إسماعيلي إس سي - i s m a i l y S C - أشاراتك يا شيخ بركات !

أشاراتك يا شيخ بركات !

حجم الخط Decrease font Enlarge font
image

د. اكرام نسيم .. لماذا كل هذا اللغط على ما فعله النجم الزئبقى بركات .. اليس هو بركات بتاع الحركات ؟


خلاص دى واحده من الحركات

وبعدين الراجل قلع الفانله بعدها

يعنى أسكتش مركب لاسعاد كل النوعيات من جماهير الزمالك والاهلى

فى ناس ركزت مع خلع الفانله ودول طبعا جمهور الاهلى ومحبيه

وفى ناس مركزه مع صوابعه ودول جماهير الزمالك وعشاقه

يعنى وجبه حركات دسمه بعد مباراه عامره بالاهداف من قطبى الكره المصريه واسيادها

يا اخوانا الاهلى والزمالك هما مصر وشعب مصر والباقى دول ناس عاديه لسه مش لاقين لهم اسم يناسبهم

وبعدين علشان الناس تعرف , الموضوع اساسا ازواق وبيقى باين على الشخص ميوله من غير كلام

فمثلا علاء صادق ومدحت شلبى كانوا من مؤيدى اشارات بركات وبيطالبوا الحكومه انه يبقى الاشاره الرسميه للحزب الوطنى زى اشاره النازى ايام هتلر , وفيه مدارس اجنبيه طلبت بركات ييجى يعلم الطلاب الحركه علشان يعملوها فى طابور الصباح ,رفض , ليه لانه اهلاوى ووطنى وقال لما احفظها لقطاع الناشئين فى الاهلى الأول واعممها فى كل مدرارس الحكومه أبقى اعلمها لبتوع الاميركان دبلومه , بلادى اولى بحركاتى وعرف يتزبلق منهم امال ايه زئبقى ومحدش يقدر يمسك عليه حاجه وكمان الاهلى بمبادئه وقيمه وحنان مدحت شلبى وقف معاه وقفه راجل شفتوا بقى المرجله وكمان المخرج العظيم محمد نصر بيقول لو الاشاره كان فيها حاجه كان هو أول واحد حس بيها فى الكاميرا قبل ما يحس بيها اى حد وهو قبل كده حس بحجات كتير محدش غيره قدر يحس بيها .
وكمان الرجل حلف ,هيعمل ايه تانى وانتوا عرفين ان الحلفان على الهوا احسن من شهاده الشهود ويساوى شهاده هلاوى أو اثنين زمالكاويه او عشره اقاليم امام لجنه الأنضباط وطبعا رئيس لجنه الانضباط عارف كده كويس وعارف ان محدش من ابناء القلعه الحمراء بيخدش الحياء العام والا ما كنش ودى ابنه الصغير هناك ولاعبه فى الاهلى مع لاعيبه كبار ممكن يبوظوا اخلاقوا , يعنى الراجل اعطى المثل بنفسه ومش ممكن يضحى بسمعه ابنه الصغير ويتقال ان ابن عامر حسين بيلعب لاموأخذه مع لاعيبه كده وكده .
وحيث ان البلد يا اهلى يا زمالك أقصد يا اشارات بالأيد يا قلع فانلات والباقى مفروض ميدخلش نفسه فى القصه دى لانه لو كان له راى هيبقى شكله وحش واوحش من الأتنين بكتير , فمن الافضل الا نعير الموضوع اهتماما وخلينا احنا فى فقرنا الدكر ( هو أسمه كده مش قباحه ) بدل ما يسيبوا الموضوع ويمسكوا فينا , خاصه ان اليومين دول بيقفشوا المعارضه واحنا خلاص لبست فينا حكايه المعارضه من ساعه الدراويش ما بقيوا ضد الاداره , يعنى لو الاداره حبت تقرص علينا شويه هى مكالمه للحزب ولا للمحافظ يجيوا يشيلوا الاسماعلاويه من بيوتهم , اه مش معارضه يعنى ضد البلد واستقرار البلد وكمان بيعترضوا على اشاره الخلوق بركات اللى اسمه وحده يديلو برأه لوحده وفعله يساويه بالخلوق ابراهيم وحسام وشيكابالا وان كان الثانى يتفوق عليه بنسبه الاهداف , هنروح فين احنا وسط الورعين دول وكمان القديس ابوتريكه لو اتكلم وقال شفت فى المنام بركات لابس احمر فى احمر وحوليه الكباتن ريشه ومحمد حسام وسمير عثمان والحج الكبير والده اللى كان قاعد فى مقام كبير ومعاه طيب الذكر المرحوم الزنكالونى وكل الناس الحلوه دى والمدرجات كانت مليانه ناس من الورعين دول ايش عاطف عبيد وايش ابراهيم سليمان ساعتها حد يقدر يتكلم ولا يفتح بقه ده احتمال يعملوا له مقام جنب البرج فى الجباليه ولا بلاش البرج لحسن الزمالكاويه يقولوا ان ده فيه ايحائات واشارات معماريه بزيئه.
اخيرا مبروك للاهلى المركز الاول والزمالك عودته لمركزه المفضل ووداعا للفرق الغلابه وتحيه من القلب للزئبقى بركات وكل من سانده ووقف معه فى محنته التى ربما هى ابتلاء حسن له ستعوضه السماء عليها بدرع الدورى وربما افضل لاعب هذا العام لهدفه المؤثر فى لقاء القمه .
ولكم منى الف تحيه ولبراكوتا ومحبيه ميت شوبش
 وألف ما شاء الله .
جديد إس سي
image

اسماعيلي 2006 يتفوق على سموحة بدورة المجمعة

كتب مؤمن مجدي ...فاز فريق الاسماعيلى مواليد ٢٠٠٦ على فريق سموحة بهدف نظيف فى المباراة التى جمعت الفريقين عصر اليوم على ملعب جامعة قناة السويس
image

اول و ثاني يوم رمضان راحة للفريق

كتب ميدو حسين ... منح الكابتن ايهاب جلال لاعبي الفريق الاول بالنادي الاسماعيلي راحة سلبية من المران اول يومين من شهررمضان المبارك  و كان الفريق قد
image

مران اليوم محاضرة 10 دقائق وغياب الأساسين وإصلاح الأخطاء

خاض فريق الكرة الأول بالإسماعيلى مرانه الصباحى منذ قليل، خلال فترة التوقف الحالية ضمن برنامج الاعداد لإستئناف منافسات مسابقة الدورى المحلى حيث بدأ المران الذى
image

إلبوب يضع خريطة الانقاذ بعد الانتفاضة امام المصري

عقد إيهاب جلال المدير الفني للنادى الإسماعيلى مع جهازه المعاون بالكامل أخطرهم خلالها بخطة المرحلة خلال فترة توقف الدوري ضمن خريطة إنقاذ الدراويش من الهبوط،
image

مارسيلو يبدأ تنفيذ البرنامج التأهيلى للتعافى من الاصابة

بدأ حسين السيد مارسيلو لاعب طلائع الجيش المعار للنادى الإسماعيلى تنفيذ برنامجه التأهيلى للتعافى من مزق العضلة الخلفية التى تعرض له في مباراة المصري البورسعيدي
image

الاسماعيلي ... الفزورة

بقلم ا. محمد البشاري ...لماذا فزوره ؟؟ لانه أصبح عصى على حل مشكلته تماما كمانقول دائما على اي مشكله صعبه...هى فزوره!! ولنا ان نتساءل هل الفوز على
image

تنس طاولة السيدات خامس الدورة المجمعة للدوري الممتاز

حصل فريق الاسماعيلي لتنس الطاولة سيدات على المركز الخامس بالدورى الممتاز فى الدورة المجمعه الثانيه المقامه باستاد هيئه قناه السويس بالاسماعيليه
image

طبى الدراويش يوضح تفاصيل إصابة حسين السيد ومدة غيابه

أثبتت الأشعة تعرض حسين السيد ظهير أيسر الإسماعيلى لتمزق حاد فى العضلة الخلفية خلال مشاركته فى لقاء المصرى الأخير والذى على إثره تم استبداله فى الشوط الثانى ،وذلك حسب تصريحات الجهاز الطبى للفريق.
image

مران الدراويش .. مشاركة 19 لاعبا وتدريبات على الاستحواذ

شهد مران الفريق الأول لكرة القدم بالإسماعيلى مشاركة 19 لاعبا فقط ، وذلك فى أعقاب قرار المدير الفنى إيهاب جلال بمنح اللاعبين الذين شاركوا فى لقاء المصرى الأخير وانتهى بانتصار الدراويش راحة لمدة 48 ساعة.
Powered by Vivvo CMS v4.1.5.1