إسماعيلي إس سي - i s m a i l y S C - نحن لا نزرع – الا - الشوك و بس

نحن لا نزرع – الا - الشوك و بس

حجم الخط Decrease font Enlarge font
image

نحن لا نزرع الشوك .. فيلم مصري و من علامات السينما العربية و نحن لا نزرع الا الشوك ... فيلم اسماعلاوي أاصيل و متكرر


نحن لا نزرع – الا - الشوك
و بس


و الله يا زمن ..لا بأيدينا زرعنا الشوك و لا روينا .. يا زمن
و انت يا زمن ..قاسي علينا ... بتبدر الشوك حوالينا .. يا زمن



نحن لا نزرع الشوك




 من إخراج حسين كمال، وبطولة الفنانة القديرة شادية، محمود يس، صلاح قابيل عن الرواية للكاتب يوسف السباعي


اما فيلم نحن لا نزرع الا الشوك ..ده فيلم اسماعلاوي أصيل و بنسبة مية في المية

بطلة الفيلم العربي هي عن شابة اسمها ( سيدة ) تعانى من العذاب والقسوة بعد وفاة والدتها نتيجة معاملة زوجة أبيها، فتعمل خادمة لدى أسرة عباس الذى لا يتورع عن ملاحقتها، وينالها عباس. تهرب من منزله وتلتحق بالعمل لدى أسرة حمدى السمادونى وهى أسرة تعاملها بحب وعطف، تقع سيدة فى هوى حمدى ويتطور الموقف إلى حب، وتعرف أن حمدى الذى أحبته سوف يتزوج فتاة اخرى غيرها، لهذا تقرر الزواج من علام مرغمة، هو بلطجى.... بائع كازوزة، يبدأ فى البحث عن استغلال مصاغها وحليها.. ثم تقاومه، تنجب منه ابنا يصير سلوتها.. يضربها فتهرب منه ومن هذا العذاب،




لتقع فى يد إحدى بائعات الهوى التى تقودها إلى المنازل الخاصة بالدعارة، وهناك تلتقى بحبيبها حمدى الذى يأتى للماخور لأول مرة، لتنتهى الأحداث، بالموت فى أحضانه.. بعد ان فقدت ابنها من عباس.


و في الاخر تغني و تقول

و الله يا زمن .. مكتوب علينا و مين عارف مصيره مين
و اللي انكتب عالجبين بنشوفه بعينينا يا زمن
و الله يا زمن




لكن في فيلم نحن لا نزرع الا الشوك .. البطلة بنت حلوة لابسه أصفر و قلبها اصفر و شعرها أصفر في أصفر .. اسماعلاوية من ساسها الي راسها و نسميها ( سمعلية )

و الكل حواليها اللي هو احنا يا حضرات الفاضل .. مش عارفين نعمل حاجة غير اننا نرمي الشوك حوالين البطلة الحلوة سمعلية

من ايام ما راح المعلم عثمان رحمة الله عليه .. بقينا كلنا عباس و علام بتاع الكازوزة و المعلمة توحة الماظية

و خلينا بقت شوية الموزة ( نرجس ) في بيت سميحة توفيق توحة الماظية و شوية ( سيدة ) الممرضة في بيت اللي يسوي و ما يسواش و منهم الكومي و غيره

و الاسماعلاوية فاتحين صدرهم قوي و بيقولوا احنا بنحب سمعلية و الله بنحب سمعلية

لكن البنت الحلوة سمعلية وشها في الحيط ... و واقفة بتعيط و تقول

لا لينا أهالي يابا يسألوا علينا...ولا قلب حنين واحد في اللي حوالينا

وبنبكي في قلوبنا يابا ولادمعه فعنينا يابا

برضه الاسماعلاوية فاتحين صدرهم لسه و قاعدين يقولوا و يعيدوا ... ابو الحسن حلو و حماد موسي عنده حق ... و الطيب و زايد و الكيلاني

و البنت الحلوة ( سمعلية ) و لا سامعة حاجة من الهلفطة دي و بتعيط و تقول


قالوا ايه عالمر راماكوا قولوا و احكوا عنه
قلنا اللي عالمر رمان اللي امر منه
لو كانوا شاروا علينا من الاول ما كنا جينا
للدنيا و قساها يابا


لسه اللسان الاسماعلاوي شغال زي المدفع الرشاش عن الحب و الانتماء و التضحية و العشق و الزيتون و الليمون

دموع البنت الحلوة ( سمعلية ) .. قافلة ودانها تماما و مش سامعه حاجة من الخرط ده كله ... و لسه بتعيط و تقول

يا ما شوفنا اللي محدش شافه ياما شقينا ياما
و الدنيا بتغصبنا نسلم ... و نبيع الابتسامة
و رضبنا و الا ما رضينا مين يعني اللي داري بينا
لا انت و لا حد يا ابا

كله كلام في كلام و البنت الحلوة ( سمعلية ) .. محدش بيمد ايده لها ..كله حاطط ايده في جيوبه من البرد ايام الشتا ... و بيهش الدبان و الناموس ايام الصيف
عشرين موقع و عشرين سيرفر و عشرين مراسل و عشرميت مدير للمواقع ... و الكل قاعد متطسلتين و بيتكلموا عن الانتماء و البهاء و السماء و البطيخة ام تسعيرة
لكن حد يمد ايده ابدا ..لا .. طز .. فش

صدي بكاء البنت ( سمعلية ) لسه في الجو قاعد يقول


قالوا ايه عالمر راماكوا قولوا و احكوا عنه
قلنا اللي عالمر رمان اللي امر منه

مرة ( المر ) من الكومي و عدس و بصارة و الا من الجندي برعاية المسئول الاكبر و اخيرا و بعد طول انتظار من ابو الحسن الحجوزاتي ... و الاخوة الحسناويين .. المبدأ عنهم هس بس

لو كانوا شاروا علينا من الاول ما كنا جينا
للدنيا و قساها يابا

من الاول كده ( سمعلية ) مش عايزه من حد حاجة .. بس سمعونا سكوتكم اعملوا معروف و كفاية عليها غدر
الاسماعلاوية الكبار المنتفخين بالملايين و الجروبات و الشركات و اخيرا عثمان سينما جروب في مدينة العبور ... و مش عارف ده عبور جديد للسينما




و الله يرحمك يا معلم يا باني خط القناة و قائد التعمير بعد نصر اكتوبر 1973 ... روحت لرب العالمين و انت ايديك و رجليك فيها شقوق من الجبس و الاسمنت و الجير المطفي
يا معلم يا ملك العمران و التعمير

دلوقتي بقي اسمك موجود بجانب اسماء الملظلظة ليلي علوي و تامر حسني و زينة و المسلكنة غادة عبد الرازق و المنتفخة وفاء عامر و الست فتكات رمش العين و كل السيلكون اللي في الدنيا

يا خسارة رجالتك يا اسماعلاوية ... بعد ما كان اسم المعلم الكبير عنوان التعمير و الرياضة و الاسماعيلي ... بقي بيجيب فلوس و يعطيها للغواني و الفاسدين اللي زي خالد يوسف و ايناس الدغيدي ... أخص علي ده زمن ردئ

البنت الحلوة ( سمعلية ) لسه سانده ايديها علي الحيط و بتسمع الصدي جاي من بعيد

لا لينا أهالي يابا يسألوا علينا...ولا قلب حنين واحد في اللي حوالينا
وبنبكي في قلوبنا يابا ولادمعه فعنينا يابا



معلشي يا ( سمعلية ) الكبار الحلوين المقاولين و السياسيين النجباء .. بقوا حلوين و مقطقطين و بالجيل و الصبغة جاهزين
من عند برنامج مصطفي عبده الي ماخور الغندور الي اونلاين شبانة .. محفظين السواق السكة .. سوق يا عبده ورانا انترفيو ... فووووفوووو


و محدش عارف من سواقين البهوات الحلويين ... السكة الي نادي الاسماعيلي .. يا حلاوة يا ولاد

انهم لا يزروعون الا الشوك .. بس و كمان الحنظل و الخوازيق



تصدقوا يا بهوات يا حلويين .. مفيش حد من نسل المعلم- رحمة الله عليه - دخل النادي من ابريل 2005 ... اصلهم مش فاضيين .. مع لبلبة و اسعاد يونس مشغولين بالتوزيع و الايرادات



احنا حلويين ..من برة بس ... و عندنا موقع و بنصرف عليه من عائد اللحم الابيض المتوسط و كلمني شكر و رسائل بحر و موزز الوان طبيعية و المؤخرات قبل المقدمات

زمن.. حقيق زمن ... لها حق – سيدة - تقول

و الله يا زمن ..لا بأيدينا زرعنا الشوك و لا روينا .. يا زمن
و انت يا زمن ..قاسي علينا ... بتبدر الشوك حوالينا .. يا زمن

و لها حق – ( سمعلية ) – تغني و تولول زيها .. مش من غدر الزمان .. لكن من غدر الصحاب

و اللي اكتب عالجبين ... بنشوف بعينيا .. و الله يا زمن
................................
لمتابعة التوبك و تحميل الاغاني

جديد إس سي
image

الاسماعيلى يواصل تدريباته ، واختبارات بدنية للفريق

اصل فريق كرة القدم الاول بالنادى الاسماعيلى تدريباته اليومية استعدادا لانطلاق المنافسات الرسمية . بدأ المران بمحاضرة من المدير الفنى ” ديديه جوميز ” حث فيها
image

تحسن حالة لاعب الإسماعيلى المصاب بكورونا بالعزل المنزلى

تحسنت حالة لاعب الإسماعيلى المصاب بكورونا بعد دخوله العزل المنزلى وتناوله الأدوية الطبية الموجودة فى بروتوكول اللجنة الطبية باتحاد الكرة، فلم يعد يشعر بأى أعراض
image

حرم جوميز تصل القاهرة بعد فتح حركة الطيران

وصلت زوجة الفرنسى ديديه جوميز، المدير الفنى للإسماعيلى، إلى القاهرة قادمة من المغرب لتقيم مع زوجها فى الإسماعيلية عقب قرار إلغاء تعليق رحلات الطيران، حيث
image

المران الصباحى .. استمرار التدريبات البدنية الشاقة

خاض لاعبو فريق الكرة الأول بالإسماعيلى مرانهم الصباحى ، وذلك ضمن قرار الجهاز الفنى برفع الحمل التدريبى تحضيرا لاستئناف المنافسات بشكل رسمى.وكان الفريق بعيدا عن
image

المسحة الطبية الثانية اليوم للفريق

من المقرر ان تجري اجراءات المسحة الطبية للاعبي فريق الاسماعيلي و ايضا عمل  قياسات بدنية لجميع اثلاعبي الفريق و سيتم عمل المسحة الطبية الثانية و بعد
image

الاسماعيلي يواصل المران تحت حمل بدني مركز

خاض لاعبو فريق الكرة الأول بالإسماعيلى مرانهم الصباحى و المسائي في خطة الجهاز الفني في رفع الحمل التدريبى بعد راحة مطولة للفريق و اللاعبين
image

انتظار جدول الدوري لترتيب جدول اعداد الفريق

مدرب الإسماعيلي : ننتظر جدول الدوري لتحديد الوديات ينتظر الإسماعيلي إعلان جدول مباريات الدوري المصري بعد استئنافه بشكل رسمي، وذلك لتحديد الوديات التي سيخوضها الفريق قبيل
image

كل الطرق تؤدي الي إلغاء الموسم الحالي

ما من شك ان قرار الدولة بعودة المنافسات الرياضية .. هو قرار يتناسب مع الرغبة الحكومية في عودة نواحي الحياة الطبيعية في مواجهة تفشي فيروس كورونا او التعايش معه بطريقة احترازيه .. و لكن تفاصيل عودة المنافسات الرياضية هي مهمة كل اتحاد رياضي من وضع اللائحة التنفيذية من اجل عودة النشاط بشكل مهني محترف تتناسب مع رغبة الدولة و لكن التفاصيل هي مهمة كل اتحاد رياضي
image

عودة الفريق الي المران

   انطلق منذ قليل أول مران لفريق الكرة الأول بالإسماعيلى بمقر النادى ،وذلك بعد غياب ما يزيد عن المائة يوم بسبب “جائحة” كورونا.وقام الجهاز الإداري مؤخراً
image

اجراءات احترازية مشددة قبل انطلاق مران الإسماعيلى

يحرص مجلس إدارة الإسماعيلى برئاسة المهندس إبراهيم عثمان على تطبيق الاجراءات الاحترازية بشكل مشدد قبل انطلاق المران الأول للفريق وذلك من حيث تعقيم الكرات المستخدمة في المران، وجميع الأدوات المستخدمة وكذلك تعقيم الملعب منعًا لانتقال العدوى.
Powered by Vivvo CMS v4.1.5.1