالعكس تماما ... قالواله برضه ( اتس نوت ااور ميستيك ... بيكوز اوف ترانسليشن ) ... راح وهو في منتهي الغضب الي سعادة شكرا يا اراجوز ... واعطاهم له فرادي وبالجوز الجوز وعلي رؤوس الاشهاد ... سعادة الاراجوز لم يرد ولا بكلمه .. لانه كان مشغول في الكلام اللي حينقل الي الفرقع لوز الكبير  
ويونافسكي علي رفعه ده ... وسفيف خالص .. صوته عالي...  وقال كلام لايجوز في نادي يحكمه سعادة الفرقع لوز... ولخص كل الاخطاء والتقصير من الادارة... في كلمات يعاقب عليها القانون ... وتترجم في الافلام الاجنبية تحت اسم : تبا لك ... او اللعنة ..... وهي غير كده خالص  ... ومن ضمن ما قاله : اوول هييير  فاكين سينس .!!!!!!!

 يا نهار اسود هي حصلت يقول فاكين سينس ... مع ان شكرا اراجوز ما يعرفشي يعني ايه سينس

  
شكرا يا اراجوز .... نقل اللي قاله حرف حرف الي سعادة الفرقع لوز ... وترجم له بشكل مباشر – دون ترجمة الافلام الامريكي ..... سعادة الفرقع لوز ... رد بكلام  اسوء من الترجمة او غير الترجمة ... ونوي نيه سودة لسيدومير يونفسكوز

 
الاخ يونافسكي ماضي مع الفرقع لوز 6 اشهر  يجدد تلقائيا الي عام مقبل ويستحق 2 شهرين لو تم اقالته كشرط جزائي  في خلال العام المقبل ... ولم يتطرق العقد الي اي شرط جزائي لو تمت الاقالة خلال الستة اشهر الاولي ... يبقي يطبق عليه الشرط العام وهو استلام باقي الستة اشهر من ايام السني ... علي رأي الفنانة فيروز  .... شوفت الحلاوة والبقلاوة .... يا عزيزي القارئ ... مش قلت لك .. هات كرسي واقعد واطلب شيشة مع هووز وعجمي يا غالي


يونافسكي كده يستحق شهر ابريل ومايو ويونيو.. يعني حوالي 51 الف دولار يعني حوالي مليون جنيه بالتمام و الكمال الشناوي  .. مع انه استلم 17 الف دولار عن  شهرابريل .. لكن لسه نارهم ما بردتش و بهزائم في تعادل و مفيش و لا مرة فوز


يبقي مفيش غير نزهق يونافسكي علشان يرحل لوحده ونغير له من المدربين المعاونين جوز ودول ما لهمشي دية .. ونبقي علي الثالث ... مع انه كان في خطة الزحلقة علي اقرب قشرة موز ... لكنه محبوب من الجماهير ومش عايزين مشاكل ... ونخلي الجوز الجديد هما كل حاجة وتدريب او اتنين .... حيلاقي يونافسكي نفسه .. منبوز منبوز .. وحيترك المسئولية للجوز الخيل وهو متوصيين تمام التمام ... وحيمشي يونافسكي وتصدق في الاخر نظرية سعادة وكلام سعادة  الفرقع لوز اللوز

 
كل ده ... وفين الفريق ومصلحة الفريق والبحث عن الفوز .... كل ده طز فش ... ده مش نادي ولا حتي عزبة ولا حتي عربية كشري بتبيع عدس ورز وورد ..يعني روز  

 ويحيا الفرقع لوز والاراجوز ووش الكوز

 

جديد إس سي
image

اول و ثاني يوم رمضان راحة للفريق

كتب ميدو حسين ... منح الكابتن ايهاب جلال لاعبي الفريق الاول بالنادي الاسماعيلي راحة سلبية من المران اول يومين من شهررمضان المبارك  و كان الفريق قد
image

مران اليوم محاضرة 10 دقائق وغياب الأساسين وإصلاح الأخطاء

خاض فريق الكرة الأول بالإسماعيلى مرانه الصباحى منذ قليل، خلال فترة التوقف الحالية ضمن برنامج الاعداد لإستئناف منافسات مسابقة الدورى المحلى حيث بدأ المران الذى
image

إلبوب يضع خريطة الانقاذ بعد الانتفاضة امام المصري

عقد إيهاب جلال المدير الفني للنادى الإسماعيلى مع جهازه المعاون بالكامل أخطرهم خلالها بخطة المرحلة خلال فترة توقف الدوري ضمن خريطة إنقاذ الدراويش من الهبوط،
image

مارسيلو يبدأ تنفيذ البرنامج التأهيلى للتعافى من الاصابة

بدأ حسين السيد مارسيلو لاعب طلائع الجيش المعار للنادى الإسماعيلى تنفيذ برنامجه التأهيلى للتعافى من مزق العضلة الخلفية التى تعرض له في مباراة المصري البورسعيدي
image

الاسماعيلي ... الفزورة

بقلم ا. محمد البشاري ...لماذا فزوره ؟؟ لانه أصبح عصى على حل مشكلته تماما كمانقول دائما على اي مشكله صعبه...هى فزوره!! ولنا ان نتساءل هل الفوز على
image

تنس طاولة السيدات خامس الدورة المجمعة للدوري الممتاز

حصل فريق الاسماعيلي لتنس الطاولة سيدات على المركز الخامس بالدورى الممتاز فى الدورة المجمعه الثانيه المقامه باستاد هيئه قناه السويس بالاسماعيليه
image

طبى الدراويش يوضح تفاصيل إصابة حسين السيد ومدة غيابه

أثبتت الأشعة تعرض حسين السيد ظهير أيسر الإسماعيلى لتمزق حاد فى العضلة الخلفية خلال مشاركته فى لقاء المصرى الأخير والذى على إثره تم استبداله فى الشوط الثانى ،وذلك حسب تصريحات الجهاز الطبى للفريق.
image

مران الدراويش .. مشاركة 19 لاعبا وتدريبات على الاستحواذ

شهد مران الفريق الأول لكرة القدم بالإسماعيلى مشاركة 19 لاعبا فقط ، وذلك فى أعقاب قرار المدير الفنى إيهاب جلال بمنح اللاعبين الذين شاركوا فى لقاء المصرى الأخير وانتهى بانتصار الدراويش راحة لمدة 48 ساعة.
image

اسماعيلي 2001 يتعادل مع بيراميدز ايجايبا

كتب مؤمن مجدي ... تعادل فريق الاسماعيلى  مواليد ٢٠٠١ مع فريق بيراميدز  بهدف لكل فريق فى المباراة التى جمعت الفريقين عصر اليوم على ملعب جامعة
Powered by Vivvo CMS v4.1.5.1